بسم الله الرحمن الرحيم ..

السلام عليكم ورحمة الله وبركاته , مساكم الله بكل خير أعزائي .. في الحقيقة أنا راح أدخل بالموضوع على طول ..

أنا ياجماعة الخير ناوي بإذن الله أجمع جهاز جديد بعد عيد الفطر بإذن الله , طبعاً الجهاز راح يكون للألعاب ولا شيء غير الألعاب وفي الحقيقة ذهبت للسوق وشفت الأسعار وكونت فكرة عن القطع اللي أحتاجها .. وهنا أنا راح أذكر لكم الفكرتين اللي في بالي ومحتاج منكم ترشدوني إلى الفكرة الأفضل .. طبعاً انا قلت فكرتين لأني ماعندي ميزانية أجمع بين الفكرتين بجميع القطع مع التركيز على نوعية كرت الشاشة بحكم طرح الموضوع في هذا المنتدى ..


الفكرة الأولى ..

هي التركيز على المعالج بشكل أساسي ..

المعالج راح يكون Intel Core2Quad Q9550 12MB L2 2.83 GHz 1333 MHz وهذا المعالج لقيته بمجمع الدوسري بالخبر بالمنطقة الشرقية بسعر 1600 ريال

اللوحة الأم أنا حطيت في بالي هذي اللوحة .. GIGABYTE EP45-DS4P وبسعر 1050 ريال

الرامات أنا راح آخذ قطعتين من شركة OCZ 2GB لكل قطعة بمجموع 4GB بسعر 750 ريال

كرت الشاشة راح آخذ كرت ATI 4850 HD 512 ماأعرف سعره والله أو Invidia Geforce 9600 GT من شركة XFX بسعر 850 ريال

الباور سبلاي راح آخذ 650 واط من شركة Thermaltek بسعر 640 ريال

الكيس راح يكون من شركة GIGABYTE بفتحة تهوية جانبية كبيرة بسعر 350 ريال


طبعاً هذي هي القطع الاساسية واللي تهمني القطع الباقية راح آخذها من جهازي الحالي ..


مجموع أسعار الفكرة الأولى = 5240 ريال



الفكرة الثانية ..

هي بكل بساطه التركيز على قوة كرت الشاشة ..


المعالج هنا راح يكون Intel Core2Quad Q6600 8MB L2 2.40 GHz 1066 MHz بسعر 750 ريال

اللوحة الأم راح تكون نفس اللوحة في الفكرة الأولى .. بسعر 1050 ريال

الرامات نفس الفكرة الأولى أيضاً .. بسعر 750 ريال

كرت الشاشة راح يكون إما ATI Radeon HD4870 X2 1GB بسعر تقريبي 2250 ريال , أو Nvidia GeForce GTX 280 من شركة XFX وبسعر تقريبي 2500 ريال

الباور سبلاي طبعاً نفس الفكرة الأولى وبسعر 640 ريال

الكيس أيضاً نفس الفكرة الأول وبسعر 350 ريال


مجموع أسعار الفكرة الثانية = 6000 ريال تقريباً



هذي بكل بساطه فكرتي وياليت ماتبخلون علي بأفكاركم الطيبة ومقترحاتكم النيرة حيث إن الفكرة قابلة لأي تغيير أو نصيحة منكم .. وجزاكم الله كل خير ..