بارك الله فيك يا أخى الكريم ... لا حاجة لك للاعتذار اخى الفاضل فانا أفهم وجهة نظرك من البداية .... وهى جديرة بالتفكير بشأن أى كلام يقال بشأن التسريبات قبل المراجعات الرسمية ...المشاركة الأصلية كتبت بواسطة Phenomenon
استمحيك عزرا لكن انا مقصدشي وجهة نظرك الشخصيه في الموقع و طبعا لك كامل الحريه ماكنتش اقصدك في لهجتي ابدا
لكن انا اقصد ان الخبر ده تحديدا نتيجته سلبيه مش ايجابيه
اي فان متعلق باللون الاحمر هيكون معجب
لكن اي فان متعلق باللون الازرق كان بدا يغير وجهة نظره او فكرته ويفكر بشكل مختلف تجاه AMD هيقف و يرجع في كلامه و يقول هستنى اشوف الاداء عامل ازاي
كل مواقع الاخبار و التوقعات بتقول بص للمعالج على قد سعره مش على قد قوة نواته لان العكس هو اللي بنى فكره غلط من الاساس عند ناس كتير ودمر سمعة الشركه
يعني انا بكره لما اشوف نواة AMD أقل في الأداء من نواة Intel و دي هتحصل واكيده بفارق عدد إطارات هرد على نفسي و هقول " و الله ممتاز على قد سعره انا هشيل "
لكن لما تيجي تقولي خدبالك احسن تلاقي النتائج بكره اقل فقول لنفسك فورا دي مراجعه كذابه وقتها هرد على مبدع الخبر الجهنمي هقوله لا انت الكذاب
لانه خبر مالوش معنى و صحافه مجرده من الاخلاق تاخد من ده ولتزق خبر لده و تقولك مصدره هناك وتخليك عمال تلف عشان مش تجيب غلط على نفسها
لان مش كل مواقع الهاردوير هتبقى متفقه و منافقه و لا يهمها مين يفوز لانها لا تتربح من شركات الهاردوير بل من مصداقيتها مع الاعضاء و العملاء
في الوقت ده انا بدأت أعاند واقول لنفسي اما استنى اشوف قوة النواه و لو تفاجئت بكره ان النواه ادائها اقل هقول لنفسي ايوه ماهو ده المتوقع وعشان كده رخصوا السعر
وعملوا امبارح بروباجندا عشان يدافعوا عن نفسهم على حساب تشويهه انتل بانها بترشي مواقع الهاردوير و مواقع الهاردوير كلها بقت مرتشيه
الفكره مش في ان الاداء هيكون عالي او قليل و لكن الفكره المعالج ابو كام شكله عامل ازاي و في النقطه دي AMD هتتفوق اكيد لكن خبر زي ده هيخلي nerds كتير
كانوا بدأوا يحولوا نظرتهم للتفكير بمدأ السعر مقابل الأداء للعاده الأبديه Better Performance Per Clock/Core
بتاسفلك مره تانيه اخي العزيز انا ماكنتش اقصد وجهة نظرك ولكن تعليق على محرر الخبر نفسه
على كل حال المهم ان AMD Fans يكونوا سعداء حتى لو الخبر ده هيكون في سعادتهم
صراحة أخى الكريم أنا سعيد جدا بالمناقشات الىى تثرى الموضوع ... خاصة والمنتدى يفتقد مثل هذه الاأشياء منذ زمن بعيد .....
فشكرا لك أخى الكريم واخوانا الكرام على مشاركاتهم الجميلة ......
رد مع اقتباس
المفضلات