شراء كارت جديد

[meru]

سعرة بالكتير اوي450ج هتلاقية في السخاوي في الدور الارضي وانت داخل يمين ودة توكيل شانتيك
او في السخاوي الجديد الدور التاني

[meru]

طيب ياريت تقولي بيعمل كام
ياترى الاداء بيفرق مع اختلاف الشركات
يعني لوفرضنا 7300gt من جيجابايت نفس اداء msi او شانتيك او view point او حتى من انفيديا
ولا كل شركة لها اداء مختلف

الشانتيك كان احسن اصدار واحسن سعر وبعدين قريب جدا للسعر اللي انت عايزة هتلاقية
من 400ج الي450ج بالكتير جدا لو عايز احكيلك عنةاحكيلك علي فكرة المنتدي بيمنع وضع الاميلات
الخاصة بالاعضاء علشان كدة معرفتش اراسلك

[ma_eng4]

انا بجد مش عارف اقولك ايه
متشكر جدا جدا جدا
وان شاء الله هدور عليه واجيبه
اشكرك تاني على الاهتمام الكبير

[meru]

علي فكرة الاسعار نزلت وبشكل كبير شوف الميزانية معاك كام وبعدين اسال عن الكروت اللي في نفس اللي معاك
وبعدين ارسل ونساعدك انا والاخوان
بنبهك الاسعار نزلت يعني ممكن تجيب حاجة احسن وفي حدود400ج

[ma_eng4]

الاسعار في الاسكندرية زي ماهي
وكمان اخر حاجة عرفتها ان 7300 GT مش مدعوم من العاب كتير
زي MEDAL OF HONOR AIRBONE مثلا
فعلا سياسة غير اخلاقية بالمرة من شركات تصنيع الكروت وشركات الالعاب برضه
لو عند اسعار جديدة ياريت تبلغني
لأن انا تقريبا استقريت على GIGABYTE 8400GS 265
وكمان بيدعم PCI EXPRESS 2 و DIRECT X 10
وكل الالعاب الحديثة واداءه جيد بالنسبة لسعره 360 جنيه

[ma_eng4]

المشكلة دلوقتي ان انا مقدرش ازود عن كده لأن لازم اجيب رام 1GB مع اللي موجوده

[meru]

الرام بتاعك كام يمكن متحتجش اكتر من كدة
بالنسبة للكرت لو انت مستريح لية خلاص

[ma_eng4]

انا الرام عندي كينجستون 1GB زي ماهو مكتوب عندك فوق
وطبعا الفيجا دي تربو كاش يعني مستريح هتاخد 256 من الرام
وزي ما انت عارف الويندوز هياخد 300 يعني مش هيتبقى حاجة خالص لا للالعاب ولا لأي تطبيق او برنامج قوي
وبالمناسبة ياريت تقولي مواصفات جهازك والالعاب اللي بتشتغل عندك ولو في طريقة اكلمك على الايميل مثلا يبقى احسن

[meru]

طيب مانت لما تغير الكارت الرام معاك هيبقي كويس وتقدر تزود علي تمن الكارت علشان الكارت هيبقي معاك والرام تقدر تزودة
وصدقني دة احسن اقتراح تجيب كارت اعلي وبعدين تجيب الرام
بالنسبة لموضوع الاميل مش هينفع علشان المنتدي يمنع انا ممكن اتصرف بس لازم نلتزم بقوانين المنتدي
ممكنتبعتلي رقم الموبايل وانا اكلمك او رقم البيت وامتي تكون موجود دة اللي اقدر علية
مواصفات الجهاز
CPU AMD 5200 ATHLON X2 F3

M.B ASUS LIVE ULTRA MNE_2

DDR2 PASS800 TRANSECOND 2×1G
HD WE D 320G
VEGA 8800GT OC 512
POWER 420 HEC
LCD BENQ 19 E9OOW
هذا كلة الكيسة دولفين برو لكن اتا مستعملتش البور بتاعها لانة ضعيف ومش متاكد منة انة 400W فعلي اولا انما عجبني شكلها

[ma_eng4]

كلامك مظبوط
المشكلة الاساسية ان الرام واحد جيجا وحتى لو الكارت الميموري كلها ON BOARD
برضه ا جيجا للرام شوية

وعلى فكرة انا جبت 8400 بس في حاجة غريبة بتحصل
بعد ما ركبت الكارت الجهاز بقى تقيل ولما حاولت ادخل السيت اب لقيت الصفحات تقيلة في الفتح وكمان لما تيجي تغيرها
بصراحة طنشت وقلت اما اشوف الكارت مع الجيمز على الويندوز
دخل معايا الويندوز تمام ولما جيت اشغل الالعاب لقيت فرق بينه وبين 7200 فرق كبير
لكن المشكلة انه بيقطع على اي رزيليوشن مع ان 7200 صعيف الا انه مكنش بيقطع كده
التقطيع مش ملحوظ قوي بس الواحد بيحس ان الصورة بتتسحب كده ده غير المشكلة الاولى الا انا طنشتها
بصراحة مش عارف ده عيب ايه
انا محتار ياترى الرامات ولا الكارت نفسه في مشكلة ولا الباور سبلاي ضعيف
انا عندي باور سبلاي 450W من النوع التجاري العادي (PRIMUIM )

[ma_eng4]

وعلى فكرة درجة الحرارة عندي ممتازة
25 للبروسيسور مع التحميل
9-15 في الوضع العادي
42 للفيجا

[meru]

فك الجهاز ونظفة وركبة من جديد
لان التقل من برة مش من الويندوز يعني انت كدة محتاج ابديت بيوس
طيب شوف البوردة بتاعتك سبورت للكارت ولا نوعة قديم لان كدة عندك حوار كبير

[ma_eng4]

ياباشا الجهاز جديد اصلا مش محتاج لا فك ولا تركيب وبالنسبة للبيوس انا اول ما جيبت الجهاز عملت ابديت لأخر اصدار والكارت ال7200 كان شغال تمام
وعلى فكرة انت بدأت تقلقني بحتة حوار كبير دي
وعموما انا رجعت الكارت وهجيب واحد تاني مكانه النهاردة ان شاء الله
بس انا شاكك فعلا في الباور سبلاي ومش عارف يمكن عشان المازر بورد اسوس والكارت جيجا بايت يعمل مشكلة

[ma_eng4]

عايز اعرف انت امتى بتبقى اون لاين
عشان صعب اوي استنى ردك يوميا بالطريقة دي

[meru]

انا معظم الوقت بكون في الشغل وبكون اون لاين لكن في البيت مقربش ناحية النت علشان الالعاب واخدة وقتي
بكون اون لا ين من الساعة 4 الي 12م
بالنسبة للمشكلة اللي عندك جرب بور سبلاي افضل ويكون نوع كويس مع انة هيكون غالي بس كدة افضل