طلب من كل من يفهم في الmp4 genx

**شمسة** · 15-12-2007, 13:25

السلام عليكم
أنا عضوة جديدة
اشتريت جهاز mp4 من ماركة genx من السعودية
هو حد جابهولى

المشكلة ان مساحته 1 جيجا بس
أنا عايزة أعرف هل ممكن يتركب له كارت ميموري؟؟

قريت الكاتالوج اللى معاه مش جايب سيرة عن الموضوع !!!!
هل معنى كده انه مش بيتركب له؟ :Unhappy:

**شمسة** · 15-12-2007, 18:43

هو محدش سمع ع الgenx قبل كده والا إيه؟؟؟
هو مندثر للدرجة !!!

**dishna66** · 21-12-2007, 13:30

يا أختى الكريمة مش مسألة اندثار ويمكن العكس مش منتشر أو لسه ح يتنشر لأنى أنا دخلت على الموقع بتاع الشركه ......... واضح انه لسه مش كامل أو تحت الانشاء ........... حتى الدعم والأسئله الشائعة مش موجوده والأكتر من كده أن جهازك على ما أظن ده :
https://www.genxmea.com/default.asp?...article&ID=204

Product Guide يعنى دليل المستخدم مش نشط وحتى قسم الشرق الأوسط وافريقيا برضه مش نشط

طيب ايه الحل ؟
---------------------------------
شوفى المواصفات بتقول فى النقطة اللى بتسألى عنها

1 GB built in memory

يعنى فيه ذاكرة داخلية يعنى مدمجه 1 جيجا
-----------------------------------------------------
2- Support SD card
يعنى دى اجابة سؤالك واللى فهمته طبعا انه نعم بيدعم كارت الميمورى :

https://www.alibaba.com/showroom/SD_...t&albst=Search

مع خالص تحياتى

**شمسة** · 22-12-2007, 15:38

جزاك الله خيرا

انا جهازي مش اللى انت بتتكلم عنه
لا الى فوقيه

ومش كاتب انه support الكارت

شكله مش بيقبل

حسستني اني غبية لما قريت ردك:Big:

بس فعلا جزاك الله خيرا

**dishna66** · 22-12-2007, 22:34

لم أقصد بالطبع ان أوصل لك هذا الاحساس .......... لكن ربما حساسيتك المفرطة هى التى أوصلت اليك هذا الاحساس الخاطى والحكم القاسى على نفسك .......رغم انك ليس كذلك ......حتى وان كنتى تعنين الجهل بالشىء ......... فالجهل بالشىء أولى الخطوات الصحيحة للعلم به
--------------------------------------
- فمابالك بمن ذهب الى شركة كمبيوتر يشكو من تلف السيدروم ..... وبمناقشة صغيره معه اكتشف الزملاء أنه كان يعتقد أن السيدروم اكسسوار ترفيهى ... أى مكان فى الكمبيوتر لوضع كوب الشاى وفنجان القهوه أثناء جلوسه امام الكمبيوتر وكان بالفعل يضع كوب الشاى وماشابهه مكان الاسطوانه بعد فتح السيدروم

- ومن أردنا الاستعانه بشاشة الكمبيوتر الخاص به لمدة دقائق أثناء عمله فصرخ قائلا ....... وبياناتى وشغلى ..... معتقدا أن الشاشة هى مكن تخزين البيانات وليس الهارد

- ومن كانت تطفىء جهاز العمل من زرار الشاشة وليس بأمر shutdown ثم تاتى فى اليوم التالى وتفتح الجهاز من زرار الشاشة أيضا ........ كل هذا والجهاز المسكين فى حالة عمل مستمرة

- جيم كارى نفسه لو حب يعيد فيلم غباء فى غباء 100 مرة مايعملش كده ولا حتى يفكر فيه

-------------------------------------
بالنسبة لجهازك ....... بالفعل لم أجد اى اشارات أنه يمكن تركيب كارت ميمورى له ....... وأنه فقط من هذه الناحية يوجد به
Memory
Built-in 512 MB/1GB/2GB NAND flash memory

أى انه يوجد به ذاكرة داخليه مدمجه فقط يعنى فيه نوع من الجهاز نفسه ذاكرته 512 ميجا فقط ونوع تانى ذاكرته جيجا مثل جهازك والنوع الثالث 2 جيجا وده يمكن المقصود موديل الجهاز اسمه Mazzika II لاحظى الرمز II بجوار كلمة Mazzika وبالتالى ال 2 جيجا ممكن يكون موديله Mazzika III
-----------------
على اى حال احتفظى بموقع الجهاز وبصفحته عندك لأنك ممكن تحتاجيها فى أى وقت وخاصة فى تحديث السوفت وير بتاعه وممكن مع مرور الوقت يضيفوا شرح موسع لامكانيته ومشاكله وحلولها ......الخ
https://www.genxmea.com/default.asp?...article&ID=189
-------------------------------------------
وعلى فكرة طرح موضوع ال MP4 هنا ومثلها من باقى الزملاء الأعزاء ربما يجعل الأخوة الكرام القائمين على المنتدى يضيفون قسما جديدا مستقلا لمثل هذه الأحهزة على غرار أقسام الأجهزة الصوتية والرقميه الموجوده فى بعض المنتديات الاخرى والتى تناقش كل مايتعلق ب MP4 و MP3 و ipod .........الخ بعد انتشارها الواسع وتقدمها الرهيب وخاصة فيما يتعلق بماحاكتها للكمبيوتر سوفت وهاردوير .......... فهى حتى الآن نعتبر تلك الأجهزة ضيفا على الكمبيوتر الشخصى او تمت له بصله قرابة فقط من فرع ثان فى العائلة
------------------
على فكرة أنا لا أفهم أى شىء فى أجهزة ال MP4 ولم أتعامل معه من قبل ويمكن ال MP3 مره واحده فقط كفضول ... فهل أنا غبى ؟؟؟

-------------------------------
مع خالص تحياتى