قصص نجاح الناس اللى شغالين فى IT من الصفر الى القمة فى هذا المنتدى العظيم !!!

[eng_aamer]

بالتوفيق يا اخي charming66
هلا تحدثنا بالمزيد عن شهاده cisa?

[helioo]

يلا يا شباب أنا قولت هالاقي هنا قصص الرجال الكبار في المنتدي اللي نتعلم منهم و يشجعونا
بانتظار القصص التي تحفزنا في النجاح

يا بشمهندس محمد انا تعبت كل شوية بقول يا ريت عمالقة المنتدى يكتبو قصص نجاحهم او تجاربهم فى مجال IT لان فعلا الواحد بيستفيد من الكلام ده بس اظاهر ان العمالقة مش عايزين يشاركوا :mad:

اه بالمناسبة : انت نسيت ان حضرتك من العمالقة ولا ايه ؟ :D

فانا اطالبك على الهواء بسرد قصك نجاحجك والدروس المستفادة منها حتى يستفيد منها الجميع عقبال ما اخويا لومارك يخلص امتحانه ويبقى يجى يحكى قصة نجاحه :D انا فى الانتظار

اخى Charming66
جزاك الله خيرا على مشاركتك الفعالة والايجابية والواحد استفاد من تجربتك ان الواحد يقدر يجتهد فى اكتر من مجال فى نفس الوقت وان الواحد يطور نفسه باستمرار ويحط هدف امامه يحاول الوصول اليه وبفضل الله هيصل ان شاء الله طالما التخطيط سليم

و مفتاح النجاح هو بلا شك التوكل على الله ثم التصميم و الإرادة الحديدية بالإضافة إلى المرونة في التعامل مع معطيات الواقع
أتمنى أن تكون مشاركتي قد نالت على إعجابكم و لو قليلاً ، راجياً من المولى توفيق الحميع إلى ما يصبو إليه
بأمان الله

جزاك الله خيرا ووفقك لما يحب ويرضى واعانك على الحصول على الشهادة اللى بتتمناها

ونحن فى انتظار باقى عمالقة المنتدى

[BMAS]

مــاشــــــــاء الله تبــــــــــارك الله

والله الواحد يشعر بفرح ويثلج صدره عند قراءة مثل هذا القصص ربنا يوفقكم جميعا وجميع اخواني واخواتي المسلمين

لا احد يبخل علينا صدقوني لو انني قد حصلت على شهادة CCNA لااكتب قصت نجاحي هنا ههههههههه

لا فعلا لا احد يقلل من مجهودة الشخصي ويقول لنفسه انا لم افعل الى القليل على العكس كلنا سنحفزة ونشجعه لكي يستمر على الطريق الصحيح

قولي آآمين ندعوا الله العظيم كما جمعنا في هذا المنتدى العملاق ان يجمعنا في جنة الفردوس

وأن يجزي كل من قدم المساعدة لإخوانه بهذا المنتدى كل خير

[Charming66]

أخواني،
سوف اتقدم بشرح مفصل عن شهادة CISA خلال الأيام القادمة ، و لكن امنحوني بعض الوقت لأجهز شيئاً يليق بهذا المنتدى المتميز
بأمان الله

[قاهري]

اخي هيليو ...
كما اري ان الوحيد الذي ذكر قصته حتي الآن هو انت
يا اساتذة المنتدي الكبار لا تبخلوا علينا بقصصكم لتعم الفائدة علي الجميل ....
الفكرة مميزة اخي هيليو ... ارجو لك التوفيق ...

اعدك بان اشارك هنا بقصتي قريبا ان شاء الله ...

[eng_ya3ny]

فكره موضوع ممتازه بجد

ادعيلي بقي يا هيليو ابقي من العمالقه علشان اكتب قصتي

ربنا يوفقك ويوفق الاخ لومارك في امتحانه ويوفق كل اعضاء المنتدي

[mohammedsn]

اخي هيليو أولا انا ام انسي دعوتك لي مع اني مش من العمالقة و لا حاجة أنا عضو زيي زي أي حد و يمكن اقل كمان
لكن علي العموم
أنا فعلا بدات بكتابتها و اقتربت من الانتهاء منها و لكن حدثت معي شوية لخبطة ليويمن اللي فاتوا في مواعيدي بجد مش عارف اقعد في البيت سامحني
لكن قريبا جدا سوف انتي منها و تكون عندك باذن الله

[helioo]

اخي هيليو أولا انا ام انسي دعوتك لي مع اني مش من العمالقة و لا حاجة أنا عضو زيي زي أي حد و يمكن اقل كمان
لكن علي العموم
أنا فعلا بدات بكتابتها و اقتربت من الانتهاء منها و لكن حدثت معي شوية لخبطة ليويمن اللي فاتوا في مواعيدي بجد مش عارف اقعد في البيت سامحني
لكن قريبا جدا سوف انتي منها و تكون عندك باذن الله

يا اخى محمد سمير انا تعبت من كتر المناداة يا جدعان احنا عايزين نشوف قصص نجاح الناس العمالقة علشان نتحفز ويكون عندنا دافع للتميز بس بالمنظر اللى انا شوفته فى المنتدى ده انا خايف ليكون جالى احباط :eek:
مع العلم انى اقل واحد علما فى هذا المنتدى بالرغم من وجود عمالقة بدون مبالغة بجد بدون مبالغة عمالقة مش فى الوطن العربى فقط بل فى العالم كله .
وكل واحد منهم تفضل مشكورا وقال باذن الله لما تكتمل قصة نجاحة هبقى اكتبها (BB) وطبعا المجال ده ملوش نهاية بمعنى ان الواحد لما يحقق هدف هيلاقى نفسه فى هدف تانى امامه اكبر بيحاول يوصل ليه وطبعا احنا لو فضلنا على كده يبقى كل عام وانتم بخير ولا هنشوف قصص نجاح ولا اى حاجة .

مش شرط تكون قصة نجاح كاملة للاخر هى ممكن تكون اى تجربة او خبرة الواحد اكتسابها من خلال مشواره فى مجال IT

اتمنى اشوف قصص العمالقة علشان الواحد يستفيد من تجاربهم وجزاكم الله خيرا

[mohammedsn]

بسم الله الرحمن الرحيم

بداية هي مش قصة نجاح و لكن هي بداية في مشوار فانا ما زالت في بداية مشواري و ما كنتش عايز أكتب غير لما استفيد من الاكلبر و عمالقة المنتدي كما سماهم الأخ هيليو و لست منهم لكي أستفيد أنا من قصصهم و نصائحهم الغالية
و لكن لعل كتابتي هذه تكون دافع لهم علي كتابة قصص نستفيد بها في حياتنا
و في نفس الوقت تكون دافع لإخواني ان الدنيا ليست مظلمة كما يقولون


أولا القصة تبدأ عندما تخرجت من كلية هندسة حلوان بتقدير جيد جدا و كنت ال 13 علي الدفعة بتاعتي و كنت عامل مشروع جميل جدا و واخد فيه إمتياز و يمكن كان موضوعه جديد و ده كان عام 2005
قعد فترة ابحث فيها عن عمل كأي طالب عادي و كنت متفاءل لأقصي درجة علشان أنا تقديري كويس و كمان مشروعي كان جميل
يمكن فعلا في شركة عجبها المشروعع بتاع المجموعة بتاعتي و لكن عاب المشروع بس اننا مصريين حديثي التخرج و مش ممكن يعتمد في الشركة بتاعته علي حاجة زي كده !!!!!!

طبعا ده كان اول حاجة في الإحباط اللي أصابت الواحد
التانية إني لاكثر من أربع أو خمس شهور مش لقيت شغل خالص و كل الانترفيو اللي عاملتها
وفقت في اتنين بس كانوا عايزين سفر للخارج ( شغل برة يعني ) و انا يمكن لا أحب السفر إلا لو مثلا دورة تدريبية أو عمرة مثلا فهذا شأن آخر و السبب في هذا أني أريد أن أكون بجانب والدي أراعيهم لا بالمال و لكن أعتقد انهم يحتاجون المشاعر أكثر من المال
المهم رفضت السفر و لم أوفق في عمل في مصر بتقديري
التالتة ان ناس كتير اشتغلت من أصحابي اللي كان تقديرهم اقل مني بالواسطة و منهم اشتغل في شركة والدي يعمي بها و لي الاولية لاني من أبناء العاملين لكن هو كان معاه إمضاء من وزير مرة واحدة فخلاص بقي بلا تقدير بلا اولية هههههههه

رفضت أن أكون عالة علي والدي أكثر من هذا فاشتغلت فترة في ال sales لأشياء ليست هندسية بالمرة و مرتبها كان صغير بس مش يخليني اخد مصروف كما يقال من أحد وحوشت الحمد لله ثمن عمرة

سسبحان الله صدق رسول الله " الحج و العمرة ينفيان الفقر كما ينفي الكير خبث الحديد "
بعد العمرة مباشرة التقيت بصاحب لي كان بيشرح كورس ال ccna و يعمل كانستركتور مساعد في سنتر معروف جدا في القاهرة
عرض علي اني أخد الكورس و إن مجال النتورك مجال جميل
اخدت الكورس بالفعل و بعدها بفترة وجيزة قال أن السنتر محتاج ناس ممكن تقدم
قدمت و معي كام واحد و كان في منهم سيرتفيد و أن كنت لسة منتهي من الكورس لم أخد السيرتفيد بعد
و لكن في فرق بين الحافظ الباس فور شور و اللي فام و ده بيظهر في الاتنرفيو
و طبعا فضل الله قبل و بعد كل شئ

التحقت في العمل في هذا السنتر
قؤات كتاب سيسكو حتي يكاد أن تقول حفظتها لاكون متمكن من شرح المادة و امتحنت السرتفيد طبعا لانه كان شرط المكان و حصلت علي الدرجة النهائية ( مش انجاز كيبير لان الباس فور شور موجود ) بس أنا فعلا كنت فاهم المنهج كويس جدا
فقبل ما أدخل الامتحان كنت قرات الكتاب كله و لخصته كمان و حليت الباس فور شور و معظم التست كينج و كان ساعتها الف سؤال حليت جزء كبير منه فالحمد لله مش عملية حفظ يعني

المهم ظليت في هذا المكان أخدت كورس الروتنج لانه بعد التحاقي بشهر المركز قام بشرح الروتنج و ده كانت ميزة لي
فوجئت ان صاحبي اللي قارب علي السنة لم يأخد الا تراك الروتنج لان السنتر مش بيشرح ال ccnp الا كل فترات متباعدة و عادة بيشرح تراك الروتنج لانه هو اللي عليه الطلب
و لما أخبرته ان في ناس عايزة ال ccnp السنتر قالي أحنا مش جمعية خيرية السنتر بيجيب دخل كبير من ال ccna لانها مطلوبة جدا و ال ccnp مش مطلوبة فننتظر لد لما نجمع نفس العدد في ال ccnp فنقوم بشرح تراك

فايقنت أن معني كده مش هاخد ال ccnp خالص

لكن استفدت بان معي أجهزة حقيقية بتدرب عليها في السنتر إني أذاكر تراك السويتشنج self study
و امتحنت امتحان composite في الروتنج و السوتنشنج
و الحمد لله خلال دراستي للمنهج فانا قرات الكتاب تقريبا 3 مرات فمش اعتقد أن أي أحد أخد الكورس فهمه اكتر مني

حدثت مضايقات في السنتر اللي كنت فيه بسبب اني الحمد لله كان شرحي مبسط جدا و الناس كتير كانت معجبة بيه في نفس الوقت اني مساعد انستركتور المفروض اني بشتغل العملي بس و الانستركتور الاصلي يمكن كان تعامله شديد شوية

و ده كان بيظهر في الاستنيان اللي في نهاية الكورس
لدرجة أني لما أخدت الروتنج و سويتشنج سيرتفيد قالي هاتمشي امته لانه عارف طبعا ان المرتب ده مش بقي ينفع لانه كان مرتب زهيد إالي حد ما
المهم تركته بالفعل و ربي كرمني بعده بسفر مرة تانية للعمرة في شهر رمضان

سبحان الله
رجعت قدمت ال cv بتاعي تقريبا 3 شركات منهم شركة techniqal support طبعا رفضت لان الواحد مش المفروض انه ينزل و انا واخد تراكين في البروفشنال
و منهم 2 سنتر اشتغل كاني محاضر أساسي مش مساعد يعني
المهم قبلت في واحدة منهم
و بدات أذاكر في الiscw طبعا أعانني جدا الدينامبس و ال vmware اللي شرحهم أستاذي القدير لومارك
اعانوني جدا أني انهي التراكين المتبقيين لان اللاب اللي كان هناك مش قوي جدا
و حاولت كمان أخلي في الكورس شرح الدينامبس كهدية فوق الكورس من باب أنه يفيد الناس و كنت طبعا اي كورس عموما بديه بقول لكل الناس لازم تنزل حلقات لومارك و كمان لازم تشترك في عرب هاردوير

المهم الحمد لله انهيت التراكين في ال ccnp
و كان وصل ضغط الشركة اللي انا فيها ضغط شديد جدا لدرجة اني اصبحت اعمل في اغلب الاسبوع 14 ساعة
ده غير المواصلات مما ارهقني جدا و قررت ان اترك لشركة
لدرجة ان صاحبها بيقولي ازودك في المرتب قولتله مش حكاية فلوس حكاية اني عندي جسم لازم يستريح
المهم
في خلال هذه الفترة كانت شركة اتصالات كبري ( يعني مش تحيز بس هي أكبر شركة اتصالات في مجال المحمول )( و هي شركة عالمية اصال و ترتيبها علي شركات العالم رقم 32 ) تريد ناس في ال backbone network في الشركة و هو تقريبا من أفضل الاقسام داخل الشركة انلم يكن أفضلها فعلا
قدمت لعدة امتحانات و الحمد لله اجتزتها و كان مما اعجبهم جدا فكرة الدينامبس و ال vmware و الحمد لله اني فاهم مش حافظ

المهم اتعينت و في خلال أول أيامي بدأت اقرأ عن بعض مجالات الاتصالات لانها تتعلق بعملي زي مجال gsm ,gprs ما علينا ده حاجات في الاتصالات متصلة بالنتورك بتعتي و لا احب ان اكون جاهل بها

بالنسبة للي بيسال يعني ايه قسم backbone

يعني هي شركة كبيرة فيها عدة شبكات شبكة للناس اللي بيعملوا و ده يمسكها الناس بتوع مايكروسوفت و شبكة اللي بتجيب العملاء و شبكة .....
اللي بيحمل كل هذه الشبكات و يوصل كل فروعها الي الفروع الأخري هو قسم backbone
يمكن الحمد لله كمان اول ما اتعينت دخلت في مشروع كبير جدا في الشركة
مما أعجبني بفضل الله ان أحد الشركات لما اتعرفنا بها خلال العمل سالوا عن كل عضو في التيم بتاعنا فلما عرفوا اني لسة جديد استغربوا اني أدخل في مثل هذا المشروع ( اللي أسال الله العظيم أن يوفقني فيه و يتم بخير علي أحسن حال ليكون من افضل الاشياء التي تثبت أقدامي في الشرق الأوسط كله )
المهم الحمد لله قال manger بتاعي انا علشان اختار واحد في التتيم بتاعي بعمل انترفيوهات من اول شهر 7 اللي فات و قال الكلام ده في أخر شهر 3

المهم لقتهم كمان بيهتموا بال mpls , bgp يعني تراكات في ال ccip غير طبعا اعتمادهم علي اشياء كتير في ال ccnp
فقررت مذاكرة ال ccip و أنا طبعا معاي منها الروتنج لانها في ال ccnp
و الحمد لله بعد حوالي 3 أيام من قرائتي نزلت في تجربة لشئ و كانت تجتوي علي أوامر في ال mpls و زميل قديم قالي تقدر تعملها لوحدك قولتله نعم غن شاء الله و بالفعل قمت بكتابة كل الاوامر اللي المفروض تكون علي الروتر بالتفصيل

و في خلال أسبوع و حاجة بسيطة انهيت أول تراك تقريبا و حاليا بقوم بعمل العملي الخاص به لاستعد للمراجعة و دخول الامتحان إن شاء الله

ما زلت أذاكر الآن لكي أحصل علي ال ccip قريبا ثم اتجه للفويس ccvp
ثم أكمل شهاداتي بشهادة ال ccie إن شاء الله تعالي

يعني أنا مازلت في أول المشوار
و لا اعتقد اني عجوز فأنا لم أتم ال 25 سنة بعد و ساتمهم بعد كام شهر إن شاء الله
و لكن حبيت ابث فيكم الأمل
حتي لا يطول هاكتبلكم ليه انا كتبت ده كله

[mohammedsn]

لماذا كتبت قصتي لعدة أسباب
1- حافز لاخواني ممكن تحقق نفسك الدنيا مش واسطة و فلوس
2- إياك أن تبخل بمال تنفقه في سبيل الله الله يضاعف أضعاف مضاغقة
3- أنت لا تعلم ماذا يخبئ الله لك في الغيب
فكل اللي اعرفهم من أصحابي اشتغلوا بالواسطة لا اعلم أحد منهم يأخذ مرتب يقارب مرتبي لا أقول مثله بل أنا أعلي بفترة الحمد لله ( ربنا يستر و مش اتحسد و ااترفد هههههههه ( طبعا انا بهزر فانا بين أخوتي و بيخافوا علي اكتر مني ))
و لكن الشهاد أني ل كنت اشتغلت في شركة أبي مش كنت دخلت هذا المجال أفضل فسبحان الله كان الافضل لي أن اترفض عشان اتعلم
4- لا تكن عالة علي والديك اعمل اي شئ بدل حلال و لكن لا تجلس عاطل تاخد مصروف من أبيك انا قعدت اشتغلت 5 شهور sales لشركة دعاية و إعلان
و الله كنت باسمع كلمات تكاد تقطع قلبي زي واحد يقولي روح مش عايزن وواحد يقولي ربنا يسهلك بطريقة كاني بشحت منه و التلت يشاولي من بره
و طبعا كان في ناس بتعجب اني مع اني مهندس رضيت اشتغل كل حاجة
لكن مع كل هذا الالم اللي أحيانا كنت بحس بيه ما كنت لاترك هذا وو أجلس في البيت

5- لا تعتمد علي شهادة الجامعة فقط فهي لم تقوم معي بالكثير مع اهميتها أيضا خصوصا في الدول العربية لانهم يهتكمون بالشهادات نوعا ما
لكن لابد معها من الشهادات العالمية
6- لا تكن حياتك فقط لطلب الدنيا
بفضل الله أنا احفظ كتاب الله و أحضلر دروس دين و قرات في كتب كثيرة
فقد قال تعالي " و ما خلقت الجن و الإنس إلا ليعبدون "
ثم كن مع الله و الله يييسر لك أمرك
7- انفض يديك من الاسباب و اتكل علي الله فانا كنت أكاد أجزم طول فترة الجامعةإني سوف اعمل في شركة أبي " الشركة المصرية للاتصالات " و هي شركة كبيرة ووالدي مدير إدارة فيها و منفعش

و الحمد لله أحمد لله أني لم اعمل بها فانا الىن أحسن بكتير جدا
فاتكل علي الله و لا تتكل علي المخلوقيين
قال تعالي " أمن يجيب المضطر إذا دعاه و يكشف السوء و يجعلكم خلفاء الأرض أإله مع الله قليلا ما تذكرون "
" و قال ربكم ادعوني استجب لكم "
8- ما أعانني كثيرا جدا اني حاولت أن اعين أخواني بفيدو أو اتنين بما أستطيع و علي قدي يعني و هي الشروحات الفيديو اللي في المنتدي و لا تتخيل اخي أثر دعوات الناس لك
قال رسول الله " كان الله في عون العبد ما دام العبد في عون أخيه "
فكل ما تساعد واحد يساعدك الله و يوفقك في الدنيا و الىخرة

في النهاية أحب أن أقول كلمة شكر كبيرة لهذا المنتدي
و أخص الاستاذ الكبير القدير لومارك علي ما قدمه خلال هذا المنتدي و علي مساعدته لي كثيرا فجزاه الله عني خيرا
فقد قال رسول الله " من لم يشكر الناس لم يشكر الله "

و أسف لاني أطلت عليكم

[mahmoud saad]

والله جميل يا باشمهندس محمد ربنا يوفقك كمان وكمان ويحققلك كل اللى بتتمناه

[chikou]

لا اطالة ولا هم يحزنون بارك الله فيك اخي محمد و بالتوفيق و ربنا يفتح عليك اكثر و اكثر
و في انتظار الباقين اين انتم لا تبخلوا علينا بخبرتكم ، الأخ محمد ادى لي عليه

[helioo]

بسم الله ما شاء الله ايوة كده يا هندسة ربنا يفتح عليك على هذا الكلام انت متتخيلش انا كنت مستمتع وانا بقرا قصتك اد ايه بجد والله :frnd"
اسال الله ان يرفع قدرك فى الدنيا والاخرة
واللى انا استفدته شخصيا من قصتك هو

لماذا كتبت قصتي لعدة أسباب
2- إياك أن تبخل بمال تنفقه في سبيل الله الله يضاعف أضعاف مضاغقة
5- لا تعتمد علي شهادة الجامعة فقط فهي لم تقوم معي بالكثير مع اهميتها أيضا خصوصا في الدول العربية لانهم يهتكمون بالشهادات نوعا ما
لكن لابد معها من الشهادات العالمية
6- لا تكن حياتك فقط لطلب الدنيا
بفضل الله أنا احفظ كتاب الله و أحضلر دروس دين و قرات في كتب كثيرة
فقد قال تعالي " و ما خلقت الجن و الإنس إلا ليعبدون "
ثم كن مع الله و الله يييسر لك أمرك
7- انفض يديك من الاسباب و اتكل علي الله فانا كنت أكاد أجزم طول فترة الجامعةإني سوف اعمل في شركة أبي " الشركة المصرية للاتصالات " و هي شركة كبيرة ووالدي مدير إدارة فيها و منفعش

و أسف لاني أطلت عليكم

---- كن لله كما يريد يكن لك فوق ماتريد
---- فعلا لا تعتمد على الشهادة الجامعية فقط لان الالاف حاصلون عليها ولكن على المرء ان يتميز عن الاخرين وخصوصا لو كانت الشهادة الجامعية فى مجال غير مجالات الكمبيوتر زى شهادتى مثلا بكالوريوس تعليم صناعى قسم تكنولوجيا سيارات :D وطبعا كل واحد شافنى فى الشركة وعرف ان شغال مهندس فى IT سالنى انت خريج ايه كمبيوتر ساينس ولا حاسبات ومعلومات ؟ طبعا كنت عايز اقولهم خريج تعليم صناعى ساينس :D وكل اللى اقوله تعليم صناعى يقولى يعنى ايه ؟ وايه علاقتها بالكمبيوتر ؟فبشرحلهم انى ذاكرت شبكات ولله الحمد

---- اهم نقطة انت ذكرتها لا تكن حياتك فقط لطلب الدنيا
فعلا يا بشمهندس الدنيا بتاخد الواحد بطريقة غريبة ولازم الواحد يجعل نصيب للاخرة لان الواحد قبل دخوله فى هذا المجال كان حفظ قدر لاباس به من القران مع دروس العلم ولكن الان مع كثرة الانشغالات وكثرة طموحاته ومحاولته لتحقيق اهدافه قد يكون مقصر جدا (BB)
نسال الله ان يردنا الى دينه ردا جميلا .

اسال الله ان يكتب لك النجاح يابشمهندس محمد فى كل شى وان يهديك ويهدى بك ويعلمك ويعلم بك وينفعك وينفع بك ويجعلك سببا لنصره اخواننا المسلمين فى كل مكان انت وكل اخ اجتهد وحاول مساعدة اخوانه المسلمين فى كل مكان .

فى النهاية انا فى انتظار باقى قصص العمالقة واحد منهم خلص قصته المهندس محمد سمير ناقص الكتير فى هذا المنتدى انا مش عايز اذكر اسمائهم لان اسمائهم فى غنى عن التعريف .

[eslam_elsadat]

فعلا قصه شيقه بشمهندس محمد انشاء الله مزيد من التقدم ليك وللمسلمين

[عباس شاهين]

لماذا كتبت قصتي لعدة أسباب
1- حافز لاخواني ممكن تحقق نفسك الدنيا مش واسطة و فلوس
2- إياك أن تبخل بمال تنفقه في سبيل الله الله يضاعف أضعاف مضاغقة
3- أنت لا تعلم ماذا يخبئ الله لك في الغيب
فكل اللي اعرفهم من أصحابي اشتغلوا بالواسطة لا اعلم أحد منهم يأخذ مرتب يقارب مرتبي لا أقول مثله بل أنا أعلي بفترة الحمد لله ( ربنا يستر و مش اتحسد و ااترفد هههههههه ( طبعا انا بهزر فانا بين أخوتي و بيخافوا علي اكتر مني ))
و لكن الشهاد أني ل كنت اشتغلت في شركة أبي مش كنت دخلت هذا المجال أفضل فسبحان الله كان الافضل لي أن اترفض عشان اتعلم
4- لا تكن عالة علي والديك اعمل اي شئ بدل حلال و لكن لا تجلس عاطل تاخد مصروف من أبيك انا قعدت اشتغلت 5 شهور sales لشركة دعاية و إعلان
و الله كنت باسمع كلمات تكاد تقطع قلبي زي واحد يقولي روح مش عايزن وواحد يقولي ربنا يسهلك بطريقة كاني بشحت منه و التلت يشاولي من بره
و طبعا كان في ناس بتعجب اني مع اني مهندس رضيت اشتغل كل حاجة
لكن مع كل هذا الالم اللي أحيانا كنت بحس بيه ما كنت لاترك هذا وو أجلس في البيت

5- لا تعتمد علي شهادة الجامعة فقط فهي لم تقوم معي بالكثير مع اهميتها أيضا خصوصا في الدول العربية لانهم يهتكمون بالشهادات نوعا ما
لكن لابد معها من الشهادات العالمية
6- لا تكن حياتك فقط لطلب الدنيا
بفضل الله أنا احفظ كتاب الله و أحضلر دروس دين و قرات في كتب كثيرة
فقد قال تعالي " و ما خلقت الجن و الإنس إلا ليعبدون "
ثم كن مع الله و الله يييسر لك أمرك
7- انفض يديك من الاسباب و اتكل علي الله فانا كنت أكاد أجزم طول فترة الجامعةإني سوف اعمل في شركة أبي " الشركة المصرية للاتصالات " و هي شركة كبيرة ووالدي مدير إدارة فيها و منفعش

و الحمد لله أحمد لله أني لم اعمل بها فانا الىن أحسن بكتير جدا
فاتكل علي الله و لا تتكل علي المخلوقيين
قال تعالي " أمن يجيب المضطر إذا دعاه و يكشف السوء و يجعلكم خلفاء الأرض أإله مع الله قليلا ما تذكرون "
" و قال ربكم ادعوني استجب لكم "
8- ما أعانني كثيرا جدا اني حاولت أن اعين أخواني بفيدو أو اتنين بما أستطيع و علي قدي يعني و هي الشروحات الفيديو اللي في المنتدي و لا تتخيل اخي أثر دعوات الناس لك
قال رسول الله " كان الله في عون العبد ما دام العبد في عون أخيه "
فكل ما تساعد واحد يساعدك الله و يوفقك في الدنيا و الىخرة

في النهاية أحب أن أقول كلمة شكر كبيرة لهذا المنتدي
و أخص الاستاذ الكبير القدير لومارك علي ما قدمه خلال هذا المنتدي و علي مساعدته لي كثيرا فجزاه الله عني خيرا
فقد قال رسول الله " من لم يشكر الناس لم يشكر الله "

و أسف لاني أطلت عليكم

قصة جميلة جدا رفعت من معنوياتي وازالت قليل من الاحباط الذي يزيد يوم بعد يوم
خصوصا بعد ان عرفت انك تكبرني بسنة واحدة فقط
ربي يوفقك ويجزيك عنا كل خير