SOUND BLASTER AUDIGY 2 PLATINUM - BOX الي يعرفه يدخل

**S H E Z O N** · 02-07-2003, 22:53

اخوي hitman مشكور على ردك اول شي

واتبعت نصيحتك واشتريته وانا مغمض

===================

اخوي Zed Device اشكرك على ردك وفاعليتك

=====================

مشكور اخوي Mohammed على المعلومه

========================

اخوي DDesigns اشكرك على تلبيتك للدعوه اولاً

واشكرك على اثرائك للموضوع بمعلوماتك القيمه

بالنسبه لكلامك هذا

بخصوص السماعات 6.1 فا انصح ان تأخذ نوعيه عاليه الجوده 5.1 مع مصداقيه THX افضل بكثير من 6.1 ضعيفه الجوده

هل تقصد بالسماعات 5.1 الي معها امبلي فاير الي سعرها حوالي 1200 ريال ؟؟؟

واشكرك مره اخرى

**UNREAL** · 02-07-2003, 23:35

تنبه أن تكون السماعات DIGITAL وليست ANALOGE

مثل التي على الرابط التالي...

https://asia.creative.com/products/s...s/inspire5700/

أيضا الموديلات
5600 و 5500 كلها DIGITAL ...

**DDesigns** · 03-07-2003, 00:36

نعم التي معها امبلي فاير طبعا ليس شرط ان تكون كرياتف .. بل يوجد افضل منها مثل :

Klipsh 5.1 THX

Logtic 5.1 THX

Creative 5.1 THX

كل هذول اعتبرهم افضل شيء تقريبا .

**S H E Z O N** · 03-07-2003, 15:48

اخوي UNREAL كلامك كبير والله ووضحت نقطه كانت خفيفه وهي نفس النقطه الي قصدها اخوي DDesigns

مشكور اخوي DDesigns صراحة اثريت معلوماتي واتبعت نصحك

**BLBL** · 04-07-2003, 18:57

اخي ارجو منك زيارة الرابط التالي لمعلومات مهمه ومفيده ومفصله
https://www.mohshop.com/IB/index.php?act=ST&f=6&t=15&

**S H E Z O N** · 05-07-2003, 17:46

مشكور اخوي BLBL

الصراحه موقع حلو

**BLBL** · 07-07-2003, 13:09

عفوا اخوي
وبعدين هذا واجبنا لأحلى موقع هارد وير عربي

**مغرم دبي** · 16-07-2003, 22:15

هل ميزة تغيير الصوت الموجودة في audigy 1 موجودة في audigy 2 platinium ؟ وهل هي فعلاً مجدية أم هي كبقية برامج الصوت ؟

وهل الفرق كبير بين Audigy2 Platinium ex والـAudigy 2 Platinum العادي ؟

ولكم أطيب تحية ..

**ابو عبدالله** · 26-07-2003, 04:36

يا اخوان فيه ثلاث انواع من هذا الكرت ترا ضعنا وش الافضل

و ياليت تذكرون الاسعار

اخوي S H E Z O N ممكن تقول لي كيف يدعم الورجات

و يا ليت تقول لي تجربتك مع الكرت و الاورج لانه عندي اورج مثل الي معك شريته من الدوليه بالرياض بنفس السعر

و ودي اعرف كيف التسجل للكمبيوتر عبر الكرت

تحياتي

**S H E Z O N** · 26-07-2003, 18:46

اخوي مغرم دبي بالنسبه لتغير الاصوات هذي برامج مرفقه ماله دخل الجهاز بذا الشي

والفرق بين Audigy2 Platinium ex و Audigy 2 Platinum

انه الاول خارجي يعني خارج الجهاز يعني تقدر تشبكه على اي جهاز واللاب توب

بس الثاني لا داخلي ويكون داخل جهاز واحد واذا بغيت تحطه بجهاز ثاني لازم تفكه

وطبعاً الأول أغلى من الثاني بس على شانه خارجي

----------------------

اخوي ابو عبدالله

مبروك عبيك الأورق اول شي

ثاني شي الكرت هذا له تعامل عجيب مع الأورق

لو تلاحظ المقابس في الأورق من الخلف تبي تلاحظ انه كلها راح تتوافق مع هذا الكرت في مقابسه الاماميه

وفيه كيبل تشريه من ياماها والله اسمه موب عندي الأن اظنه اسمه هوست HOST تبي تلقاه في الكتالوج المرفق معه

تبي تشوف نقاوة في التسجيل غير غير عن الكروت العاديه

وانا الي شفته الى الان غير طبيعي وكل يوم وانا اخوك اكتشف شي جديد

فأذا انت تبي تشري لا تشري غير هذا الكرت واشتر الداخلي على شانه ارخص ومواصفات الداخلي والخارجي نفس الشي بالظبط

وانتبه لكلمة PLATINUM لأنه هي الي يجي معها القطعه الي صورتها في الاعلى واذا صارت بدون كلمة PLATINUM معناته انه الكرت لوحده من غير القطعه الي فوق

ومرفق مع الكرت برامج حلوه للتعامل مع الاورق وتسجيله بصيغة ميدي وعمل تركات اذا كانت صعبه عليك عملية التركات في نفس الاورق

(( معلومه على الطاير :: ترى الأورق يدعم 16 تراك )) واذا تبي تزيد عندك البرامج

وكل هذا كوم والي ذكره اخوي دي دي ديزاين عن الكرت كوم ثاني

بس اذا كنت قلق بتعامل الكرت مع الأورق فمن الحين اقولك لا تشيل هم واشتر وانت مغمض لأنه صراحه من البضاعات الي ما تتحسف على شرائك لها

**ابو عبدالله** · 26-07-2003, 19:54

شي جميل و اللخ اخوي S H E Z O N اني اقدر ازيد التراكات و كمان انه فيه برنامج خاص للتسجيل من الاورج

بس القطعه الي انت حاطها فوق هذي تجي من خلف الجهاز و لا من قدام تحت السي دي رايتر

و كمان شغله اتمنى انك تكون بالرياض يا ليت تقولي

و اخر شي سعر الكرت البلتينيوم و مع القطعه و كل شي و ابيه يكون اصلي

تحياتي

**S H E Z O N** · 27-07-2003, 09:16

صورة القطعه هذي

صحيح زي ما قلت توضع بالامام في نفس الفتحات المخصصه للسيدي روم

وانا فعلاً بالرياض

سعره لقيته في محل بــ 720 ريال

بس انا شريته من محل أسمه باث للحاسبات ضربت له مشوار للعقيق في شمال الرياض وسعره 680 ريال

**ابو عبدالله** · 27-07-2003, 15:33

الف شكر لك اخوي ما قصرت صراحة

بس بسالك عن مركز باث هذا

هل خدمتهم حلوه .. و هل القطع مضمونه و اصليه

لاني ناوي اجمع جهاز الان و ابي مركز ممتاز يبيع القطع الاصليه

تحياتي

**S H E Z O N** · 27-07-2003, 17:35

اخوي ابوعبدالله

اذا تبي نصيحتي اشتر الجهاز الي تبي تشتريه قطعه قطعه بنفسك وبكذا تضمن انه يكون معه عدته كامله ما ينقص منها دسك والا يضيع منها شي

وانت جمعه في البيت بنفسك انا سويت كذا صراحه على شان اعرف كل شي بجهازي

واذا ماتعرف تجمع او صعب عليك محل باث الصراحه راعيه رجال يخاف ربه وماتصدق انه القطعه الي اخذتها منه جايبها جديده تلمع من وكالة كريتيف جايبها يعني مو كرتون منتف رايح فيها وناقص منه سيدي والا شي لا وربي وانا اشهد له انه ولد حلال الظاهر اسمه محمد الرجال مطوع هو

بس مشكلة ذا المحل انه بعيد بقوة انا اوصف لك

وانت ماشي في طريق الملك فهد متجه شمال كنك رايح للقصيم بيجي مخرج قبل مبنى جريدة الجزيرة والرياض ادخل مع ذا اللفه وارجع يوتيرن وخلك في الخدمه الى ان يجيك بنك الاهلي على اليمين

اللفه حقت البنك الاهلي الي قبلها على طول خش معها يمين بيجيك المحل على اليمين على طول

تراه محل صغير

قبل لاتروح ياليت تقول لي وش ناوي تشري عطني المواصفات الي حاطها في راسك

ويعطيك العافيه

**ابو عبدالله** · 27-07-2003, 19:27

الف شكر S H E Z O N

و انا اتصلت بهم و خذت الوصف و باين عليهم ان شاء الله ان فيهم خير

و بالنسبة للمواصفات الي انا ودي اخذها هي

موذربورد جيجابايت GA-8KNXP
معالج انتل بنتيوم 2.8 و بص 800 و كاش 512
1 جيجا رام 400 بص دول
ويسترون ديجتل 80 جيجا الترا سرعة 7200 او ساتا الجديد ما بعد حددت
دي في دي روم lite on x16 او تياك
سي دي رايتر lite on x52 او تياك
كرت الصوت زين الحلايا الي ذكرته انت

فلوبي ديسك سامسونج او سوني ما تفرق
مودم كريتف او زوم
شاشه فيو سونك 19 بوصه مصطحه الجديده

كرت الشاشه محتار كل واحد يمدح شي و انا ضعت
و الكيس انا بتنقى واحد يكون التبريد فيه ممتاز

هاه وش رايك ؟ ابدعت في الاختيار :D