رد: صراع Intel ..و .. Amd
--------------------------------------------------------------------------------
طيب, طالما بدأنا صفحة جديد يعد كل ما حدث بين الأخوة, اسمحيلي ان اقتبس مشاركتي مرة أخرى, لاني كتبتها على اساس علمي, و وجدت الموضوع ماشي في سكة شخصية بين الشباب هنا, و دا في حد ذاته نفرني من الموضوع !! , لو حد ليه تعليق على كلامي القادم او يريد ان يناقشني للمنفعة العلمية المتبادلة فأهلا به وسهلا:
اقتباس:
المشاركة الأصلية كتبت بواسطة wmgc
لاحظت انه كثير من الشباب يقول لك معمارية AMD الاخيرة عفا عليها الزمن, و معمارية قديمة و معمارية ... و و و ..
طيب, ليه انتل دلوقتي بدأت تقلد هذه المعمارية في معالجاتها القادمة المسماه Nehalem ؟!!!
الناس هنا دايما تخلط بين المعمارية او ال Architecture و بين ال التصنيع او ال Fabrication..
تقدم انتل فعلا واضح جدا في ال Fabrication Process, انهم بيقدروا سريعا تطوير تكنولوجيا تصنيع ال Transistors و بالتالي دا بيساعدهم جدا في زيادة تردد معالجاتهم + فايدة كبيرة جدا في كسر السرعة, و مقدرش انكر طبعا تطورهم في معمارية ال Core اللي عملت نقلة كبيرة في الأداء, لكن معلمتش نقلة جذرية في المعمارية و طريقة شغل المعالج, زي اللي هتتعمل مثلا في ال Nehalem ..
لكن من وجهة نظري, كمعمارية او Architecture فالتفوق هنا لمصلحة AMD في النقاط التالية:
1) متحكم الذاكرة المدمج, او ال Integrated Memory Controller, و دي اقوى نقطة تحسب ل AMD من ناحية التفوق في "المعمارية".
2) HyperTransport, و الذي بفضله وصل Bus اعلى بروسيسور لغاية 5200MT/s, و انتل ما زالوا محصورين بمعمارية ال FSB العقيمة و اعلى قيمة لباص انتل وصل 1600MT/s, و هذه ايضا نقطة تفوق في "المعمارية".
3) Dedicated L2 Cache, بمعنى انه لكل Core في معالجات AMD له الكاش الخاصة به, يعني الكاش متقسمة على كل Core بينما في Intel الكاش مشتركة بين عدد ال Cores, و بالاختبار اللي عمله هذا الموقع, نلاحظ انه كفائة الكاشات المقسمة على ال Cores اعلى من كفائة الكاش المشتركة, و هذه ايضا نقطة تفوق في "المعمارية".
4) بالنسبة للمعالجات الرباعية النواة, AMD استطاعت فصل الاربع انوية و بالتالي دا كان ليه فايديتين انا شايفهم: اول حاجة, استطاعوا انهم ينزلوا معالجات ثلاثية النواة و دا اللي انتل مهما عملت بمعماريتها الحالية مش هتقدر تعمله لانه كل نواتين في بروسيسور انتل الرباعي مرتبطين ببعض, اي انهم جابوا معالجين ثنائيي النواة و حطوهم على Chip واحدة و ربطوا بينهم, و في ناس ممكن تقللك طيب ايه لازمة انه AMD عملوا ثلاثة انوية, لا دي ملت الفراغ او النطة في السعر بين المعالجات الثنائية و المعالجات الرباعية و بالتالي قدمت Variety اكتر للعملاء انهم يختاروا انسب حاجة تفيد استخدامهم .... تاني فايدة اتصورها لموضوع فصل ال Cores هو انه مستقبلا لما تنضج البرامج و تبدأ تستغل الانوية الاربعة, هيكون تعامل المبرمجين مع معالجات AMD اكفأ لهم, لانه لو البرنامج من البرامج الثقيلة, يقدروا يقسموا برامجهم ل Threads و كل مجموعة Threads بتقوم بدور معين يتخصصلها نواة من الاربع انوية و بالتالي هيقدروا يوزعوا شغلهم بكفاءة على الاربع انوية, انما في انتل مش هيقدروا يخصصوا لكل نواة Threads معينة, لانه كل نواتين متصلتين ببعض, و دي نقطة تفوق في "المعمارية".
5) L3 Cache, بدأت AMD في تطبيق و استغلال المستوى الثالث من الكاش, و انتل لسا, و دي نقطة تقدم ايضا في "المعمارية".
و اعيد و اكرر اني مش بتكلم على تقدم او تفوق في الأداء, انا كل كلامي عن المعمارية, لانه الناس كلها بتعتمد على ال Benchmarks و هي مالية الانترنت و الأداء باين للكل و انا مقدرش انكره, لكن كتفوق في المعمارية, فهو لصالح AMD و انا عارف انه دا مش فارق مع معظم اليوزرز في حاجة, كله همه الأداء اللي بيقدمه البروسيسور, بس انا هنا باصص من زاوية تانية و هي "المعمارية". والاختلاف في الرأي لا يفسد للود "قضية"
المفضلات