اريد ان اشتري بوره لryzen بس هناك العديد من الشركات المصنعه واسعارهها متفاوته حتي اذا كانت نفس الشريحه
فهل من الممكن ان اعرف افضل بورده في كل شريحه سواء كانت x370 او b350
هذا الموضوع https://arabhardware.net/forum/showthread.php?t=457070
في رأيي لوحة GIGABYTE AORUS X370 Gaming K7 لوحه ممتازه وبها خصائص فريده عن العديد من اللوحات الأخرى وبجودة تصنيع راقيه جداً في اختيار هاردوير اللوحه
حاول قرائة الموضوع لتتعرف على متطلباتك قبل الشراء
ابحث انا كذلك علي هذه البوردات ولكن الافضل في تشغيل ال VR اتمنى ايضا الإفادة من الخبراء
Sent from my P01V using Tapatalk
Civil Eng . Antony Gamal
شكرا لردك جدا
بس انا مش اقصد امكانيات البورده من منافذ وغيرها بل اقصد عندما اردخل على موقع امازون مثلا بلاقى حجات واخده 4 نجوم وغيرها بس شركه أخره واخده نجوكم أقل بالرغم من انى الى سعرها غالى زي جيجابايت نجومها اقل من MSI مثلا في نفس الشريحه
مثلا فى واحد قالى ابعد عن بوردات Gigabyte ab350 gaming عشان مش بتقدر تأمن البروسيسور فى حاله تغيير الكهرباء بالارتفاع او النقصان وقالى بالظبط بدخله كهربه انا لا اعلم هل الكلام ده منتقى ام لا
عشان كده بسأل المختصين حضرتكم
فممكن بس تقولى في الشريحه x370 البورده كذا تيكون الناس مجربنها وجوده التصنيع عاليه عالميا مثلا وتقولى في الشريحه ab350 الافضل فيها كذا ؟
معلش هتعب حضرتك
اخي الفاضل بغض النظر عن امر النجوم فهي ليست مقياس
تخيل لو كان هناك 10 مشتريين للوحه الأم و احدهما مقتنع جدا بما فيها فيعطيها خمسة نجوم واحدهما كان يتمنى لو وفرت له عدد إضافي من الخصائص فيعطيها اربعه فقط واتثنان منهما
وصلتم اللوحه بعيوب صناعه واحدهما بمشكله في التشغيل بسبب سوء واعمال من قبل شركة الشحن
النجوم ليست مقياس على الاطلاق
عندما يتضح للعالم ان هناك خطأ قاتل في اللوحه الام فيتم وقف انتاج اللوحه الام فورا ثم سحبها من السوق واسترجاع جميع العينات المعيوبه لدى المستخدمين واستبدالها بعد تصليح العيب او
المشكله
عدد النجوم مجرد اراء ووجهات نظر واغلبها تتوقف على عامل السعر ( الاهم من النجوم هو قرائة مراجعات المستخدمين انفسهم المشتريين اسفل صفحات امازون لترى رايهم وما هي المميزات التي وجدوها
و ما هياعيوب التي لم يحبوها
اما الشخص اللي حضرتك اتكلمت معاه عن دائرة البروسيسور اتمنى لو متتكلمشي معاه تاني
كل ما في الامر هو شاف تقنيه جديده في بعض لوحات GIGABYTE بالفئه العليا و هي احتوائها على Thermistor او مقاوم التيار الكهربائي و لكنه لا يوجد في العديد من اللوحات
لهذا السبب اظن انه اعتقد ان اللوحه التي لا تمتلكه اصبحت عاجزه عن حماية المعالج او دائرة المعالج وهذا خاطىء تماماً
الصراحه الثيرمستور في اللوحه الأم بلا ادنى اهميه ومجرد ديكور لكنه وسيلة حمايه اضافيه في حال فشل مزود الطاقه عن الحمايه و لكنه افضل في المزود واعتماده على Rely عشان يكمل
وظيفته طول وقت التشغيل اما بدونه فتنتهي وظيفته تماما بعد مرور التيار للوحه الام
انا معرفشي هو قالك ليه كده اساسا بس اعتقد ان ده السبب " خليك معانا هنا ولا تستنط لاي اقاويل الا التي تخرج من مكان متخصص في اجابة اسئلتك سواء احنا او غيرنا "
انا حسيت فعلا انه اى كلام وخلاص لانى طريقه كلامه غير طريقه كلامه غير طريقه كلمكم هنا فى المنتدى الى دائما يكون مدعوم بالمعلومات والتعليل لكل كلمه تقولونها ...شكرا لحضرتك وانا فعلا مش هكلمه فى الكمبيوتر تانى
Gigabyte GA-AB350-Gaming Socket
Asus PRIME B350-PLUS
MSI B350 TOMAHAWK ARCTIC
ايهما أفضل ؟
تمام كده متكلموش في الكومبيوتر تاني
بخصوص الإختيارات بصراحه صعبه جداً ( شخصيا اميل للوحة GIGABYTE دائماً بسبب التعود فقط )
لكن لوحة ASUS ممتازه ولا غبار عليها
ربما الامر يتطلب معرفة كافة المميزات هنا وهناك و التفضيل بينهم لذلك انتظر نتفصحهم سوياً
شكرا جداااااااااااا وانا في انتظار حضرتك لاني خبرتك اكبر مني طبعا
ssssssssssssssss
GIGABYTE B350 Gaming ASUS B350 PLUS up to 64GB DDR4 3200MHz OC up to 64GB DDR4 3200MHz OC DRAM up to 2160p @60Hz with 7th Gen AMD APU up to 2160p @60Hz with 7th Gen AMD APU Display 2048MiB Maximum Shared Memory 2048MiB Maximum Shared Memory Shared DRAM RealtekRTL8111H GbE LAN chip Realtek RTL8111H GbE LAN chip LAN Card Realtek® ALC887 codec Realtek® ALC887 codec Sound Card 1x M.2 Connector PCIe3 X4 / SATA Slot 1x M.2 Connector PCIe3 X4 / SATA Slot Storage 6x SATA 6Gb/s 6x SATA 6Gb/s Storage² 2 2 USB3.1 Gen2 2x through Internal board 2x through Internal board USB3.1 Gen1 4x through Internal + 2x From Back Panel 4x through Internal + 2x From Back Panel USB2.0 4 4 Fan Num
الواضح انهم بنفس الخصائص المصنعيه بالضبط و مفيش ميزه لواحده عن الاخرى بالمواصفات والدعم المقدم من شريحة AB350 موجود بالكامل لكن بدون زياده
لوحة أسيوس هتكون أفضل في درجة الحراره بفارق بسيط " بالنظر إلى Heatsink الموجود بدائرة المعالج هتلاقي قطعتين في لوحة اسيوس موزعين على جميع دوائر طاقة المعالج
بخلاف لوحة GBT فلم يتم إضافة مشتت تبريد على ثلاثة قنوات الطاقه المتواجدين اعلى المعالج
مش هتفرق كتير اعتقد 2C ~ 4C بالكتير لصالح اسيوس
لوحة GIGABYTE بتوفر 7 قنوات طاقه للمعالج " بالنظر إلى عدد Coils المتواجد بدائرة المعالج هتلاقيهم 7 أما لوحة اسيوس 6 فقط و دي نقطه لصالح لوحة GIGABYTE في التبريد
مشهتفرق كتير من 3C ~ 6C وقت الضغط التقيل لصالح جيجابايت
منفذ 8pin cpu 12v مكانه سيء جدا في لوحة اسيوس وهيحتاج مجهود وقت الفك و التركيب بخلاف لوحه جيجابايت تقدر تفك و تركبه براحتك
مشتت تبريد دائرة المعالج في لوحة اسيوس اكبر في الحجم و شكله اجمل من Heatsink اللي ضايفاها جيجابايت على دائرة المعالج
لوحة ASUS بتضيف منفذ M.2 أعلى منفذ PCIe X16 وبكده كارت الشاشه مش هيأثر على درجة حرارة المنفذ ده عشان لو حبيت تشتري هارد M.2
بخلاف لوحة GIGABYTE المنفذ متواجد اسفل منفذ PCIe X16 و بالتالي درجة حرارته هتتأثر بشكل بسيط جداً يمكن أعلى 2C ~ 3C من حرارة كارت الشاشه
كمان مش هتقدر تفك الهارد في لوحة GIGABYTE إلا لو فكيت كارت الشاشه الأول لكن دي نقطه لصالح ASUS انك تقدر تفك وتركب هارد M.2 بدون ازالة كارت الشاشه نفسه
منافذ SATA 6Gb/s موزعين بشكل افضل في لوحة GIGABYTE بخلاف لوحة ASUS هتلاقي فيها اربعة منافذ بجانب بغض بنفس الواجهه و لو ركبت هنا اربعة هاردات مفيش
اي مشاكل لكن الكابلات هتكون مذدحمه جداً في المنطقه دي فالأفضل توزعهم اتنين واتنين لكن وقت تركيب 6 هاردات انت متضطر على زحمة الكابلات
و دي نقطه لصالح GIGABYTE
لوحة ASUS فيها منفذين PCIe X16 لكروت الشاشه ومنفذين PCIe X1 لكروت اللان او الصوت و منفذين PCI Legacy لم يعد لهم حاجه ولكن ماذال بعض كروت
الانترنت او التلفاز او الصوت اللي بتيجي PCI Legacy او متواجدين عند بعضنا و هنا عدد منافذ الطرفيات نقطه لصالح اسيوس
مشتتات التبريد اعلى الشيبايه تقريبا حجمهم واحد المرسوم عليهم لوجو كل شركه فاعتقد ان الشيبايه هتكون بنفس الحراره
لوحة ASUS مصروف عليها اكتر وشكلها اجمل وشخصيا افضل ASUS B350 PLUS و العيب الوحيد مكان منفذ CPU 8pin وكأنه جاهز انك تنقله الكابل من اعلى الرامات عشان
خاطر كابلات مزود الطاقه لو كانت قصيره لكن حاليا الكابل ده بيمر من ورا ظهر اللوحه نفسها وكده هتحتاج تلف ايديك او تتصرف عشان تفك الكابل او تركبه
مش مشكله كبيره
في رأيي اللوحتين بنفس الجوده بالضبط و ممكن تختار اللوحه اللي انت شايفها مناسبه اكتر ليك
للاسف مفيش مميزات بتميز واحده عن الاخرى كمنافذ USB / SATA / M.2 إضافيه او اي شيء مخصص لكسر السرعه السريع بس اعتقد ام لوحات شيباية 350 غير مجهزه لكسر السرعه
و من الافضل عدم الكسر على اي لوحه AB350
اشتري الافضل بالنسبالك لكن الافضل لوحة ASUS من كلاهما
لوحة MSI TOMAHAWK هتكون قريبه جداً في المواصفات والمميزات بس افضل تخليك مع لوحة اسيوس والقرار الاخير لك
شكرا جدا والله مجهود عظيم جدااا ويااارب يجزيك كل خير علي مساعدتك
يعني حضرتك شايف اني لوحه asusهي الافضل انا لقيت ثمنها 3200 جنيه
في حين اني لقيت MSI X370 GAMING PRO CARBON بسعر 4050 جنيه فقط يعني الفرق 850 جنيه وهدخل في شريحه أعلى فهل البورده دي كويسه بالمقارنه بغيرها في الشريحه x370
بالاضافه اني دخلت محل وطلبت لوحه msi, بس مكنتش لسه نزلت السوق قالي خد جيجا بايت هي الافضل وكان بيقول انها الافضل عشان ضمنها موجود وكويس قالي لكن بقيه الشركات مين هيصلحلك البورده لو حصل فيها حاجه... هل الكلام ده صح
بوجهه عام ضمان جيجابايت تقريبا افضل ضمان ودعم داخل مصر لكن غالباً انت مش هتحتاج للضمان الا لو الحظ سيء
انا شايف ان لوحة اسيوس ممتازه لكن مفيش مانع اختار لوحة جيجا بايت وتحديدا بسبب تفضيل البراند والتعود عليه
اي لوحه ليها ضمان تلات سنوات خلال الفتره دي الشركه والوكيل المطبوع على اسم اللوحه مسؤولين عن الصيانه او الاستبدال اذا ظهر عيب مصنعي
طالما مفيش نيه لكسر السرعه فكمل مع لوحه من شريحة AB350
ضوابط المشاركة
رد مع اقتباس
المفضلات