المساعدة في شراء هارد ssd او m2

[karimbo]

السلام عليكم ورحمة الله وبركاته
تحياتي لكم اخواني الكرام
حاليا امتلك جهاز بشتغل عليه تصميم جرافيكس بشكل قوي في الاساس والعاب في بعض الاحيان
البوردة

msi z370 a pro

بروسيسور i3 8100
فكرت مؤخرا اني اشتري هارد ssd او m2
بصراحة حسب ما قلبت في المنتدى لقيت في تفاوت في الاسعار والمساحات والاختيارات ومش عارف احدد الميزانية تحديدا او اشتري ايه بالظبط لأني اكيد مش كل فترة هغير فعاوز حاجة تعيش معايا قدر الامكان
فكرت في مساحة 120 جيجا بس متخوف تكون قليلة رغم ان كل هدفي اني اشتري هارد فقط للويندوز .. حاليا مساحة الويندوز عندي ازيد قليلا من 100 جيجا .. وفي نفس الوقت متخوف يكون الاحجام الاكبر اغلى بفارق .. وحسب معلوماتي البسيطة عرفت ان البوردة عندي بتسمح اني اشتري هارد m2 لكن مش عارف ايه الموديلات اللي ممكن اشتريها
ياريت نصيحة بحيث اني اقدر احدد بقدر الامكان الاختيار الانسب .. الميزانية قد تكون من 1000 - 2000 والاختيار هيكون حسب اقتراحتكم ومبدأ السعر مقابل الاداء

[abdalhaliem]

مرحبا أخى الكريم

120gb أكثر من كافيين للنظام

حاليا مساحة الويندوز عندي ازيد قليلا من 100 جيجا

أكيد ليست تلك ملفات النظام

لكنها ملفات على ال Desktop

أو بداخل ال Documents

لايوجد ويندوز يستغل هكذا مساحه !!

ومش عارف احدد الميزانية تحديدا او اشتري ايه بالظبط لأني اكيد مش كل فترة هغير فعاوز حاجة تعيش معايا قدر الامكان

لابد من تحديد الميزانيه أخى الكريم

لنتمكن من المساعده

عموماا تستطيع أن تتأكد من دعم بورتك للهارد

من خلال تلك الصفحه


https://www.msi.com/Motherboard/supp...RO#support-hdd


( من تبويب storage )


بالتوفيق

[karimbo]

اولا شكرا لحضرتك على الرد وسرعة الاستجابة
انا اطلعت على اللينك طبعا مفهتمش حاجة اوي لأن النقطة الاساسية اللي انا مش عارف احددها هل منفذ m2 عندي يعمل على الsata وبالتالي حسب الموضوع (تبسيط المفاهيم حول وحدات التخزين) يبقى وقتها مش هتفرق السرعة والاداء كثيرا وساعتها اجيب هرد ssd وخلاص ولا pci

اما بخصوص الميزانية فبالتأكيد لو في حاجة ببلاش هحيبها لكن انا مش محدد ميزانية محددة .. انا معتمد على فكرة اني مش كل شوية هغير لأن دلوقت خسارة التغيير بتكون كبيرة جدا بسبب الاسعار المبالغ فيها للجديد وخسف سعر المستعمل وبالتالي حبيت اجيب حاجات تعيش معايا فترة
بالتالي لو مش هيفرق معايا كتير الاداء بالنسبة لحاجة في حدود 1500 جنيه خلاص هتوكل على الله وتبقى دي الميزانية
اما لو مثلا في هارد مميز m2 مثلا ومش هيشتغل على sata وهيكون فارق عن هاردات ssd ممكن لو متاح هاردات بالشكل ده في حدود 2500 يبقى دي هتبقى المزانية

[ayoub_bob]

دة يتوقف على استخدامك للجهاز والحاجة للسرعة العالية
للهارد
و
دة الفرق بين الهاردين
مع ان موديل ال m2 الذى عندى يعتبر قديم الان
المهم
هذه سرعة الهارد
ال
m2



وهذة سرعة الهارد
ال
ssd



وانتظر راى الأستاذ عبدالحليم
تحياتى لكم وبالتوفيق

[karimbo]

شكرا لحضرتك ayoub_bob وفي انتظار رد الاستاذ عبد الحليم والاعضاء الكرام

[abdalhaliem]

ياأخى الكريم

شتان الفارق

بين ناقل أو Interface

sata وبين pcie

وهذا موضح بالموضوع المشار أليه

(تبسيط المفاهيم حول وحدات التخزين)

كيف لم تنتبه ألى فارق السرعات بينهم ؟؟؟؟


بالتأكيد Interface -pcie

سيكون أسرع كثيراا

وحتى ال pcie توجد منه الأنواع المتطوره

التى تتمتع بتقنيه NVME

ولوحتك تدعم الجميع

sata / pcie / NVME


حاول قراءة موضوع وحدات التخزين مره أخرى

انا اطلعت على اللينك طبعا مفهتمش حاجة اوي لأن النقطة الاساسية اللي انا مش عارف احددها هل منفذ m2 عندي يعمل على الsata

تستطيع معرفه كل شىء عن خصائص الهارد

من خلال الموديل المتواجد باللينك

كمثال هذا الهارد يوجد بالقائمه

960 EVO - MZ-V6E250





وتلك معلومات كامله عنه

https://www.newegg.com/Product/Produ...82E16820147593

وهنا مثلا سعره

https://www.amazon.com/Samsung-960-E.../dp/B01LYFKX41

طبعا هذا الهارد

سرعه القراءة به Up to 3200 MBps

وسرعه الكتابه به Up to 1500 MBps

وشتان الفارق بينه وبين الهاردات

التى تعمل على ( Interface / sata )

أرجوا أن أكون أوضحت القصه لك

موفق دائماا

[karimbo]

حضرتك مفهمتش قصدي
انا قصدت بكلامي اني مفهمتش الموديلات .. لقيت في البوردة موديلات كثييييرة مفهمتش ايه شغال على الsata وايه pcie وكنت اقصد اني مفهمتش منفذ m2 عندي شغال على sata ولا pcie وكنت اقصد ان لو ساتا مش هتفرق كتير ساعتها
لكن كلام حضرتك حاليا ان البوردة الحمد لله مفيهاش مشاكل بخصوص النقطة دي وبالتالي متاح ان شاء الله اختيارات كتير
السؤال حاليا وانا بثق في كلامكم وعلى هذا عملت الموضوع خصوصا اني معرفش الاسعار وضعها ايه
هنفترض اني عندي احتمالين في الميزانية
الاحتمال الاول: ايه افضل اختيار متاح بالنسبالي وبالنسبة لشغلي كبرامج تصميم جرافيك والبوردة المذكورة في حدود 1500 جنيه؟
الاحتمال الثاني: لو قدرت ازود مثلا ل 2500 ... ايه افضل اختيار ايضا في الفئة دي؟ وهل وقتها الاختلاف هيكون كبير وملحوظ بناءا على فارق السعر .. يعني اقصد افضل اختيار بين 1500 - 2500 يحقق اكبر فارق اداء مقابل سعر عن فئة اقل من 1500 .. ده اللي اقصده لأن بصراحة معلوماتي في القراءات والسرعات والتفاصيل الخاصة بالهاردوير مش بالقوة الكافية اني اقدر احكم بشكل دقيق لما يتعلق الامر بالمقارنة (سعر مقابل اداء) ولذلك حابب اعرف رأيكم

[abdalhaliem]

حسنا أخى الكريم

هى طبعاا الميزانيه لاتعطى خيارات كثيره

لكننى وجدت هذا الهارد المميز جداا

بسعر أكثر من ممتاز

وهو أيضا أفضل وأسرع خيار بالنسبه لك


من هنا


https://www.samsung.com/us/business/...b-mz-v6e250bw/


بسعر 2750




قم بالأتصال تليفونياا بهم

وأذا كان متوافر لديهم

لاتتردد وقم بشراؤه وهو يستحق النقود


موفق دائماا

[karimbo]

طيب لو مش هيكون متاحة الزيادة لهذه الفئة .. ايه البدايل الاقل في السعر؟
وافهم من كلامك ان مستبعد اني افكر في اي بديل في فئة اقل من 1500؟ هل مش هتضيف الكثير؟

[abdalhaliem]

ياأخى الفاضل

ردنا عليك وترشيحنا

جاء بناء على تلك الجمله بمشاركتك الأولى

ومش عارف احدد الميزانية تحديدا او اشتري ايه بالظبط
لأني اكيد مش كل فترة هغير فعاوز حاجة تعيش معايا قدر الامكان

رشحنا لك الأفضل والأقوى

لكن بالتأكيد توجد خيارات أقل بالسعر

لكنها بالأمكانيات وبالحجم أقل أيضاا

لاحظ أن هذا الهارد 250GB

وداعم لتقنيه ( NVME )


بالتوفيق

[karimbo]

شكرا لحضرتك جزيلا والله وعارف اني تعبت حضرتك ولكن عندما تتعلق الأمور بالماديات مش ديما كل ما يتمناه المرء يدركه
سؤالي من البداية كان بسبب اني مش عارف الموديلات المختلفة ولا اسعرها
وبسبب ظروف الشغل والماديات وغيره تقبل ومتابعة الواحد للجديد مبقاش زي الاول وبالتالي سألت بحيث اني اقدر اقيم الامور ماديا بناءا على خيارات مختلفة
وكان سؤالي في النهاية
- افضل خيار عموما اقل من 1500
+ افضل خيار عموما اقل من 2200
+ خيار حضرتك الافضل على الاطلاق لهارد السامسونج اكيد وضعه في الاعتبار
لكني بإذن الله هنزل اشتري خلال هذا الاسبوع وعاوز قبل ما اشتري يكون عندي بديلين او تلاتة عشان فصول الماديات البايخة والقصة كلها بتكون اولويات ماديا واكيد 3 خيارات في شرايح مادية مختلفة بأمكانيات مختلفة افضل وممكن في النهاية اشتري السامسونج السابق ذكره لو الامور سمحت بكده لكن لو مسمحتش اكيد هفكر في خيارات اقل .. وده كان هدف موضوعي وهدف سؤالي من الاساس

[abdalhaliem]

لايوجد أى تعب أخى الكريم

أليك خياران أخران

ADATA XPG SX6000 M.2 2280 128GB Internal Solid State Drive (SSD)

بسعر 1350

https://www.xpg.com/en/feature/500



والأعلى منه قليلاا


ADATA XPG SX8000 M.2 2280 128GB MLC Internal Solid State Drive (SSD)

بسعر 1600

https://www.xpg.com/en/feature/423



بالتوفيق

[karimbo]

شكرا جزيلا لحضرتك وبارك الله فيك
سؤال اخير بإذن الله
هل الموديل ده

ADATA XPG SX8000 M.2 2280 128GB MLC Internal Solid State Drive (SSD)
بسعر 1600

هو نفس الموديل ده مع اختلاف سعة التخزين؟ لأني لم اجد 128 gb في الدعم الخاص بالبوردة

PCI-E M2

ADATA

XPG SX8000 - ASX8000NP-256GM-C

2280

256GB

[abdalhaliem]

وبارك الله فيك أخى الكريم


أختلاف الحجم

ليس عائق أمام البورده

والبورده تدعم الفئه XPG SX8000

وأيضاا الفئه XPG SX6000

لذلك لاتوجد مشكله

الأصدار مختلف أى نعم لكن المواصفات واحده


Capacity 128GB / 256GB / 512GB / 1TB

Form Factor M.2 2280

NAND Flash 3D MLC

Controller SMI
Dimensions (L x W x H) 22 x 80 x 3.5mm
Weight 8g / 0.28oz

Interface PCIe Gen3x4

Performance(Max)
read 2500MB/s, write 1100MB/s


والشركه المصنعه

تذكر فقط ماتم تجربته على اللوحه الأم

لكن بنفس الوقت ليس منطقياا

أن تذكر جميع الهاردات التى تعمل علي اللوحه

( مئات الأنواع والموديلات )

لذاك لاتقلق

سيعمل الهارد معك

طالما الفئه مذكوره باللوحه الأم


بالتوفيق

[karimbo]

ربنا يبارك في حضرتك تعبتك بكثرة الاسئلة وكنت كما هو متوقع دائما عند حسن الظن
ربنا يجعلك ديما ممن ينطبق عليهم قول الرسول صلى الله عليه وسلم"أحب الناس إلى الله أنفعهم" صدق رسول الله

شكرا جزيلا لك وتحياتي لحضرتك استاذي الكريم