أخي زواوي:-
أشكرك أخي الكريم على مرورك الرائع والكلام الجميل اللى إنت كاتبه الحقيقة بالنسبة للكارت هو داخل دماغي وعاجبني ليه لأني شفت الحقيقة عرض لإنفيديا مش للكارت ده خصوصا ولكن لتلائم شركة إن فيديا مع الفيستا فأنا قلت أكيد ده بالنسبة للفئة الثامنة فقلت أشتري واحد من الفئة الثامنة ولكن لقيت سعره غالي أوي واحد ب 1000 وشوية والتاني ب 1400 جنيه مصري تقريبا ولكن ال 8500 لقيته ب 600 جنيه فهو ده المعقول في سعره وأنا زي ما قلت مش عايز الألعاب تشتغل بجرافيك عالي أوي وكل امكانيات الألعاب عمومًا أنا عايز حاجة أشتغل عليها كويس ولما آجي أشغل أي لعبة عموما تشتغل ولو مش بكل امكانياتها وأرجو منك التعليق إن كان هذا الكارت لن يصلاح لهذا العمل وياريت أخي الكريم هل ممكن شركة Zotac تكون نزلت مصر والا لا لأن في مصر لسه الكروت نازلة من حوالي شهر بس فلو تعرف في مصر موجودة والا لا الشركة ده ياريت تقولي.
أخي الكريم Grivin:-
الحقيقة ردك عجبني جدًا لأن فكرك زي فكري Wink: أنا دايما مش بحب أدفع فلوس كتيرة في كماليات لازم يكون الكارت يعمل العمل اللى أنا عايزه منه بس الحقيقة أنا شفت شوية عروض لشركتين هما Nvidia و ATI مش معقولة على جمال الجرافيك بتاع كروت الفئة الثامنة والتكنولوجيا العالية اللى فيها حاجة تحفة فعلا.
بالنسبة لعرض كارتك ولآخر كارت إنت اشتغلت عليه هما ممكن يكونوا أقوى من 8500 ولكن أنا من رأيي إن الدايركت إكس 10 والشيدر 4 دول مهمين في الفترة المقبلة خصوصا مع الألعاب وأنا مش بتاع ألعاب أوي إنما ساعات بحب ألعب أحيانا يعني فعايز حاجة برضو تكون تمشي كدة يعني مع الألعاب الجديدة ومش لازم الرزوليوشن العالي وشغل التكنولوجيا الجديد أوي ده.
أنا بس عايز أعرف أتكل على الله وأشتري الكارت ده والا أستنى فترة وأشتري 8600gt وشكرًا لمروركما إخوتي الكرام بارك الله فيكم ومنتظر ردودكم وآراء الإخوة.
والسلام عليكم ورحمة الله وبركاته.:D
المفضلات