استفسار بخصوص تركيب 4 هاردات

[TaHeR.NaBiL]

السلام عليكم


حاليا عندى هارديين 1 تيرا بلاك , 2 تيرا بلاك


وان شاء الله خلال ايام هاشترى 6 تيرا بلاك , هارد SSD 256 للويندوز


هل ينفع انى اخلى كل هارد بمساحته كامله بدون عمل تقسيم وهل 4 هاردات لو متوصلين مع بعض وشغاليين فيها مشكله وما هى افضل طريقه للتقسيم


ولو لغيت هارد ونقلت عليه بيانات وشيلت الكابلات بحيث يكون غير متصل بالجهاز فقط مخزن عليه بيانات لمدة طويله اكثر من سنه دا بياثر على الهارد يعنى عادى لو فضل سنين من غير ما اوصله بالجهاز


ويرجى الافاده عن نوع هارد SSD كويس للويندوز تكون مساحته 120 : 256 G وهل ينفع اسطب عليه العاب ولا اكتفى بالبرامج فقط مع تسطيب الالعاب على الهارد البلاك ( هل هارد SAMSUNG 250GB EVO 860 ) افضل هارد ممكن اجيبه ولا فيه افضل منه


سؤال اخير انا هاجيب SSD للويندوز , الهارد 6 تيرا البلاك هاتكون عليه الداتا مش اكتر مع تسطيب بعض الالعاب عليه حتى لا يتم تسطيبها على هارد SSD انا اخترت البلاك لانه افضل وبيعيش اكتر واسرع هل يوجد هارد 6 تيرا اخر من الالوان الاخرى يقضى نفس الغرض لان البلاك غالى فرق تقريبا 2500 جنيه فى سعره عن الهاردات الاخرى بنفس المساحه

ملحوظه : المازر بورد بتاعتى نوعها P8Z68 PRO GEN3

ولكم جزيل الشكر

[abdalhaliem]

مرحبا أخى الكريم

هل ينفع انى اخلى كل هارد بمساحته كامله بدون عمل تقسيم وهل 4 هاردات لو متوصلين مع بعض وشغاليين فيها مشكله وما هى افضل طريقه للتقسيم

نعم ينفع

فقط الهاردات الأكبر من حجم 2tp

قم بتحويل النسق ألى gpt

ولو لغيت هارد ونقلت عليه بيانات وشيلت الكابلات بحيث يكون غير متصل بالجهاز فقط مخزن عليه بيانات لمدة طويله اكثر من سنه دا بياثر على الهارد يعنى عادى لو فضل سنين من غير ما اوصله بالجهاز

أنا شخصياا أقوم بعمل ذلك

بدون أدنى مشكله

ولم تصادفنى مشكله

من جراء ذلك مطلقاا

ويرجى الافاده عن نوع هارد SSD كويس للويندوز تكون مساحته 120 : 256 G وهل ينفع اسطب عليه العاب ولا اكتفى بالبرامج فقط مع تسطيب الالعاب على الهارد البلاك ( هل هارد SAMSUNG 250GB EVO 860 ) افضل هارد ممكن اجيبه ولا فيه افضل منه

بطبيعه الحال لو قمت بتثبيت الألعاب على الهارد ال ssd

ستكون اللعبه أسرع وأفضل

وتستطيع ذلك طالما هناك

مساحه خاليه على الهارد

وبصراحه الهارد الذى ذكرته أعلاه

أنا أثق به جداا

ونتائجه ممتازه جداا

سؤال اخير انا هاجيب SSD للويندوز , الهارد 6 تيرا البلاك هاتكون عليه الداتا مش اكتر مع تسطيب بعض الالعاب عليه حتى لا يتم تسطيبها على هارد SSD انا اخترت البلاك لانه افضل وبيعيش اكتر واسرع هل يوجد هارد 6 تيرا اخر من الالوان الاخرى يقضى نفس الغرض لان البلاك غالى فرق تقريبا 2500 جنيه فى سعره عن الهاردات الاخرى بنفس المساحه

لو تريد رأيى قم بأضافه ال ( 2500 ) + سعرالهارد السامسونج

وأحصل على هارد ssd 1tb

بالأضافه لهارد Seagate Barracuda 7200 RPM

أفضل مليون مره من الهارد البلاك


بالتوفيق دائماا