قررت اغير المنصة .. تنصحوني بـ اية

[karim_2005]

السلام عليكم جميعا

اساتذتي واعضاء الموقع المتميز دائما

عرب هاردوير

انا قررت اخيرا اغير المنصة بتاعتي

HP 6200 I5 2400

كيسة استيراد بباور سبلاي 320 وات داخلي غير قابل للتغير

ودا من ضمن اهم الاسباب اللى مخلينى اغير الجهاز

.........

من هنا تبدأ الحيرة والتفكير الكتير

بعد التطور الكبير اللى عملتة AMD بمعالجاتها Ryzen

اللى قلب الطاولة شكلا وموضوعا على Intel

دا خلانى محتار ما بين معالجين

او اكتر فعاوزكم تشاركوني فى الرأي

انا استخداماتي العاب وفوتوشوب ولسة بتعلم ريندر

وكلهم بالتساوي وعلى حسب الحاجة

وانا مليش فى كسر السرعات ولا بحبها لان بحس انها بتأثر

على العمر الافتراضى للمعالج واللوحة

المعالجين اللى عجبني هما

Ryzen 5 1600 و Core I5 6500

الاول Ryzen 5 1600

اية رايكم فية كمعالج وقدرة تحملة ودرجة حرارة

والجديد منة عامل كام والمستعمل استعمال خفيف عامل كام

علما ان انا عمري ما جربت AMD قبل كدا ومتخوف بصراحة

والبوردة الخاصة بية B350 سعرها عامل كام جديد ومستعمل

.............

اما بخصوص الكور I5 6500

اللى انا بنجذبلة اكتر بسبب انتل اللى برتاحلها

فاية رايكم فى المعالج دا مع بوردة H270

والاتنين معروضين عليا ب 3700 جنية بروسيسور وبوردة





............

اما فيما يخص الكيسة فانا ان شاء الله ناوي اجيب

Cooler master N500



كيسة عجباني اوى ومنسقة وشكلها شيك

بس لسة مش عارف سعرها سواء جديد او مستعمل

والباور سبلاي دا سايبة ليكم تختارو باور سبلاي

يكون سعرو متوسط ويكون 500 وات

لانى مش بفهم فيهم بصراحة

فياريت تقولولي كل منصة من دول ممكن تكلفنى كام

وانهو الافضل بالنسبة للسعر والامكانيات

منتظر اراء وافادات اساتذتي وخبراء المنتدى

واسف للاطالة

[abdalhaliem]

بالبدايه أخى الكريم

لابد من تحديد أقصى ميزانيه

لكى نستطيع أفادتك بصوره كامله

بالتوفيق

[karim_2005]

فى حدود مثلا 6000 جنية

بس لو لزم الامر ان فية منصة

اعلى وافضل والسعر مش بعيد عن

السعر المعروض ممكن احاول اتصرف فى فرق

السعر .. بس ياريت لو امكن

يكون في شرح لامكانيات الرايزن

مقارنة بانتل وايهما افضل

بعيدا عن السعر والتكلفة

وعلما ان انا مش من هواة التغير الكتير

[abdalhaliem]

أنظر أخى الكريم

بالأمس قمت بتجميع جهاز

لأحد الأخوه هنا بالمنتدى

وقد رأيت العجب العجاب

برغم أنى أعمل بالهاردوير ولى أتصال قريب بالتجار

لكن جنون الأسعار كان لايوصف

وكأنك ببورصه يقومون بالمزايده عايك كل ساعه

نعم الأسعار كانت تتحرك كل ساعه !!!

معالج كمعالج i38100

كان يباع بحوالى 2200

قفز ألى 2600

وبأخر اليوم وصل ألى 3000

!!!

ونفس الحال مع أخيه الأكبر

من 3400 ألى 3600 ألى 4200 ألى حدود 4500 على أخر اليوم

جنون مابعده جنون

وأحيانا تتصل تلفونياا بالتاجر قبل الذهاب

وتتفق معه على الأسعار

وعندما تصل أليه ( مسافه السكه )

تجد الأسعار تغيرت

هذا حدث معى وأنا بمعمعه السوق

لدرجه أنى كرهت التجميع من أساسه

لاأنصحك حالياا بالشراء نهائياا

أنتظر ألى أن تتضح أسباب

حاله السعار التى تنتاب السوق
**************


عموماا معالجات رايزن

تؤدى بشكل جيد بالريندر والأعمال

لكن أنتل تتميز بقوه أداء النواه المنفرده

مما يعطيها أداء أفضل بالألعاب

فحسب أستخدامك للجهاز

************


ماهو مهم بالموضوع الميزانيه المتاحه

لن تساعدك نهائياا

فكل شىء سعره أرتفع حتى الكيبورد التجارى والماوس !!!

ولاتلتفت للأسعار الموضوعه بالمواقع

عند التواصل معهم ستجد شىء أخر تماماا

وستجد العقبه البعيضه التى يتفرد بها تجار مصر

أن البورده لاتباع بمفردها ولاالمعالج

بل أن البورده والمعالج لايباعان بمفردهم

لابد من أقتناء جهاز ويفرض عليك مالديه

لمجرد أنك معجب ببورده عنده مثلاا

ومن يوافق على بيع القطع منفرداا

يعطى أسعار بالسماء أكثر مما هى عليه

أنتظر الأن أو توجه للمستعمل

بالتوفيق

[karim_2005]

طيب لو اتجهت لسوق المستعمل

ايهما الاختيار الافضل بالنسبالي فى المعالجين دول

وهل رايزن 1600 فعلا يستحق ان الواحد يقتنية كاداء عام

وبعد عام كامل تقريبا من ظهورة

ولو بخصوص موضوع الاداء فى الالعاب فالفرق بتهيألي مش بعيد

عن انتل خاصة ان الفروقات اللى بنتكلم عليها دي تفرق مع خبراء الالعاب

اللى الواحد فريم يفرق معاهم انما بالنسبالنا احنا الحاجات دي مش ملحوظة اوي ومبنحسش بيها

فأنا لو كنت مثلا بلعب كتير وبعمل شغل على فوتوشوب وريندر

فحضرتك شايف اية يا استاذ عبدالحليم

انا قريت فى رد سابق ليك انك مقتني i5 جيل سادس

وان ادائة مرضى جدا بالنسبة لحضرتك

ياريت لو تقولي ارقام تقريبة لاسعار المعالجات الاتية فى سوق المستعمل

وانا عارف انها ببتفاوت على حسب الحالة او البائع بس انا عايز اسعار تقريبية

ودا طبعا نظرا للاسعار الجنونية اللى الواحد بيسمعها من التجار كل ساعة

سعر كلا من

Ryzen 5 1600

Ryzen 7 1700

I5 6500

I5 8400

ومتقلقش بالسبة للسعر يعنى انا قصدي لو دا اعلى من دا

شوية بس يستحق المجازفة دي فميش مشكلة

ودي تعتبر اول مرة اغير فيها منصة وعايز اجيب منصة تعيش معايا

لاني مش غاوي تغير

اخر سؤال او استفسار عندي

لو عندي اتنين معالجين واحد من انتل والتاني من amd

والاتنين متقاربين فى الكفائة والاداء

ايهما افضل وايهما اختار

[abdalhaliem]

ياأخى الكريم

لعلى لم أنجح فى توضيح وجهه نظرى

بتلك الأيام التغيير والشراء ليس محبذاا

وكما ذكرت لك ياأخى الكريم

معالجات AMD Ryzen

بها خطوط معالجه متعدده

لذلك يستفاد منها مصمموا البرامج والريندر

وصحيح أن الفروق بالألعاب ممكن التغاضى عنها

لكن الفارق موجود ولابد ان نذكره

الأجابه على التفضيلات أعلاه

أيهما أفضل ؟؟؟؟

حسب أستخدامك وأهوائك وميولك

بالنسبه لى أفضل أنتل

انا قريت فى رد سابق ليك انك مقتني i5 جيل سادس
وان ادائة مرضى جدا بالنسبة لحضرتك

نعم أخى الكريم أذاؤه مرضى جداا ويكفينى وزياده

لكنى غير مقبل على الشراء

لو كنت كذلك لذهبت مع الأفضل الجيل الثامن 8400

لكن طالما لدى معالج من الجيل السادس

يعمل معى بكفائه

فهو فعلاا يكفينى

وبالنسبه للتسعير فكلها معالجات حديثه

ولن تجد متاح منها مستعملاا ألا بحدود ضيقه

وكما ذكرت لك السوق بحاله جنون الأن

أنا أتمنى أن ينفض الجميع يده من الشراء الأن

أنتظر قليلاا أخى الكريم

حتى لاتدفع

فيما يستحق

7000 - 15000

بالتوفيق

[الواد ميشو]

السلام عليكم أخي الكريم ...
واضح ان حضرتك محتاار وبتفكر كثير جداااا (عاادي وبتحصل لنا كلنا )
هنقول مثلا انك مش ناوي تغير الجهاز الى مثلا بعد 10 سنين!!
طيب من خلال معرفتي بالامر انك تشتري أحدث حاجة في السوق (( يعنى كـAMD الجيل الثاني 2700-2600 وIntel تفكر في الجيل الثامن يعني 8400 وكدا)) ويكون يحتوى على أكبر عدد كور ممكن زي ما تقول تأمين داه مبدأياا
ونرجع الميزانية لانها هي اللي بتفرض الكلمة النهائية بالرغم من كل الاماني الواحد بيضعها امامه

فهل المزيانية المذكورة للكيسة كاملة ( كيسة -باور - معالج-بوردا -ورامة) ؟؟ ام للمنصة فقط (بوردا -معالج -رامة)

ونرجع لنقطة الاداء اكيد دائما الاحدث أفضل وليكن مثلا لاقيت معالج انتل 6500 بمبلغ مثلا 2400 وآخر AMD 1600 بنفس المبلغ -هنا فيه نقطة ان معالج انتل ناقص 2 كور فهي مقارنة خاطئة من الاساس( وكما ايضا يحبذ استبعاده من حساباتك -مؤقتا الا وتحقق شرط الميزانية) فاكيد معالج 1600 أفضل.. و نقطة ايضا للذكر هل معالج 2600 أفضل ام 1600 أم 8400 - هما كلاهم نفس عدد الكور (وكما تفضل الاستاذ عبد الحليم بتوضيح الفرق ) ترجع الى اهتمامك وغرضك من الجهاز يعني لو البرامج اللي حضرتك بستخدمها
وطريقة عملها هل بتعتمد على معالج بقوة نواته ام بتستفيد من تعدد الانوية للمعالج ؟؟ وليكن انك تريد المتوسط يسد معاك في أي حاجة (( رأي الشخصي برغم ما شهدته AMD من تطور لسه بميل لانتل)) لكن لو البرامج اللي حضرتك مهتم بها كثيرة وتعتمد على تعدد الانوية بلا تفكير الى AMD ((وملحوظة 2600 أكيد أفضل من 1600))

بالنسبة للاسعار مستعملة وهي تقريبية يعني (معالج 1600- او 6500) دول ممكن يكون من 2200لحد 2500 مثلا
لكن معالج 1700 ممكن يكون حوالي 3000 ..والمعالج 8400 اعتقد يكون في رنج 2700 لـ2900 او القصد السعر ممكن يكون مرتفع نسبيا لو متوفر مستعمل

اخر سؤال او استفسار عندي

لو عندي اتنين معالجين واحد من انتل والتاني من amd

والاتنين متقاربين فى الكفائة والاداء

ايهما افضل وايهما اختار

رأي الشخصي انتل وهي آراء شخصية وراحة نفسية في الحالة دي

والصراحة لو على ما اعقد ان المبلغ للكيسة كلها ممكن يكون ( I7 جيل رابع على أقل تقدير- بوردا - ورامات وحاول تكون 16) وان شاء الله بتبقى مبلغ معقول ممكت تجيب كيسة وباور وارجاء كارت الشاشة-اتجاه المستعمل

وبالتوفيق .....

[karim_2005]

شكرا ليكم جميعا بداية من استاذي

استاذ عبدالحليم اللى اكيد اكثر دراية ومعرفة باحوال اغرب سوق فى العالم

وهو السوق المصري

فبأي مكان فى العالم بتلاقى سعر المنتج ثابت ومبيتغيرش

الا لما يتباع المنتج ويجي نفس المنتج مكانة بس بسعر متغير حاجات بسيطة

او ممكن بنفس السعر والكلام دا بيتم فى غضون ايام اواسابيع اوشهور

مش زي ما بيحصل فى مصر فى غضون ساعات بتلاقى السعر عامل زي الكورة الجلد والتجار بيعلو

حسب الاهواء وحسب الاهتمام والطلب .. كل سبب ولية سعر مختلف

..........

وشكر خاص للواد ميشو للتوضيح باستفاضة

وبوضوح اكثر من رائع وخاصة الاسعار التقريبية للمعالجات

وسوق المستعمل

واكيد انا في اول الموضوع وضحت اني بميل ل انتل

ولك لو انا شخص بميل للالعاب والفوتوشوب والريندر بالتساوي

ساعتها ممكن الخيارات تنحصر ما بين

i5 8400 او Ryzen 5 h او Ryzen 7

بس بتمنى طبعا ممكن يتأجل شوية بسبب

جنون الاسعار زي ما تفضل استاذ عبد الحليم بالذكر

وانا عامة فى المتابعة وانتظار فرصة مناسبة الاقى فيها المنصات المطروحة

فى سوق المستعمل بحالة جيدة وبسعر يكون مقبول ويوفر عليا اى مبلغ ممكن يفيدني فى

تذويد الجهاز مقدما ان شاء الله

[abdalhaliem]

وانا عامة فى المتابعة وانتظار فرصة مناسبة الاقى فيها المنصات المطروحة
فى سوق المستعمل بحالة جيدة وبسعر يكون مقبول ويوفر عليا اى مبلغ ممكن يفيدني فى
تذويد الجهاز مقدما ان شاء الله

هذا هو عين العقل


بالتوفيق دائماا