إضراب عام في مصر

[سيشرق فجر القدس]

https://www.edraab.blogspot.com/
ــــــــــــــــــــــــــــــــــــــــــــــــــ ـــــــــــــــ
«كفاية» تعود للتظاهر.. و«الإخوان» يعلقون مشاركتهم حتي اللحظة الأخيرة
دعاء عبدالمنعم ـ خليل أبوشادي
«ما تروحش الشغل»، «ما تروحش الجامعة»، «ما تروحش المدرسة»، «ما تفتحش المحل»، «ما تفتحش الصيدلية»، «ما تروحش القسم»، «ما تروحش المعسكر»، «عايزين مرتبات تعيشنا.. عايزين شغل»
هذه صيغة الدعوة التي يوجهها عدد كبير من الشباب من خلال خدمة البريد الإلكتروني علي شبكة الإنترنت لحشد الناس للمشاركة في إضراب 6 أبريل القادم الذي ستشترك فيه جميع القوي الوطنية لمساندة عمال المحلة في إضرابهم خلال اليوم نفسه.
الدعوة تم توجيهها تحت شعار «يوم 6 أبريل يوم العصيان المدني.. مصر كلها مش هتخرج من بيتها» مدعمين ذلك بعدد من الشارات والبانارات الإلكترونية الداعية للإضراب، ومعلنين: «6 أبريل خليك قاعد في البيت.. إوعي تنزل». وقسم الشباب دعوتهم للمشاركة في إضراب 6 أبريل إلي فئتي «عايزين» و«مش عايزين».
وشملت فئة عايزين شعارات «عايزين تعليم لأولادنا»، «عايزين مواصلات آدمية»، «عايزين مستشفيات تعالجنا»، «عايزين دواء لأطفالنا»، «عايزين قضاء منصف»، «عايزين أمن وأمان»، «عايزين حرية وكرامة»، «عايزين شقق وعرسان». أما فئة «مش عايزين» فشملت: «مش عايزين رفع أسعار»، «مش عايزين محسوبية»، «مش عايزين ضباط بلطجية»، «مش عايزين تعذيب في الأقسام»، «مش عايزين إتاوات»، مش عايزين فساد»، «مش عايزين رشاوي»، «مش عايزين اعتقالات»، «مش عايزين تلفيق قضايا».
ورغم الدعوات المتزايدة للمشاركة فقد جاءت مواقف القوي السياسية متباينة، وقال الدكتور «محمد حبيب» النائب الأول للمرشد العام لجماعة الإخوان المسلمين، إن الجماعة تدرس حاليا أمر مشاركتها في إضراب 6 أبريل وسوف تعلن عن قرارها بالمشاركة من عدمها قبل أيام قليلة من يوم الإضراب. أما حركة كفاية، فأكدت الدكتورة كريمة الحفناوي العضو بالحركة أن الحركة لن تعلن عن الميادين والأماكن التي اعتادت الحركة تنظيم وقفاتها الاحتجاجية فيها في المحافظات في إطار فعاليات الحركة يوم 6 أبريل، تجنبًا لقيام قوات الأمن - كما هو معتاد - بمحاصرة المتظاهرين، وأن الحركة ستعود لأسلوب المظاهرات المفاجئة في المناطق الشعبية وهو الأسلوب الذي استحدثه شباب الحركة في نشاطها

المصدر
https://www.elbadeel.net/index.php?o...15305&Itemid=1

[سيشرق فجر القدس]

يزداد الوضع سوءا كل يوم.. تتضاعف أسعار جميع السلع .. كنا قديما نسمع انه لا يموت احد من الجوع .. اصبح فى عصر مبارك من يموت من الجوع و الفقر و الظلم
و اصبحنا الان نسمع عن ألاف حالات الانتحار سنويا بسبب عدم القدره على اطعام الاطفال أو عدم القدره على شراء ملابس العيد ... حتى انحدر الحال بنا و اصبح الناس يقتتلون فى طوابير العيش اليوميه
نسمح تصريحات الكذابين و الأفاقين كل صباح فى جرائد الكذب اليوميه المسماه بالقوميه و تليفزيون الرياله المسمى بتليفزيون الرياده ... لا مساس بمحدودى الدخل .. إهتمام الرئيس بمشكلة رغيف الخبز بعد تفاجئه بوجودها .. لا زياده فى اسعار السلع الغذائيه
تصريحات نسمعها منذ 27 سنه و الوضع للاسوا
استثمارات و قرارات لا تصب سوى فى مصلحة رجال الاعمال و تزيد الغنى غنى و تزيد الفقير فقرا
لنفعل مثل عمال المحله و موظفى الضرائب العقاريه
لقد اعلن عمال المحله ان يوم 6 ابريل هو يوم الاضراب العام
لنجعل يوم 6 ابريل يوم الاضراب و الغضب من حالنا المتردى
اضراب عن العمل و الدراسه و شراء أى سلع
يوم اعلان الغضب فى كل الميادين العامه فى كل محافظات مصر
لنعلن لهم اننا شعب يغضب و يفكر و يرفض الظلم و الاستبداد
لنكذب مقولات اننا شعب جبان خانع خاضع لا يثور ولا يعترض

موعدنا 6 ابريل فى كل ميادين محافظات مصر
و ان لم تستطع المشاركه فإعلن غضبك بالإضراب عن الشراء أو ممارسة اى نشاط

https://www.facebook.com/group.php?gid=9973986703

[Brigadier]

مع احترامي لكل الاراء لكن اقولها لكم بصراحه لن تجدي تلك المظاهره باي شيء وبالعكس يمكن تجيب نتايج سلبيه,

[mohamed2121]

لالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالا لالا
للتظاهر
انت عاوز تعمل ايه بالظبط مفكرتش الف مره وانت بتتكلم
انا معكم فى الاضراب والمصريين كلها معكم انما مظاهرات فالشارع
لا لا والف لا
انت عارف يعنى ايه تظاهر وكمان فالشارع يعنى تخريب فالممتلكات العامه يعنى مليون ألف دوله ومنظمة وشخص هيستغلو ده
عاوز تعمل مظاهره يشاطر يبقى عن طريق قناه شرعيه ولو مفيش قناه شرعية لديك يبقى اتظاهر فى النقابه التابع ليها
لو محامى أتجمع فالنقاماه واعمل مظاهر وكذلك لو صحفى حتى ولو جامع قمامه
مش هيجرونه انحنا نبقى منفذ لكل من هب ودب
حكومتنتا فاسده
اه فاسده
بس منجريش ورا مشاعرنا وخلاص لازم يبقى فى تريث فالافكار
ارجوكم اعقلو الموضوع ومن الناحيه الاخرى كما قلت سابقا الحكومه والداخليه مش هتسمح بده
الموضوع مش فاوضه

أخوكم المواطن
محمد

[mohamed2121]

ومين كفايه الى أنتو مشين وراهم دوول مجرد شويا بنات بتشرب سجاير بتهتف ويدعون التحرر وبس
انا أندمجت مع الناس دى لفتره وصدقونى عباره عن شويه شباب يقودهم الحماس من تفكي ويفرحو لما مظاهره منهم بتطلع على التلفزيون
مع أحترامى لبعض منهم انا لا احترم الى الاستاذ:/ محمد عبد القدوس

[mohand123]

ياجماعة اللي مش عايز يشترك هو حر
لكن علي الاقل ميكسرش مقاديف الناس
يعني فلنقل خيرا او لنصمت

[mohamed2121]

ياجماعة اللي مش عايز يشترك هو حر
لكن علي الاقل ميكسرش مقاديف الناس
يعني فلنقل خيرا او لنصمت

أولا انا ميكسرش مقاديف الناس
ودا رايي عليك تقبله أو رفضه بس لازم مصلحة البلد فوق كل شىء وانا معرضتش انا قلت لا للمظاهرات التى تذهب بنا الى طرق لا نعلمها
وأيضا قلت انا مع الاضراب
ومعنى كلامى كان المقصود منه التظاهر عن طريق قناه شرعيه مثل نقابه من النقابات
عندك كل يوم نقابه المحامين فى مظاهره بمقرها بالتحرير
وليس الخروج للشارع بدون اى جدول للمظاهره ومن غير أى تنظيم لانه يوجد من يتربص بنا وبمصر خصيصا ويصطاد فالميه العكره وكلنا نعرف ذلك
يا أستاذ حكم عقلك قبل اى شىء

[shacky_4]

دوول مجرد شويا بنات بتشرب سجاير بتهتف ويدعون التحرر وبس

الشيخ الشعراوى كان بيشرب سجاير على كبر قدره . هل بقى منسمعش له

[Mubarak]

سيتم إغلاق الموضوع.
لا نسمح عبر منتدانا بالدعوة إلى نشاط سياسي بهذه الصورة.

[mohammedsn]

اذها ردي علي ايميلي وصلني علي هذا الموضوع
بعد تاسقي لاستاذي الكبير الشيخ مبارك بالتعليق بعده
و يمن اللي ورا الاضراب ده
و مين كافة القوي الوطنية اللي اتفقت


طيب انا مش كنت قاعد وقت الاتفاق

و هل ده ممكن يغير حاجة
تعالوا نتعلم حاجة مفيدة ممكن تفيدنا مش اضراب و مش عارف ايه
قال رجل لعل بن ابي طالب لماذا الفتن حدثت علي عصرك و لم تحصل علي عصر عمر
قال لان عمر كان يحكم امثالي و انا احكم امثالك
فرضي الله عن سيدنا علي و سيدنا عمر علمانا ان الخطا من جهتنا نحن لا من جهة الحكام كما تقولوان

جاءوا الي رسول الله صلي الله عليه و سلم وقالوا يا رسول الله غلت الاسعار فسعر لنا
كما تطلب انت ان تسعر الحكومة بالضبط
فماذا كان رد رسول الله
قال إن الله هو المسعر الخافض الرافع الرازق

فالذي رفع الاسعار علينا هو الله جل جلاله لا لظلم و لكن لاننا نستحق ذلك
ذلك بما كسبت ايديكم و أن الله بيس بظلام للعبيد
و قال تعالي ان الله لا يغير ما بقوم حتي يغيروا ما بانفسهم
فلو اردت الرزق فغير من نفسك لا تقوم باضراب

قال تعالي
" و لو ان أهل القري آمنوا و اتقوا لكفرنا عنهم سيئاتهم و لأدخلناهم جنات النعيم "

واضح أن العيب فينا احنا بس احنا مش عايزين نعترف بده

ربنا يرحما و يعاملنا بفضله

لو اقتنعت بهذا الكلم فلابد ان ترسله لكن هذه القائمة الطويلة التي امرتها بتعطيل مصلحة البلاد و خالفت فيها أمر رسول الله القائل
" اسمع و أطع و لوتامر عليك عبد حبشي راسه زبيبة "
و القائل" اسمع و اطع ولوضرب ظهرك و أخذ مالك "

و إن كنت لم تستطع أن تقتنع الي الىن فاخشي أن تكون ممن اتخذ اله هواه