للــرفع ....... 28 زائر وماحد رد .... يا عيب الشووم
السلام عليكم ورحمة الله وبركاته ...... صاحبكم توه جاي من رحله مكوكيه من ابراج الدوسري
بالخبر ..... وصراحه انا فيني دوده اسمها جهاز كمبيوتر جديد افضل من الخرده الي عندي
وصراحه بدت الصوره تتضح عندي ولكن عدم ثقتي بكلام التجار وكذلك اسعارهم
وثقتي العمياء في خبرائنا تجعلني اعتمد عليكم
خلني اقول لكم في الاول انا كمستخدم استخداماتي :
Games <<< مو مره كثير بس مشكلتي احب الألعاب الثقيله
convert <<<<< في البيت شاشة LCD فلماذا ما اتمتع انا واخواني بمشاهده افلام الــdvd
Torrent programs <<<<< هالحلو شغال 24 × 24 يحمل تخبرون فاتورة الدي اس ال لازم احللها
تقريباً هذي استخداماتي الرئيسيه طبعاً غير التفرج على الافلام والتصفح .
مشكلتي الرئيسيه كان عندي كرت شاشه 7300 GTS والله يرحمه انتهى حسبي الله ونعم الوكيل
بس سنه وبعدها قل ادائه بنسبه 80 بالميه واكتشفت ان المروحه مكسوره بالداخل بسبب الحراره
الزائده.
الحراره ذبحتني بشكل غير طبيعي وجنوني والآن ناوي اشتري جهاز قيمته 5000 ريال بحد اقصى
رحت ودرت وطلعت بالفكره والمواصفات وناقص منكم تدلوني على الطريق الصحيح والاسعار الصحيحه
خلني ابتدي بسم الله الرحمن الرحيم:
المعالج :
DUAL QORE 2 QUAD 6600 2.4
1140 ريال
اللوحه الأم :
GA-P35-DS3
830 ريال
الــباور سبلاي :
purepower rx 550W w0150
350 ريال << احس السعر كثير
الــكيس :
(VA7000SWA)
ملاحضه : هناك مروحه ورا ومروحه قدام ... وفيه امكانيه احط مروحه على الجنب عن طريق تعليقها
بالــتاي (شي بلاستيكي ما اعرفه بالعربي ) وطبعاً الكيس المنيوم
وسعره 750 ريال
كــرت الشــاشه:
سعره 1250 ريال
الهارديسك 160 غيغا SATA-2 سعره 190 ريال
الــ RAM
اثنين غيغا (2GIGA ) والباس 800 فيه نوعيه بــ 520 ريال
وفيه KINSTON بـ 600 ريال وكلهم طبعاً الباس 800
الــDVD COMPO وما تفرق معه نوعيه قويه لكن يمكن اخذ ساسمسونج وما اعرف كم سعرها
ما ادري وشو رايكم وكذلك وشو اضافاتكم
هل تنصحوني بالنسبه للهارديسك استخدم SATA-3 وكذلك بالنسبه لمشتت المعالج
استخدم نوعيه ثانيه ....... لأني متخوف من الحراره لأنه ما عندي تكييف مركزي بالغرفه كان
ارتحت شوي .... تخبرون الشرقيه وحرارتها وخصوصاً الأحساء ( منطقه منخفضه والحراره على كيف كيفك)
والله انتضر ارائكم لأنها تهمني مهما كانت بالنسبه للنوعيات والاسعار ..... بأي قطعه
وارجوا انكم ما تعبتوا مني ومن مواضيعي ..... اخوكم الصغير الشمشير :frnd"
للــرفع ....... 28 زائر وماحد رد .... يا عيب الشووم
للــرفع
مرحبا أخوي الشمشير المواصفات تعتبر جيدة
بالنسبة للمعالج أكيد جيد للأستخدام المتعدد سعره 1100
اللوحة الظاهر ماتدعم خاصية sli و cross لكرت الشاشة (مب أكيد) حاول تتأكد.
الرامات أخذ كنجستون 2G هايبرأكس
والبقية الشباب يساعدونك
المواصفات ممتازة وضابطة على الميزانية
اللوحة GA-P35-DS4 تدعم الكروس فاير وهي ممتازة وجودتها عالية
نصيحتي لك تأخذ كيس أرخص من اللي ذكرته (الصراحة غاالي) وإن شاء الله بتحصل كيس كبير ورخيص ذو فتحات تهوية ممتازة شوف مجمع الدوسري بالخبر بتحصل أنواع كثيرة
والفلوس الموفرة حطها في كرت شاشة أفضل مثلا 8800 320 GTS
والرامات خذ ابو 520
و DVD خذ السامسونج ممتاز وسعره 150 تقريبا وممكن رخص بعد
وبالتوفيق
مشكوري اخواني
ولكن انا ودي اغير المذر بورد لــ DQ6 الاصدار الجديد الي يدعم 45 نانو عشان لا جا بعدين وبغيت اطور
لقيت ان لوحتي تدعم الــ DDR3 وكذلك المعالجات الجديده ذات المعماريه الجديده
السؤال الي جاي في بالي مع تراكم الاخبار بنزول معالجات جديده
هل انتضر ام اتوكل على الله واشتري ؟؟؟
وغير كذا وشو ارخص محل بأبراج الدوسري لأن احس الاسعار فيها لعب خصوصاً الكيسات وكروت الشاشه
تطمن اللوحة DS4 تدعم المعالجات الجديدة 45 وهي تدعم رامات DDR2 1066
والتطورات الجديدة قادمة في حدود شهر
والماذربورد تدعمك عدة سنوات
يعطيك العافيه اخوي بوكس مان
ولكن بالنسبه لمسأله التبريد انا صراحه متخوف من حرارة كرت الشاشه
ماهو رخيص وماعندي اي بروده وهل تقترحون علي كيس آخر ممتاز من ناحيه البروده؟؟؟
حرارة كروت الشاشة الجديدة لابد منها وهي مصممة لتحمل الحرارة العالية يعني إذا وصلت 75 ترى طبيعي
مزود الطاقة يباع في الرياض بسعر قريب من 470 ريال وهو ممتاز هذا الموضوع فيه مناقشة صغيره عنه :
https://www.arabhardware.net/forum/s...ad.php?t=62795
ما انصحك تتنازل عن هذا الصندوق ولو كان ب 1000 ريال ( هذا سعره عندنا في الرياض ) لانك لن تحتاج الى تركيب مراوح اضافية ويعطيك مساحة كبيرة رائعة ولن تقابلك مشاكل في ارتفاع الحرارة باذن الله خاصة وان اشتريت مشتت للمعالج من Thermatake او Zalman ، شوف قسم التبريد فيه تقارير عن مشتتات مشهورة .
سعر كرت الشاشة غريب شوي لانه مثل سعر 8800GTS 320MB والآداء طبعا أقوى لصالح 8800GTS ! تأكد من رقم الموديل . وانتبه اللوحة لا تدعم ذواكر DDR3 ويفضل عدم شراء لوحة تدعم هذه الذواكر للارتفاع سعرها وايضا لان ذواكر DDR2 الآن توجد بسرعات رائعة واسعار رائعة ايضاً .
اخوي مجلد جديد ..... من وين تنصحني اشتري
مشكلتي بالحسا والمحلات الي عندنا ما عندهم ما عند جدتي للأسف وابراج الدوسري اتوجس منهم كثير بحكم
الاختلاف بالاسعار
بالنسبه للمشتات انا ناوي اتم على المشتت الاصلي ان شفت الوضع ما نفع راح اركب لي ثيرمالتيك وعلى الله
خساره بخساره
بالنسبه لكرت الشاشه اوكي اشتريه لكن من وين ... وين يعطيني سعر حلو 1250 على GTS8800 320 MEG؟؟؟
اخواني شرايكم اشتري كرت الشاشه الي هنا .....
https://www.newegg.com/Product/Produ...82E16814150173
لأنه عندنا سعره غالي بالحيل
وبالنسبه للرسوم لما يوصلني بالسعوديه عشان لو صار زي كذا الاسعار ارخص وشريت كل الاغراض الي ابيها يمكن يطلع لي ديسكاونت بالسعر الي طلعت به بالسعوديه
500 إلى 700 ريال
وانتوا اخبر مني بهالشغلات
ادري اني سويت ازعاج بالمنتدى (z)
اليوم جلست اتصفح في موقع newegg
وقارنت اسعار القطع بالاسعار الي شفتها بأبراج الدوسري (( بالطقاق مو اسئل عن السعر واطلع بالعربي اكاسر راعي المحل لما تطلع عيونه ))
سعر المعالج في ابراج الدوسري 1140 ريال ((Intel Core 2 Quad Q6600 ))
اما سعره في الموقع 1049 ...... فارق السعر (( 90 ريال وكسور )) ((https://www.newegg.com/Product/Produ...82E16819115017))
سعر كرت الشاشه XFX GeForce 8800GTS 320MB في ابراج الدوسري 1550 ريال
اما سعره في الموقع 1148 ((https://www.newegg.com/Product/Produ...82E16814150172)) فرق السعر يطلع 401 ريال
سعر الرامات Kingston HyperX 2GB في السوق 600 ريال
اما سعره في الموقع 506 ريال ....فرق السعر 93 ريال
سعر المذر بورد عندنا بــ 830 ريال GIGABYTE GA-P35-DS4
اما سعرها في الموقع 726ريال (( https://www.newegg.com/Product/Produ...82E16813128064 )) فرق السعر 104 ريال
سعر الكيس الخارجي نوعيه Thermaltake SHARK VA7000BWA عندنا بــ750 ريال
وعندهم بالموقع 695 يطلع فرق السعر 55 ريال
بالنسبه للباور سبلاي ما لقيتها بالموقع وما اهتميت صراحه خلني اقول 350 ريال
ملاحضه انا اضفت للسعر (( 3 Business Day Shipping )) وشو مقصود بهالشي معليش خويكم
غشيم جداًًاً
انتضر ارئكم
اخوي ، الشراء من الانترنت بيكلفك في الشحن خاصة مع الصندوق Case بسبب وزنه . وايضا سوف تفقد الضمان !
اما المشتت فاذا ما كان عندك نيه كسر سرعة ، فاستخدم مشتت Intel الأصلي وشوف اذا درجات الحرارة مناسبة
ولو اردت تغييره تقدر تغيره بعدين مافيه مشكلة يعني لا تهتم الآن به .
بالنسبة لاقراص الصلبة ، بما انك تستخدم التورنت ، فأفضل ان يكون عندك قرصين ، الأول بحجم 80 جيجا ويتم تثبيت النظام عليه والبرامج ، والثاني بالحجم الذي تريده ويكون مخصص لتخزين ملفات التورنت ، انا مسوي الطريقة هذي ومرتاح جداً معها .
زين انك لفت نضري اخوي مجلد جديد
صديقي بالرياض وابي اكلمه يشتري لي كرت الشاشه وبقيه الاغراض من ابراج الدوسري
من اي محل اخليه يشتري ؟؟
المفضلات