مشكلة غريبة جدا برجاء المساعدة مع جزيل الشكر

[abdalhaliem]

طالما هناك فارق بالسعر

لن تتأثر الجوده بطول الكابل

ماتريال صناعه الكابل نفسها ممتازه

[ryko2]

تمام بس فى حاجة عايز اقولك عليها يااستاذ عبد الحليم

ان شاء الله فى كل الاحوال هشترى الكابل مش هيخسر معايا كدة كدة بحتاجه بس الكابل اللى انا وصلت عليه على الكيسة التانية اللى جربت فيها الكارت واشتغل بدون مشاكل اكتر من مرة كابل من الكابلين اللى كانوا واصلين لما كنت شغال على الكيسة الحديثة اللى حصلت فيها مشاكل لكن الكابل دة انا كنت موصله على شاشة تليفزيون 32 وكانت المشكلة بتحصل فى نفس الوقت اللى كانت بتبئا حاصلة فيه لما كنت ببئا موصل كابل تانى لشاشة الكمبيوتر (يعنى ساعة لما كنت موصل كابلين واحد للتليفزيون وواحد لشاشة الكمبيوتر فى آن واحد فى الكيسة اللى قابلتنى فيها المشكلة كانت المشكلة ظاهرة على الشاشتين) .

انما لما اخدت احدى الكابلين على شاشة بنفس الحجم فى غرفة تانية على الكيسة التانية مكنش فيه مشكلة .

هى الرامات ممكن يكون لها علاقة بالمشكلة دى؟

[abdalhaliem]

تصدق بالله أن تهت منك

عموماا روزاليوشن وحجم الشاشه له علاقه بالأمر

والرام ليس طرفاا بتلك المشكله

[ryko2]

ههههههههههههههه طب شايف انسب ريزوليوشن إيه؟والشاشة 24 بوصة

[ryko2]

استاذ عبد الحليم انا اشتريت الكابل من راديو شاك لسة مجربتوش على الكارت الخارجى بس لحد دلوقتى جربته على المنفذ بتاع اللوحة اللى انا شاكك فيها

شوف النتيجة مع العلم ان الصورة الاولى لكابل الشاشة السامسونج

والتانية الكابل اللى اشتريته

[abdalhaliem]

الصوره الثانيه أفضل كثيراا بالطبع

لكن يوجد بها أيضاا بعض النمش بسيط جداا

شىء غريب ؟؟؟؟

منتظر تجربه الكارت

[ryko2]

ماهو عشان كدة بقولك شاكك فى اللوحة تكون هى سبب المشوار من بدايته خالص وان كانت الكابلات مش بنفس جودة اللى اشتريته

بالمناسبة الكابل دة لما اشتريته مكنش فى علبة ولا حاجة وطرفين الاتش دى مش متغلفين بغطيان لكن كان فيه ورقة من الشركة المصنعة مدبسة حول الكابل فهل فيه انواع بتنزل السوق وانواع محترمة بالشكل دة؟يعنى تقدر تقول ان شارى الكابل بنفس منظره اللى على الرابط المرفق .
https://radioshack.com.eg/ar/speedli...e-3m-25-080461

لما اجرب الكارت ان شاء الله هقولك بس دة طبعا هياخد وقت لان المشكلة مكنتش بتظهر على طول .

[ayoub_bob]

بسم الله ماشاء الله
اية كل الايكونات هذة
واكيد 90% تبداء مع الويندوز
ما علينا
انا ملاحظ ان لديك اخى العزيز مشاكل كثيرة
انا متوقع ان تجميع وتركيب الجهاز بة أخطاء
وفى اعتقادى الباور أيضا في شيىء التوصيلات خطاء
انا لو منك اخذ الجهاز واذهب بة الى
استاذنا الغالى عبد الحليم
لفك الجهاز وتركيب في جديد دة لو انتا من الإسكندرية
لانك كيف تستمتع بجهازك وكل هذه المشاكل بة
اسف لكم المداخلة وتحياتى الى استاذنا الغالى عبد الحليم
ولجميع الاخوة الكرام

[abdalhaliem]

تحياتى لك أستاذ أيوب

فعلا أيقونات تتعب الأعصاب

ومنتظر تجربه الأستاذ ريكو للكارت

والكابل جودته ممتازه

بدليل الفرق الشاسع بين الصورتين

هذا بغض النظر عن عدم التغليف الجيد

تحياتى للجميع

[ryko2]

طب اعمل إيه عشان اقلل الايقونات دى؟الغى تسطيب البرامج ولا فيه حل تانى؟

وبالنسبة يااستاذ ايوب انك بتقول الجهاز متوصل غلط فالحاجة الوحيدة اللى انا شاكك فى توصيلها الباور سبلاى لو ممكن فيديو يوضح كيفية توصيل الكارت بالباور سبلاى يبئا كويس اوى

وشاكك برضه تكون مراوح الكيسة اللى موصلها على اللوحة تكون مسببة حمل بس مشعارف التخمين دة صح ولا غلط .

شكرا يااستاذ عبد الحليم طمنتنى الله يطمن قلبك .

[ayoub_bob]

السلام عليكم
====
شكرا جزيلا لاستاذنا العزيز
عبد الحليم
===
اما بالنسبة لاخى ريكو
افعل الاتى بالنسبة للبرامج الذى ليس لها لازمة فى البداء مع تشغيل الويندوز
سوف تدخل على Task Manger
والبرامج الغير مهمة اعمل لها Disabled
سوف اضع لك صورة من جهازى
شوف كمية البرامج قد اية كثيرة جدا بس لا تتخض






سوف أقول لك على السر رغم انى لدى برامج كثيرة جدا

بس كلها او اغلبها
البرامج محمولة
يعنى

portable

لاتحتاج الى تسطيب
وبكدة تجد التسك والاستارات اب للويندوز
فاضى
=
اما من ناحية سؤالك على انى اضع لك صور
كيفية التوصيلات مع الباور
ياراجل دة انا
بدخل اتعلم من استاذنا الغالى
عبد الحليم
=
تحياتى لك وبالتوفيق

[abdalhaliem]

أشكرك أخى الحبيب أيوب

أنما أنا أقلكم علما

أجهاهد لنيل رضاكم

********************



ثم أنت بترمى الكره بملعبى تانى ليه

أنا ماصدقت أنك دخلت وحاتستلم الرايه

الأخ ريكو مواضيعه دسمه وطويله

ولاتنتهى بسهوله

أتفضل حضرتك شارك معنا


ههههههههههههههههه


تحياتى للجميع

[ryko2]

ههههههههههههههه مش هسيبكم انتوا الإتنين

متشكر لتعبكم معايا

الطريقة اللى قلت عليها يااستاذ ايوب لتعطيل بدء تشغيل البرامج مع بدء تشغيل الويندوز انا عارفها من قبل كدة بس المشكلة اللى كانت قابلتنى لما عملتها قبل كدة والكلام دة من كذا سنة ان كان بيطلع لى رسائل ومكنتش فاهم الرسائل دى تخص انهى برنامج من اللى انا عطلتهم بس على كل حال هو مفيش مفر من الطريقة دى وهضطر اعملها لان الجهاز بئا اثناء التشغيل تقيل طبعا .

بالنسبة للبرامج المحمولة ساعات بجيبها بس معرفش ليه ساعات بقلق منها بقول ماهى اكيد لها عيوب ممكن تتعبنى مستقبلا ويمكن دة اللى كان بيخلينى ارجح اجيب البرنامج واسطبه عادى .

بالنسبة للتوصيل حضرتك كنت بتقول انى وارد اكون موصل حاجة غلط وانا بتفق معاك انه وارد وخاصة انى مسبقليش التوصيل للباور سبلاى على لوحات هاسويل ولا اى لوحة خاصة بأجيال الكور أى من انتل ولا حتى الجيل الاول على سبيل المثال الكابل الاربعة بن الصغير بتاع الباور سبلاى اللى كان بيوصل على اللوحات القديمة بتاعة الكور2كواد واصبح مع الكور أى تمانية بن من اول الحاجات اللى كنت استغربتها وسألته عليها استاذ عبد الحليم بس معتقدش فى التوصيل على كابل الاتش دى الداخلى فى اللوحة انى ممكن اكون موصل غلط الا اذا كان فيه تعريف خاص بالمنفذ دة وكان دة المشكلة .

[abdalhaliem]

ياأخى الكريم

منافذ تغذيه المعالج ذو ال 8pin

موجوده من مده كبيره

وتوجد بعض اللوحات

التى تعمل على منصات ال LGA775

تستخدم منافذ تغذيه 8PIN

ولايوجد فرق بينها وبين منافذ ال 4PIN

فقط تعدد مسارات الطاقه

لكن ممكن أن يعمل الجهاز على وصله 4PIN فقط

هذا أذا لم يحتوى الباور على اكثر من 4PIN

وحتى لايتشعب بنا الحوار

أكثر مماهو متشعب

بالنسبه لتوصيلات الباور ليست بها حلول وسط

أى خطأ سيحدث مالايحمد عقباه

فلا أعتقد بحدوث هذا معك

بالتوفيق

[ryko2]

متشكر يااستاذ عبد الحليم

انا بعتذر ان الموضوع طال بس يمكن كمان ان من ضمن مساهمات انه يطول معانا ان العيب اللى ظاهر عندى مبيظهرش من اول تجربة زى ما حضرتك عارف دة غير اننا اتكلمنا واتناقشنا فى حاجات تانية بمناسبة كلامنا بخصوص المشكلة دى او بمعنى اصح بسبب استفسارى عن المشكلة دى اللى انا عارف انكم كرهتونى بسببها هههههههههههههه .