السلام عليكم جميعاً
اتمنى ان يكون الجميع بالف خير باذن الله..
بفضل الله اجتزت امتحان الCCNA منذ فترة لا تتعدى الشهر وبفضل الله وفقني الله عزوجل لاحصل على درجة فوق ال 970... وكما كان هناك اخوة افادونى وفرقوا معي كثيراً بما قدموه.. اجد انه لزاماً علي ايضاً ان انقل ما اعرف الى ما بعدي .. حتى وان كان ضئيلاً على قدي.. لكن هو واجب علي... وخصوصاً بعد زيادة الاثقال على الاخوة الكبار هنا ربنا يكرمهم ويعزهم.. زي الاخ محمد سمير الي بجد لو كنت شفت شروحاته الرائعة دي من زمان مكنتش دخلت الكورس لانه افضل من شرح الانستراكتور بتاع الكورس اصلاً ربنا يكرمهم ويعزه ويزيد من امثاله..
فعشان نحاول نعمل ساحاول باذن الله الرد على كل من لديه اى سؤال في ال سي سي ان ايه ونرجو كذلك من الاخوة العمالقة الكبار مشاركتنا في ذلك..
اتذكر انى سالت العديد من الاسئلة هنا في المنتدى ولم اجد من يرد علي فاضطرت ان انزل يوم الامتحان الخاص بي واكلم مساعدة الانستراكتور بتاع الكورس الي تكرمت ونزلت مخصوص عشاني ربنا يكرمها.. ويوم الامتحان فقدت قرابة ال 3 ساعات عشان الاسئلة دي الي كان ممكن ياخد وقت اقل بكتير لو وجدت من يجاوب علي .. ولكن وقتها كان الجميع مشغول...
فلعلنا نحاول ان نعوض ذلك النقص.. وااتمنى من كل من ياخذ الشهادة ان لا ينسى فضل المنتدى عليه وفضل من افادوه ولو بكلمة صغيرة.. ويحولها عزم وارادة ان يفيد من بعده باذن الله تعالى...
نبدا ان شاء الله في تلقي الاسئلة ونسال الله ان يعين.. بس للتذكرة.. انا مهندس صغنطط كده على قد حالي فساحاول الاجابة قدر المستطاع وعلى حسب علمي الضئيل باذن الله تعالى...
المفضلات