Windows 10 Pro 64-bit
بدايه من الأصدار 1703 فما فوق
Windows 10 Pro 64-bit
بدايه من الأصدار 1703 فما فوق
حتى تتجنب أى مشاكل
دائماا أتبع القاعده
وتلك القاعده تقول
التطابق التام بقيم الرام
ليس التردد فقط
لكن بالقيم كلها
التردد + التوقيت + الفولتيه
الافضل أخي الكريم زي ما قالوا الاخوه فى ردودهم انك تستقر على استخدام ويندوز 10 عشان تتجنب اى مشاكل عدم توافقيه مع جهازك
غالبا المشكله بخصوص الويندوز 7 اللى بتقابلك معناها ان نسخة الويندوز 7 اللى انت بتنزلها مش بتتعرف على ال USB الخاص بجهازك ودا أكيد عشان نسخة الويندوز 7 قديمة
لو فكرت تنزل نسخة ويندوز 7 أحدث بنسبة كبيره هتتحل المشكله ولو عندك على البورده منفذ PS2 ممكن تجرب ماوس PS2 ولو اشتغل يبقي المشكله فعلا ان نسخة الويندوز مش بتتعرف على ال USB
تمام انا فعلا غيرت نسخه وسطبت ويندوز 10 واشتغل تمام بس ناقص مشكله الرام بس اللي بتظهر كل شويه ف بدايه فتح الكمبيوتر وكمان السرعه بتاعت الكمبيوتر انا عندي جهاز core i3 جيل ثاني شغال عليه وملاحظ أن core i3 أسرع من الجهاز الجديد بكتير فمش عارف المشكله منين ولا الجهاز كدا عادي ودي سرعته ولا ف مشكله ف حاجه ف الجهاز
كدا لما نقلت الرامات ف المكان اللي ظهر ف رساله cpu كدا الجهاز اشتغل من غير اي رسايل بس اعتقد بكدا أن الأماكن التانيه بتاعت الرامات ممكن تركب معاها رامات تانيه بترددات أعلى من غير مشاكل لأن لو كان كلها متساوية كانت الراما ركبت ف اي مكان من غير مشاكل ولا رسايل وده اللي استنتجته من اللي حصل معايا ده فمش عارف كلامي صح ولا غلط
اولا ياريت بس تقولنا الرامات اللى عندك رامه واحده بس ولا رامتين زي بعض ؟؟
لو رامه واحده بس المانويل بتاع البورده بيقول من الافضل انها تتركب فى سلوت رامات معين زي الصورة اللى تحت دي ولو رامتين بردو المفروض يتركبوا زي الصوره بردو ولو 4 رامات مش هتفرق بقي بس المهم انهم كلهم يكونوا زي بعض بالظبط
كمان فى حاجه مهمه لازم تعرفها وهيا ان المفروض مشتريش اى رامه واركبها وخلاص المفروض ادخل على صفحة البورده على موقع الشركة واشوف انواع الرامات المدعومه انها تشتغل بتوافق تام مع البورده واشتري منها
طبعا لو اشتريت رامات وخلاص كده عادي هتشتغل بس مش هتكون بنفس كفائه الرامات الموجوده على صفحة البوردة وممكن كمان يحصل مشاكل ومتشتغلش
وبخصوص عدد الرامات المفروض اصلا مع رايزن انت مش محتاج الا رامتين زي بعض فى كل حاجه وتركبهم عشان تاخد افضل اداء لان المنصه نفسها بتدعم الديوال تشانل مش الكواد تشانل
اخر حاجه بخصوص مشكلة الاداء اللى انت شايفها ايه المشكله بالظبط والرايزن بطىء معاك فى ايه عن الانتل ؟؟
بص حضرتك هيا راما واحده بس 8جيجا هل دى مناسبه ولا ازود كمان واحده 8 جيجا كمان معاها وكمان كان بيظهرلى رساله من الجهاز نفسه انى اركبها ف مكان معين ولما ركبتها ف المكان ده الرساله الحمدلله مبقتش بتيجى الرساله تانى
تانى نقطه انا ماافهمش ف موضوع التجميعه والتوافق بين القطع بتاع الجهاز انا اعتمدت على محل كمبيوتر وقولت هيظبط الجهاز بس اتضح انهم عاوزين يبيعو وخلاص وماحدش حتى نصحنى ولا قالى القطعه دى مناسبه ولا مش مناسبه انا اللى كنت بسال ويقولو اه دى حلوه وكويسه والكلام اللى انت عارفه وقولت انهم هيركبو رامات مناسبه لان انا قولتلهم عاوز راما 8جيجا مالقتش غير اللى ذكرتها قبل كدا عندهم
تالت حاجه واخر حاجه الجهاز تقيل بالنسبه لجهاز الانتل التانى اللى عندى لما بسطب لعبة مثلا بيتقل معايا مش عارف ليه وجيت اسطب لعبةevil within2 مثلا بسيبه يسطبها وبرجع اشوفه الاقى الجهاز عامل ريسترت لواحده ومكملش تسطيبها مع انى مسطبها على الجهاز التانى عادى جدا من غير مشاكل وعلى فكرة الجهاز 4 تيرا فاضى مافيش عليه اى حاجة غير 11جيجا بس ده غيير انى جيت اسطب لعبة او اى حاجه الاقيه العداد يتحرك بطىء وفجأة الاقيها يعد بسرعه
وللعلم الجهاز لسه مكملش اسبوع او 8 ايام بالكتير ومتقسم على gpt
التعديل الأخير تم بواسطة hemahem ; 20-12-2018 الساعة 00:08
انا مقولتش ان الرامه اللي عندك وحشه جايز تطلع من الرامات اللى متوافقه مع البورده بتاعتك ياريت تقولنا نوع وموديل الرامه بالظبط وممكن انت تدخل تشوفها من الصفحه دي
ورامه 8 جيجا كويسه بس الافضل لو فى امكانيه تجيب رامه كمان معاها ويبقوا 16 جيجا للمستقبل ولو مفيش امكانيه دلوقتي خلاص بعدين مش مشكله
وبخصوص الاداء اللى انت بتتكلم عليه ممكن يكون الهارد نفسه فيه مشكله او حاجه والاحتمالات كتيره وكون ان جهازك يرستر لوحده بردو دي حاجه غريبه
جرب مثلا هارد تاني على الرايزن لو عندك وشوف هل الاداء هيفرق ولا لاء وجرب بردو كابل داتا تاني للهارد يمكن يكون المشكله منه
او انقل الهارد اللى على جهاز الانتل بالكابل بتاعه على الرايزن وشوف هيختلف الاداء ولا لاء ولو ظبط يبقي فى مشكله فى الهارد او الكابل اللى كان على الرايزن
وبردو شيك على درجة حرارة البروسيسور الرايزن وشوف هل هيا مرتفعه ولا عاديه لان المفروض الجهاز يشتغل معاك تمام
بالنسبه للباور فصورته اهى
بالنسبه للرامات
ram 8g ddr4 crucial 2400
بالنسبه بقا للرامات بحثت عنها مالقتهاش ف القايمة
تانى حاجه بقا انا مع تسطيب اللعبه الجهاز رستر ولما جيت احرق نسخه ويندوز ع فلاشه رستر وانا سايب الجهاز بس لما جيت حرقت النسخه وانا على الجهاز وماسيبتوش الحرق كمل للاخر وماعملش ريسترت
ومافيش اى حاجه اصلا كنت بعملها تخلى البروسيسور حرارته تعلى غير تسطيب اللعبة مرة ومرة تانيه حرق نسخه يعنى ماكنش ف ضغط على الجهاز اصلا
ف نقطه كمان ان الكيسه عليها مروحه تبريد واحده بس اللى هيا على البروسيسور دى كفاية ولا ازود مراوح كمان
وبالنسبه للهارد هجرب واشوف كدا بس انا فتحت العلبه سامع صوت خرفشه بسيطه كدا ده عادي ولا ايه ولما جيت انزل نسخه لقيت السي متقسم ع اربع بارتيشن منهم واحد اسمه msr والتاني recovery والتالت system
ايه رايك اقسم الهارد من جديد واشوف لو فيه مشكله ولا حاجه مع انه لسه جديد
التعديل الأخير تم بواسطة hemahem ; 20-12-2018 الساعة 04:52
هو فعلا الرامه مش من الانواع المدعومه على الموقع بتاع البورده بس احيانا بيكون فى انواع مش موجوده وبتكون شغاله كويس على الجهاز
كمان بخصوص الباور هو زي ما الاستاذ عبد الحليم قال انه من الانواع التجاريه اللى مش بيعتمد عليها ومش ماركه محترمه
دلوقتي الافضل انك لو منزل اى تعريفات على الجهاز تشيلها وتنزل تعريف البورده من هنا لينك مباشر
وتنزل تعريف كارت الشاشه المدمج من هنا لينك مباشر وبعدين جرب وشوف الامور هتستقر ولا نفس الموضوع بردو وخلي بالك دي تعريفات ويندوز 10
بخصوص الهارد ممكن تنزل برنامج CrystalDiskInfo وتجيب لينا صوره لبيانات الهارد ونشوف هل فى مشكله ولا لاء
صور الهارد
صورتهم مرتين عربى وانجليزى
وكابل بتاع الهارد اللى وصله من الباور ماكنش مباشر عليه على طول وصلته مباشر ونفس الصوت
وايه افضل تقسيمه للهارد ده
التعديل الأخير تم بواسطة hemahem ; 20-12-2018 الساعة 07:09
المفضلات