شكرا يا معلم شغل شديد قوي..
النهارده هنتكلم سوا عن الأجهزه والمعدات اللازمه اللى لازم كل واحد شغال فى الصيانه تكون معاه ( واعذرونى على اللهجه المصريه العاميه )
بص يا باشا انت دلوقتى مهندس صيانه كمبيوتر واللقب ده له هيبه كبيره عند الناس باعتبار ان صيانة الكمبيوتر ده هى أرقى أنواع الصيانه نظرا لصعوبتها
يبقى يا باشا ما ينفعش تروح عند حد ومعاك العده فى شنطه بلاستيك ( حصلت والله ) يبقى يلزملك كده شنطه جدل محترمه وتكون مليانه جيوب وفتحات وسةست والذى منه علشان ترص حاجتك فيها براحتك
يعنى حاجه زى كده يا صاحبى
بلاش وحياتك شنطة الجامعه
طبعا فى حاجات مش هينفع نحطها فى الشنطه علشان كده لازم تبقى موجوده فى ورشتك
أولا : الهوت إير
وده جهاز مهم جدا بيطلع هوا سخن يفك المكثفات والأيسيهات والذى منه
ثانيا : الكاويه :
وتستخدم لعمل اللحامات اللازمه وأيضا تكون هناك كاويه مع الهوت اير وتراعى أن تكون فى حدود 40 وات ويفضل اللكاويه التى بها شمعه عن الكاويه التى بها هيتر
ثالثا : القصدير
ويفضل النوع السنغافورى الرفيع والربع كيلو بحوالى 30 ج مصرى
ملحوظه : أدوات الصيانه تباع فى باب اللوق فى مصر
رابعا : الفلاكس :
وهى ماده مهمه جدا تساعد على انصهار القصدير
خامسا : اسفنجه مبللكه لتنظيف الكاويه
سادسا : تيستر البورده
وهو يعتمد على استخدام الأكواد لتحديد أعطال البورده وهو صعب ويحتاج الى تدريب
سابعا : سماعة كيسه : أيضا تستخدم لتحديد أعطال البورده
ثامنا : تيستر الشبكات
ويستخدم لكشف اعطال سلك النتوورك
وما تنساش كمان يكون هندك كرتونه ولا اتنين سلك نتوورك علشان اللى عايز يوصل نت لو انت صاحب سايبر زى العبد لله ، السلك النضيف زى الريبوتيك وحاجه اسمها full بس لو لقيت ابقى قابلنى !!!!
تاسعا : شويه أرجيهات على شوية iconncect لزوم شغل الشبكه
عاشرا : مفكات صليبه أحجام مختلفه
مفكات عاده احجام مختلفه
مفكات سداسيه لفك بورد الهاردات
11 - شريط لحام ومواد لاصقه مثل ( أمير الفا )
12- مسدس شمع
13 - مقص وسلاح cutter
14- قشارة سلك
15- ملتيميتر انالوج وديجيتال
16- آراجه أو crimp tool
أعذرونى لعدم ترتيب المعدات فأنا اكتب الموضوع على عجاله
17- مجموعه من الجفتات أو الملاقط المختلفه
18- تنر مخفف أو بنزين لتظيف أماكن فك القصدير
19 - الأكاى الأزرق لتنظيف الأتربه مع وجود البلاور والأكاى الاحمر لتزييت الفانات
20- علبة القطن المستخدم لتنظيف الأذن لتنظيف عدسة السى دى روم ومحظور استخدام اى مواد كيميائيه لتظيف العدسه
21 - فرشاه كبيره وأخرى صغيره من الفرش المستخدمه فى الطلاء مع استخدان فرشاة اسنان قديمه لاستخدامها فى التظيف بالتنر
22 - تيستر للبور سبلاى
23 - الهوت جن hot gun وهو جهاز لفك الشيب الرئيسى والفرعى وسوكت البروسيسور وسوكت الرام والكروت
24- سى دى الويندوز والأوفيس واسطوانة herien وفى اسطوانه اسمها universal drivers فيها حوالى 5000 تعريف لزوم شغل السوفتوير
25- لا بد من توافر وصلة dsl فى ورشتك وكذلك وصلة دش وtv لتجربة أى كروت
26- يراعى فى ورشتك عدم فرش أى سجاده فى الأرضيه
27 - عدسه مكبره أة ميكرسكوب لقراءة أرقام الايسيهات ولحام بنات البروسيسور المكسوره
28- وجود باور سبلاى دائم تحت ايدك تفادى وضع اى سوائل بجانب الشغل والأهم وجود طفاية حريق
29- خلى جنبك شوية converters يعنى مثلا من ps2 ل usb
IDE 2 USB وكذلك وصلات لتطويل أسلاك الباورسبلاى
30- حاول دايما أى بورد بايظه تشيلها أو أى حاجه بايظه تشيلها لأنك هتحتاجها وفى بورد قديمه بتتباع الواحده ب 10 ج تقريبا ( بورد تقطيع ) واحتفظ برضه بأى سى دى عليها تعريفات
31- يا ترى نسيت حاجه !!!!!!!!!!!!!!!!!
شكرا يا معلم شغل شديد قوي..
ماشاء الله عليك أخي ماهر، بارك الله فيك على هذا الطرح الرائع ..
على فكرة جهاز تفحص فولتيّة مزوّد الطاقة أعجبني جداً، سأحاول السؤال عنه، شكراً لك مرّةً أُخرى ..
شكرا ليكم جميعا
سأحاول بإذن الله التوسيع فى الموضوع فى مرحله قادمه وشرح التعامل مع هذه المعدات بالتفصيل
تكمله للمعدات :
الشيلد :
وده عباره عن سلك نحاسى يتم وضع الفلاكس عليه ويتم تمريره على القصدير الزائد لشفطه باستخدام الكاويه
مبرمجة البيوس :
وده بتستخدم فى شحن ايسيهات البيوس للبورد اللى قاطعه بسبب البيوس
معجون التبريد لزوم البروسيسورات المولعه
فلاشه : علشان لو حبيت تنقل حاجه للجهاز اللى بتصلحه على السريع
كارت شبكه : علشان لو حبيت تنقله افلام وجيمز والذى منه تربطه بالشبكه عندك
مجهود رائع جداً بس لو فيه شرح لكل أداة وكيفية استخدامها مع نماذج للشرح تبقى حاجة روعة والله لكن على كل حال جهد مشكور
( بلاش وحياتك شنطة الجامعه )
عزيزي ماهر .
أولا : بارك الله فيك وفي معلوماتك الرائعة والتي استفدنا منها كثيرا .
ثانيا : في الجملة التي اقتبستها وبالذات التي باللون الأحمر كلمة كثيراً مانسمعها منكم وترددونها باستمرار ولكن لاتلقون لها بال . فهي في الحقيقة شرك بالله وحلف بغير الله والحلف بغير الله أو بغير صفة من صفاته محرم وهو نوع من الشرك ولهذا قال النبي، صلي الله عليه وسلم: (( من حلف بغير الله فقد كفر أو أشرك))
وعلى هذا فيحرم على المسلم أ ن يحلف بغير الله – سبحانه وتعالى – لا بالكعبة، ولا بالنبي، صلى الله عليه وسلم، ولا بجبريل ، ولا بولي من أولياء الله، ولا بخليفة من خلفاء المسلمين، ولا بالشرف، ولا بالقومية، ولا بالوطنية كل حلف بغير الله فهو محرم وهو نوع من الشرك .
أحببت أن أوضح هذه النقطة لخوفي عليك ولأن هذا المنتدى ومشرفينه وأعضاءه قمة في الأخلاق والتعامل .
والله من وراء القصد
:)سبحان الله وبحمده .... سبحان الله العظيم:)
بعض المعدات المتقدمه فى مجال الصيانه
حذاء ضد الكهرباء الاستاتيكيه
بالطو انتى ستاتيك
قفازات انتى ستاتيك
للتوصيل بالارضى
لزوم الهاند
البتاعه ده اللى انا فهمته انابتطلع هوا بيأين الكترونات الكهرباء الاستاتيكيه ( ناس فاضيه )
سجاد متخصص ( الناس ده مش عارفه تضيع فلوسها فين )
لواصق انتى ستاتيك
وشنط كمان انتى ستاتيك علشان متقولش حارمينك من حاجه
فوم انتى ستاتيك.
وده اللى بيتفرش فى علب البوردات
منظف لليد ( هما عيعملوا ايه تانى مش فاهم )
قطن انتى ستاتيك
انا بقول قبل ما اشتغل آخد دش فى بانيو انتى استاتيك وأخلص
منظف للحجره
منظف للبلاط
كراسه انتى ستاتيك ( كملت والله )
كلينكس !!!!!!!!!!!
هولدر أو حامل
أدراج ( وكله انتى ستاتيك يا باشا )
حلو الشغل ده
علب تشيل فيها الايسيهات
فرش للتنظيف
هو ده بقى اللى ناقص ( يعنى جت عليها )
يعنى معقوله هنفوت ده
طبعا كل اللى فات بنتكلم عن التخلص من الاستاتيكا
وطبعا لأننا مش متعودين على الحاجات النضيفه ده فمش هتلاقى منها حاجه فى السوق
ونكمل المره اللى جاية ان شاء الله علشان لسه فى كتير
:D ناس زي العسل
موضوع قمة في الروعة
بوركت
لكن لدي ملاحظة بسيطة إن سمحت لي ياأخي
ذكرت استعمال القطن في تنطيف عدسة الرايتر
أنصح بتجنب استعمال القطن وخصوصا مع العدسة لأنه يترك شوائب تسبب بالتالي مشاكل بالقراءة
أنصح باستعمال ورق شفاف رطب مثلا المهم شيء لا يترك شوائب
وشكرا على الموضوع
شكراً لك
بل انا الذى اشكرك لأنك إقتطعت من وقتك وقرأت موضوعى
ما شاء الله اخي ماهر والله اسم علي مسمي وربنا يحفظك
المفضلات