شكراً لك اخوي 64bit على النصائح والتنبيهات ..
لكن بعد كل ما قلته لدي سؤالين فقط ..
السؤال الاول : هل تخرجت من جامعة الملك سعود .. وماذا تعمل االان وماهي تفاصيل عملك .؟
ارجو ان تجيب على سؤالي ولو برسالة خاصة ..
السؤال الثاني : هل الطلاب الذين دخلوا جامعة البترول والمعادن واخذوا شهادتها لهم عقلين ام عقل واحد مثلي ؟؟
جزاك الله خير ...
واردت ان اذكرك بشيء مهم هو ان طلاب جامعة البترول والمعادن ياخذون مكافئة شهرية 2500 ريال من ثاني سنة .
اما جامعة الملك سعود 1000 ريال .
السؤال الاول على الخاص
بالنسبة للسؤال الثاني
لو الواحد يستخدم 5% من عقله يمشي في الجامعتين ووياخذ معدل عالي.
ومن ناحية الصعوبة يمكن الملك سعود اصعب اعني في هندسة الحاسب فقط
لان عدد الساعات اكثر(زيادة 32 ساعة عن البترول) ولان الدكتور بيدة كل شي .
بخلاف البترول الساعات اقل(بحكم الخطة) والتدريب اكثر (بحكم الدوام) والطالب له احترامه اكثر من جامعة الملك سعود.
الخلاصة ماتحتاجة في البترول نفسية زينة واجتهاد لا اكثر.
جزاك الله خير اخوي ..
مبروك اخي عزوز وبالتوفيق .. بخصوص التخصص اذا تبي الصراحه لاانصحك بالحاسب الا في حاله واحده .. انك تاخذ معدل وتكون معيد بالجامعه او تكمل دراستك ماجستير او دكتوراة ..يعني فكر فيها شوي اغلب تخصصات الحاسب بشكل عام غير مطلوبه بشكل مستمر عندنا يعني انت بتدرس خمس سنين من الان .. اتوقع راح تقل الوظايف بشكل اكبر .. طبعا الخيار بالاول والاخير راجع لك لكن الافضل تضع لك خطه من الان لان الوضع ينقلب اوقات القبول والاختبارات ووجع الراس .
انا الان ادرس بجامعة حائل ومناهجنا هي مناهج جامعة الملك فهد للبترول والمعادن ..
كان دوامي من مسائي من الساعه 10 الصباح لحد 5 العصر ويوم واحد بالاسبوع يكون من 8 الى 5 .
لكن اذا انجليزي عندك تمام ماعليك .. لاتستخف بقدراتك .. اول ماكنت اتوقع ان انجليزيتي حلوه ومش بطاله الا بعد مااحتكيت مع الدكاتره طبعا كلهم امريكان وبريطانيين واستراليين والحمدلله بالتحضيري الا عديت الانجليزي بكل سهوله حتى الاختبارات مااراجع لها واخذ درجات عاليه ..
وحاجه ثانيه سواء البترول او جامعه سعود او اي جامعه خصوصا ً السعوديه الظلم من الدكاتره الله يعينك عليه ياما انظلمت وضاع ترم كامل وسنه كامله بسبب ظلم دكتور .
لحد الان ماخلصت تحضيري ومخطط على هندسة كهرباء باذن الله ..
واتفق مع كلام الاخ 64bit بخصوص الجامعه ماتهم بقدر مايكون الشخص مجتهد .
,وموفق بالترم الجاي .. وان شالله ترفع الراس بمعدل تستاهله .
في حاجه لم اوضحها اعتذر .. وهي بخصوص الساعات او الدوام البعض يظن انه مثل اغلب الجامعات لكن عندنا وكذلك جامعة البترول نظام يختلف .. محاضرات اغلب الجامعات تكون ساعتين او 3 .. لكن عندنا لاتوجد الا ماده واحد وتكون ساعتين فقط .. اما باقي المحاضرات كلها 50 دقيقه يعني دوامك مثلا من الساعة 8 الى 3 يكون مجزء كل محاضره 50 دقيقه لا اكثر .. النظام هذا اعجبني كثير والحمدلله انهم طبقوه عندنا مثل البترول .
مشكور جداً اخوي s4m1 .
ياخي ترى والله بدأت اكلم نفسي من كثر ماتكلمت الناس في الجامعات !!
يعني اذا هندسة الحاسب غير مطلوبة !!
ماهو المطلوب اذن ؟؟!
المطلوب اغلب تخصصات الهندسه بشكل عام .. وخصوصا ً الكيميائية و الصناعية لااعلم الصراحه ولا انسى الهندسه الكهربائية والميكانيكة وكذلك البترول ..
الترتيب بالافضليه :
الهندسه الكيميائية : طبعا التخصص مش مره صعب لكن له مشاكل وانت عارف الكيمياء عشان كذا قليل اللي يتخصص فيه وهو بالمرتبه الاولى ونقص كبير بالقطاع الخاص ومطلوب بشكل كبير .
بعدها الهندسه الميكانيكه اعتقد او الكهربائيه .. المهم ان هندسه الحاسب وعلوم الحاسب تأتي بالمرتبه 8 او 9 .. مع الوقت وعلى بال ماتخلص دراسه يقل الطلب ..
وكمان فيه تخصصات الاداره بعضها حلوه واسأل اهل الاختصاص عن المطلوب .
هذا المطلوب بالقطاع الصناعي بشكل ماتتصوره اذكر اول مادخلت الجامعه القى علينا محاضره شخص من سابك ووضح بعض التخصصات المطلوبه ..
نصيحه لا يهم التخصص بقدر مايهم ان تكون جاد بالدراسه وتكون راغبه ايضا ً لانك ماراح تمشي وانت ماانت راغب المواد اللي تدرسها . اذا راغب هندسة كمبيوتر عليك بها لكن عليك بالمعدل الطيب اقل شي تكون معيد بالجامعه .
على العموم انت لا تسمع رأي احد بخصوص دخول التخصص ... استخر واختر اللي تبغى ولا تهتم برأي احد اقصد بعد ماتخصص يجيك واحد ويقولك التخصص صعب او يقول مو مرغوب ماعليك منه لانك مااخذت القرار الا بعد ماراجعت نفسك وقررت .
انصحك بقراءة عن المقرارات للتخصصات اللي تفكر فيها عشان تكون عندك فكره ويمكن المنهج يعجبك !
وحاول انت تكون الخيارات كثيره .. اعرف الكثير معدلاتهم 90 واعلى نقصهم كم درجه باختبار قبول البترول ولا قبلته 4 جامعات وبالاخير الان يدرس بجامعه سعود لانه تقبل بدون اختبار ! ومعدلي اعلى من معدله بالجامعه !! مع العلم ان معدلي بالثانوي نازل حبتين :D
بالتوفيق .
هذا الكلامنصيحه لا يهم التخصص بقدر مايهم ان تكون جاد بالدراسه وتكون راغبه ايضا ً
الكلام على اللي يتخرج مهوب على اللي يدخل الجامعة اذكر اول ترم القاعة كانت ستين طالب وبعد شهرين عشرين طالب!!اعرف الكثير معدلاتهم 90 واعلى نقصهم كم درجه باختبار قبول البترول ولا قبلته 4 جامعات وبالاخير الان يدرس بجامعه سعود لانه تقبل بدون اختبار
صراحة هذا الكلام غير صحيح بدليل افتح الجرايد وشفيعني فكر فيها شوي اغلب تخصصات الحاسب بشكل عام غير مطلوبه بشكل مستمر عندنا
هذا الكلام كان ينقال من خمسطعشر سنة والى يومك والواقع يثبت عكس ذلكيعني انت بتدرس خمس سنين من الان .. اتوقع راح تقل الوظايف بشكل اكبر
كل ماله والطلب يزيد.
بالمناسبة اخوي S4m1 تخصص هندسة الكهرباء وهندسة الحاسب في كثير
من الجامعات ان لم يكن اكثر الجامعات اﻻمريكية كلا التخصصين في قسم واحد .
عموما المعروف عالميا ان اكثر التخصصات اﻻكاديمية طلبا هو software engineering
نعم ﻷن مكان خريج هندسة الحاسب الحقيقي هو معامل انتل وAMD ,IBM ,AT&T,hp,Xerox وغيرها.يعني اذا هندسة الحاسب غير مطلوبة
لكن بما انك هندسة حاسب في العالم العربي ماعندك مشكلة انك تكون مهندس او
مدير شبكة , مبرمج,مدير قاعدة بيانات,مدير امن شبكة....مدير تسويق لشركة كمبيوتر .
جزاكم الله خير اخواني ..
ان شاء الله ابدرس هندسة كمبيوتر وبعد 5 سنوات يكون التخلف انتهى ان شاء الله
وتكون الوظائف صارت متوفرة بشكل اكبر .
ضوابط المشاركة
المفضلات