دليلك لظبط تعريفات كروت الشاشه وتشغيل الالعاب

[arsenal_henry]

بسم الله الرحمن الرحيم



يواجه العديد من مستخدمي الحواسيب المحمولة مشكلة مع كروت الشاشه المنفصلة سواء من AMD او Nvidia .. وتتمثل في عدم تشغيل الكارت مع الالعاب او مشكلة متعلقة بتعريف الكارت نفسه، وسنقوم في الموضوع بشرح طريقة ظبط التعريفات من البدايه وحل بعض المشكلات المنتشرة بهذا الخصوص ..

1- في البدايه وبعد تنزيل نسخه ويندوز جديده يتم تنزيل وتصطيب التعريف الاهم وهو Chipest Driver (تعريف الشرائح) وهو كالأساس لباقي التعريفات وقد تواجهك مشاكل عديده في حال لم تقم بتصطيبها .. تقوم بالدخول على موقع الشركه المصنعه للابتوب واختيار نوع الجهاز ونسخة الويندوز سواء Win 7 x64 او x32 و win 8, 8.1 .. ستظهر التعريفات قم باختيار وتنزيل Chipest Driver وتنصيبه قبل اي تعريف آخر ..
* في حال وجدت اسطوانة تعريفات مع الجهاز قم بالتحميل منها لا يوجد مشكله .. الاهم ان تكون مخصصه لنسخة الويندوز لديك ..

2- قم بتعريف كارت الانتل المدمج اولاً لانه يعتبر الكارت الرئيسي للجهاز، حيث انه يعمل في حال عدم تشغيلك لاي تطبيق يحتاج لقوة المعالج الرسومي كالالعاب وبرامج الجرافيكس وطوال استخدامك للجهاز بالبرامج المعتاده يكون كارت الانتل هو المفعل ..

3- تعريف الكارت المنفصل سواء AMD او Nvidia وستجد التعريف في صفحة تعريفات الجهاز من موقع شركة اللابتوب، ولا يفضل تنزيل التعريف من موقع شركة الكارت لعدم توافقه مع كثير من الاجهزة .. لذلك يفضل وبشده تحميل التعريف من موقع شركة الجهاز ..

4- قم بتنزيل باقي التعريفات كتعريف الـLAN و الصوت و Mouse Pad وغيرها وان اردت يوجد بعض التطبيقات خاصة بكل شركة يمكنك تحميلها ان اردت ..

5- نأتي لكيف تتأكد من نزول التعريف للكارت بطريقه صحيحه وعمله بكفاءه .. يوجد اكثر من طريقه للتأكد ..
* عن طريق Device manager .. قم بالضغط كليك يمين على my computer ثم manage ثم device manager وتحت display adapter لاحظ اسم الكروت خاصةً الكارت المنفصل وهل ظاهر باصداره الكامل ام بأرقام مختلفه ام غير ظاهر من الاساس في حال وجد كذلك اذن يوجد مشكلة بالتعريف وستضطر لمسح التعريف الحالي واعادة تنصيبه مرة اخرى وقم بالتأكد من توافق التعريف مع نسخة الويندوز كما في الخطوة الاولى .. (في حال طلب الجهاز اعادة التشغيل بعد عملية المسح قم بذلك ) ..

* عن طريق تطبيق GPU-z وهو تطبيق يقوم بتجميع معلومات الكارت واظهارها لك سواء كارت الانتل او النفيديا .. يمكنك تحميله من الرابط التالي ..
https://www.techpowerup.com/gpuz/

* او عن طريق فتح التطبيقات الخاصه بتشغيل الكارت التي تأتي من التعريف مثل Nvidia Control Panel او AMD Catalyst .. وسنقوم بشرحهم في الخطوات التاليه ..

كيف تتأكد من عمل الالعاب والبرامج على كارت الشاشه المنفصل :

تأكد اولاً من وضع الطاقة من ايقونة البطارية بجانب الساعه واختار وضع Balanced او High Performance .. وبالتأكيد يجب وصل الجهاز بمصدر الكهرباء ولا يفضل تشغيل الالعاب بشكل عام على البطارية فقط ..



بالنسبه لكروت Nvidia ..

قم بفتح برنامج Nvidia Control Center وستجده سواء في التطبيقات بجانب الساعه او في قائمة start .. او بالضغط كليك يمين على سطح المكتب ..


قم بإختيار Manage 3D Settings من الجانب الايسر .. ومن تبويب Program Settings قم باضافة اللعبة او البرنامج المراد تشغيله على الكارت النفيديا كالتالي ..



ثم اضغط OK لتأكيد الخيارات ..


بالنسبه لكروت AMD ..

قم بفتح برنامج AMD Catalyst سواء من البرامج بجانب الساعه او من قائمة start ..
اختار Gaming ثم 3D Application Settings ثم قم باضافة اللعبة كالتالي ثم Apply ..


في النهاية .. لو يوجد اي استفسارات تفضلوا .. واتمنى ان يكون الموضوع قد افاد الساده الاعضاء ..

[Sherif.Attia]

ما شاء الله تسلم ايدك أخى الفاضل arsenal_henry موضوعك ولا أروع ... بارك الله فيك .. إستمر
تم تقييم الموضوع وتم تقييم شخصك

[Eng MohamedNasser]

عااااش اوي باشا

[Eng Mahmoud Hamada]

مجهوود رائع منك يا اخ arsenal_henry تم التقييم

[islam0]

طب انا عملت كل دة و برضه اللعبة بتشتغل على الكرت الداخلى و ليس الخارجى مع العلم ان اللاب نوعه lenovo z5070
و كارت الشاشة nvidia geforce840

[arsenal_henry]

طب انا عملت كل دة و برضه اللعبة بتشتغل على الكرت الداخلى و ليس الخارجى مع العلم ان اللاب نوعه lenovo z5070
و كارت الشاشة nvidia geforce840

تقصد لعبة ايه ؟ وهل المشكلة مع كل الالعاب ؟

[tandon]

طب مشكله الو اللعبه طلعت من نفسها بعد مابدخل عليها علي طول دي بتبقي مشكله كراك ولا كرت الشاشه مش مساعد
اصل في ناس قالت المشكله ممكن تكون بسبب حجات كتير منها الاتي
1- فيروسات
2-كراك اللعبه
3-register عاوز يظبط
وحجات تاني مش فكرها

[arsenal_henry]

طب مشكله الو اللعبه طلعت من نفسها بعد مابدخل عليها علي طول دي بتبقي مشكله كراك ولا كرت الشاشه مش مساعد
اصل في ناس قالت المشكله ممكن تكون بسبب حجات كتير منها الاتي
1- فيروسات
2-كراك اللعبه
3-register عاوز يظبط
وحجات تاني مش فكرها

ما اسم اللعبه ؟ ومواصفات الجهاز لديك بالكامل ؟
ممكن يكون سبب آخر وهو نسخة اللعبه نفسها، احياناً بتنزل نسخ مش متوافقة مع نسخ للويندوز او بها مشاكل عموماً ..
نستبعد سبب الفيروسات لو جهازك نضيف من الفيروسات او على الاقل بيعمل معاك بشكل سليم ..

[tandon]

ما اسم اللعبه ؟ ومواصفات الجهاز لديك بالكامل ؟
ممكن يكون سبب آخر وهو نسخة اللعبه نفسها، احياناً بتنزل نسخ مش متوافقة مع نسخ للويندوز او بها مشاكل عموماً ..
نستبعد سبب الفيروسات لو جهازك نضيف من الفيروسات او على الاقل بيعمل معاك بشكل سليم ..

شكرا لك علي الرد اخي المشرف
1-تم حل المشكله بتنزيل كراك أخر للعبه وعمل تحديث لها
2-انا قبل مابنزل اللعبه بتاكد ان المواصفات بتعتها متوافقه مع امكانيات الجهاز عن طريق ذلك الموقع اخي المشرف
https://cyri.systemrequirementslab.com/cyri

لكن ممكن بعد اذن حضرتك توضحاي العباره دي

احياناً بتنزل نسخ مش متوافقة مع نسخ للويندوز ..

يعني اه

[toni1992]

هل ده طبيعى
دول قرائتين متتالين للكرت عندى على اللاب ديل5520 لما بنزل تعرف تعريف موقع ديل الكرت بيجى Unknown و حاليا شغال بمزاجه فى نفس اللعبة مرة يوصل 55 و التانية 70+
و الفانة مرة تقرأ انها شغالة و التانية لا
انا بستخدم اخر تعريف يعنى احسن من زمان

[arsenal_henry]

لكن ممكن بعد اذن حضرتك توضحاي العباره دي

يعني اه

بعض الالعاب الحديثة بتنزل للنسخ x64 وبالتالي لن تعمل للنسخ x32 ..

[arsenal_henry]

هل ده طبيعى
دول قرائتين متتالين للكرت عندى على اللاب ديل5520 لما بنزل تعرف تعريف موقع ديل الكرت بيجى Unknown و حاليا شغال بمزاجه فى نفس اللعبة مرة يوصل 55 و التانية 70+
و الفانة مرة تقرأ انها شغالة و التانية لا
انا بستخدم اخر تعريف يعنى احسن من زمان

طالما التعريف شغال معاك والالعاب تعمل بدون مشاكل فلا تقلق احياناً برنامج GPU-z بيظهر نتائج خاطئة بسبب عدم التوافق مع تعريفات الكروت وده مش عيب من الكارت طبعاً ..

[toni1992]

هو فى الالعاب العالية احيانا الكرت بيفصل بمعنى ان اللعبة تهنج و الجرافيك يقل فبعرف ان ابكؤت فصل و انتل اصبح اللى شغال و لو سبيته اكتر من دقيقة بدون ما اخرج من اللعبة اللاب بيفصل بور بيطفئ تلقائى

[tandon]

بعض الالعاب الحديثة بتنزل للنسخ x64 وبالتالي لن تعمل للنسخ x32 ..

شكرا لك علي التوضيح :ah48:

[arsenal_henry]

هو فى الالعاب العالية احيانا الكرت بيفصل بمعنى ان اللعبة تهنج و الجرافيك يقل فبعرف ان ابكؤت فصل و انتل اصبح اللى شغال و لو سبيته اكتر من دقيقة بدون ما اخرج من اللعبة اللاب بيفصل بور بيطفئ تلقائى

المفروض ان الكارت يفضل شغال من غير ما يفصل طالما انت مشغل الجهاز على الشاحن .. وموضوع انه يفصل تلقائي غالباً مشكلة حرارة عالية ..