مهم جدا لجميع مستخدمي لاب توب لينوفو بخصوص البطارية ( داخلية أو خارجية )

[omar abdelaziz]

السلام عليكم ورحمة الله وبركاته

لكل اللي بيسال عن ان بطاريته built in يعمل اي ؟؟ واللي قلقان يشيل البطارية ولا لا حتي لو كانت built out؟؟
أنا كنت قلقان برضه لحد ما نزلت برنامج اسمه Energy Manager وتحت مسمي آخر Power Manager من موقع لينوفو .. كنت بنزل تعريفات اللاب من الموقع ولقيته والجهاز بتاعي z5070
ودي صورة من اللاب بتاعي وهشرح انا عملت اي .. والصورة شارحة نفسها بصراحه
[IMG][/IMG]
طبعا انا مشلتش البطارية بس لما سطبت البرنامج قرأت ال tips بتاعته وعرفت ان لو مش هستخدم البطارية لفترة طويله يبقي افعل وضع اسمه conservation mode
الوضع ده بيشحن البطارية لحد 55 : 60 % ويفصل البطارية عن الشحن وده موضح بالصورة نسبة الشحن وصلت عندي ل 60 % وجايب رساله ان البطارية not charging بالرغم من انها plugged in .. الوضع ده بفعله ازاي ؟؟؟ بروح على settings وبختار conservation mode زي الصورة دي
[IMG][/IMG]
كمان البرنامج ده بيراقب البطارية ونسبة الشحن وممكن تعمل calender بيحدد الوقت اللي انت تختاره عشان ينبهك انك تشحن البطارية فيه وبختار create عشان احدد الوقت زي الصوره دي
[IMG][/IMG]
كمان في حاجه في البرنامج اسمها Gauge Reset الخاصيه دي بتتعمل كل شهر او شهرين وتقريبا بتعمل معايرة للبطارية ودي موجوده في أول صورة
وفي حاجه كمان حلوه جدا اسمها top Power consumption ودي بتوريك معدل استهلاك كل برنامج انت مشغله زي الصورة دي
[IMG][/IMG]
المهم وخلاصة القول لا يمكن الاستغناء عن هذا البرنامج لجميع مقني أجهزة لينوفو ... وأي حد عنده لاب آخر يحاول ينزل البرنامج ده لو متاح على موقع شركة اللاب بتاعه والمفروض يكون في
وأخيرا شكرا لينوفو أبدعت والله .. وبكده نكون حافظنا على البطارية لأطول فتره ممكنه إن شاء الله

"تحديث للموضوع"

الحمد لله لينوفو نزلت تحديث لل Bios التحديث ده هيخلي الجهاز بيفتح زي الصاروخ وكمان هيحل مشكله ان لما بتطفي الجهاز برنامج Energy manager بيفقد اعدادات ال Conversation mode لا خلاص الحمد لله وعن تجربه فكل اللي يملك الجهاز يعمل ابديت لل BIos
هتدخل على الموقع على اللينك التالي ده
https://support.lenovo.com/us/en/prod...loads/DS100528

بوضح ان التحديث اللي في اللينك ده خاص بجهازين Lenovo Z40-70, Z50-70
وأي جهاز غير الجهازين دول ... تدخل على البرامج الخاصه بجهازك وتشوف فين البرنامج بالاسم ده
BIOS UPDATE


ولما تنزل البرنامج هتطفي كل البرامج اللي شغاله على اللاب عشان شغلك ميضيعش لان اللاب هيعمل ريستارت ويعمل ابديت لل Bios وبعدين ان شاء الله هتلاقي سرعه خرافيه في فتح الجهاز عن تجربه والله وكمان موضوع البطاريه
انا جربته من امبارح للنهارده واللاب لسه على وضع ال Convesation mode

وكمان دي أفضل نسخه لبرنامج ال Energy Manager
https://support.lenovo.com/us/en/prod...loads/DS100548

ودمتم بخير و كل عام وأنتم بخير :-)

[prince4moha]

يعنى لو البطارية فصلت شحن بعد 60% والنور قطع البطارية تشتغل ولا هتكون فصلت خالص؟؟؟

[omar abdelaziz]

اللي أنا لاحظته ان البطارية كل يوم او كل يومين بتقل بنسبه 1 % ولما الكهربا تقطع وهي على الوضع ده الجهاز يشتغل على البطارية عادي جدا لحد ما الكهربا تيجي فالبطارية تشحن لحد 60 % وتثبت وهكذا بقي

[migomax]

طب ممكن الرابط حضرتك لان انا بحثت علية ولم اجدة

[omar abdelaziz]

الجهاز بتاعك اسمه اي ؟؟
اذا كان lenovo z5070 فهو ده اللينك
https://support.lenovo.com/us/en/prod.../lenovo-z50-70
ومن قائمه component اختار power Management
لو مش عارف توصل قولي بس اسم جهازك واشوف اللينك وابعتهولك

[migomax]

الجهاز بتاعك اسمه اي ؟؟
اذا كان lenovo z5070 فهو ده اللينك
https://support.lenovo.com/us/en/prod.../lenovo-z50-70
ومن قائمه component اختار power Management
لو مش عارف توصل قولي بس اسم جهازك واشوف اللينك وابعتهولك

جزاك الله كل خير حضرتك ^_^
انا عندي بردو z5070 لينوفو
بس في مشكلة الموجودين كلهم لويندز 8 وانا عندي ويندوز 7 زي حضرتك بظبط

[omar abdelaziz]

سوري معلش وجهتك للنسخه المتوافقه مع 8 و 8.1

انا نزلت البرنامج المتوافق مع win7 64bit من اللينك ده

https://download.lenovo.com/consumer/...s/4eem02w7.exe

بس فعلا عندك حق هو مش موجود مع التعريفات انا معرفش ازاي نزلته والله بس هو ده اللينك
وبرضه للعلم النسخه اللي هي متوافقه مع win8 64bit هتشتغل برضه ان شاء الله

[darsh18m]

طب انا عندى اللاب جه lenovo g5070 نسخه وسندوز7 64
عاوز لينك البرنامج لو سمحت

[rstrui]

سوري معلش وجهتك للنسخه المتوافقه مع 8 و 8.1

انا نزلت البرنامج المتوافق مع win7 64bit من اللينك ده

https://download.lenovo.com/consumer/...s/4eem02w7.exe

بس فعلا عندك حق هو مش موجود مع التعريفات انا معرفش ازاي نزلته والله بس هو ده اللينك
وبرضه للعلم النسخه اللي هي متوافقه مع win8 64bit هتشتغل برضه ان شاء الله

السلام عليكم
بعد ازن حضرتك عندي مشكلة انا لما حملت البرنامج ده وسطبتة فصل عندي الوايرليس ولا يعمل الوير ليس الا لما اعمل ازالة لل energy power
ملاحظه انا عندي ويندوز سفن 64 بت ونفس جهاز حضرتك

[omar abdelaziz]

السلام عليكم
بعد ازن حضرتك عندي مشكلة انا لما حملت البرنامج ده وسطبتة فصل عندي الوايرليس ولا يعمل الوير ليس الا لما اعمل ازالة لل energy power
ملاحظه انا عندي ويندوز سفن 64 بت ونفس جهاز حضرتك

وعليكم السلام ورحمة الله وبركاته
مشكلتك غريبه ... بس عموما حاول تنزل تعريف الواير لس ومتعتمدش على ان نسخه الويندوز عرفته انا عملت كده
وبرضه للعلم انا شلت البرنامج وسطبت النسخه المتوافقه مع ويندوز 8 واشتغلت بس الفيرجن بتاعها قديم وعاوز ابديت
يعني سواء اي نسخه من الاتنين هيشتغلوا ان شاء الله ... وزي ما قولتلك بالنسبه للوايرلس نزل التعريف بتاعه من موقع لينوفو وجرب التعريفين الاتنين لل energy manager من تاني
ولو فضلت نفس المشكله موجوده ... سطب ال energy manager وبعدها روح لاعدادات bios وشوف الوايرلس شغال ولا مش شغال
وده لينك بنفس مشكلتك دي على موقع لينوفو بس اللي سأل السؤال تقريبا معرفش يعمل اللي متخصص الدعم قاله عليه بالظبط وبرضه نسخه energy manager اللي هو قاله عليها فيرجن قديم
https://forums.lenovo.com/t5/IdeaPad...0/td-p/1774527

وخلاصه الرغي اللي فوق ده كله (((( انت هتسطب البرنامج تاني اللي نزلته وتطفي جهازك بعدها وتشغله وتشوف مشكله الوايرلس زي ما هي ولا لا ... لو لسه زي ما هي ... هتطفي جهازك وتروح على اعدادات ال Bios وتشوف الواير لس شغال ولا لا)))))
انا مفيش اي مشاكل واجهتني زي دي لاني اول ما جبت اللاب نزلت كل التعريفات من الموقع وسطبتها واولهم اني عملت ابديت لل bios وده برنامج من ضمن تعريفات الجهاز اللي على الموقع وده اسمه
BIOS Update for Windows 7 (32-bit, 64-bit), Windows 8.1 (64-bit) - Lenovo Z40-70, Z50-70
وبعدها سطبت كل التعريفات ومقابلنيش اي مشاكل الحمد لله
وأنا في الخدمه لو احتجت اي شيء .. وان شاء الله مفيش مشاكل .. جرب وبلغني

[محمد علي شريف]

انا عندي مشكله في الجهاز ده بخصوص كارت الشاشه حل من شخص يفيدني بحل

[حوري حوري]

السلام عليكم
بعد ازن حضرتك عندي مشكلة انا لما حملت البرنامج ده وسطبتة فصل عندي الوايرليس ولا يعمل الوير ليس الا لما اعمل ازالة لل energy power
ملاحظه انا عندي ويندوز سفن 64 بت ونفس جهاز حضرتك

[omar abdelaziz]

نفس اللينك اللي في الرد اللي فوق هيشتغل معاك ان شاء الله لان الجهازين زي بعض في أغلب التعريفات

[migomax]

نفس اللينك اللي في الرد اللي فوق هيشتغل معاك ان شاء الله لان الجهازين زي بعض في أغلب التعريفات

تمام حضرتك كلة شغال بس فية استفسار بعد ازنك
اية ال clender ده ولو انا سبت البطارية ف الجهاز ع طول والشاحن فيها ميأثرش ع البطارية (مع تفعيل خاصية conservation mode)

[omar abdelaziz]

تمام حضرتك كلة شغال بس فية استفسار بعد ازنك
اية ال clender ده ولو انا سبت البطارية ف الجهاز ع طول والشاحن فيها ميأثرش ع البطارية (مع تفعيل خاصية conservation mode)

ال calender ده ... انت مثلا عارف انك هتخرج وليكن الصبح بدري لشغلك او كليتك وهتاخد اللاب وطبعا مش هتخرج باللاب وهو 60 % ... انت هتظبط ال calender على تاريخ ويوم معين عشان يجبلك رساله ينبهك ويفكرك انك تلغي هاصيه conservation mode وتشحن اللاب ل 100% ... وهكذا .. الفكره انه ينبهك بالميعاد اللي تختاره عشان تشحنه

اما بالنسبه لحته مبياثرش على البطارية دي ... فانا معرفش بصراحه ... بس اللي عرفته ان دورة اي بطارية تقريبا في حدود 1000 دورة شحن وتفريغ يعني على الاقل لو شحنتها مره واحده في اليوم هتقعد ل 1000 يوم .... مش متأكد من المعلومه دي بصراحه :-)