أئتمنت ناس و في الأخر أتسرقت

[TIMO1]

عند بيع اي بضاعه مكان الاستلام هو بيت البايع عشان تعرف ترجعله و عشان البائع يئمن نفسه

حضرتك متابع من الاول مفيش عمليه بيع ولا شراء من اساسه يا استاذى دى عمليه سرقه
تعقيب صغير المنتدى طبعا غير مسؤل اى عمليه سواء بالنصب او بالسرقه او مسؤله عناه لان المنتدى ماهو اكتر من وسيله للعرض لا بياخد نسبه من البائع ولا الشارى علشان الناس بتفكر ان المنتدى وحش لا عيب فى المنتدى العيب فى الناس والهدف من الموضوع هنا ان حد يوصل يوسف لعمرو لان دى حاله سرقه بينه عمرو قالى انا لايهمنى لبعضويه البرونزيه ولا يهمنى خطوط الموبيلات نا مش عايز وجع دماغ فى حد هايعمل كده وهو عارف انه مظلوم/ دخل يتكبم ويورود على الناس اثناء غيابهم طيب الساده المشرفين رايهم ايه ؟علشان بس امبارح المشرفين طلبوا ردوا فى الكلام الى اتوجه ليه وهو دخل مقلشى جمله مفيده .

[DareL]

حضرتك متابع من الاول مفيش عمليه بيع ولا شراء من اساسه يا استاذى دى عمليه سرقه

ايوه يا باشا انا متابع من الاول

و منحاز في صف الاخ يوسف

بس انا بدي نصيحه مفيده جدا بخصوص عمليات البيع و الشراء العاديه

عشان ممكن واحد مش نصاب يتقال عليه نصاب

زي ما اوشك يحصل معايه

[black007]

اخى صاحب الموضوع قلبى معاك وان شاء الله تجيب حقك انا متابع الموضوع من الاول بس وصلت لحد الصفحه 4 فى الردود ومكملتش وعندى طريقه مشعارف حد من الاعضاء قلها ولا لا
انك بها تقدر تجيب عنوان الاخ عمرو
والطريقه انك تكلم الاداره يجيبوا الاى بى الى بيدخل بيه الاخ عمرو ومن خلال الاى بى تقدر تكلم شركه النت الى مشترك فيها عمرو وتجيب عنوانه ورقم تلفونه
حتى لو هو كان بيدخل باى بى من نت كافيه فكل النت كفهات دلوقتى مبيقعدوش حد الى لمه يخدوا بياناته من البطاقه وعنوانه فى الوقت الى كان قاعد فيه
اتمنى ان اكون قد ساعتك على اثبات حقك وربنا معاك ان شاء الله

[™ č α Я β ỗ η]

الاخ المشرف كاربون . انا اللى قابلتك قدام ستديو كادو فى شبرا عشان اشترى منك باور سبلاى تجارى من كام شهر . و متهيألى انك شوفتنى و اكيد شكلى مش حرامى او نصاب

و متهيالى ان المنتدى مالوش اى علاقه بالموضع اصلا لانى ما اخدتش منه الكارت عن طريق المنتدى

و كمان يعنى ايه ( سيكون له كل الحق في اتخاذ اجراء قانوني ) يعنى حايعمل ايه بس . بلاش كلام افلام و كلام فى الهوا عشان حتى لو انا سرقت منه الكارت ما يقدرش يعملى اى حاجه لان لو كلامه صحيح يبقى هو المغفل و يتحمل نتيجة تصرفاته

يا ريت الاخوه المشرفين يكون كلامهم عقلانى عشان انتوا مشرفين مش اعضاء عاديين . امال سيبتوا ايه للاعضاء .

يا استاذ عمرو اولاً يا بذكرك انك في الكام مشاركة الي فاتو دول عملت اكتر من مخالفة كفيلة بوقفك نهائيا من المنتدي !

حضرتك مُصر علي عدم المواجهة ؟!

دة كدة دليل علي ضعف موقفك و لا ايه ؟

لو حضرتك واثق من كلامك يا ريت تكتب رقم تليفونك او حتي تبعتهولي في رسالة

[LEONCHIP]

يا جماعه الموضوع منتهي احنا مش عايزين نعرف مين السارق لأن أظن ان الكل عارف
احنا بس عايزين معلومات عنه اكتر من كده و ياريت المشرفين مايوقفوش العضويه دلوقتي و يتسنوا شويا

[black007]

اخى صاحب الموضوع قلبى معاك وان شاء الله تجيب حقك انا متابع الموضوع من الاول بس وصلت لحد الصفحه 4 فى الردود ومكملتش وعندى طريقه مشعارف حد من الاعضاء قلها ولا لا
انك بها تقدر تجيب عنوان الاخ عمرو
والطريقه انك تكلم الاداره يجيبوا الاى بى الى بيدخل بيه الاخ عمرو ومن خلال الاى بى تقدر تكلم شركه النت الى مشترك فيها عمرو وتجيب عنوانه ورقم تلفونه
حتى لو هو كان بيدخل باى بى من نت كافيه فكل النت كفهات دلوقتى مبيقعدوش حد الى لمه يخدوا بياناته من البطاقه وعنوانه فى الوقت الى كان قاعد فيه
اتمنى ان اكون قد ساعتك على اثبات حقك وربنا معاك ان شاء الله

^^^^

[bob king]

ربنة ينتقم من الحرامى والنصاب

[زيزوالميزو]

ربنا معاك يايوسف والله ومتقلقش طالما المشكله هنا يبقى هتتحل ان شاء الله متخافش
انا قريت الموضوع من الاول وباين اوى ان عمر ده حرامى وش يعنى مش عايزة لسه تحليل والاخ الفاضل تامر الى غلطت فيه ده صاحبى وبصراحه راجل ووقف معايا وقفه جامده فى مشكلتى وكفايه انو بيحب يساعد واتصل بالتوكيل وعرف الحكايه
مش واحد زيك ياعمر ياحرامى يشتمو
طبعا انت اشتغليت الواد سنو صغير وائتمنك على كارتو وفلوسو ولعبت لعبتك وباين اوى من ردودك انك متناقض فى كلامك حتى الناس الى اتعاملت معاك
كلهم بيبنو انك عيل حرامى من ساسك لراسك ولو فيه كلمه اعلى من حرامى كنت قلتهالك واكبر كلمه قلتها تبين انك حرامى ياحرامى :ah26:+
قسما بالله لو حد قرب بس ناحية الشارع بتاعى ما حايخرج منه على رجليه .
ده طبعا اسلوب واحد عفيجى وبيبيع كفته حمضانه ومتخافش والله هتتجاب وهتتقفش من رقابتك وحق الواد هييجى خلى الكارت ينفعك بقى لما تنطرد من هنا ولما تتهزا كل التهزيىء ده ولسه الى هيحصلك
بس رجاء من الناس الى تعرف اى معلومه عن الحرامى ده تقلها محدش يخاف من حاجه ده حتى هو شبه الضيف احمد مفيهوش حاجه
وياريت الادارة متحذفش الرد لانى اكتر حاجه بتدايق منها فى حياتى السرقه وكمان من طفل نفسو يلعب لعبه وانت تروح تاخد حاجتو كده
ياريت الموضوع يتحل بقى وحسبى الله ونعم الوكيل فيك

[DoCToR.TaHeR]

متابع للموضوع من بدايته وبعد قراءه ال 9 صفحات وال 128 مشاركة السابقه


ما رأي وتفسير الأخ يوسف بكل وضوح ,, في مشاركته (كارت جبار و لو كان معايا فلوس كنت أختوا منك لأن سعرة رخيص جدا بنسبه للسوق لأني وجدته ب 1350 موفق في البيع من كل قلبي ) ,,

والتي شاركت بها في موضوع بيع الكارت للعضويه amrpure50 ؟!

أريد رد مباشر ووافي وكافي وواضح لسبب تلك المشاركه ( والتي حذفت وقتها لمخالفتها لقوانين القسم ) ,,

حتي الان هذه هي النقطه الوحيده التي تعتبر ضدك ,, لذلك اتمني منك رد منطقي عليها

وياريت لو سمحت يا يوسف ,, تقول امتي حصل انه اخد الكارت منك ( يوم ايه بالظبط ؟ ) .. ولحد الساعه كام بالظبط كنتوا بتكلموا بعض عادي وبعد قفل الموبايل ,,

[ahmedelsabbagh]

- هو بس علشان نكون منصفين ونتحرى الدقة لآخر قطرة .. فلازم الاول نشوف المشاركة المخفية ونسمع تعلق يوسف عليها .
https://arabhardware.net/forum/showthread.php?t=262174


ثانيا مشاركات الاخ عمرو كافية ان تدينه و امله الوحيد ان حد يصدقه انه يقبل بالمقابلة مع اطراف وسط لتوضيح الامور بعيدا عن المنتدى حتى لا يستشعر اى من الطرفين الحرج فى الاعتذار او الرجوع للحق .
وللأسف الاخ عمرو فى كل الاحوال غلطان سواء تم البيع بمعرفة يوسف او بدون معرفته لأنه كان بيحاول بيع شىء يعتقد انه معيوب .

[TIMO1]

الاخ عمرو الى بيشتمنى ده شايله ايقاف على المنتدى هنا لان كان رافع افلام اباحيه وعايز حد يرفعهالوا على الميديا فاير وحلفلى بالله انه واحد صاحبه الى وقعه فى الغلط وكلمت المشرف الفاضل استاذ طاهر انه يشيله الايقاف وانه ده كله سوء فهم والمشرف الفاضل شاله الايقاف ونقاط المخالفه هل ده يدل على انى مكنتش صديق لعمرو او انى انسان مش كويس . واعتقد ان فى ناس كتيره هنا حصل تعامل بينى وبينهم فى مساعده فى شىء اقدر اقدمه بعمله لان الاجر عند الله مش عند العباد انا بدعم يوسف ومعاه لان عمرو كلامه كله كدب وفى مكالمته ليا بيقلى يعمل بالسفاتوره الى هو عايزه الكلام ده بره المنتدى وهو كررها فى مشاركته فى الصفحه 6 قال الموضوع ده بره المنتدى ملولاش علاقه بس فى ربنا كبير وفى بعد كده الناس الطيبه الى هتساعد واقرى الرساله الى بعتهالك على الخاص يمكن تغير موقفك .

[LEONCHIP]

المشاركه دي يا جماعه كانت يوم 14 الأثنين الي فات و ساعته الكرت ان كنت فاكر انه عند الشركه لكن الكرت كان مع عمرو وانا كنت فاكر ان عمرو بيعمل كده مقدما عشان يبعلي الكرت لو الشركه compunil مرديتش ترجعوا
و في نفس اليوم عمرو شك اني اكون عرفت انه اخد الكرت فراح قسم الشكاوي https://arabhardware.net/forum/showt...183695&page=37 و طلب غلق الموضوع بعضويه جديده اسمها amrpure

[LEONCHIP]

انا وديت الكرت للشركه يوم الاحد و عمرو أخدوا في نفس اليوم بدون علمي و عمل موضوع بيعه بدون علمي و ممكن تكلم شركة compunil تسألهم عن التفاصيل رقمهم :33036244

[محمد حسن احمد]

يا جماعه والله انا ليا راي يريح ضميري ....بلاش سباب وشتايم ارجوكم لازم نبقي احكم من كده ونترفع عن السباب والاتهام ومننساش ان مازال لسه مجرد اتهام ( ده طبعا مع كامل احترامي وتعاطفي مع يوسف ده لو كان ضحيه فعلا ) ... فيه حلول تم طرحها في الموضوع واعتقد المشرفين ابتات تتحرك وتحقق في الموضوع ودعونا ننتظر ومنتسرعش ونستسلم لمشاعرن ( مننساش موضوع كريم و محمود راجح ) لما بعضنا غلط ورجع اعتذر ( ملهاش لازمه ) ... وبكرر دعوتي كل اللي يقدر يساعد بمعلومات يتفضل مشكورا بمراسلة المشرفين وموافاتهم بالمعلومات اللي يملكها ... وكلنا هنا موجودين وجاهزين للمساعده ان طلبت مننا من اجل اظهار الحقيقه باذن الله ....

[WOR]

بعد قراءة الردود على مدار 9 صفحات متواصلة
انا شايف ان الموضوع منتهى من اول صفحة
الكذاب واضح والصادق واضح
ولازم تعرفوا نقطة مهمة ان الحق صوته عااااااالى
واللى معاه الحق ولا بيغير تليفونه ولا بيقول العضوية متهمنيش ولا خايف يقابل الناس ولا يبعت رسايل تهديد ولا بيبيع على الخاص وخايف يعمل عرض بعضويته الاصلية ولا بيقول لأصحابه فى التليفون انسوا اننا عرفنا بعض ولا ولا ولا .........
الموضوع واضح جدا زى نور الشمس
وردود الحرامى كلها مهتزة ومرتجفة وصوت الكذب فى كلامه يصم الآذان
وسبحان الله مفيش حد دخل قال فى حقه كلمة كويسة حتى الناس اللى اتعاملت معاه من شهور طويلة لسة فاكرة طريقته واسلوبه الغير مريح
وعلى العكس الكل متعاطف مع يوسف صاحب الموضوع وحاسس الصدق من كلامه وقوة حجته لأنه معاه الحق

خلاصة الموضوع

انا شايف قضية مكتملة الاركان هنا عاوز اشوف ادارة منتدى عرب هاردوير المحترمين يقدروا يعملوا ايه لأعضائهم وازاى ممكن يساعدوهم فى استرجاع حقوقهم
لأن ده اول اختبار حقيقى واضح وصريح للمحافظة على حقوق الاعضاء اللى بتنتمى للصرح المحترم ده

كلمة ليوسف : انت مازلت صغير السن والموقف ده هيعلمك كتير فى حياتك واتمنى تكون طلعت بدروس مستفادة تفيدك فى حياتك لما تكبر وتعرف ان مش كل حاجة بتلمع هى دهب

كلمة لأعضاء المنتدى : لولا الطماعين مكانش بقى فى حرامية

كلمة للحرامى : عمر الصوت العالى ولا قلة الادب ما كانوا بيثبتوا ان معاك حق