تقرير عن لينوفو Z510

[أحمد عنتر 2009]

لينوفو Z510

المواصفات:

Intel® Core™ i5-4200M Processor 3M Cache, up to 3.10 GHz
6GB DDR3 RAM 1600MHz
1TB HDD 5400 rpm
DVD+/-RW drive
15.6" Backlit LED HD display 1366 x 768
NVIDIA GeForce GT 740M with 2 GB DDR3 dedicated
Web Camera
WiFi - Bluetooth - USB - Ethernet 10/100
HDMI
4 cell battery
No operating system
4750 جنيه
تم الشراء من محلات فاهم فى مولات السخاوى فى مصر الجديدة-القاهرة

صور للجهاز:
تقييم خامة وشكل الجهاز:
الجهاز شيك جدا وخامته ممتازة بس حاسس إنه وزنه ثقيل شوية والظهر بتاعه بتبان فى بصمة الصوابع لو شلته يعنى لازم تنظفه كتير وأشيك حاجة فيه الكيبورد المضيئة وهى ممتازة فى الكتابة والكيبورد فعلا مرنه شويه يعنى بتنزل لتحت وإنت بتكتب بس دا مش عيب ولا حاجة دا أريح فى الكتابة والإضاءة بتاعة الكيبورد بتطفى بدوس على Fn مع Space.
التاتش باد مش حلو أوى بس شغال بس ممكن يكون عشان لسه جديد وشوية وممكن يخف فى الحركة أنا طبعا بقارن التاتش باد بتاعه بالى فى جهازى الAcer 5733 القديم كان خفيف وكمان التاتش باد بتاع اللينوفو ده مفهوش Scroll مش عارف أنا مش عارف أشغله ولا هو مفيهوش.


أداء الجهاز:الجهاز يعمل بكفاءة جيدة ولكن يعيبه أمرين:
1-الإقلاع بتاعه بطئ ولازم تسيب الجهاز 3 دقايق كده بعد ما يفتح وبعدين تشتغل عليه ويبقى تمام
2-عند نقل شئ الى الجهاز أو تسطيب شئ بيبطئ شوية وبلاقى Disk اللى فى Task Manger وصلت 100% وبعد ما يخلص بتقل.
عموما الجهاز استخدامه عامةََ جيد جداً ما عدا النقطتين دول.

تم تسطيب نسخة ويندوز 8 بدل الويندوز 8.1 وأصبح اقلاع الجهاز سريع وكل مشاكل التشغيل اتحلت

الشاشة:الشاشة Hd يعنى 1366*768 وزوايا الرؤية جيدة لكن مش ممتازة والألوان لازم تظبطها من الإعدادات على ألوان زاهية بتبقى ألوانه تحفة بالنسبة للون الأزرق هو فعلا زايد شوية بس لو مظبوط على زاهي مش هتحس بيه

الألعاب:أنا جربت ألعاب كتير وهأذكر الألعاب مع الإعدادات الى شغلتها عليها وكانت سريعة وكويسة

اللعبة الإعدادات
1-High Fifa 14
2-High Pes2014
3-High Call of Duty Ghosts
4-High Assassins Creed IV Black Flag
5-High Tomb Raider
6-High Sleeping Dogs
7-Medium to High Splinter Cell
8-Medium Battlefield 4
9-Medium Crysis 3
10-Meduim to high Need Rivals

درجات الحرارة :
تشغيل Assassins Creed ومشغل ال Firefox معاه أنا مستعمل برنامج Aida64
Cpu 1:45 c
Cpu 2 :45 c
PCH:52 c
حرارة الهارد:29
مفيش أى احساس بالحرارة أثناء تشغيل الألعاب
الوايرلس والبلوتوث:
1-الوايرلس جيد جدا وأنا بلف الشقة كلها مبيقلش غير بالكتير شرطة.
2-البلوتوث شغال كويس جدا أهم حاجة لو هتستقبل حاجة تدوس الأول على Receive a File وبعدين تبعت من التلفيون للاب.
البطارية: البطارية داخلية 4 خلايا بتقعد 3 ساعات على التصفح ومشاهدة الأفلام وإضاءة فوق متوسطة بالنسبة لفصل البطارية عندما تكون على الشاحن انا سطبت برنامج ال Power Mangment اللى جاى على اسطوانة التعريفات هو بيقولك فى البرنامج لو مش هتستخدم البطارية لمدة أكتر من 7 أيام بتظبطه فى البرنامج على Conservation Mode دا بيخلى البطارية دايما مشحونة 55% الى 60% عشان يحافظ على عمر البطارية وبيكتبلك عند علامة البطارية Plugged in,Not Charging

التقييم العام للابتوب: 8.5/10

[totocarry]

شكرا جزيلا على التقرير

[alsalami]

جزاك الله خيرا أحمد عنتر 2009على المراجعه,,,, بس ياريت توضح اداء البطاريه و بتشتغل كام ساعه و هل لو شغلت اللاب على الشاحن البطاريه بتفصل ولا لاء ,, و كمان ايه اخبار البلوتوث و الويرلس بتاعه بيلقط شبكه كويس ولا لازم يتحط جنب الروتر عشان يلقط,,, و كان مكتوب على موقع نوتبوك شيك ان الوان الشاشه درجة اللون الازرق فيها عاليه و كمان زوايا الرؤيه مش حلوها فهل الكلام ده صحيح ,, وكمان كان مكتوب ان الكيبورد مرنه شويه يعنى بتنزل لتحت و انت بتكتب او الزراير مش قويه فايه حكايتها الله يخليك ,,, و لما بتشغل حاجه تقيله بيعمل صوت عالى ؟؟ و ياريت توضح التاتش باد مش حلوه ازاى يعنى فيها ايه وحش؟؟؟ و كمان لما بتشغل الدى فى دى بيكون صوته عالى ؟؟ لان على نوتبوك شيك كاتبين كدا و معلش بقى طولت عليك و حزاك الله خيرا

[Hany Mohamed Nigma]

تسلم ايدك على التقرير والمراجعة ولك مني تقييم
استمر ,,,,,,,,,,,,

[أحمد عنتر 2009]

جزاك الله خيرا أحمد عنتر 2009على المراجعه,,,, بس ياريت توضح اداء البطاريه و بتشتغل كام ساعه و هل لو شغلت اللاب على الشاحن البطاريه بتفصل ولا لاء ,, و كمان ايه اخبار البلوتوث و الويرلس بتاعه بيلقط شبكه كويس ولا لازم يتحط جنب الروتر عشان يلقط,,, و كان مكتوب على موقع نوتبوك شيك ان الوان الشاشه درجة اللون الازرق فيها عاليه و كمان زوايا الرؤيه مش حلوها فهل الكلام ده صحيح ,, وكمان كان مكتوب ان الكيبورد مرنه شويه يعنى بتنزل لتحت و انت بتكتب او الزراير مش قويه فايه حكايتها الله يخليك ,,, و لما بتشغل حاجه تقيله بيعمل صوت عالى ؟؟ و ياريت توضح التاتش باد مش حلوه ازاى يعنى فيها ايه وحش؟؟؟ و كمان لما بتشغل الدى فى دى بيكون صوته عالى ؟؟ لان على نوتبوك شيك كاتبين كدا و معلش بقى طولت عليك و حزاك الله خيرا

الوايرلس والبلوتوث:
1-الوايرلس جيد جدا وأنا بلف الشقة كلها مبيقلش غير بالكتير شرطة.
2-البلوتوث شغال كويس جدا أهم حاجة لو هتستقبل حاجة تدوس الأول على Receive a File وبعدين تبعت من التلفيون للاب.
البطارية: البطارية داخلية 4 خلايا بتقعد 3 ساعات على التصفح ومشاهدة الأفلام وإضاءة فوق متوسطة بالنسبة لفصل البطارية عندما تكون على الشاحن انا سطبت برنامج ال Power Mangment اللى جاى على اسطوانة التعريفات هو بيقولك فى البرنامج لو مش هتستخدم البطارية لمدة أكتر من 7 أيام بتظبطه فى البرنامج على Conservation Mode دا بيخلى البطارية دايما مشحونة 55% الى 60% عشان يحافظ على عمر البطارية وبيكتبلك عند علامة البطارية Plugged in,Not Charging وكل شهر إلى شهرين بتعمل حاجة فى البرنامج اسمها Gauge Test عشان يعمل معايرة لحالة البطارية.
الكيبورد فعلا مرنه شويه يعنى بتنزل لتحت وإنت بتكتب بس دا مش عيب ولا حاجة دا أريح فى الكتابة.

التاتش مش ناعم خشن شوية بس ممكن يكون عشان لسه جديد وشوية وممكن يخف فى الحركة

[mido16592]

تسلم ايديك والله يا احمد بيه
اخير شفت مراجعه لل z510
بس انت بتقول

الإقلاع بتاعه بطئ ولازم تسيب الجهاز 3 دقايق كده بعد ما يفتح وبعدين تشتغل عليه ويبقى تمام
ازاي بس وواضح انك شغال ب win 8 مش المفروض انه اسرع من win 7 بكتير في الاقلاع
انت منزل 64 ولا 32 بت

[أحمد عنتر 2009]

تسلم ايديك والله يا احمد بيه
اخير شفت مراجعه لل z510
بس انت بتقول

الإقلاع بتاعه بطئ ولازم تسيب الجهاز 3 دقايق كده بعد ما يفتح وبعدين تشتغل عليه ويبقى تمام
ازاي بس وواضح انك شغال ب win 8 مش المفروض انه اسرع من win 7 بكتير في الاقلاع
انت منزل 64 ولا 32 بت

أنا مسطب 8.1 64Bit وواحد صاحبى شارى الجهاز معايا من نفس المحل ومسطب 8 وبرده الإقلاع بطئ فى الإثنين بس لما بيشتغل بيبقى تمام ولو حد بيحب يلعب ألعاب ثقيلة أنصحه باللاب ده لأنه بيشغلها على High أو بالميت على Meduim ومبيسخنش خالص

[أحمد عنتر 2009]

نازل عند EgyptLaptop رامات 8 جيجا ب 5000 جنيه

https://egyptlaptop.com/lenovo-ideapad-z510-core-i5-8g-ram-1tb-vga-ati-2g-dos.html

[mido16592]

تمام حضرتك
بس فيه استفسار عاوز اتاكد منه بالنسبه للبطاريه
يعني انا لو فضلت سايب الشحن في اللاب ده مش هيضر البطاريه خالص اكيد يعني
وحاجه تانيه

EgyptLaptop عنوانها ايه طيب

[أحمد عنتر 2009]

Website: egyptlaptop.com
E-mail: info@egyptlaptop.com
Telephone: 23952730
Mobile: 01121932002

Branches:

Cairo:
Tahrir Sq: El Bostan Mall, first floor, Tahrir Sq., Cairo
Heliopolis: 9 El Sakhawy St., from El Khalifa el Maamoun - beside Compu Mall
Alexandria:
Smouha: Yousry Ragheb St. infront of Sales Taxes Department Building
Asyut: Yousry Ragheb St. - infront of Sales Tax office

بالنسبة للبطارية كان عندى لابتوب ايسر وكنت شغال عليه على طول على الشاحن وبعد 3 سنين البطارية بتشتغل ساعتين والبرنامج اللى نازل مع اللينوفو هو اللى قايل الاعدادات دى عشان تحافظ على البطارية برنامج ال Power Mangment اللى جاى على اسطوانة التعريفات هو بيقولك فى البرنامج لو مش هتستخدم البطارية لمدة أكتر من 7 أيام بتظبطه فى البرنامج على Conservation Mode دا بيخلى البطارية دايما مشحونة 55% الى 60% عشان يحافظ على عمر البطارية وبيكتبلك عند علامة البطارية Plugged in,Not Charging وكل شهر إلى شهرين بتعمل حاجة فى البرنامج اسمها Gauge Test عشان يعمل معايرة لحالة البطارية.

[arsenal_henry]

شكراً جزيلاً على التقرير .. مجهود رائع ..

[kemo840]

طيب بالنسبة لخاماته كويسه ولا لا عشان فيه ناس بتقول انو ضعيف جدا من حيث الخامه وخصوصا المفصلات
ده اولا
ثانيا صوته عامل ايه هل مويس وعالى ولالا

[mohamedelnhas]

طب بالنسبة للبطارية هيا build in مش بتنفع تتفك طب اية نظام الشحن بتشتغل علية ازاى
وهل ياترى لو البطارية باظت ينفع تتغير ولا لا دى نقطة جامدة ياريت الى يعرف يفيدنا

ياريت لو ف ى عيوب اخرى ممكن حد يوضحها

[online_87]

اولان انا ليه استفسار عند صاحب الموضوع يا ريت تقلي ازاي بتظبط الالوان بتاعت اللاب علشان الوان الشاشه بهتانه شوية

طيب بالنسبة لخاماته كويسه ولا لا عشان فيه ناس بتقول انو ضعيف جدا من حيث الخامه وخصوصا المفصلات
ده اولا
ثانيا صوته عامل ايه هل مويس وعالى ولالا

بالنسبه للخامات كويسه مش وحشه
المفصلات ..مش اقوي مفصلات شوفتها في حياتي بس
هقولك حاجه انا عندي لاب ديل مفصلاته بقالها تلات سنين تقليه من كتر المتانه بتاعتها
وكنت من فتره بشوف لاب اتش بي في محل لاقيت المفصلات بتاعته خفيفه جدا مفيهاش اي مقاومه
اللينوفو وسط كويسه

بالنسبة للصوت ...من احلي اصوت السمعات اللي سمعتها علي لاب توب عالي وفي نفس الوقت نقي

[cr710]

اولان انا ليه استفسار عند صاحب الموضوع يا ريت تقلي ازاي بتظبط الالوان بتاعت اللاب علشان الوان الشاشه بهتانه شوية


بالنسبه للخامات كويسه مش وحشه
المفصلات ..مش اقوي مفصلات شوفتها في حياتي بس
هقولك حاجه انا عندي لاب ديل مفصلاته بقالها تلات سنين تقليه من كتر المتانه بتاعتها
وكنت من فتره بشوف لاب اتش بي في محل لاقيت المفصلات بتاعته خفيفه جدا مفيهاش اي مقاومه
اللينوفو وسط كويسه

بالنسبة للصوت ...من احلي اصوت السمعات اللي سمعتها علي لاب توب عالي وفي نفس الوقت نقي

مشكلة اللاب دة هي البطارية 4 خلايا بس وعدم وضح الشاشة