تجارب شراء القطع من الانترنت ...

**SaudiGamer** · 17-10-2003, 20:55

خدمة أرامكس تستاهل
و موقع newegg مع ارامكس اشتغل معي تمام

**amer** · 18-10-2003, 12:43

أخي saudi PS2 جزاك الله خير
اشكرك على ردك ... كم اخد من الوقت حتى وصل الطلب؟ و هل ارامكس عطوك بريد في أمريكا؟

اخ مغرم دبي.... جزاك الله خير و شكرا على التوضيح
الاشتراك اللي ذكرته ... هل هي خدمة تسوق و اشحن shop & ship؟
و ماذا تقصد ب 3 times aweek ؟ و money gram ؟ ياليت توضح ... مع مدة الشحن و التوصيل؟

**مغرم دبي** · 18-10-2003, 18:21

أخويه Amer نعم الاشتراك اللي ذكرته هو اشتراك في خدمة Shop & Ship ..
وأما 3 Times A Week فخدمة Shop & Ship من ارامكس بها ثلاثة خيارات للشحن .. ثلاث مرات اسبوعياً او مرتين شهرياً .. أو مرة واحدة شهرياً ..

وأما MoneyGram فهي شركة عالمية رائدة في مجال تحويل الأموال ومتوفرة في أغلب دول العالم .. :
https://www.moneygram.com

------

اخويه Saudi_PS2 ..
هل يعني ذلك ان بطاقة Aramex تصدر من أمريكا؟

لكم أطيب تحية ..

**SaudiGamer** · 19-10-2003, 13:26

لا ..
البطاقة من لبنان
و لكن www.newegg.com
و www.accupc.com
قبلوها مني عادي ...

**amer** · 19-10-2003, 16:54

طيب ... كم استغرق حتى وصللك الطلب ؟

**SaudiGamer** · 19-10-2003, 18:36

3 اسابيع

**طالب الخبرة** · 02-11-2003, 19:39

السلام عليكم ورحمة الله وبركاته...أما بعد

أخواني الكرام..حياكم الله
بالله استفسار عن موقع NewEgg.com
هل يقبل التوصيل لخارج امريكا "التوصيل الدولي"؟
أم لازم يكون عندي بريد لاراميكس والموقع يرسلها لاراميكس اللي بدورها يرسلها لي؟؟

شاكرا لكم تعاونكم
أخوكم طالب الخبرة

**hamad** · 02-11-2003, 21:28

سلام...
اخي طالب الخبره, للاسف newegg ﻻ يقبل بتوصيل القطع الي خارج امريكا.. و لذلك يجب عليك استخدام ارامكس..

**طالب الخبرة** · 03-11-2003, 06:06

السلام عليكم ورحمة الله وبركاته..أما بعد

حياك الله أخوي الكريم ....ايش الاخبار؟
مشكور يالغالي على ردك وما قصرت...

ولكن بالله لدي كم استفسار ابداها بالتالي:
أنا ان شاء الله ناوي أشتري من NewEgg.com .....اي المفروض اسوي من الالف الى الياء "اذا مافيه اي ازعاج"؟؟
طبعا يالغالي انت تقول لازم اشترك بالارامكس...كيف استطيع الاشتراك بالارامكس؟؟
وكم سعر اشتراك الارامكس السنوي؟؟
وكيف ارسل فلوسي للارامكس للاشتراك؟؟

أما بالنسبة لموقع NewEgg.com
الحين اذا طلبت منهم اعطيهم عنوان بريدي في ارامكس؟؟
كم يحسبون علي القمية لتوصيلهم الى امريكا؟ (علما انه في بعض العروض اللي ابغاها يقول لي توصل FedEx مجانا)!!
وكيف ارسل للموقع فلوسهم؟؟

شاكرا لكم تعاونكم
واعذروني على الاطالة
أخوكم طالب الخبرة

**hamad** · 03-11-2003, 09:17

السلام..

هلا والله اخوي طالب الخبره

1- اول شي بالنسبه الي اسعار ارامكس انا اقدر اقولك عن اسعار الكويت..

اﻻشنراك عندهم يكلف 10.250 دك و هي 30 دوﻻر..و تدفعه مره واحد فقط فليس هناك اشتراك سنوي..

2- كل كيلو يكلف 4 دنانير و هم راح يقولون لك علي اول نصف كيلو 8 دوﻻرات وكل نصف كيلو اخر يكلفك 4 دوﻻر اي بما معني اذا طلبت اغراض اكثر و مع بعض راح يكو ارخص..

3- طبعا طريقا الدفع حق ارامكس تروح المكتب حقهم و تدفع و اذا كنت بالكويت هذا رقمهم 2446400 و اذا كنت في دوله اخري من الممكن الذهاب الي www.aramex.com و اتشوف عنوانهم في بلدك..

4- طبعا اذا طلبت من NewEgg.com او اي شركه اخري فتعطيهم عنوان ارامكس الذي لديك و هم بالتالي
يرسلونهم الي ارامكس اللي موجوده في امريكا و ارامكس عليها تجيبلك اغراضك اليك..
5- وقيمه توصيل newegg داخل امريكا فهي رخيصه جدا بحدود 5-15 دوﻻر بالكثير و غالبا ماتكون مجانا كما قلت..
اما طريقه الدفع الي newegg فانا شخصيا ادفع جيك لهم و ادزه عن طريق البريد السريع مثل شركه TNT ..
اما كيفيه عمل الجيك , فاذهب الي شركه المزيني هم يسولي جيك طبعا المبلغ يجب ان يكون بالدوﻻر باسم الشركه ويكلفني 850 فلس و البريد يكلفني 3.500 دك و اتطول المده ماعلي يوصل من 4 الي7 ايام..

وارجو ان اكون وضحت كل ماتريد واذا كان هناك اي استفسار اخر فما عليك اﻻ تسأل و انشاءالله اجيبك

**SaudiGamer** · 03-11-2003, 10:51

عندنا أول نص كيلو 15$ و كل نص ب 5$

و فيه اختيار اسمه cargo ياخذ وقت اطول بس يكلف 4$ لكل كيلو ...

**طالب الخبرة** · 03-11-2003, 13:47

السلام عليكم ورحمة الله وبركاته...أما بعد

حياك الله أخوي الكريم hamad...مشكور يالغالي الف شكر على تعاونك وما قصرت...

بالفعل كفيت ووفيت...ولكن اسمح لي بكم سؤال وهي كالتالي:
في البداية ودي ابين اني من السعودية...
ودي اسال عن سعر الاشتراك...يعني اروح مقرهم عندنا بالسعودية وادفع لهم؟؟
وهذا الاشتراك يعني مدى الحياة او القصود يوصلون لي مرة وحدة بس بعدين لازم اشترك مرة ثانية؟؟
وهل ارامكس يعطوني عنوان اص بي اكتبه في موقع NewEgg مثلا وهم يوصلونه لي؟؟
وهل يوجد عدة انواع للاشتراك في ارامكس؟؟

ويالغالي لنفرض ان التوصيل من موقع NewEgg عن طريق FedEx يعني سريع!!
كم ياخذ وقت الى ان يوصل لدي في الرياض بالسعودية؟؟
وهل استلم الطلب من مكتبهم؟؟

وودي استفسر عن طريقة الدفع لارامكس!!!
انا كيف اقدر ارسل لهم الفلوس من هنا؟
هل ينفع عن طريق الماستركارد او الفيزا وغيرها؟
وهل لازم تكون هذي البطاقات من امريكا؟؟

ومعليش اذا طولنا معاك بس استحملنا شوي يالغالي...

حياك الله أخوي الكريمSaudi_PS2...ايش الاخبار؟
بالله يالغالي ماهو الخيار cargo؟؟ هل هو اختيار عن الاشتراك بارامكس؟؟

شاكرا لكم تعاونكم وجزاكم الله الف خير
أخوكم طالب الخبرة

**hamad** · 03-11-2003, 14:48

سلام..

ياهلا اخوي طالب الخبره..

يالنسبه حق اول سوال صراحه مادري ﻻنه انا من الكويت و مادري عن اﻻسعار عندكم وﻻ ادل موقعه ..وياريت اخوي Saudi_PS2 يجيبك عليهم..
2-بالنسبه للاشتراك نعم فهو مدي الحياه.
3-نعم ارامكس سوف تعطيك عنوان يشبه هذا:
ur name/ number
C/O ARAMEX Int'l - 6
165-15, 145th Dr
blah, blah
و هل عنوان تعطيه حق newegg عشان يدزون اﻻغراض عليه.

4- بالنسبه الي انواع اﻻشتراكات فلا اعلم صراحه..
5- توصيل newegg داخل امريكا يطول يومين فقط او يوم.
6- ﻻ اعلم كم ياخذ ماعلي يصل الرياض بالنسبه الي الكويت انا يطول معاي 3 اسابيع _اسبوع ماعل يوصل الجيك و مرات يقعدون اسبوع ماعلي يصرفونه و اسبوع ماعلي يوصلي...
7- الدفع الي ارامكس انا اذهب الي مكتبهم و اخذ اغراضي و ادفع الفلوس.. وفي عندهم طريقه توصيل منازل فا لما يوصلك انت تدفعله كاش..
اما اذا يقبلون فيزا او ﻻ ولله مادري..
بالنسبه حق newegg ﻻ يقبلون فيزا وﻻ ماستر كارد حق الدول اللي خارج امريكا.. يعني بس يقبلون فيزا اللي صادره من داخل امريكا و لهذا انا ادفع جيك وﻻ يقبلون حواله حتي..

و العفو اخوي

**طالب الخبرة** · 03-11-2003, 15:06

السلام عليكم ورحمة الله وبركاته...أما بعد

حياك الله أخوي الكريم hamad..
مشكور يالغالي الف شكر على ردك الوافي وما قصرت...

وحاليا ماعندي اي سؤال ...

وشكرا

أخوك طالب الخبرة