بسم الله الرحمن الرحيم
السادة مشرفين القسم والمدربين الجامدين اللى مش بيبخلوا علينا بحاجة
من فضلكم ليا سؤال عن تجربة شخصية
دلوقتى الناس فهمت كورس الويندوز أكس بى الحمد لله
لكن فى الحياة العملية حتقابلنا حاجات كتير غير مجرد تنزيل ويندوز وتظبيط الشبكة وخلافة
فين القواعد اللى المفروض نبنى بيها البولسى بتاعتنا عشان الشبكة دى تكون ليها قواعد
بمعنى
الشركات المتعددة الجنسيات بيكون قسم الاى تى ليه IT security rules
من ضمنها مثلا
• You must protect your terminal or personal computer against unauthorized usage when you leave it. This is done by locking it by pressing (CTRL+ALT+DEL) or by signing off from all systems.
الكلام ده محدش حيعرفة إلا لو أشتغل فى شركة كبيرة ليها نظام ...وطبعا معظمنا شغالين فى شركات شغلها الأساسى مش كمبيوتر ولا شبكات وكمان مش كبيرة "صغيرة او متوسطة الحجم" وفى الغالب مابيكونشى ليها قسم أى تى أصلا

الخلاصة
عايزين واحد من اللى شغالين فى الشركات الكبيرة بجد "متعددة الجنسيات: وليها قسم أى تى
يكتب لينا ايه هيا القواعد اللى المفروض تبنى عليها قسم الأى تى من أمن و خلافة

يعنى مثلا موضوع زى
الشركة بتاعتك طلبت منك تجيب أجهزة جديدة عشان القديمة بقت بطيئة و الناس بتشتكى ومعطلاهم فى شغلهم و مطلوب توزيعها على الناس...
ايه هى الإجراءات اللى المفروض نعملها ايه؟؟
وايه المستندات المطلوب تواجدها مع الراجل اللى شغال فى الأى تى؟؟
الأجهزة القديمة حتعمل فيها ايه ؟؟
وحتوزع الأجهزة الجديدة بناء على ايه؟؟
طب لو واحد جديد أستلم شغل والمفروض ياخد جهاز ... المفروض كراجل مسئول عن الأى تى تعمل معاة ايه ؟؟

قصص كتير مش حنمر بيها ولا نقابلها إلا فى الشركات اللى ليها نظام محترم ماشية علية

أرجوا من عمالقة المنتدى المشاركة ولو بجزء يسير لكى يستفيد الجميع من خبراتكم وتكتمل المنظومة
شكرا
ويجعلة عامر