السلام عليكم ورحمة الله وبركاته
اهلا شباب

كان عندى استفسارات ومحتاج تجاربكم للافاده

انا عندى كارت شاشه GTX 1070 G1 Gaming وبستخدم برنامج EXTREME GAMING ENGINE الخاص بجيجا بايت ودايما مفتوح مع الاستارت اب للويندوز
المهم عملت تشك لابديت البايوس للكارت من خلاله طلعلى ان فيه اصدار جديد للبايوس F11 متاح للتحميل
والاضافات بتاعته كالتالى بالصوره




فعادى اعمل ابديت من خلال البرنامج ولا فيه احتياطات واجبه قبل عمليه تحديث البايوس ؟


وفيه مشكله غريبه بخصوص المروحه للكارت والتنبيه الخاص بيها من خلال تنبيه الفان استوب اللى بينور لما تكون المروحه واقفه المفترض ويطفى لما تشتغل زى اللى فى الصوره التاليه




المفروض دا يكون منور لما المروحه تكون واقفه ويطفى لما المروحه تشتغل والتنبيه دا مهم جدا بالنسبه ليا ومن اساسيات اختيارى للكارت دا بالاخص هوه وتنبيه لمبه الباور صبلاى لو فيه مشكله مع الكارت

عندى الخاصيه دى بتفضل منوره حتى لو المروحه بتلف لحد 16% ويبدا يطفى لما المروحه توصل ل 20% فيما فوق فى وقت اللعب
الغريب لو فتحت برنامج GPU-Z فى الوقت العادى من غير مكون عامل ضغط على الكارت فى الالعاب وفتحت صفحه سنسور المروحه اول مفتحها يروح طافى ويبدا يعرف ان المروحه بتلف فعلا تحس كان البرنامج بيفكر الكارت انه فيه مروحه شغاله فاقفل التنبيه :D

ولذلك فكرت انى احدث البايوس للكارت وايضا تحديث لبرنامج EXTREME GAMING ENGINE يمكن فيها بجات مش مخليه الخاصيه دى تشتغل بشكل حساس وبدقه .. لان الطبيعى واللى انا عايزه ان التنبيه دا مينورش الا لو المروحه واقفه تماما ويقفل التنبيه لو المروحه اشتغلت ولو 1% فقط

فمنتظر اى معلومات من تجاربكم السابق وخبرتكم

تحيتى