عندى استفسار قالقني شوية بخصوص المراوح فى الكيسة
انا عندى 6 مراوح بالظبط فى الكيسة 2 دفع هوا ادام الهاردات , 2 شفط هواء فوق , واحدة بالخلف شفط , وواحدة داخل الكيسة " موقفها جوة " تحريك هواء " دفع "
كل شئ يعمل بشكل طبيعي , لكن عند تشغيل لعبة " لعبة معينة " المراوح تصدر ضجيج كبير جدا " مروحتين سقف الكيسة ومروحة خلف الكيسة الى بيعملوا على طرد الهواء " مش دى المشكلة اعتقد دة طبيعي , المشكلة انهم بيعملوا صوت زنة كدة غريبة وكمان ملفات او مواتير المراوح بتسخن جدا جدا , فهل دة طبيعي ؟ واشمعنى مع اللعبة دى بس حتى مع تقليل الجرافيك ل MEDIUM , انا معرفش
ارجو الافادة وشكرا
هو حضرتك ايه امكانيات الجهاز بالظبط والكيسه وايه اللعبه المعينه تحديدا الى لما بتقوم بتشغيلها بيحصل معاك الموضوع ده ؟
بس هو على العموم على حسب ظبطك للمرواح من متحكمات اللوحه الام بيكون الصوت بيزيد او لانه عدد اللفات بيزيد بمعنى ابسط لو حضرتك مظبط المرواح على اللوحه الام بحيث لما درجه حراره اللوحه تزيد الفان سبيد بتاع المرواح يزيد هو كمان .. لانه لايوجد تفسير اخر غير ذلك الا لو الصوت صادر بقى من مروحه المعالج او كرت الشاشه.
الللعبة المعينة دى تقيلة جدا رغم انها قديمة لكنها عايزة متطلبات كبيرة عشان كدة المراوح بتشتغل على اقصى سرعة فى اللعبة دى تحديدا , المراوح بتشتغل على سرعة فوق ال 2000 رول مينت فى الضغط عشان كدة صوتها بيعلى انا فاهم دة , المشكلة فى ان مروحة واحدة بتعمل صوت زنة انا بس عايز اعرف هل فيها مشكلة اغيرها او لا عشان بتعمل زنة غريبة مش اكتر
يعنى الزنة دى طبيعية ولا لأ بس كدة
السلام عليكم ورحمه الله
عموما الصوت مفهوش مشكله الا بقي اذا كان الشحم بتاع المتور ناشف في الحاله دة هتتقل معاك وهيكون سرعتها اقل من سرعه المراواح الباقيه بس عموما متقلقش اومال لو سمعت صوت المراواح الي في الاجهزة الاروجينال 7000 prm فعلا لو اطفال قدام الجهاز بيقومو يجرو يقولو الجهاز هينفجر يا هيطيير ههههه ,,, عموما شوف كدة ولو موضوع الشحم هيكون سهل باذن الله
الموضوع بسيط لو المروحه دى نفس نوعيه المرواح التانيه الى فى الكيسه عندك لو مع وصولهم لنفس السرعه 2000 وبيعملوا نفس الصوت يبقى ده صوت الاير فلو بتاعهم اما لو المروحه دى فقط وبتحس ان الصوت فيه زى رجه لو لكلكه او زن غير طبيعى ممكن تكون المروحه فى حاجه للتزيت او ممكن تكون محتاجه للتثبيت جيدا مع السرعه الكبيره المروحه بتهتز فجرب تخرجها الاول من الكيسه وتجربها على اقصى سرعه وتمسكا فى ايدك وشوف وانت ماسكها هل صوتها زى الباقى ولا هى فيها مشكله .المشاركة الأصلية كتبت بواسطة dash-mohamed
يا خبر 7000 رول ... دة محرك نفاث,
عموما المراوح مش مزعجة للدرجة ماعدا المروحة الى بتعمل زنة غريبة دى وصوتها فعلا مش طبيعي وخصوصا ىف الضغط فى العادى الزنة هادية مش سامعها فا اعتقد المشكلة ممكن تتزيت وموضوع الشحم يريت لو تفيدنى اشوفه بردو عشان لو كدة احاول اظبطها عشان تشتغل طبيعي
لأ المروحة كولر ماستر بردو لكن موديل تانى اقل شوية air flow
بخصوص التزييت انا جبت زيت ماكينة خياطة , سمعت انه ينفع يتحط للمراوح والحاجات الميكانيكية الى زى دى , كدة صح ؟
بخصوص السرعة ع ال 2000 رول كله طبيعي ماعدا دى بس الى بتزن , لكن المروحتين التانيية مزعجين اوى اوى بردو لكن لما بحطهم فى الكيسة فوق اما احطهم بالجنب الصوت المزعج بيقل " معرفش لية " بس بيبقوا اقل ازعاج وهما بالجنب , المروحة دى بقى الى بتعمل زنة غريبة الشكل و عايز اشوفلها حل
انا شاكر مساعدتكم ليا يا جماعة بجد , واتمنى اشوف حل للموضوع دة عشان انتو عارفين اقل مروحة دلوقتى ب 50 - 60 جنية فا لو كل مروحة بتعمل صوت ولا رجة هتتغير هتبقى شغلانة فبحاول اشوف حل مش اكتر
ممكن حضرتك تنظف كل المراوح كويس وتفتح اللاصق وتضع نقطة زيت ماكينة صغيرة جدا وبعد كده تركبهم كلهم وتثبت المسامير كويس وتشوف النتيجة وكمان مع الاعتبار ان أكيد لها عمر افتراضي بس متستعجلش ونظف وركب وجرب الاول
ضوابط المشاركة
رد مع اقتباس
المفضلات