قصص نجاح الناس اللى شغالين فى IT من الصفر الى القمة فى هذا المنتدى العظيم !!!

[GHOSTEID0]

وارجوا ان اسمع قصة أخوانى فى الله ويبووووو و لومارك

[shreef79]

السلام عليكم

اريد ان اوضح مدى سعادتى بهذا الموضوع لانه في غاية الاهميه والفاعليه
وربنا يوفقنا كلنا انشاء الله

[rmada]

السلام عليكم

هذا الموضوع جميل جدا وهو ده فغلا اللي كل مبتدئ في مجال الit محتاجه لكي يحتذي بهذه النماذج التي تستحق ان يقتدي بها وشكرا جدا ليكو علي الموضوع الجميل ده

[mohammedsn]

بسم الله الرحمن الرحيم

بداية هي مش قصة نجاح و لكن هي بداية في مشوار فانا ما زالت في بداية مشواري و ما كنتش عايز أكتب غير لما استفيد من الاكلبر و عمالقة المنتدي كما سماهم الأخ هيليو و لست منهم لكي أستفيد أنا من قصصهم و نصائحهم الغالية
و لكن لعل كتابتي هذه تكون دافع لهم علي كتابة قصص نستفيد بها في حياتنا
و في نفس الوقت تكون دافع لإخواني ان الدنيا ليست مظلمة كما يقولون


أولا القصة تبدأ عندما تخرجت من كلية هندسة حلوان بتقدير جيد جدا و كنت ال 13 علي الدفعة بتاعتي و كنت عامل مشروع جميل جدا و واخد فيه إمتياز و يمكن كان موضوعه جديد و ده كان عام 2005
قعد فترة ابحث فيها عن عمل كأي طالب عادي و كنت متفاءل لأقصي درجة علشان أنا تقديري كويس و كمان مشروعي كان جميل
يمكن فعلا في شركة عجبها المشروعع بتاع المجموعة بتاعتي و لكن عاب المشروع بس اننا مصريين حديثي التخرج و مش ممكن يعتمد في الشركة بتاعته علي حاجة زي كده !!!!!!

طبعا ده كان اول حاجة في الإحباط اللي أصابت الواحد
التانية إني لاكثر من أربع أو خمس شهور مش لقيت شغل خالص و كل الانترفيو اللي عاملتها
وفقت في اتنين بس كانوا عايزين سفر للخارج ( شغل برة يعني ) و انا يمكن لا أحب السفر إلا لو مثلا دورة تدريبية أو عمرة مثلا فهذا شأن آخر و السبب في هذا أني أريد أن أكون بجانب والدي أراعيهم لا بالمال و لكن أعتقد انهم يحتاجون المشاعر أكثر من المال
المهم رفضت السفر و لم أوفق في عمل في مصر بتقديري
التالتة ان ناس كتير اشتغلت من أصحابي اللي كان تقديرهم اقل مني بالواسطة و منهم اشتغل في شركة والدي يعمي بها و لي الاولية لاني من أبناء العاملين لكن هو كان معاه إمضاء من وزير مرة واحدة فخلاص بقي بلا تقدير بلا اولية هههههههه

رفضت أن أكون عالة علي والدي أكثر من هذا فاشتغلت فترة في ال sales لأشياء ليست هندسية بالمرة و مرتبها كان صغير بس مش يخليني اخد مصروف كما يقال من أحد وحوشت الحمد لله ثمن عمرة

سسبحان الله صدق رسول الله " الحج و العمرة ينفيان الفقر كما ينفي الكير خبث الحديد "
بعد العمرة مباشرة التقيت بصاحب لي كان بيشرح كورس ال ccna و يعمل كانستركتور مساعد في سنتر معروف جدا في القاهرة
عرض علي اني أخد الكورس و إن مجال النتورك مجال جميل
اخدت الكورس بالفعل و بعدها بفترة وجيزة قال أن السنتر محتاج ناس ممكن تقدم
قدمت و معي كام واحد و كان في منهم سيرتفيد و أن كنت لسة منتهي من الكورس لم أخد السيرتفيد بعد
و لكن في فرق بين الحافظ الباس فور شور و اللي فام و ده بيظهر في الاتنرفيو
و طبعا فضل الله قبل و بعد كل شئ

التحقت في العمل في هذا السنتر
قؤات كتاب سيسكو حتي يكاد أن تقول حفظتها لاكون متمكن من شرح المادة و امتحنت السرتفيد طبعا لانه كان شرط المكان و حصلت علي الدرجة النهائية ( مش انجاز كيبير لان الباس فور شور موجود ) بس أنا فعلا كنت فاهم المنهج كويس جدا
فقبل ما أدخل الامتحان كنت قرات الكتاب كله و لخصته كمان و حليت الباس فور شور و معظم التست كينج و كان ساعتها الف سؤال حليت جزء كبير منه فالحمد لله مش عملية حفظ يعني

المهم ظليت في هذا المكان أخدت كورس الروتنج لانه بعد التحاقي بشهر المركز قام بشرح الروتنج و ده كانت ميزة لي
فوجئت ان صاحبي اللي قارب علي السنة لم يأخد الا تراك الروتنج لان السنتر مش بيشرح ال ccnp الا كل فترات متباعدة و عادة بيشرح تراك الروتنج لانه هو اللي عليه الطلب
و لما أخبرته ان في ناس عايزة ال ccnp السنتر قالي أحنا مش جمعية خيرية السنتر بيجيب دخل كبير من ال ccna لانها مطلوبة جدا و ال ccnp مش مطلوبة فننتظر لد لما نجمع نفس العدد في ال ccnp فنقوم بشرح تراك

فايقنت أن معني كده مش هاخد ال ccnp خالص

لكن استفدت بان معي أجهزة حقيقية بتدرب عليها في السنتر إني أذاكر تراك السويتشنج self study
و امتحنت امتحان composite في الروتنج و السوتنشنج
و الحمد لله خلال دراستي للمنهج فانا قرات الكتاب تقريبا 3 مرات فمش اعتقد أن أي أحد أخد الكورس فهمه اكتر مني

حدثت مضايقات في السنتر اللي كنت فيه بسبب اني الحمد لله كان شرحي مبسط جدا و الناس كتير كانت معجبة بيه في نفس الوقت اني مساعد انستركتور المفروض اني بشتغل العملي بس و الانستركتور الاصلي يمكن كان تعامله شديد شوية

و ده كان بيظهر في الاستنيان اللي في نهاية الكورس
لدرجة أني لما أخدت الروتنج و سويتشنج سيرتفيد قالي هاتمشي امته لانه عارف طبعا ان المرتب ده مش بقي ينفع لانه كان مرتب زهيد إالي حد ما
المهم تركته بالفعل و ربي كرمني بعده بسفر مرة تانية للعمرة في شهر رمضان

سبحان الله
رجعت قدمت ال cv بتاعي تقريبا 3 شركات منهم شركة techniqal support طبعا رفضت لان الواحد مش المفروض انه ينزل و انا واخد تراكين في البروفشنال
و منهم 2 سنتر اشتغل كاني محاضر أساسي مش مساعد يعني
المهم قبلت في واحدة منهم
و بدات أذاكر في الiscw طبعا أعانني جدا الدينامبس و ال vmware اللي شرحهم أستاذي القدير لومارك
اعانوني جدا أني انهي التراكين المتبقيين لان اللاب اللي كان هناك مش قوي جدا
و حاولت كمان أخلي في الكورس شرح الدينامبس كهدية فوق الكورس من باب أنه يفيد الناس و كنت طبعا اي كورس عموما بديه بقول لكل الناس لازم تنزل حلقات لومارك و كمان لازم تشترك في عرب هاردوير

المهم الحمد لله انهيت التراكين في ال ccnp
و كان وصل ضغط الشركة اللي انا فيها ضغط شديد جدا لدرجة اني اصبحت اعمل في اغلب الاسبوع 14 ساعة
ده غير المواصلات مما ارهقني جدا و قررت ان اترك لشركة
لدرجة ان صاحبها بيقولي ازودك في المرتب قولتله مش حكاية فلوس حكاية اني عندي جسم لازم يستريح
المهم
في خلال هذه الفترة كانت شركة اتصالات كبري ( يعني مش تحيز بس هي أكبر شركة اتصالات في مجال المحمول )( و هي شركة عالمية اصال و ترتيبها علي شركات العالم رقم 32 ) تريد ناس في ال backbone network في الشركة و هو تقريبا من أفضل الاقسام داخل الشركة انلم يكن أفضلها فعلا
قدمت لعدة امتحانات و الحمد لله اجتزتها و كان مما اعجبهم جدا فكرة الدينامبس و ال vmware و الحمد لله اني فاهم مش حافظ

المهم اتعينت و في خلال أول أيامي بدأت اقرأ عن بعض مجالات الاتصالات لانها تتعلق بعملي زي مجال gsm ,gprs ما علينا ده حاجات في الاتصالات متصلة بالنتورك بتعتي و لا احب ان اكون جاهل بها

بالنسبة للي بيسال يعني ايه قسم backbone

يعني هي شركة كبيرة فيها عدة شبكات شبكة للناس اللي بيعملوا و ده يمسكها الناس بتوع مايكروسوفت و شبكة اللي بتجيب العملاء و شبكة .....
اللي بيحمل كل هذه الشبكات و يوصل كل فروعها الي الفروع الأخري هو قسم backbone
يمكن الحمد لله كمان اول ما اتعينت دخلت في مشروع كبير جدا في الشركة
مما أعجبني بفضل الله ان أحد الشركات لما اتعرفنا بها خلال العمل سالوا عن كل عضو في التيم بتاعنا فلما عرفوا اني لسة جديد استغربوا اني أدخل في مثل هذا المشروع ( اللي أسال الله العظيم أن يوفقني فيه و يتم بخير علي أحسن حال ليكون من افضل الاشياء التي تثبت أقدامي في الشرق الأوسط كله )
المهم الحمد لله قال manger بتاعي انا علشان اختار واحد في التتيم بتاعي بعمل انترفيوهات من اول شهر 7 اللي فات و قال الكلام ده في أخر شهر 3

المهم لقتهم كمان بيهتموا بال mpls , bgp يعني تراكات في ال ccip غير طبعا اعتمادهم علي اشياء كتير في ال ccnp
فقررت مذاكرة ال ccip و أنا طبعا معاي منها الروتنج لانها في ال ccnp
و الحمد لله بعد حوالي 3 أيام من قرائتي نزلت في تجربة لشئ و كانت تجتوي علي أوامر في ال mpls و زميل قديم قالي تقدر تعملها لوحدك قولتله نعم غن شاء الله و بالفعل قمت بكتابة كل الاوامر اللي المفروض تكون علي الروتر بالتفصيل

و في خلال أسبوع و حاجة بسيطة انهيت أول تراك تقريبا و حاليا بقوم بعمل العملي الخاص به لاستعد للمراجعة و دخول الامتحان إن شاء الله

ما زلت أذاكر الآن لكي أحصل علي ال ccip قريبا ثم اتجه للفويس ccvp
ثم أكمل شهاداتي بشهادة ال ccie إن شاء الله تعالي

يعني أنا مازلت في أول المشوار
و لا اعتقد اني عجوز فأنا لم أتم ال 25 سنة بعد و ساتمهم بعد كام شهر إن شاء الله
و لكن حبيت ابث فيكم الأمل
حتي لا يطول هاكتبلكم ليه انا كتبت ده كله

يعني بعد فترة من كتابة الموضوع
أنا الحمد لله انهيت ال MPLS ,BGP,QOS و الكلام ده كان عي آخر العام الماضي و بذلك حصلت علي ال CCIP
و أنا حاليا بستعد لل CCIE R&S
والله المستعان

[7amasa7]

بالتوفيق يا بشمهندس محمد وان شاء الله من نجاح الى نجاح ونسمع عنك كل خير وتحكيلنا قصة ال ccie قريبا ان شاء الله

[GHOSTEID0]

الف مبروك استاذ محمد سمير

[محمود010]

بصراحة قصص رائعة

وربنا يوفقك اخى محمد

بجد ريحتوا نفسية الواحد شوية
بارك الله فيكم
ونرجو كتابة المزيد من القصص

[puzzle_moody]

ما شاء الله علي عظماء هذا المنتدي ربنا يكرمهم ويكرمنا احنا وامة الاسلام آمين
بس كلنا نناشد عاوزين قصة wbooo و Lumark و بشمهندس تامر OracleGate
بقيه الاخوة

[vali]

شكراً جزيلا أخي Helioo
قصتك رفعت معنوياتي كثيرا خاصة مع كثرة المثبطين الذين يصورون لك أن عالم ال IT محصور على خريجي الجامعات .

وشكر كبييييييييييير لأستاذي القدير محمد سمير على قصته الأكثر من رائعة التي تشحذ الهمة.

باقي نسمع قصص الأساتذة الآخرين الكبير لومارك والمتميز ياسر (wobooo)

[mon6]

الله يوفقك

[moataz1983]

بالرك الله في علم الجميع ومن نجاح الى نجاح للكل

[Abo Sileem]

بجد كنت محتاج الموضوع ده في الوقت ده بالذات

جزاكم الله خير كثير
ولله الموضوع ده فرج عني كربه ربنا يكرمكم جميعا

[puzzle_moody]

عاوزين wbooo
يلا نقوم بمظاهره نهتف فيها كلنا عاوزين wbooo

[helal_10g]

اخى العزيز سوف أذكر فصتى إن كانت لم تتوج بالنجاح الكامل حتى الإن تخرجة سنة 2003 ولم أكن أعلم أى شئ غير عمل بعض الصور ببرنامج flash عملت سكرتير فى شركة فى مدينة نصر وأنا ساكن فى الهرم كان المرتب حوالى 350 جنية يعنى الموصلات و سندوتش فول على الأكثر و كنت أثناء العمل فى كورس صيانة وبعد حوالى 4 أشهر من العمل نزلت منحة الإتصالات 3 أشهر فى مجال A+ المهم تقدمت و أخذت المنحة والحمد لله و تركت الشغل طبعا وبعد المنحة لقيت إنى ممكن أدرس كورس الصيانة ده وعرفت إنى عندى موهبة توصيل المعلومة المهم بدأت فى إرسال C.V للشركات الصغيرة طبعا و الحمد لله وفقت وكان مرتبى حوالى 500 جنية والشركة فى الهرم والعمل 6 ساعات وشغلنت السكرتير كانت 10 ساعات والحمد لله ثم بعد ذلك حدث لى مرض هو إسمة M.S وكنت فى المستشفى لمدة شهر طبعا الشغل إستغنا عنى ومع ذالك الحمد لله قدمت فى شركة تدريب ثانية فى الدقى كنت بدرس صيانة و شبكات لإنى إتعلمت شوية شبكات ثم بدءت إتعلم icdl وبدءت فعلا فى إمتحان icdl ثم قمت بتدريس icdl مع الصيانة والشبكات وبعدها إنتقلت إلى شركات أكبر فى منحة وزارة الإتصالات الحالية icdl ثم أخذت كورس أوراكل وبعدها قمت يتدريس كورس الأوراكل بس فعلا مش بفضل هذا المجال أن الأن إنشاء سوف أخذ كورس ccna فى شركة فى المعادى و بعدها إنشاء الله سوف أبحث عن عمل بهذا المجال وتدريس هذا الكورس فى شركات كييرة أنا الإن مرتبى حوالى 1200
الدروس المستفاد من هذه القصصة :
1- الرزف بيد الله
2- حاول تركز على مجال واحد
3- لا مجال للإحباط

[كابو شاتو]

والله العظيم
انا لما قرات قصص النجاح دى
انا بكيت على حالى
بكيت على حالة الاحباط اللى انا فيها وعمال العن الظروف والاحوال بتاعتى
بس الحمد للة احنا برضة لسة فى اول المشوار انا لسة عندى 23 سنة ويدوبك مخلص دورة اوراكل ومحلك سر
ماشاء الله الاستاد محمد سمير واخد كل الدورات وماشاء اللة ماشاء اللة 25 سنةواخد كل الدورات اكيد حضرتك بتعمل حاجة انا وغيرى مبنعملهاش
اكيد بس اية هى ممكن العمرة اللى حضرتك عملتها ولا اية بس