رد مع اقتباسمفيش اي مشكله
الباور متوافق وسيعمل بكفاءه مع الجيل الجديد ان شاء الله
السلام عليكم ورحمة الله وبركاته
استفسار بخصوص الباور سبلاى
Seasonic X Series 850W 80 PLUS GOLD Certified PSU
هل يتوافق مع سوكت الجيل السادس من البروسيسورات skylake اللى هينزل الشهر القادم مصر ؟؟ لان اللى اعرفه ان البروسيسور هينزل بسوكيت جديد تماما من نوع 1151 يعنى عدد ال pins اكيد مختلف عن الاجيال القديمه عشان كده انا خايف بعد ما اشترى الباور سبلاى ده ميكونش بداخله مكان لسوكيت البروسيسور الجديد لانى ناوى اشترى جهاز كامل من الجيل الجديد الشهر القادم ان شاء الله وخايف اشترى الباور سبلاى ده على الفاضى ارجو الافاده من الاساتذه فى هذا الموضوع قبل ما اشترى الباور سبلاى ؟؟
مفيش اي مشكله
الباور متوافق وسيعمل بكفاءه مع الجيل الجديد ان شاء الله
وعليكم السلام ورحمه الله وبركاته ... ولكن ايه دخل الباور بالسوكيت نفسه او بعدد السنون الحاصه بالسوكيت
احنا محتاجين من الباور عشان يقوم اللوحه الام كابل 24pin وبيجيلك الباور احيانا بكابل 20+4 منفصلين عشان لو اللوحه الام معاك من الاجيال القديمه
اللى بتحتاج 20 بن فقط يكون مناسب معاها
وبنحتاج من الباور كابل التغزيه للمعالج EPS 12V وبيجيلك فى الباور كابل 8 بن عشان يغزى المعالج بالوات المطلوب
وهتلاقى الكابل دا مقسوم الى كابلين منفصلين احيانا عشان يناسب اللوحات الام السابقه التى تحتاج الى 4 pin فقط لا غير
ولكن منذ الجيل الرابع تحديدا اصب السوكيت القياسى لجميع اللوحات الام 8pin فقط والسبب انه يقال اللوحه الام اصبحت تمتلك القدره على تغزيه بعض القطع
من خلال منفذ تغزيه المعالج ايضا ولذلك كابل 8 بن بالفعل بيقدم 288W وهى نسبه كبيره جدا على اى معالج من الجيل الرابع على لوحات غير قابله لكسر السرعه
بعض الباورات زى الباور اللى معاك ربما تكتشف انه قادم باكتر من كابل واحد للمعالج ربما تلاقى معاك 16 بن عباره عن كابل 8 او 2x4 وكابل اخر 8 او 2X4
ليكون مناسب مع اجهزه الاعمال ومنصات Dual CPUs
هناك باورات تلاته بن للاحتياط وبالتاكيد باور زى اللى معاك اكيد Modular يعنى هتقدر اركب كابلاته حسب احتياجك ليها بس وتقلل نسبه اذدحام الاسلاك داخل الكيس
اى معالج له متطلبات من خصائص الباور نعم ولذلك بيتم تصنيع الباور ( اى باور على مناهج متبعه لمنصات الكومبيوتر سواء من انتل او شركات المعالجات )
معالج الجيل الرابع Haswell طلب باور جديد بسبب : امكانيه المعالج الدخول فى حاله الخمول الطويله والتى لا تتطلب اكتر من1ampier اثناء حالات الخمول
وان لم يكن الباور سبلاى قادر على هبوط الفولتيه المقدمه للمعالج بشكل مستقل سيحدث خطا متوقع كحاله تجميد للجهاز او ريستارت مفاجىء او ايه اخطاء
المشكله ليست من الباور وليست من المعالج
ولكن الخاصيه الحديثه للمعالج C6/C7 وبغض النظر انها انتقلت الى نسبه قليله جدا من نسبه الاستهلاك ولكنها
كانت اسرع بنسبه 25% عن اى معالج سبق تم تصميمه فى انتقال المعالج من حاله الخمول الاولى الى الحاله التاليه C7 .. C6 ... C3 .....CIE
ويقال انه بسبب تقليل المده الزمنيه لتمكين المعالج فى الدخول السريع الى اقل نسب من احتياج الوات والامبير لمساعدته على هبوط حرارته و تقليل نسبه احتياجه
تسبب فى تعثر بعض الباورات بالفعل فى تقديم تقريبا اقل من 0.5v خلال هذه الفتره وهى النسبه المطلوبه تقريبا فقط للمعالج وبالتالى
بيحصل مشكله تجميد او عدم استقرار للنظام
وبما ان هناك بالفعل بعض الباورات التى لديها القدره على الوصول لهذه النسب فى اسرع فتره زمنيه ممكنه فكانت مناسبه بشكل كبير لعمل نظام الجيل الرابع
بشكل مستقر بدون ايه مشاكل ولكن كانت هناك مجموعه باورات كثيره جدا من افضل الانواع والبراندز العالمى الذى لم يستطيع ان يفصل الفولتيه المقدمه
للمعالج عن باقى الدوائر المتصله مع المعالج فى نفس فولتيه الباور سبلاى ( الحاليه ) وليكن 12V+ او 5V+
عموما لم يكن الامر واضحا تماما وجليا فى مقالات عديده عن السبب الرئيسى فى امكانيه الباور سبلاى على هذا الامر ولذلك تم اختبار الباور سبلاى
اختبار اى باور سبلاى موجود فى الشركات على منصه Haswell الجديده ومتطلباته بشكل كافى
واى باور كان منتظم بشكل كبير جدا تم وضع باتش Haswell Ready على كرتونته اما ان لم يكن مناسب او ان لم يتم اختباره فلن تجد عليه باتش haswell Ready
ولكن كيف عالج المستهلك الذى يمتلك باور سعره عالى ولا يريد خسارته او لم يكن لديه الامكانيه على شراء باور سبلاى جديد Haswell Ready
ما كان له الا ان يقوم بعمل Disable من البيوس لخاصيه C6/C7 والاكتفاء بخواص Power Saving المعهوده حتى معالج الجيل التالت بشكل مستقر
اى تقريبا احتياج المعالج الى 4W تقريبا من خلال المراجعات وهى نسبه ممتازه جدا فى حاله الخمول ولم يكن متضطر لاحتياج الخاصيه الجديده التى لا تستنفذ او تحتاج
لمعالج الجيل الرابع امبير واحد او 1W حسب المقالات
الموضوع اكتر من كده فى المواصفات ايضا ولكن دى تعتبر اهم المشاكل التى واجهتنا حين شراء معالج الجيل الرابع
ولكن فى اتفاق كبير ان معالج Haswell قادر على الثبات على اى باور سبلاى حديث او منهج التصميم ليه ATX 2.4 ولكن للتاكد من ثباته طول الوقت
يجب ان يمر بمجموعه اختبارات عديده فى حالات الضغط والخمول ويجب ان يقدم ثبات فولتيات كل من فولتيه 3.3V+ و 12V+ و 5V+
هذا مثال على احد الباورات ... وعشان مش يكون الامر صعب بالنسبالك
ستلاحظ ان اختبار CL1 حينما كان احتياجنا من الباور نسبه قليله 140W لم تستقر فولتيه 5V+ على النسب المطلوبه لمعالج haswell
وهى ان تكون نسبه الزياده او النقصان لهذا المسار دائما وطول وقت اختبار المعالج 5% فقط بحد اقصى
اى اما ان تكون 5,250V كحد اقصى او 4.750V كحد ادنى وبالتالى هذا المعالج حتى وان كان على صفحته الرئيسيه Haswell Ready ولكن
ليس صادق كليا ومتوقع ان يفشل فى حالات خمول معالج haswell
هذا الامر ليس خطيرا تماما ولكن يفضل اغلاق الخواص الحديثه للمعالج من البيوس لان واضح ان الباور سبلاى مع احتياجنا نسبه بسيطه من
مجهوده للمنصه كامله بالتاكيد لن يقدم للمعالج اقل النسب المطلوبه وبالتالى سيفشل فى الثبات ( ربما )
هناك اختبار اخر ايضا لقياسات نسبه الــ Ripple فى الباور سبلاى
ماذا ايضا ؟
اهم خصائص ومواصفات مناهج ATX الاخيره ان تكون نسبه Ripple Noise او نسبه ازعاج او ضجيج خطوط التيار
الا تتعدى 120mV لفولتيه 12V+ ولا تتعدى 50mV لكل من فولتيات 3.3V+ و 5V+
ولدينا مثال اخر
ستلاحظ من خلاله ان فولتيه 5V+ هذه المره لم تتوافق مع المواصفات العالميه لمنهج تصميم باور سبلاى ATX المناسب
فقد قفزت نسبه Medium Voltage عن 50mV وهى النسبه الاقرب للواقعيه عن طريق معادله حسابيه دقيقه لقياس نسبه تحميل الجهد
عشان منبعدشى كتير .. بالتاكيد باور Seasonic X مناسب لانه من افضل الباورات العالميه
اما هل Haswell Ready ام لا او مناسب للمعالج ام لا ؟ نعم مناسب للمعالج من خلال مراجعاته بمثاليه ولا تهتم اطلاقا لعدد سنون السوكيت
لدينا لوحه X99 و X79 وسوكيت يمتلك 2011 بن نظريا وتستطيع تشغيل اللوحه الام على اى باور سبلاى فقط بتقديم كابل تغزيه اللوحه الام والمعالج فقط
التعديل الأخير تم بواسطة phenomenon ; 23-08-2015 الساعة 19:57
شكرا جزيلا اخواتى الافاضل على المساعدة بارك الله فيكم
وبالنسبة للاستاذ الفاضل Phenomenon
انا مش لاقى رد اشكرك بيه على المعلومات الغزيرة والقيمه دى كلها بجد انا استفدت منك معلومات كتير جدا قيمه فى مجال الهاردوير ومتابع موضوعات حضرتك ومساعدتك للاعضاء ..
يعنى بجد ربنا يزيدك علما يا استاذى الفاضل وجزاك الله كل خير .
بصراحة استاذنا
Phenomenon
اول ما عضو بيسال على اى اسفسار بيرد رد علمى فية جميع المعلومات الا بيعرفها بارك ربنا فيك
ضوابط المشاركة
المفضلات