السلام عليكم ورحمة الله وبركاته

حيا الله جميع المهندسين والأعضاء الأفاضل بالمنتدى والموقع العملاق عرب هاردوير الذي كان ولا زال يتحفنا بكل ما هو جديد ومفيد إلى يومنا هذا ،

المشكلة يا جماعة هو اني اشتريت جهاز امكانياته عالية علشان أعمال وشغل الجرافيكس والمونتاج المتقدمة تشتغل عليه بكفاءة وجودة ... وهذه بعض المواصفات الهامة بهذا الجهاز الجديد :

-Gigabyte GA-Z68XP-UD3-iSSD Socket LGA1155 Motherboard with built in 20GB SSD

- البروسيسور : Intel Core I5 2400 - 3.10 GHZ

- الرامات : Kingstone Hyper 4 G.B X 2

- كارت الشاشة : AMD Radeon HD 6870 Sapphire

- الباور سابلاي : Cougar 700 w

- الكيسة : جيجابايت سيتو

- الهاردات : كانو عندي قبل اما اشتري الجهاز الجديد ولم أشتري هاردات جديدة ،
عندي حوالي 5 هاردات ، بعضهم تيرا وبعضهم اتينن تيرا وواحد 320 جيجا ( ويسترن بلو ، الأساسي اللي بشغل الوندوز من عليه )

المهم الجهاز اشتغل بشكل مناسب إلى حد ما في اول كام شهر ... مع إني ما كنتش مقتنع بكفاءته مع المواصفات بتاعته !!! وفجأة بدأ يهنج بدرجة فظيعة في برامج الجرافيك والمونتاج والدنيا واقفة خالص ... نزلت وندوز جديد .. برضه المشكلة لا زالت موجودة ... قلت ممكن تكون المشكلة في الهارد ... جربت انزل وندوز على كذا هارد .. وبرضه الجهاز بيهنج وبجد بجد انا حاسس اني شغال على جهاز بنتيوم 3 القديم اللي كان عندي زمان !!

لدرجة يا جماعة اني عدت بشتغل الفوتوشوب على لابتوب أخويا ( لابتوب توشيبا Core i 3 ) وحاسس انه سريع جدا ً !!

المهم أخدت الجهاز للشركة اللي اشتريته منها .. قالو لي الرامات بايظة ولازم تروح الضمان ... فأعطيت ليهم الرامات واخدت الجهاز ... وطبعا ً انا مش بستغنى عن الجهاز فاشتريت رامات 4 جيجا كنج ستون هايبر عما باقي الرامات تيجي ... وبرضه صعقت وذهلت جدا ً لما لقيت ان المشكلة لا زالت موجودة !!

وبجد الواحد تعب جدا ً ومش عارف يعمل ايه ... فأرجوكم حد يقولي ايه المشكلة ؟؟؟ لأني حاسس ان مفيش اي حد عارف يتوصل للمشكلة إلى الآن .. والغريب ان مهندس الصيانة بيقولي ان ما ينفعش تشغل رامة واحدة بس في البوردة بتاعتك ... إما أنك تشغل رامتين او اربع رامات .... ولما جيت اشتري الرامة المؤقته لقيت راجل تاني مهندس برضه ( المفروض ) بيقولي لا عادي مفيش مشاكل ممكن تشتغل برامة واحدة او ثلاثة رامات .. مش لازم نظام ثنائي أو رباعي ... فالواحد مش عارف يصدق مين ولا مين !!! فأرجو أن تساعدوني أيها الأفاضل للتوصل إلى الحل .

في انتظاركم بارك الله فيكم

وجزاكم الله خيرا ً