السلام عليكم ورحمه الله وبركاته
اعاني من مشكله في وصلات النت تبع الكمبيوتر
فلدي وصله يو اس بي العاديه
بتشتغل شويه وبتفصل شويه مش عارف ليه بس الروتر عندي شغال كويس مفهوش اي حاجه لان الموبيلات شغاله عليه
فقولت ممكن تكون بايظه فجبت قطعة WiFi USB
وبرضو نفس المشله شويه تشتغل وشويه تفصل لوحدها ولازم اعمل توصل او اتصال من تاني
هل يوجد حل جزاكم الله خير
التعديل الأخير تم بواسطة نيو لايف ; 11-09-2019 الساعة 02:10
عليكم السلام ورحمة الله وبركاته
المشاكل دي واردة جدًا مع القطع الرخيصة اللي في رينج 30 و50 جنيه
وممكن كمان يكون فيه مشكلة خاصة بالطاقة وجودة التوصيل في منافذ الـ USB في اللوحة الأم للكمبيوتر ودي مشكلة مشهورة
فأقترح عليك تريح نفسك وتشتري قطعة واي فاي من نوع PCI بدل USB وإن شاء الله المشكلة تتحل وتشتغل معاك تمام.
موفق.
ومِنْ بَعْدُ فَلَا بُـدّ *** مِنَ الْعَرْضِ إِذَا اعْتُـدّ
صِرَاطٌ جِـسْـرُهُ مُـدّ *** عَلَى النَّارِ لِمَـنْ أَمّ
فَكَمْ مَنْ مُرْشِـدٍ ضَلّ *** وَمَنْ ذِي عِزَّةٍ ذَلّ
وَكَمْ مِنْ عَالِمٍ زَلّ *** وَقَالَ الْخَطْبُ قَدْ طَمّ
فَبَادِرْ أَيُّهَا الْـغُمْرْ *** لِمَنْ يَحْلُو بِهِ الْمُرّ
فَقَدْ كَادَ يَهِي الْعُمْرْ *** وَمَا أَقْلَعْتَ عَنْ ذَمّ
وَلَا تَرْكَنْ إِلَى الدَّهْرْ *** وَإِنْ لَانَ وِإِنْ سَـرّ
فَتُلْفَى كَمَنِ اغْـتَـرّ *** بِأَفْعَى تَنْفُثُ السَّمّ
المشاركة الأصلية كتبت بواسطة محمد فاروق غازي
الف شكر لحضرتك وكل سنه وحضرتك طيب
وصله الواي فاي كانت عامله 80 من شركه بيلكن
لكن معلش يعني ايه قطه واي فاي من نوع PCI ياريت صوره منها لو تكرمت وسعرها كام تقريبا وياريت تقولي علي نوع حلو عشان اجيبه
العفو.. وأنت طيب وبخير
منافذ الـ PCI هي المنافذ اللي بيتركب فيها كروت الشاشة الخارجية وكروت الصوت وكروت الدش وكروت اللان وكروت الواي فاي وغيرهم وبتكون شبه منافذ الرامات كدا
دا لينك لكارت واي فاي ماركة TP-Link من نوع PCI سعره 140 جنيه تقدر تشوفه من هنا ------> TP-Link WIFI PCI 140 L.E
ودا نفس الماركة ونفس الوظيفة بس أعلى شوية في مدى الواي فاي وحجم نقل البيانات وسعره 220 جنيه من هنا -------> TP-Link WIFI PCI 220 L.E
لكن الكارت الأول اللي سعره 140 جنيه كافي جدًا للاستخدام المنزلي العادي، وطبعًا فيه ماركات تانية وفئات أعلى من الكارتين.
وللعلم فيه كروت PCI LAN يعني بدل الواي فاي هتلاقي منفذ لكيبل الـ LAN زي القطعة البيضاء الـ USB اللي أنت كنت بتستخدمها بس PCI بدل USB
فلو مش فارق معاك الواي فاي وحابب تخليك في الإتصال السلكي ممكن تشتري الكارت دا وسعره 108 جنيه من هنا -------> Tenda LAN PCI 108 L.E
ولو حابب حاجة أعلى شوية ممكن دا وسعره 178 جنيه من هنا -------> TP-Link LAN PCI 178 L.E
ومِنْ بَعْدُ فَلَا بُـدّ *** مِنَ الْعَرْضِ إِذَا اعْتُـدّ
صِرَاطٌ جِـسْـرُهُ مُـدّ *** عَلَى النَّارِ لِمَـنْ أَمّ
فَكَمْ مَنْ مُرْشِـدٍ ضَلّ *** وَمَنْ ذِي عِزَّةٍ ذَلّ
وَكَمْ مِنْ عَالِمٍ زَلّ *** وَقَالَ الْخَطْبُ قَدْ طَمّ
فَبَادِرْ أَيُّهَا الْـغُمْرْ *** لِمَنْ يَحْلُو بِهِ الْمُرّ
فَقَدْ كَادَ يَهِي الْعُمْرْ *** وَمَا أَقْلَعْتَ عَنْ ذَمّ
وَلَا تَرْكَنْ إِلَى الدَّهْرْ *** وَإِنْ لَانَ وِإِنْ سَـرّ
فَتُلْفَى كَمَنِ اغْـتَـرّ *** بِأَفْعَى تَنْفُثُ السَّمّ
ينقل للقسم المناسب
ضوابط المشاركة
رد مع اقتباس
المفضلات