المشاركة الأصلية كتبت بواسطة total90
سلام عليكم ..
هلا اخوي نجم سهيل ... ابد والله لا تشكرني هذا واجبي لازم اني اساعدك في شي اعرفه ومريت في تجربه مريره حاشاني بعدها عوار بطن لول وما ودي احد من يطيح فيها .. لي 7 مارس مو بعيد الموعد انطر شوي عادي لا تستعجل. والحمدلله اني قدرت اقنعك انك تشتري من سوقكم المحلي.
انا شريت قطع من الانترنت ( مذر بورد + كرت شاشه + بروسسر + رام ) عن طريق الامازون ولكن تفاجئت انه بعض القطع ما تشتغل نهائيا الا الرام سليم وانا مركبه الحين على جهازي ... بعثت للشركات ايميلات وتفاجئت بعد في بعض قوانين الارجاع والاستبدال صعبه علينا واحنا خارج الولايات المتحده . وبعد تدري انه ارسال القطع من الكويت الى الولايات المتحده مكلفه + جمرك تدفعها لجمارك الولايات المتحده .. السالفه كبيره وما تستاهل ... وتساهيل من رب العالمين لقيت احد الاخوان رايح امريكا وعطيته الاغراض وبعثهم من مكانه ... واسترجعت مبلغ القطع الا شركة وحده (مذربورد) رفضت استلام القطعه بعذر انه الكفاله انتهت.
امنت بالله وقلت العوض ولا القطيعه
والحمدلله على كل حال
طبعا مو كل شي يجي من هناك عطلان بس اذا توفرت القطعه في مكان قريب حتى لو في فرق بالسعر مو مشكله اخذها اضمن كفالتها. اما اذا توافرت القطعه وسعرها دبل دبل سعرها اخذها من بره وانا مرتاح
انا قررت اخذ كرت شاشه من الكويت .. وكنت ناوي على GTX او GTS كورت انفيديا طبعا ..
انصدمت لقيت 8800 GTX و GTS وطبعا اكثر من شركه EVGA, MSI , Gigabyte, XFX, BFG
سعر GTS يتراوح بين 145 - 160 دينار كويتي تقريبا بالدولار = 528 - 582 دولار
سعر GTX يتراوح بين 210 - 250 دينار كويتي تقريبا بالدولار = 764 - 910 دولار
والـــ Ultra ما مر علي نهائيا ولا شفته بصراحه واعتقد لو انه موجود راح ينباع 300 دينار .
هالكلام قبل شهر تقريبا .... ما توقعت توصل الكروت سعرها هالكثر ... خذيت نفسي وطلعت من السوق لول
وشريت لي كرت 3870 من اي تي اي وصل الكويت اول امس ما تعدى سعره 85 دينار ولله الحمد
انشالله ما يتكرر اللي صار معاي مع احد.
وبالتوفيق انشالله ..
سلام عليكم
المفضلات