السلام عليكم
بالنسبة لشراء شاشات جديد إيه اكتر شركة بتهتم بجودة تصنيع عالية من حيث الخامات وخدمة ما بعد البيع
Asus
Samsung
Benq
وبالنسبة للشاشات الإستيراد اذا كان سعر الفل اتش دى من 22 الى 24 بوصة يتراوح ما بين 1500 الى 1900 الاسعار مناسبة ولا لا وطبعا دة فى حالة اذا كانت فرز اول
وبالنسبة للشاشات اللى بتكون فل اتش دى وفى نفس الوقت بيكون فيها مخارج اوديو وفيديو هل دة بيأثر على جودة تصنيعها سلبيا من جهة ادائها كشاشة كمبيوتر؟
الشاشة دى استيراد بسعر 1700 hp zr2440w
والشاشة دى بسعر 2900 جديدة
ASUS VS248HR 24
مشعارف مين فيهم الافضل فى الامكانيات
انا قارنتهم ببعض وحاسس ان الإتش بى افضل فى الامكانيات بس مشعارف انا صح ولا غلط لان درايتى محدودة
ممكن حد من الخبراء يساعدنى؟
ولو الاتش بى افضل سعرها مناسب؟لانى مشعارف اجدها اقل من كدة
وبالنسبة للإتش بى 1920×1200 مش 1920 × 1080 فدة هيكون ميزة مع الالعاب ولا عيب؟علما بأن كارت الشاشة المستخدم نفيديا 760OC
والله ياأخى المواصفات متقاربه فعلاا
لكنى سأذهب مع ال ( asus )
https://www.asus.com/Monitors/VS248HR/specifications/
https://www.cnet.com/products/hp-zr2440w/specs/
على الأقل جديده
على فكره أنت ميال للأستيراد
ودقه 1920x1200
جيده جداا
بالتوفيق
مش فكرة ميال
ماانا ممكن اكون ميال لشئ وفيه شر ليا وعميان عن عيوبه
بس الفكرة انا باصصلها من جهة الجودة ومن جهة ان فيها يو اس بى ممكن اركبلها سماعة بحس الاوبشن اعلى
بس مشعارف وجهة نظرى صح ولا غلط
خايف من كونها مستعملة يكون متبدل فيها حاجة من جوه ومتصمدش معايا كتير واتخدع فى ادائها من الشكل الخارجى الظاهر
إيه سبب ميولك للأسوس مع انى شايف الاستيراد فيها اوبشن اكتر زى مخارج اليو اس بى وزى انها ips مش ملاحظ فى مواصفات الاسوس انهاips
ياريت تقولى لانى مستبعدش انا اكون فى حاجات كتير مش واخد بالى منها
يعنى شايف ان الأسوس دى ب2900 مش غالية؟
مش ملاحظ فى مواصفات الاسوس انهاips
تتميز شاشات TN
بالسرعه والاداء الافضل
داخل الالعاب والعاب الشبكه
بينما تتميز شاشات IPS
بزوايا الرؤيه ودقه وضوح الالوان
أى أن لكل منهما مميزات
كما أن الشاشه ال ( asus ) تتمتع بتقنيه
SPLENDID Video Intelligence Technology
وتلك التقنيه
توفر 8 أوضاع محددة مسبقا والتي يتم تحسينها لمختلف سيناريوهات الترفيه
وجعل التحول بين إعدادات تحسين اللون سهلة
عندما تحتاج إلى تغيير إعدادات اللون
تحت سيناريوهات مختلفة
كل وضع لديه الإعدادات الافتراضية
الخاصة بالسطوع والتباين ودرجة اللون والحدة ألخ ألخ ....
بمجرد تحديد وضع SPLENDID
يمكنك الذهاب إلى كل إعداد وإجراء المزيد من التعديلات
وإذا كنت غير راض عن التغيير الذي أجريته
فإن لكل وضع خيار يسمح لك باسترداد الإعدادات الافتراضية لهذا الوضع
وأيضاا Response Time
1ms
وأستهلاك طاقه أقل 23.2W
حجم أكبر Wide Screen 24.0
ناهيك أنها جديده ولم تستعمل بعد
موضوع ال usb هذا ليس بميزهفيها يو اس بى ممكن
وكان يوجد بأنواع كثيره بالشاشات الأوريجنال
وهو عن hub صغير جداا بالشاشه
وبصراحه أجده غير مجدى
المقارنه تميل بشده بأتجاه ال ( asus )
وماذكرناه أعلاه ألا بناء على سؤالك
بالتوفيق
هخاطر و أجاوب على سؤال حضرتك .. بس أرجوك أنا هجاوب وأجري
أولاً: بالنسبه لنوع البانل في الشاشتين: شاشة أسوس TN Panel أما الإتش بي IPS Panel
ولسؤال حضرتك عن الأفضل TN ولا IPS :
فالإجابة بإختصار شديد أن ال IPS أفضل في تمثيل اللون الإسود وفي الرؤية من الزوايا المائلة سواء أفقياً أو عمودياً. لكن يعيبها معدل الإستجابه response time البطيء جداً والذي يصل في المتوسط إلى 14 ميللي ثانية (من 6 ميللي إلى 20 ميللي ثانية بالتحديد) .. وبالتالي فهي مناسبة فقط لمشاهدة الفيديو والصور وللأعمال المكتبيه .. كما أنها تستهلك طاقة تصل إلى ضعف شاشات ال TN.
أما ال TN فهي الأفضل في معدل الإستجابة حيث يصل معدل إستجابتها إلى 1 ميللي ثانية، وبالتالي الشاشات ال TN يفضلها الجيمرز لأن زمن الإستجابة مهم في الألعاب، ولأن اللاعب لا يهتم بالرؤيه من الزوايا الحادة لأنه في الغالب ما يكون جالساً عمودياً أمام الشاشه .. كما أن أكبر ميزه للشاشات ال TN أنها رخيصة نسبياً مقارنة بشاشات ال IPS.. بالإضافة إلى أنها موفرة للطاقه بشكل كبير.
ثانياً: شاشة الأسوس بها مخرج صوت عن طريق جاك 3.5 مم .. وتتميز بوجود 3 أنواع مختلفة من المداخل للفيديو.. وبها مرشح للون الأزرق و 8 أنظمة لعرض الفيديو والتحكم في اللون والإضاءة وطبقة ضد اللمعان والإنعكاس Anti glare.
ثالثاً: وده الأهم لما واحد بخبرة أستاذ عبد الحليم يقول على حاجه أفضل أو يكون حتى عنده إحساس إنها هتكون الأفضل يبقى من غير تفكير كده تأكد إنه صح.
يااااااااااااااااه اخير يااستاذ عبد الحليم جاوبتنى اجابة تفصيلية فى موضوع الشاشاتالمشاركة الأصلية كتبت بواسطة abdalhaliem
مش بقولك
اديك وضحت لى حاجات مكنتش اعرف عنها حاجة وخليتنى بميل برضه للجديد زيك
كدة نسك على الاستيراد
طيب نركز فى الجديد وعايزك تقولى فيه شاشة 24 افضل من الموديل اللى سألت عنه فى بداية الموضوع فى الرد التانى اللى هى ASUS VS248HR 24
هههههههههههه تجرى ليه بس ياباشا دة أنت أفدتنى كتير
ليه بتقول تجرى
دة كويس انك رديت وافدتنى متشكر جدا
الله يجازيك خير
ويجازيك كل خير أخي .. كل الحكاية إن انت ما شاء الله مواضيعك ممكن توصل ل 5 صفحات .. ده أنا حتى فتحت الموضوع وانشغلت شويه وبعدين كتبت الرد لقيت أستاذ عبد الحليم ما شاء الله رد عليك بإجابة نموذجية قبلي بنص ساعة))
الفكرة كلها انى بحاول اجمع الاستفسارات الخاصة بالحاجة اللى بسأل عليها فى موضوع واحد بدل ما كل شوية اقعد افتح موضوع مستقل اسأل فيه عن كل جزئية
نحن صامدين معهبس أرجوك أنا هجاوب وأجري
مرورك وتعقيبك
أضافه للموضوع وأثراء له
أخى الكريم
*********************
طيب نركز فى الجديد وعايزك تقولى فيه شاشة 24 افضل من الموديل
اللى سألت عنه فى بداية الموضوع فى الرد التانى اللى هى ASUS VS248HR 24
من ناحيه يوجد أفضل
فيوجد أفضل
المهم الميزانيه وأستخداماتك
( شخشخ جيوبك )
ولو أنى شايف أن الشاشه محل النقاش
كافيه جداا وزياده بالنسبه لك
تحياتى للجميع
اصل يمكن اجيب قسط عشان كدة بقولك لو فيه اقتراحات افضل قولى يمكن اعرف اجيبها
بس ياريت تقولى اللى يميزها اكتر من الأسوس
شكرا جزيلا
أما بالنسبة إنكم صامدين فدايما صامدين إن شاء الله
إنما على مين ههههههههههه
إحدى البائعين نصحنى ببBenq وقالى ان فى الفئة السعرية دى شاشات أسوس مش عالية اوى وان Benq أعلى
طبعا يقصد الشريحة لحد 3000
رأيك إيه يااستاذ عبد الحليم فى الكلام دة؟
اصل انا خايف من Benq عشان القديمة اللى عندى اللى ظهر فيها الخطين ولا العيب دة ملوش دعوة وممكن انه يظهر فى اى نوع من الشاشات؟
علما بإنها قعدت حوالى 6 سنين مشتكيتش خالص ماشاء الله
حبيبي أنا والله بهزر بس مش أكتر .. وصدقني مواضيعك واستفساراتك بتفيد ناس كتير و الدليل عدد المشاهدات لكل موضوع
العفو أستاذنا ده من ذوقك وكرم أخلاقك .. وبالعكس والله بيعجبني حماس الأخ ريكو وبيعجبني أكتر صبرك و حرصك في الأجابه على أسئلته
نحن صامدين معه
مرورك وتعقيبك
أضافه للموضوع وأثراء له
أخى الكريم
*********************
بصراحه خبرتي السابقه مع شاشات Benq كلها سلبيه .. ويمكن السبب استخدامهم لخامات تصنيع غير جيدة عكس الآسوس تماماً
وعموماً لو عاوز حاجه أفضل ومستعد تدفع أكتر شويه يبقى بدل ASUS VS248HR ممكن تجيب ASUS VX248H فيها مميزات أفضل من حيث وجود سماعات مدمجه وتباين أعلى وأهم شيء وجود خاصية ال Flicker free
أنا عن نفسى أحترم جميع الماركات
لأنى رأيت العديد من التميز بكل الشركات
وكلها شركات عالميه
ولها باع كبير بصناعه الشاشات
إحدى البائعين نصحنى ببBenq
وقالى ان فى الفئة السعرية دى شاشات أسوس
مش عالية اوى وان Benq أعلى
هل يوجد أحد يأخذ النصيحه من بائع ؟؟؟
ضوابط المشاركة
المفضلات