محتاج اعرف يا جماعة بجد
الأخوة الكرام أعضاء منتديات عرب هاردوير
بعد التحية
هذه أول مشاركة لى معكم فى المنتدى بعد ما شاهدته من إحتراف وتميز تمنيت ان اكون معكم منذ زمن بعيد
قرأت فى منتداكم للمرة الأولى عن إنخفاض أسعار اشتراك الانترنت فائق السرعة الى 50 جنيه
فتمنيت لو كنت اعرف قليلاً عن كيفية إنشاء شبكة خاصة بى فلم اتردد فى كتابة موضوعى بعد ما عاينته من مشاركات فعالة من اخوة أكثر من متميزين :frnd"
واتمنى ان تعذروا جهلى فى كتابة نقاط الاستفسار فانا لا أملك للاسف من الخبرة فى مجال الشبكات الا القليل جداً بصفتى مشترك فى شبكة كبيرة
ويتلخص إستفسارى فى عدة نقاط :
أولاً: اسعار سرعة 512 و 256 شهرياً داخل مصر
ثانياً: ترشيح جهاز روتر مناسب واير وسعره التقريبى
ثالثاً: ترشيح سويتش مناسب *لا أعلم اذا كان السويتش يؤثر على كفائة الشبكة ام لا وثمنه
رابعاً: جميع التكاليف التى سأتحملها
خامساً: ما يجب تعلمه والبحث عنه لكيفية ادارة الشبكة بشكل مستقل
ملحوظة هذه الشبكة لـ3 أجهزة
اى إضافات هامة اجهلها اتمنى مشاركتى بها
سأتابع الموضوع بصفة مستمرة بإذن الله
ولكم ارق تحية وكل التقدير
سلام
محتاج اعرف يا جماعة بجد
95-180 و الخمسين جنيه لسه لم يصدر بها قرار فهي في حكم الاشاعة و الخبر الغير مؤكدأولاً: اسعار سرعة 512 و 256 شهرياً داخل مصر
اشتري راوتر مجهز بسوتش 4 مخرج من ماركة سبيد تاتش الكاتيل في حدود 300 جنيه او اقلثانياً: ترشيح جهاز روتر مناسب واير وسعره التقريب
او سيس لينك اقل من 400 جنيه
لو كانت الكيزانية محدودة هناك انواع رخيصة محدودة الامكانيات في حدود 200 جنيه
او يمكن شراءها مباشرة من مزود الخدمة اللي حتشترك معاه
و ده في حالة شبككة شخصية
لو حتوصل للجيران انصح باستخدام جهاز سيرفير لتنظيم السرعة كما ساوضح لاحقا
ثمن الراوتر المدمج و سلوك تمن المتر حوالي 1 جنيه و اشتراك في مزود الخدمة 3 شهور و تكلفة زيارة التركيب لمهندس الشركة مزودة النت اظن حوالي 75 جنيهرابعاً: جميع التكاليف التى سأتحملها
اذا كانت شبكة شخصية لك وحدك فلا حاجة لمعرفة كبيرة و بالوقت سوف تتعلمخامساً: ما يجب تعلمه والبحث عنه لكيفية ادارة الشبكة بشكل مستقل
لو الشبكة حتكون لجيرانك او اخواتك و سيكون هناك استهلاك و مشكلة سحب السرعة
انصحك باعداد جهاز مفتوح 24 ساعة ليكون سيرفير مركب بيه 2 كارت نيتورك
يدخل في كارت منهم السلك القادم من الروتر
و يخرج من الكارت الاخر سلك الي سويتش توزيع منفصل
و يتم تحميل برنامج مثل ISA او باندويدث كنترولر و ذلك لتنظيم السرعة و تحديدها لكل جهاز
والله يا نوبل انا مش عارف اشكرك ازاى
الشبكة ان شاء الله هتكون لـ3 اجهزة فى نفس المكان ومش هنحتاج جهاز سيرفر لانه يعتبر استخدام بسيط وغالباً جهاز واحد فقط هيكون شغال منهم لكن وانا بأشترى الروتر الاسبيد تاتش هل فى نوع معين متجرب قبل كده وشغال كويس؟!
وربنا يبارك فيك يا حبيب قلبى
سلام
العفو با اخي اسئل براحتك
انصحك تاخد لفة في موول كمبيوتر قريب منك
تسال علي مودم فيه اربع فتحات نيتورك و اشوف احسن الموجود و المناسب لميزانيتك لان الاسعار تتغير و تقل بسرعة
و ممكن تدرس شراء مودم يدعم التوصيل اللاسيلكي و بيه فتحته نيتورك للتوصيل بسيوتش منفصل
لربما يفيدك مستقبلا
و زي ماتحب و الغالي تمنه فيه سيبك من الانواع الرخيصة اوي خليك في لامتوسط و فوق المتوسط
https://www.arabhardware.net/forum/s...ad.php?t=49303
هذا الموضوع سوف يفيدك في اختيار المودم المناسب
انا فتحت فعلاً الموضوع الجميل ده لكن احترت جداً لان كل عضو اختار افضل نوع من وجهة نظره ومفيش إجماع على نوع معين
وبالنسبة لميزانيتى فى حدود 300 او 400 بالكتير للمودم
و ممكن تدرس شراء مودم يدعم التوصيل اللاسيلكي و بيه فتحته نيتورك للتوصيل بسيوتش منفصل
وده ثمنه فى حدود كام نوبل ؟؟
انت فاهم يا نوبل لما يكون حد داخل على حاجة جديدة بالنسباله بيكون تايه جداً ومش قادر يحدد ايه المناسب
لكن انت ممكن ترشحلى حاجة كويسة بالذات انت من مصر واكيد عارف انواع مناسبة واسعار مناسبة
المهم ما اكونش باتقل عليك وشاغلك بالموضوع ده
السلام عليكم
فى روتر 4 بورت ب 320 جنيه d-link ومش هتحتاج لسويتش
السلام عليكم
اغلب الموديلات لا تزيد عن 400 جنيه
خليك مع لينكسيس و سبيد تاتش و بعدهم دي لينك
لو اخدت لفة في الموول حتفهم العملية ماشية ازاي لاني مش عارف ايه المودلات و اسعارها بالظبط
اوك يا جميل ربنا يباركلى فيكوا كلكم والله كلامكم فادنى ووضحلى حاجات كتيرة جداً
ان شاء الله هحاول انزل اى مول واعرف ايه الاسعار الفترة دى
ربنا يوفقكوا فى حياتكم دايماً يا رب
سلام
ربنا معاك وأتمنى لك التوفيق
لا إله إلا الله محمد رسول الله
المفضلات