نوع ا لهرد اية ومركة
انا حطيت الموضوع فى قسم التخزين و ما حد رد برجو ان حد يكون شاف مشكلتى و يعرف الحل
اولا رمضان كريم و كل سنه و انتم طيبين
ثانيا يا شباب عندى مشكله هتجنينى حصلت معايا على اربع هارد ديسك و كل مره اخسر الملفات و حاجات مهمه جدا
المشكله باختصار ان الهارد بيقعد معايا سنه او سنه وكام شهر و يجى فجاءة يبوظ من غير ما يتخبط ولا يتحرك من مكانه حتى
كل ما اجى اشغل الكمبيوتر الهارد يعمل صوت تكتكه و اكنه بيشتغل و يطفى بسرعه جدا يعد يشتغل و يطفى
ياريت حد يقولى ده من ايه
كمان اخر هرد هو ساتا و عمل كده و واحد قالى يبقا الميديا باظت و انا من غضبى رحت خابت الهارد فاشتغل بس جزء كبير من البيانات انا و بنقلها و هو فولد 5 جيجا اتحول لاربع فايلات ولما الكمبيوتر عمل اسكان ديسك اتقلب الفولدر ل فيايل 32 كيلو بايت هل انا خسرة البيانات ؟؟؟؟؟؟؟؟؟؟؟
و هل يوجد حل هذه المشكله انا بقالى 3 ايام مش قادر اطفى الكمبيوتر لانى لو طفيته مش هيشتغل تانى لانى جربت على 3 هاردات قبل كده
ياريت حد يقولى اسباب المشكلة و هل فى علاج ولا لا
و اسف جدا على الاطال
نوع ا لهرد اية ومركة
اخى هل الهارد السابق والاحق كانوا على نفس نوع البورده يعنى الى تلفوا كانوا على نفس البورده
اخى عاده ان يحدث تلف والاكثر تعرض هى منطقه البيانات Hard Disk Media انت تقول ان الهارد يصدر صوت هذا اكيد ان البورده توزع طاقه للهارد زائده عموما انتظر اراء الاخرين وهذا رابط لمشكلتك وحلها ان شاء الله
اول حاجه الهارد يتلف كهربيا من الباور سبلاى
ولذلك اول ما الهارد عندى باظ غيرت الباور سبلاى على طول
ودائما لا اقوم بتوصيل اى سيدى روم على نفس كابل الباور بتاع الهارد
لو الهارد تلف يوجد برنامج كنت قمت بشرحه بالصور
اريدك ان تراه يمكن ينفعك
هو مضمون وياخد وقت طويل نوعا ما
https://www.arabhardware.net/forum/c...-recovery.html
الموضوع ينفع حتى ولو البارتيش بتاعتك موجوده
وشكرا...
اولا الباورسبلاى بتاعى جديد من نوع جاما
ثانيا الهارد ساتا و واخد كابل منفصل تمام مش متوصل عليه غير الهارد
اما مشكلتى معتقد ان البرنامج يقدر يحلها لان اول ما الكمبيوتر يشتغل بيعد الهرد يتكتك و يطفى و يشتغل بسرعه متتاليه و بالتالى البورده بتوقف بعد عد الرمات و مش بتقراء الهارد ولا بتخش المرحله ال بعده و لو سيبته ممكن الهارد يتحرق
و مشكور على حسن التعاون
هو ممكن يكون نوعيه الهاردات ذات نفسها وحشه
خاصه اللى بتنزل مصر ودى فرز تانى
وكمان فى موضوع مش متاكد منه ان فى هاردات بتنزل عمرها الافتراضى صغير
يدوبك سنتان وتخلع
خاصه فى الوسترن
وموضوع ده لحظته لما كنت شغال فى شركه ان جالى فى خلال شهر واحد بتاع 5 هاردات 80بايظين بنفس الطريقه
وتقارب تاريخ الانتاج
ولذلك حاول اتخاذ نسخ احيتياطيه اول باول
وحاول التاكد من مصدر الهارد
وصراحه انا افضل الهارد الذى لونه ابيض (مش عارف ليه)
وشكرا...
اولا اشكرك على التعاون و الاهتمام
ثانيا الاتجاه العالمى فى الصناعة فى 90% من الدول هو الصناعات قصيرة العمر و ذالك لتكون دورة الاحلال و التجديد سريعة و كل شىء بيكون عمرة الافتراضى فى احسن الاحوال و الاستخدام الامثل سنتين او ثلاث
اما المنتجات التى تصل مصر فهى اسوء منتجات على الاطلاف و البركة فى الضمائر "ال ذى الفل "
و لكن فى مشكلتى الان انا عملت شىء نفع معايا شويه و باظ
يعنى بعد كلمكو حبيت اتاكد من و جود كهربا ذائد ام لا و طلع فى كهربا زائد فى الكيس عامتا
ففككت الكمبيوتر و شيلت حجر البوردة و وصلت الكيس بسلك متصل بالحائط و شغلته و اشتغل فترة ثم تكرر الموضوع
و لله من العصبيه خبط الهارد و اشتغل عادى خالص دلوقتى
بس المشكلة هل هتتكرر تانى ولا لانى زهقت
و جربت الطرق دى على هارد 80 فيه نفس المشكله فى الكمبيوتر التانى و منفعتش
تقصد انك عندك تسرب تيار مثلا......
انا حاسس انة في حد باصصلك في الهاردات الي بتجيبها
لا هو مش تسرب فى التيار بس مش عارف اشرحها اذاى
بس ممكن تجرب تقف على البلاط او الارض و تلمس الكيس اذا تكهربة بتكون فى كهرباء ذيادة
منين مصدرها مش عارف الحقيقة بس هى بتعفرت الكمبيوتر اذا كانت موجودة و بتخليه يسخن او يعمل حركات غريبة زى ريسترت او يهنج و هكذا
بس عندى مكنش بيحصل اى حاجا زى كده
انا عندى مبتجليش المشاكل الفافى دى عندى بتجيلى المشاكل مشاكل و الناس مقامات بقا :D
المفضلات