مشكلتى هى إنى مشترك فى إنترنت دى اس ال من شركه لينك مصر اللى أصبحت الان أورانج , وبصراحه لم تحدث معى أى مشاكل تذكر طوال 10 سنوات او أكتر وكل مشاكلى منحصره فى السنترال إنه بيقطع الحراره يومين أو أكثر كل فتره ولا أعرف السبب المهم أول ما الحراره تيجى يشتغل النت بعدها اوتوماتيك
الان ومنذ أول الشهر الماضى قام السنترال بعمل تحديث وتركيب كابينه فايبر وبعد حوالى 16 يوم إنقطاع فى الحراره إنتهى التركيب ورجعت الحراره ولكن الانترنت لم يأتى, إتصلت بالسنترال قالوا المشكله دى مع شركه النت , إتصلت بـ لينك قالوا لى إحنا عارفين المشكله وسنقوم بالحل ولم يحدث شيىء
إتصلت بهم تانى ردت عليا واحده من الدعم الفنى وبعد 45 دقيقه من السجال وفك الراوتر وشغل الراوتر والمساعدات الغير مجديه قالت لى أنا هقدم لك طلب وخلال 24 ساعة النت هيجى , وبالفعل بعدها ب 24 ساعه بالظبط النت جاء وكان تمام . بعدها بيومين بالضبط قام السنترال بقطع الحراره لساعات بدون ذكر الاسباب
بعدها رجعت الحراره ولم يرجع النت , ورجعت أتصل بالشركه وبعد مكالمه طويله الانسه فى الدعم الفنى قالت لى هنقدم لك طلب خلال 24 ساعه هيرجع النت وبالفعل حصل , بعدها بيومين السنترال يواصل هوايته فى قطع الحراره لفتره ساعه واحده لترجع الحراره بعدها بدون رجوع النت , إتصلت بالشركه رد عليا واحد
يبدو إنه متمكن فى عمله بدون ما أتكلم أو أشرح شيىء شغل النت بعد لحظات وانا بكلمه وقالى بإختصار دى مشكله فى اداره الشبكات وتم حلها , وقتها أنا تصورت إن المشكله إنتهت ولكن بعدها بكام يوم السنترال قطع الحراره ورجعت بعدها بساعات بدون رجوع النت وإتصلت بالشركه وقالوا لى هنقدم لك طلب ومن وقتها لا شىء
والكلام ده عدى عليا أسبوع الان ولا يوجد نت رغم إنى مسدد كل الفواتير ولم أتأخر عن ميعاد فاتوره النت أو التليفون الارضى مطلقا طوال 10 سنوات
الغريب عليا فى مشكلتى إنه لمضات الراوتر كلها خضراء مما يعنى لى انه لا مشاكل ولكن لا تفتح معى أى صفحه رغم إن لمبات الانترنت وlan بيضيؤا بتقطع كما لو ان الانترنت شغال تمام وأو فيه داون لود شغال , علامه الانترنت تحت عليها مثلث أصفر مما يعنى No internet Access
لما بحاول أفتح صفحه جوجل مثلا يأتى لى فى البار اللى فوق بتاع الصفحه http:/www.tedata.net/eg/ar/help-and-support/forgot-your-cpe-password
كيف انا فى شركه لينك ويأتى لى عنوان كهذا من شركه te data ? هل ده طبيعى
أرجوا مساعدتى أو شرح لى هذه المشكله وجزاكم الله جميعا كل خير والسلام عليكم ورحمه الله وبركاته
ضوابط المشاركة
رد مع اقتباس
المفضلات