اقوي حلقات MCSE بواسطة محمد الشاعر

[Tiina]

شكرا

[mohamed.elshair]

اخواني

ردودكم كانت قاسية جدا

ومحبطة للهمة

ولذلك قررت ايقاف تسجيل الحلقات وترك هذا الامر لمن يروا في انفسهم انهم افضل مني


السلام عليكم ورحمة الله وبركاته

[sharif_soper]

السلام عليكم مستر محمد الشاعر كمل علي بركة الله واظن يوجد مستر ياسر رمزي (wobooo) بيقوم بتدريس كورس السيرفر يعني اللي مفهمش يففم دروسة والعكس صحيح لان كل واحد ممكن تلاقية في جزئية معين ممبدع فيها بجوار في الكورسات الاجنبية بمعني اصح احنا عايزن مراجع وكورسات علي ايدي ناس محترفة لكي نستفيد منهم وكلنا هنا اخوات مستر محمد الشاعر حضرتك كمل كورسك ومستر ياسر يكمل كورسة بصراحة عايزن دروس الفديوهات لان اكيد كل واحد عندة معلومة مش موجودة عن الثاني حتي لو معلومة صغيرة بدليل يوجد كورسات فديو لعدة شركات اجنبية وكذلك كتب والمفرض او من الواجب نتطلع عليها لان اكيد كل واحد بيعطي معلومة جديدة او في نقطة معينة بيبدع فيها فكمل علي بركة الله وحضرتك كمل كورسك ومستر ياسر بيكمل كل والغرض هو الارتقاء بالامة العربية والاسلامية

[محمد مندور]

اخواني

ردودكم كانت قاسية جدا

ومحبطة للهمة

ولذلك قررت ايقاف تسجيل الحلقات وترك هذا الامر لمن يروا في انفسهم انهم افضل مني


السلام عليكم ورحمة الله وبركاته

أنا رأيي أخ محمد إن كل واحد نفسه يقدم حاجة يفيد بيها إخوانه لازم يكون متأكد إنه هيلاقي نقد وأحياناً نقد غير بناء فنرجو أن يتسع صدرك أكثر وكلما زادت مرونتك إزددت علما .......أخي أظنك فعلت ذلك لوجه الله فأتمه لوجه الله وصدقني أنت شخصياً ستستفيد وإذا أردت أن تري الردود المحبطة فعلاً تابع موضوع كموضوع أخانا محمد سمير مع ccna وستري كيف تعامل معها بكل روح، أضف إلي نفسك أخي روح التحدي وحب التفوق .......ثق في نفسك وثق أننا كما نود أن نتعلم منك ندعو لك أن تؤجر علي ذلك.........وأخيراً لا تنتظر الأجر إلي من الله فبهذا لن تهتم برأي هدام مع العلم أن رأي الإخوة كان في غاية الأدب .......وفقك الله أخي إلي مافيه الصواب لنفسك واخوانك

[sharif_soper]

بارك الله فيك يا احمد وشكرا لك

اعتقد مع الوقت ستزداد الحلقات سخونة و خبرة



رائ الشخصي كمل على بركة الله باقي الحلقات وفي النهاية الفائدة للجميع

أنا رأيي أخ محمد إن كل واحد نفسه يقدم حاجة يفيد بيها إخوانه لازم يكون متأكد إنه هيلاقي نقد وأحياناً نقد غير بناء فنرجو أن يتسع صدرك أكثر وكلما زادت مرونتك إزددت علما .......أخي أظنك فعلت ذلك لوجه الله فأتمه لوجه الله وصدقني أنت شخصياً ستستفيد وإذا أردت أن تري الردود المحبطة فعلاً تابع موضوع كموضوع أخانا محمد سمير مع ccna وستري كيف تعامل معها بكل روح، أضف إلي نفسك أخي روح التحدي وحب التفوق .......ثق في نفسك وثق أننا كما نود أن نتعلم منك ندعو لك أن تؤجر علي ذلك.........وأخيراً لا تنتظر الأجر إلي من الله فبهذا لن تهتم برأي هدام مع العلم أن رأي الإخوة كان في غاية الأدب .......وفقك الله أخي إلي مافيه الصواب لنفسك واخوانك

ويكفي ان مستر ياسر رد وفلك كمل واواعضاء جامعة عرب هاردوير شجعوك وعلي العموم كلنا اخوات وبعدين حضرتك لقي نظرة علي الفديوهات اللي اتعملت حتلاقي نقد وبالاخص متسر محمد سمير كما قال اخي مندو باشا وعلي بركة الله

[ahmedhalo]

انا في منتهى الاسف لو جبتلك احباط بس فعلا انا اسف انا قلت الراي ده وده مش نقد جامد اوي بس علشان حضرتك في لسه بتعمل في اول الكورس فانا حبيت انوه بس للحاجات الي انا شايفها غلط علشان حضرتك تتجنبها ويظهر شرح حضرتك بمنتهى الجمال واحسن من كده وانا واثق ان حضرتك احسن من كده بكتير وعندك حاجات اكتر جميله ولغتك فعلا جميله
النقد نقد بناء في مصلحتك علشان الشرح يبقى احسن وبالتالي تقييم الناس ليك يكون احسن والناس تدعيلك وربنا فعلا يباركلك في الي بتعمله ويا سيدي حقك عليا وبعد كده مش حنقدك ابدا دايما حشجعك
وبعدين حضرتك بتقول حسيب الموضوع للي احسن مني لا لا مفيش حد احسن من التاني في العلم العلم ده اجتهاد وصدقني ودي مش مجامله ان انت الا احسن من الكل ما دام تطوعت وشرحت وتعبت وحاولت انك توصل المعلومه فصدقني انت الاحسن وانا بحترمك جدا وبقدرك ومتزعلش مني كمان مره وكمل طريقك وكمل المشوار واحنا كلنا معاك وبنشجعك

[one-zero]

خلاص يا اخ محمد . الناس قصدهم كان خير
وعموما انا شايف انك عندك عزيمة اكبر من كده و رغبة في العمل الكثير و الدليل كم الافلام التي عملتها
و كمان النقد السابق(من الاخ احمد) كان بناء فعلا ربما كان قاسي عليك بس المهم ان نيته كانت خير ,
يا راجل ده مرة واحد قلي هو انت درست الكورس ده قبل كده و التاني قلي مش عارف ايه
بس انت لازم تراجع النقد الصحيح منه تستفيد بيه و الغير صحيح منه يترك على جنب
و سبق ان تعرض الجميع للنقد من الاخ لومارك و الاخ محمد سمير وغيرهم من الاخوة

نصحية مني كمل المشوار و اي نقد بناء ممكن تستفيد منه مش عيب
وخلي بالك ........ ربنا سيجزيك خير على ده و سيساعدك كثيرا ما تفعله سيكون في ميزان حسناتك
كل ما كانت الافلام فيها اقل عدد من الاخطاء او تخلو منها و كان فيها معلومات مفيدة اكثر
كل ما كان هذا ثوابه عند الله عز و جل اكبر و اكبر
وكل ما كان فيه فائدة علمية تزيد و تسقل خبراتك
في انتظار باقي الافلام يا بطل , همتك معنا
اخوك ياسر رمزي

[kassim800]

الاخ الفاضل محمد الشاعر

جزاك الله خيرا وغفر الله لك ولوالديك وغفر للامه الاسلامية

اخى الكريم ممكن اقترح بعد اذنك تعمل تكمله للكورس يعنى

الاستاذ ياسر كمل 70-270 وكمان هيبدا فى 70-290

ممكن حضرتك تكمل الكورس مثلا تبدا فى 70-291

وهذا اقتراح اخى الكريم ولك الراى الاول والاخير وجزاك الله خيرا على ما قدمت وما ستقدم

[samehsfe]

السلام عليكم ورحمة الله وبركاته
بصراحة المنتدي ده رائع حتى في ردودده مع الأخوة الدارسين والمدرسين إذا صح التعبير
اخى العزيز انت بيتعمل العمل ده لمين للناس أم لله
أى تبتغي أعجاب الناس أم تبتغي مرضات الله
اذا كنت عامله للناس فأنت مش هاتقدر ترضى كل الناس مهما عملت ورحت وجيت
وإذا كنت تبتغى مرضات الله فجزاك الله خيرا وكلنا بيندعيلك وربنا يتقبل منك هذا العمل
موضوع انك تكمل او ما تكملش انا شايف ان دا شئ راجع ليك ولكن ما يكونش السبب ان لم ترضى شخص معين
اما رأينا في الموضوع ............أنا عاوز اوضح ليك شئ بسيط أن هناك أشخاص أول مرة يسمعو عن هذه المواضيع
فابالنسبة ليهم المواضيع دى ممتازة جدا وهي كده بالفعل
أما بالنسبة للأخوة اللى عندهم بعض الخبرات وبيحاولوا يظهروها ومش عاوز اقول كلمة تانية فا هما نفسهم يكون الموضوع أفضل وأجمل من كده علشانك أولا لآن يا اخى مش أعضاء هارد وير بس اللى بيشوفو عملك ده دا ممكن ناس من كل مكان يشوفووه فلازم يكون عمل ليس به أخطاء على قدر الأستطاعة
وهنا اريد توضيح شئ تحب احد الأعضاء يقولك على الأخطاء ام اى حد من خارج المنتدى يقول الراجل دا .........
اخى العزيز احنا كلنا اخوة بالعكس انا اعتقد انك تكون مبسوط من الأخ اللى جاب ليك الأخطاء (وجلا من لا يسهو ) احبك في الله ويا ريت ما تكونش لسة زعلان

[عباس شاهين]

السلام عليكم
بصراحة انا الى الان لم ارى الافلام ولكن بمجرد انك فكرت في خدمة الناس وطلبة العلم فهذا مجهود تشكر عليه ونسأل الله ان يجزيك عنا خير الجزاء .
بالنسبة للنقد فهو الذي يخرج افضل ما عند المدرب فلا تتوقع يوما ان جميع الطلبه سيقولون عنك ممتاز لان ذلك من المستحيل ان ترضي جميع الناس ولكن تسطيع ان ترضي غالبيتهم فلا تتوقف.
بالنسبة لكلامك ان الفيديو تجريبي وستعيد تصويره اقول لك كان من المفروض الفيديو التجريبي الاول ان تخرج افضل ما عندك لان الانطباع الاول الذي ياخذ عنك هو الذي يبقى في الاذهان حتى لو كانت الفيديوهات التي بعدها دون مستوى الاول .
واخيرا انا اؤيد كلام الاخ Kassim800 في ان تبدأ في شرح 70-291 ليصبح اي طالب امامه فرصة للصحول على MCSA بالاعتماد على فيديوهات عرب هارد وير من خلال الكورسات التي تشرح عليه وهي :
70-270 الذي انتهى الاخ ياسر رمزي من شرحه .
70-290 الذي يقوم ايضا الاخ ياسر رمزي بشرحه حاليا.
70-350 كورس الايزا الاختياري الذي يقوم الاخ mohamed2121
70-291 وهذا الكورس الذي ارجو منك شرحه
وشكرا

[akram81]

لا ادري ماذا اقول يا اخ محمد الشاعر

شرحك فعلا جدا رائع ،،
لا ارى سببا للانتقاد

ثم ثانياً وهو الاهم

الكمال لله وحده

عملك هذا جدا رائع و انا لا ارى سببا حقيقيا يدعوك لتتوقف عن اكماله

واعلم اخي الحبيب ان انتقاد الناس لك يجب ان يعطيك دفعة للامام لا ان يحبطك

اكمل عملك الرائع وابذل جهدك واتمنى ان تكمل شروحات كامل منهاج الMCSA وان ارى موضوعك مثبتا في العرب هاردوير

تقبل مروري المتواضع

[re_vip]

اكمل يا اخي علي بركة الله
وربنا يوفقك

[samehsfe]

السلام عليكم ورحمة الله وبركاته
يا جماعة انا ها أكررها تانى طريقة النقد على الملاء دى ما تصحش
وأرجو من الأخوة جزاهم الله خير وهو الأعلم بنواياهم اذا ارادو الأصلاح ان يرسلو رسالة خاصة لمن عنده خطأ
بصراحة الموضوع دا تكرر اكثر من مرة ويا ريت يكون أخر مرة
نتمى التوفيق للجميع

[ahmedtopar]

السلام عليكم ورحمة الله وبركاته
أخى محمد الشاعر قبل كل شئ أحب أقولك إن شرحك ممتاز جداً الحاجه التانيه موضوع إنك تعمل الحاجه لأول مره بدون تحضير دا كويس لينا كمان عشان على الأقل لما تقابلنا نفس المشكله نعرف إزاى نتعامل معاها .
بالنسبه بأه لموضوع النقد من بعض الأعضاء أعتقد أنه طبيعى ولو سألت أى حد فى مكان كبير مدير شركه أو حاجه هتلاقيه تعرض لأكثر من ذلك بكتير الحاجه إللى عاوز أقولها بأه يامحمد لازم تخلى الناس إللى إنتقدوك النهاردا يقولو ليك بكره رائع وممتاز دى بداية النجاح مش معنى كدا إنك فشلت بالعكس دا شرحك عجبنى جداً والله وطريقتك تلقائية وحلوه أوى وعلى فكره إنتا إن شاء الله هتكون مع الأيام إنستراكتور شاطر جداً وبعدين يامحمد إفتكر كدا كلام أستاذنا أحمد جوده وهو بيقول ديماً أول مجموعة محاضرات بتكون مش مظبطه أوى بعد كدا الأمور بتكون تمام فياريت متزعلش من أى حد وإعلم إننا كلنا هنا فى عارب هارد وير اخوات وياسيدى خلى عندك سعت صدر شويه وإعلم إن دا عمل بتقدمه لوجه الله يعنى مش عاوز من حد حاجه وشوف بأه جزاء دا عند ربنا إيه وأنا منتظر إن شاء الله باقى حلقات الممتعه والمفيدة جداً لكل أعضاء عرب هارد وير ونفسى أشوفك بأه يابطل فى كورس 70-291 إيه هتكسفنى ولا إيه أسف على الإطاله

[mohamed.elshair]

اخواني واحبائي

بعد الاحساس بفقد الهمة وقلت العزيمة

جائني الان احساس بالحماس اكثر مما كنت عليه

وهذا كله بسبب كلامكم

اتقد انه ميهمكومش اشرح او لا لانكم لا تعرفوني ولكن اصراركم علي اني اقوم بتكملة الحلقات اشعر فيه بنوع من المؤاخاة بيننا وبين وبعض

اسف جدا ياجماعة وشكرا لكم

وجاري العمل علي تحضير منهج 70-290
اعطوني فقط فرصة لتحضير الحلقات التي لم تكن علي البال ولا علي الخاطر