مشكله في حراره الهارد ومشكله في عدم قبول البورده لتركيب هارد اخر

**amr010** · 31-07-2017, 07:52

السلام عليكم انا عندي هارد اتنين تيرا بلاك حرارته بترتفع بغباء بتعدي ال 50 هل دا طبيعي مع العلم ان سعات مش بكون بعمل لود عليه او بعمل منه كوبي لهارد اخر فقط !! مع العالم الكيسه فيها مروحتين اماميتين تقوم بادخال الهواء ومروحه من الجنب تقوم بادخال الهواء ومرووحتين في الاعلي تقوم باخراج العادم او تقوم باخراج الهواء الساخن ومع ذالك حراره الهارد مرتفعه بطريقه مش طبيعيه !! هل دا طبيعي وما هي الحراره الطبيعيه للهارد دسك البلاك

المشكله التانيه وهي مشكله هتجنني

من اول ما جبت البورده وهي نوعها z170 d3h وهي بتعمل حاله تشجن للهاردات وبعد بحث طويل نزلت تعريف Intel(R) 100 Series/C230 Chipset Family SATA AHCI Controller
من موقع البورده ومبقتش تعمل كدا وركبت هارد ssd مع الهارد البلاك . لكن المفاجئه جاي اركب هارد جرين 2 تيرا لقيت نفس المشكله ظهرت تاني والهارد حصلو تشنج وتهنيج وخلاص كان هيبوظ من كتر منا فصلت الكهربا بس الحمد لله شغلتو علي بورده قديمه g41 ونقلت عليه بيانات كا نسخه احتياطيه مع اني كنت عاوز استخدمه انا هتجنن من المشكله دي
انا شاكك ان العيب من منافذ الساتا او عيب في ضبط البيوس بالنسبه لحراره الهارد و التشنج اللي بيحصل في الهارد الجرين ياريت الافاده

**phenomenon** · 31-07-2017, 13:34

وعليكم السلام ورحمة الله

اعتقد ان درجة الحراره طبيعيه جدا و لكن لو امكن اسم طراز الهارد بالتحديد للبحث عن مواصفاته الموصى بها

بخصوص المشكله الثانيه

حضرتك معاك هارد SSD و ده هيكون راكب في منفذ SATA 0 و الهارد الثاني 2TB Black راكب في منفذ SATA 1 تمام كده ؟

هتركب هارد 2TB Green في منفذ SATA 2

هتدخل على البيوس في اوامر ضبط SATA / في اوامر ضبط منفذ SATA2 و هتعطي تفعيل Enable Hot Plug للمنفذ و شوف النتيجه

**amr010** · 31-07-2017, 14:20

شكرا علي ردك وبالنسبه للهارد اسمو Western Digital WDC WD2003FZEX-00Z4SA0 وبالنسبه للهارد الجرين هيتم التجربه والرد علي حضرتك

**amr010** · 31-07-2017, 14:28

وبالنسبه للمنافذ انا فعلا موصل ال ssd في المنفذ 0 والهارد البلاك في المنفذ 1 والجرين في المنفذ 2 بس سؤال معلش افعل Hot Plug للهارد البلاك كمان ولا الجرين بس وشكرا

**phenomenon** · 31-07-2017, 15:41

بالنسبه لدرجة الحراره فالموصى به حتى 55C

طالما درجة الحراره 50C تبقى معقوله و لكن تأكد من نظام التبريد و تسريع عمل المراوح و الضغط في فترات الليل او لو تقدر توفر مروحة مكتب
و توجهها امام الهاردات هتساعدك جدا طول الوقت خصوصا في النهار

مش شرط تفعيل Hot Plug لجميع الهاردات الاضافيه

عاوزين بس نعرف هل مشكلة بطىء الاداء و التهنيج اللي حضرتك وصفتها هتختفي بعد تفعيل الأمر للهارد الثالث ام لا

**amr010** · 01-08-2017, 00:34

تم تفعيل Hot Plug للهارد الجرين وبرضو في تشنجات ولاج بس في حاجه بتحصل معايا لما مثلا بنزل اخر تعريف Intel(R) 100 Series/C230 Chipset Family SATA AHCI Controller ممكن ميشتغلش معايا كويس ويعمل لاج علي جميع الهاردات ال ssd والبلاك وبضطر ارجع للتعريف القديم تاني دي ملحوظه ممكن تنفع في تشخيص الحاله الغريبه دي
بالنسبه لموضوع التهويه انا مهوي الكيسه جدا مغ لبعبم انها فول تاور كمان وبرضو الحراره مرتفعه ياريت الافاده وشكرا لرد حضرتك

**phenomenon** · 01-08-2017, 01:39

طيب المشكله حضرتك مشخصتش المشكله بالضبط من البدايه

لكن لعل و عسى هي مشكله متعلقه بخطة تنظيم الطاقه من نظام الويندوز أو طريقة ضبطك ليها

مفيش داعي من حذف التعريف و تثبيته مرات متكرره

فقط كتجربه اضبط الجهاز على وضع High Performance بدلاً من Balanced لفتره وجيزه و شوف اداء الجهاز ايه في وجود الثلاثة هاردات

مشكلة الحراره شائعه و هي ليست مشكله وإنما فتره مؤقته بسبب الجو الصعب اللي بنعيشه اليومين دول

50C شيء طبيعي في الضغط لهارد بلاك بما انه بيستهلك طاقه مرتفعه عن باقي الطرازات الاخرى بالرغم انها بتكون قريبه جدا منها لو زادت فترة الضغط و لكن معدل استهلاكها

القليل بيخدمها تفضل في رنج 4XC مهما زادت حالة الضغط

**amr010** · 01-08-2017, 15:50

للاسف الحل دا لم ينفع هل يوجد اي حل اخر للمشكله دي بتاعت تعليق الهارد

**abdalhaliem** · 01-08-2017, 18:32

أهلا أستاذ عمر

كان يوجد نقاش قديم بينى وبينك

بخصوص تعاريف الساتا

كيف حالك أخى الكريم

لعلك بخير

لن أدخل معك بنقاش حول جدوى تلك التعاريف

لكن ألم تسأل نفسك سؤال ؟؟؟

لماذا يحدث هذا معك فقط

ونحن يوميا نتعامل مع أجهزه حديثه وقديمه على حد سواء

ولاتوجد مشكله حتى بهذا المعنى

ماهو نوع الويندوز لديك

أذا كنت تريد تجربه حلول أخرى

فلتقم بعمل كلير لبيوس البورده

Clearing the CMOS

وذلك لتلافى أخطاء قد تكون قمت بها بدون قصد

فاللوحه التى تملكها جيده ( z170 ) وحديثه

وحاول تنظيف الكيس من الأتربه

فهى تسبب أرتفاع درجه الحراره

وراعى التهويه الجيده للكيس

وبالنسبه لدرجه حراره الهارد التى تقلقك

فكما ذكر لك الأستاذ phenomenon

القصه ليست مخيفه

وأن كان من المستحب أن تحاول خفض درجه حرارته

كما ذكرنا أعلاه بالنظافه والتهويه الجيده

وأيضا توجد مراوح خاصه بالهارد ويتم تريبها من الناحيه الخلفيه للهارد

لأن المطلوب تبريد بورده الهارد وليس سطحه المعدنى !

المهم بعد التنظيف الجيد وعمل

Clearing the CMOS

قم بتثبيت نسخه ويندوز جديده وأنصحك

Windows 10 Pro 64

v1703

قم بالأمر وكأنك تقوم بصيانه لجهازك

وقم أيضا بتنظيف بنوك الرام وشقوق ال pci

وثم بتنظيف سنون الرام النحاسيه

وأستخدم بنزين أبيض وفرشاه أسنان جديده

بأنتظارك

تحياتى

**amr010** · 01-08-2017, 22:27

استاذ عبد الحليم فعلا اتذكر دا كويس وكنت اظن اني حليت المشكله بالطريقه دي بالتعاريف بس المشكله اتجددت مع تركيب هارد اخر !!!! دا اولا

وبالنسبه للبيوس انا محدث البيوث لاخر اصدار f22a من صفحه البورده وعملت استعاده للاعدادت الافتراضيه وكما ذكرت ان المشكله من ساعه ما جبت الجهاز
بس اتحلت جزائيا بالتعريف لحد ما حبيبت اركب هارد اخر

بالنسبه للويندوز انا مثبت ويندوز 10 الاصدار الاخير بالفعل يا استاذ عبد الحليم انا مخلتش حاجه معملتهاش بجد مشكله محيره جدا ومش عارف احدد العيب فين بالظبط

وبالنسبه لمشكله الحراره انا فعلا منضف الكيسه والكيسه فيها خمس مراوح لادخال واخراج الهواء كما ذكرت و باذن الله هقوم بشراء المروحه دي بس في ناس بتقول انها بتاثر علي الهارد من الاهتزاز هل دا صحيح وشكرا لك اخي عبد الحليم

**abdalhaliem** · 01-08-2017, 23:45

شاكر لك أخى الكريم طيب كلماتك

لاتوجد مشكله أطلاقاا

من تلك المراوح ولن تسمه لها صوتاا حتى

لأنها لاتعمل بسرعات عاليه كما تتخيل

لكنها تعمل بهدوء ولاتكاد تستهلك طاقه تذكر

لكنها تقوم بتبريد بورده الهارد جيداا

كما أريدك أن تقوم بفحص الهاردات ال HDD

ببرنامج HDD Regenerator

تحت بيئه الدوس

فى أنتظارك

فائق تحياتى

**amr010** · 02-08-2017, 04:58

جربت يا استاذ عبد الحليم الموضوع دا كمان بس عاوز اقولك حاجه حتي لا قدر الله لو الهارد باظ و ربنا يسترها هيبقي بسبب المشكله اللي قولتهالك وليس العكس مشكله اني لما بركب هاردين مع بعض في البورده دي بيحصل تشنج ولاج في واحد منهم او الاتنين لو مش حدثت التعريف المذكور يعني الهاردات هي الضحيه وليس العكس ... والدليل اني جربت كل الهاردات علي بورده قديمه g41 اكيد حضرتك عارفها الهاردات بتشتغل عادي لا والكبيره بقا البورده مركبلها رامه واحده فقط 2 جيجا وشغلت عليها الهاردين لعمل باك اب والحمد لله كانو عادين جدا !!! تبقي ايه المشكله انا فعلا احترت !!!!!!!!!!!!!!!!!

**abdalhaliem** · 02-08-2017, 08:29

تمام أخى الكريم

ممكن ياأستاذ عمر

لو مكانش عندك مانع

نبتدى من البدايه وتعالى ننظم أفكارنا

الهاردات طالما تعمل معك ببورده أخرى بكفائه

أذا لاتوجد بها مشكله ولن توجد بأذن الله

تعالى نتجنب الحديث عن تعاريف الساتا

فمع ويندوز 10 أخر فيرجن وبورده حديثه كلوحتك

فيصبح الحديث عن أى تعاريف للساتا مضيعه للوقت وتشتيت لأنتباهك

سـأطلب منك تثبيت ويندوز جديد بدون اضافه أى تعاريف

هذا بعد التأكد من عمل كليرللبيوس عن طريق الجنبر

clear cmos jumper

أسف أن كنت أكرر عليك هذا ثانياا

لكن للتأكد ليس ألا

وأذا كنت فهمت ماتقصد تحديداا

فهى مشكله عدم القدره على تشغيل أكثر من هارد ؟؟؟؟؟

فتأكد أنه لاتوجد أى منظومه لل RAID تعمل

وأن كل هارد يعمل بأستقلاليه

وبمسار منفصل

كما أريد منك وصف تفصيلى لمكونات جهازك

وبالتحديد نوع الباوروهل أنت متأكد من كفائته

لأن المشكله تحدث عن أضافه هارد أخر

فربما قدره الباور تتأثر

هذا برغم أن أضافه هارد لن تكلفك أكثر من 15 وات ؟؟؟؟

لابد من ترتيب أفكارك لتصل ألى المشكله

ولاأعتقد أنها بسبب مشاكل بالهاردات

فى أنتظارك

تحياتى