من وجهه نظري اللينوفو افضل كجوده تصنيع وكمواصفات ومبيعات اللينوفو عدت الديل تقريبا ...
الحقيقه انا كان فى لاب سامسونج عاجبنى جدا بس مش موجود فى السوق
وكمان الفلوس اللى جيالى اتأخرت
فا حاليا محتار بين لابين
اولا :
Toshiba Satellite C50-A538 Laptop
https://egypt.souq.com/eg-en/toshiba...2766300075/u/#
و دا سعره تقريبا 3300
واللى بكارت انتل 2900 وانا كنت اعرف ان زمان توشيبا افضل تصنيع و كمان كانت اغلى من اللابات الاخرى بسبب جوده صناعتها
واللاب التانى هو
Lenovo G500 Laptop
https://egypt.souq.com/eg-en/lenovo-...2957800075/u/#
بـ 3200
والكارت الانتل بـ 2800
,دا نفس الامكانيات بالظبط بس يفرق ان كارت الشاشه اعلى شويه
بس انا مش عارف بيستحمل كويس وبطاريته وهل لينوفو تصنيعها كويس ولا اى كلام
تنصحونى بأيه ؟؟؟
ايه افضل وضمانه افضل وتصنيعه افضل
من وجهه نظري اللينوفو افضل كجوده تصنيع وكمواصفات ومبيعات اللينوفو عدت الديل تقريبا ...
انتظر رأي اخي arsenal
ميرسى ليكم و مستنى رد ارسنال و ربنا يوفقه فى نهائى كاس انجلترا :D
اللينوفو امكانياته افضل نسبياً (ليس بفارق كبير لصالح كارت الشاشه) ..
لو غير مهتم بالالعاب نهائياً اشتري النسخة بكارت الانتل .. اما لو غير ذلك فيجب شراء جهاز بكارت منفصل ..
لو لديك استفسارات اخرى تفضل ؟
انا غير مهتم اوى بالالعاب لانى اعرف ان اللابات بتسخن من الالعاب و مش هتستحمل لعب كتير
فا انا بس عاوز اتأكد من حضرتك
اللينوفو افضل ولا التوشيبا كتصنيع .. بطاريه ... استحمال .. ضمان ... عيوب تصنيع ؟؟
ميرسى جدا يا ارسنال
دلوقتى انا هتكل على الله و هجيب التوشيبا الاسبوع الجاى غالبا لو ربنا كرم و الفلوس جت :ah34:
و الاستفسار بقا
اللاب موجود على موقع سوق سعره 2800
فى حين ان فى المنصوره عند افضل المحلات عندنا ب 3000
هل الشراء من موقع سوق موثوق فيه ؟
حد من الاعضاء الكرام اتعامل معاهم فى لابات ؟؟
ولا افضل من محل
وايه الحاجات اللى المفروض اشيك عليها عند استلام اللاب سواء من المحل او من الموقع ؟؟
نعم ياكبير الشراء من موقع سوق مضمون مليون بالمئة وبتوصلك الشحنة بخلال 10 ايام والدفع عند الاستلام كمان ولو فيه اي مشكلة لا قدر الله بتقوم عملية استرجاع لهم بكل ببساطة ويقيمون باراجاع الفلوس مرة اخرى وانا اتعملت معاهم أكثر من مرة
بالنسبة للحاجاتالي تعمل شيك اب عليها هي الشاشة من حيث النقاط الميتة Dead Pixel وجود البلوتوث
نصيحه بلاش موقع سوق دوت كوم
خدمه زباله وعن تجربه
ولو الحاجه بايزه
تقعد بالشهور عقبال ما تعرف ترجعها
نصحيه بلاش
انا اشتريت شاشه من عندهم وطلعت بايزه
خدوها وبعد 3 شهور ادونى الفلوس وناقصه 300 جنيه
وتقدر تشوف ردود الناس فى الفيس بوك
مش انا لوحدى
حيرتونى احيب من سوق ولا محلات ؟
و اشيك على ايه
التعديل الأخير تم بواسطة mina_888 ; 10-05-2014 الساعة 03:03
أنا كنت قريت مرة أراء الناس اللى جربت الشراء من موقع السوق بعضهم بيشكر فيه و البعض الآخر بيشتكوا منه ، و الناس اللى ندمت على التجربة كان فعلاً بسبب خدمة ما بعد البيع . يعنى لو السلعة فيها مشكلة أو عيب يطلع عينك عقبال ما تحاول تستبدلها أو تسترجعها و هكذا .
المفروض تعمل فحص كامل للوحة المفاتيح الخاصة باللاب و تتأكد إن كل الأزرار شغالة بسلاسة ، و اختبار للشاشة ، و فيه برنامج اسمه Monitor Test بيعمل اختبار كامل للشاشات العادية أو شاشات اللاب توب .
و تتأكد إن الخواص بتاعة اللاب شغالة كلها زى الوايرلس و البلوتوث ، و طبعاً الصوت و الشاشة و الشبكة ، و منافذ الـ USB شغالة كلها .
أنا سمعت ناس كتير بتشتكي من سوق.كوم و بدل ما تحتار جيب من محل احسن و تشترى الاب توب في نفس الوقت و تدفع الفلوس و يبقى في مكان تروح فيه عشان المشاكل و دة.
أنا قرأت قبل كدة إن أهم حاجة تتاكد إن الاب توب لا يأتي من الاب توب الي في العرض و إن الكرتونة مقفولة كويس و عليها لصقة المصنع و تجرب الاب توب في المحل و دة مهم جداً إن مفيش اي نقط ميتة على الشاشة زي ماحصل معي قبل كدة و إن الراجل يركبلك التعريفات و الويندوز عشان يسهل عليك :-)
المفضلات