استفسار حول التحميل بالتورينت

[RVD150]

انا بستخدم موقع zamunda دلوقتى انا بنزل لعبة مساحتها 40.3 و البرنامج نزل 40.4 ولسة التحميل شغال كما بالصورة



هل دة طبيعى

مع العلم انو مش اول مرة يعمل كدا كل مرة بنزل فيها حاجة تكون مساحتها مثلا جيجا يروح هو يفضل ينزل لحد جيجا و 100 ميجا

التحميل وقف على 40.5 ولما دخلت فولدر اللعبة لقيت اللعبة مساحتها 40.3 فقط

[TheCoder]

ممكن تكون مشكلة في التراكر أو مستخدم بيبعت bad data واللي المفروض إن التورنت كلينت (يو تورنت) يستبعدها ويقفل الكونيكشن مع هذا المستخدم .. طبعاً لو مشكله في التراكر فعليك مراسلة الدعم في الموقع أما بالنسبه لباقي الإحتمالات فحضرتك ممكن تعمل التالي:
أولاً: التأكد من سلامة الداتا المحملة عن طريق عمل check أو Force check من اليوتورنت (من قائمة الكليك اليمين) لإعادة التقدير الفعلى لحجم الداتا المحملة.
ثانياً: تجربة التنزيل بتورنت كلينت مختلف زي مثلاً Tixati لأنه من وجهة نظري أفضل حالياً من اليوتورنت.
ثالثاً: إعمل defrag و check for errors للهارد ديسك.

[RVD150]

حضرتك المساحة مكتوبة على البرنامج إلى نزلها 40.3 فقط و فولدر اللعبة برضو 40.3 المشكلة كلها فى كلمة الدون لود مكتوب جانبها زى فى الصورة 40.5 مش فاهم ازاى

انا لاحظة ان مكتوب wasted 350m يعنى 350 ميجا ضائعة صح زى ما مكتوب فى الصورة إلى رفعتها

[TheCoder]

حضرتك المساحة مكتوبة على البرنامج إلى نزلها 40.3 فقط و فولدر اللعبة برضو 40.3 المشكلة كلها فى كلمة الدون لود مكتوب جانبها زى فى الصورة 40.5 مش فاهم ازاى

انا لاحظة ان مكتوب wasted 350m يعنى 350 ميجا ضائعة صح زى ما مكتوب فى الصورة إلى رفعتها

بالنسبة لل Wasted data معناها إنه بيحصل تحميل داتا مش محتاجينها لأنها داتا غير سليمة Corrupted data أو تم تحميل نفس الداتا مرتين و سبب ذلك أولاً وأخيراً مشاكل في الشبكه أو في التورنت كلينت.

[abdalhaliem]

هههههههههههههه

هو انا أسيبك بالرسايل الخاصه ألاقيك هنا

كما أخبرتك سابقاا ممكن تكون قرائات خطأ ليس ألا


مارأيك أولا بتنصيب اللعبه ورؤيه نجاح تثبيتها أم لا

ممكن تكون مشكلة في التراكر

أنا مع هذا الرأى

تحياتى للجميع

[deplome]

هو مش طبيعي قوي بس بيحصل كتير
الفكره ياخويا ان الكلاينت او فكره التورنت بشكل عام انه بيقسم الملف لاجزاء
زي ما يكون حجم الملف سواء 40 ميجا او 40 جيجا
الكلاينت ( اليوتورينت ) بيقسم الملف ده لاجزاء
كل جزء 4 ميجا ( اوقات بتبقي 2 ميجا )
وبيبدأ يحمل الاجزاء دي من الناس المتاحه ( السيدرز )
حمل جزء مني وجزء من واحد من الصين وجزء من واحد من افغانستان وهكذا

اللي بيحصل بقي انه اوقات الكلاينت لما بييجي يقفل الاجزاء دي مع بعض علشان يديك الملف النهائي او الملفات
بتحصل مشكله في اجزاء معينه مش بتركب مع الباقيين
الاجزاء بتكون مترقمه وليها Hash check وحوارات كبيره كده اليوتورينت بيعملها اوتوماتيك
لو جزء معين فشل في العمليه دي وادي error
اليوتورينت اوتوماتيك بيروح محمله تاني وبيمسح اللي اتحمل الاول
يبقي لو حجم اللعبه مثلا 100 ميجا
اتقسمت علي 25 جزء
فيهم جزئين طلعوا بايظين واتحلموا تاني
هتلاقي الملف النهائي حجمه 100 ميجا اه لان الكلاينت مسح الجزئين البايظين
بس هتلاقي حجم التحميل 108 ميجا لان في جئين اتحملوا مرتين الجزء الواحد 4 ميجا

بشكل عام المشكله مش من عندك انت هي دي حاجه طبيعيه الي حد ما في التراكرات العامه بتحصل كتير
انها تحصل معاك في 10 ميجا او في 1 جيجا دي انت وحظك بقي
عامه ماتقلقش مافيش منها خوف واللعبه هتشتغل في الاخر ان شاء الله

بدون عنوان.jpg