السلام عليكم
لو ناوى أجمع منصة جديدة أو مستعملة
مقارنة بفارق السعر مقابل فارق الأداء ما بين الجيلين العاشر والحادى عشر من جانب والجيلين الثانى عشر والثالث عشر من جانب أخر هل يستحق تفضيل الثانى او الثالث عشر؟
وعليكم السلام
لونويت بناء منصه جديده
بالطبع الذهاب مع الجيل الثالث عشر أفضل
أو حتى الجيل الثانى عشر
لكن الجيل العاشر + الحادى عشر
الفرق بينهم لايستحق
لكن عليك أن تقتنى باورات جيده
حتى تستفاد من قوه تلك المعالجات
وعليك توفير تبريد جيد جدا
لذلك عليك توفير ميزانيه محترمه
( شكلك ورثت ثروه طائله )
ياراجل هو حد يفكر فى الترقيه
فى الأيام الزحل اللى إحنا فيها دى
!!!!!
ربنا المستعان
هههههههههههههههههههههههههه لا مورثتش بس بفكر اشترى اللوحة بالقسط ولما اخلص قسطها تكون معالجات 12 و13 اتوفرت مستعملة لو لى عمر يعنى وبعدين شكلها كده اللى جاى زحل أكتر بس الله كريم
بس اللى انا اقصده بشكل اكثر وضوحا
لو أمامى فرصة لشراء معالج جيل عاشر 10400 مستعمل ب4500
ولوحة جديدة ب3500 او 4000
الكفة تبقى فى صالح مين سعر مقابل أداء؟
ولو أنا عايز أقاطع انتل فى حاجة ف رايزن منافسة سعرا وأداءاً؟
لإنى لما تابعت السوق مشعارف انا صح ولا غلط بس اللى انا ملاحظه ان اسعار رايزن فى الطالع عن انتل دلوقتى بالإضافة ان الأداء أقل شوية
التعديل الأخير تم بواسطة ryko ; 18-12-2023 الساعة 06:59
فى الآونه الأخيره
تداركت إنتل الامر ورجعت لسابق عهدها
بالتفوق النسبى وإستقرار معالجاتها عن amd
بالنسبه للأداء
ليس هناك وجه للمقارنه بين العاشر والثالث عشر
أنما السعر الفارق بينهم كبير
لذلك حجم الميراث هو من سيحدد مع من ستتجه
ههههههههههههههههه والله ولا ميراث ولا حاجة من دى
ده هيكون دين جديد عليا والسبب ان الجهاز عندى باظ والكارت عندى تقيل على الجهاز rtx 2060
ما هو ده اللى اقصده يا بشمهندس ان فارق الأداء يستحق فارق السعر؟
انا شايف فارق السعر ما بينهم فى المعالجات مش كبير لكن اللوحات مضروبة *2
نحن نتحدث عن المنصه كامله ياأخى
معالج + لوحه
هناك فارق بالسعر بينهم
ونعم فارق الأداء يستحق
فقط لمن يملك الميزانيه
إنما بالدين كما تقول
يغور الجيل ال 12 + 13 + جميع الأجيال
هذا الزمان لم يسبق أن مرينا بصعوبات جمه
كتلك التى نمر بها
فبعد أن كنا نقوم بتخزين البصل على سبيل المثال
أصبحنا نقوم بشراء كيلو واحد فقط !!
لذلك لايستحق الأمر زيادته صعوبه
والأمر متروك لك بالنهايه
فأنت أدرى الناس بظروفك
موفق دائما
شكرا اخى العزيز
أعزك الله
الشكر لله أخى الكريمالمشاركة الأصلية كتبت بواسطة ryko
أكرمك الله
ضوابط المشاركة
رد مع اقتباس
المفضلات