مناقشة حول وكلاء ضمان اجهزة اللاب توب فى مصر

**Haythamovic** · 16-03-2014, 22:18

انا معايا جهاز لينوفو z580 و التوكيل بتاع لينوفو شركة ريدنجتون
الجهاز الهارد بتاعه باظ و وديته للضمان غيرلى الهارد فى 16 يوم
ثم بعد 11 يوم لقيت نفس العيب فى الهارد الجديد و رجعت الجهاز عشان يغيروا الهارد تانى بقاله 23 يوم و لسه مخلصهوش
واحد فى خدمة عملاء كمبيومى عشان هما كانوا الوسيط بينى و بينهم اكد لى انهم اشتكوا للينوفو بسبب ان قطع الغيار بتاعتهم فيها مشاكل كتير انا مانصحش اى حد بلينوفو على الرغم من اغراء الاسعار بسبب خدمة العملاء عندهم و سوء قطع الغيار

انا عندي نفس الجهاز بس مش عارف ادخل علي البايوس بتاع الجهاز فبصراحة مش طايقه بسبب الحركة ديه

**Hany Mohamed Nigma** · 16-03-2014, 22:23

المشاركة الأصلية كتبت بواسطة Haythamovic

انا عندي نفس الجهاز بس مش عارف ادخل علي البايوس بتاع الجهاز فبصراحة مش طايقه بسبب الحركة ديه

انت نسيت الباس وورد ؟

**Haythamovic** · 17-03-2014, 01:15

انت نسيت الباس وورد ؟

اللاب مش محطوطله باسورد المشكلة ديه مجنناني حتي مفتاح novo key مش عارف ادخل عن طريقه للبايوس وجربت الطريقة بتاعة general في ويندوز 8 ومفيش حل

**wael45** · 17-03-2014, 07:47

شكراً جزيلاً يا شباب ..

أنا عارف إن مينفعش أقارن بين ماركتين بدون المواصفات و الامكانيات ، و لكن أنا بإذن الله هجيب توشيبا أو سامسونج ، و استبعدت Hp و ديل أيضاً .

و لكن اللى كنت أقصده إن سامسونج لاباتها مش منتشرة كتير و مش عليها إقبال يعنى .. فكنت عاوز أعرف هل هى بصفة عامة كويسة و لا لأ ؟

الشكل و التصميم كويسين .. و لكن الأداء بصفة عامة و الحرارة و السرعة و قطع الغيار متوفرة بسهولة و لا لأ ؟

هل فيه شكاوى من لاباتها زى مشكلة الحرارة فى الـ Hp مثلاً ؟

هذا ما كنت أقصده ، لابات سامسونج أرخص من توشيبا حوالى من 200 إلى 300 ج برغم إن الامكانيات و المواصفات واحدة .

هل ضمان توشيبا أفضل و لا سامسونج ؟

أنا تقريباً استقريت على الامكانيات و المواصفات و السعر اللى هشترى بيه .. فكنت محتار ما بينهم شوية .

**wael45** · 17-03-2014, 07:50

يعنى الضمان بيكون ضمان المصنع أو الشركة المصنعة لللاب .. لكن البائع أو المحل بيكتفى بالفاتورة المختومة و عليها رقم الجهاز .

**Hany Mohamed Nigma** · 17-03-2014, 13:39

المشاركة الأصلية كتبت بواسطة wael45

يعنى الضمان بيكون ضمان المصنع أو الشركة المصنعة لللاب .. لكن البائع أو المحل بيكتفى بالفاتورة المختومة و عليها رقم الجهاز .

انت لما بتشتري اللاب بيكون تعاملك المباشر مع الوكيل
لو رحت للبائع هوبيخدمك انه بيرسل الجهاز للوكيل لكن فى الاخر مش هايقدر يعملاكثر من اللى هايعمله الوكيل

الفاتورة مهمة فى بلدك لان لو ضمان الدولي انتهى قبل عام من شرائك للجهاز ممكن تستخدم الفاتورة لتستفيد من عام كامل من تاريخ الشراء

**Divor** · 06-07-2014, 01:26

اتمنى الافاده ؟! بضمان لينوفو بالاسكندريه ؟!

**Hany Mohamed Nigma** · 08-07-2014, 03:54

المشاركة الأصلية كتبت بواسطة Divor

اتمنى الافاده ؟! بضمان لينوفو بالاسكندريه ؟!

الكارتونة مكتوب عليها اسم الوكيل ؟

**ahmed hamody** · 30-05-2015, 02:33

السلام عليكم

انا عندى مشكلة فى اللاب بتاعى وروحت محل ايجبت لابتوب اللى اشتريته منه الجهاز ،قالى اطلع الدور العاشر مركز الصيانة بتاعه اللى هو redington ،الراجل اخذ من اللاب بعد ما شاف الفاتورة وقالى هتتغير الشاشة ،كنت عاوز اعرف انا اللاب بتاع ضمان quest مشredington ,هل هو هبعته لشركة quest ,ولا شركةredington هى اللى هتصلحه ,ياريت اعرف رايكم فى الموضوع ده

**Abdulrahmanmohi** · 10-01-2018, 16:36

دخلت موقع dell و وجدت الوكلاء تغيرو..هل هذا صحيح؟
و اذا كان صحيح نرجو منكم التعديل و شكرا
هذا لينك البحث
https://dell.secure.force.com/partne...arch?c=ae&l=en

المشاركة الأصلية كتبت بواسطة Hany Mohamed Nigma

لا يوجد وكيل بمعنى وكيل فى مصر
انما شركاء
يعني لهم حق البيع وبعضهم حق الصيانة وبعضهم الدعم الفني

الشركاء حسب كلام موقع ديل الرسمي
كما يلي بالصور
ولاننا دولة منفلتة مش هاتعرف مين للدعم فقط ومين للبيع فقط ومين للصيانة

لكن ديل حددت هنا كل وظيفة
الاول مبيعات الجملة
ملف مرفق 21232
الثاني مبيعات التجزئة
ملف مرفق 21233
الثالث له حق استخدام العالمة التجارية فى البيع
ملف مرفق 21234
الرابع دعم فني فقط وعن طريق الهاتف
ملف مرفق 21235

لو سألت موقع ديل رسميا عن مكان الصيانة يذكر لك BDL

هذه المعلومات كلها من موقع ديل الرسمي

لا تسألني عن تفصيل لاني لا اعلم اكثر من ذلك

بالخارج نستطيع ان نحدد لكل نوع وظيفته اما هنا الكل يجزم انه وكيل وليس حتى مجرد شريك