النتائج 1 إلى 3 من 3

الموضوع: نصائح طريفة للعكننة على الزوجة!!!

  1. #1
    عضو محترف الصورة الرمزية NaAZoOR
    تاريخ التسجيل
    Feb 2003
    المشاركات
    8,698
    الدولة: Egypt
    معدل تقييم المستوى
    39

    نصائح طريفة للعكننة على الزوجة!!!



    1. الصبح وأنت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان

    اشمعنى انت ؟ ولو حاولت ترجع تنام تانى قول لها مادام صحيتى حضري الفطار بقى



    2. اذا كنت بتتفرج على التلفزيون وهى عايزة تغير القناة قول لها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة ولو كنت بتتفرج على ماتش كورة هيبقى الموضوع اسهل كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب... ملاحظة : اغلب النساء ذو ثقافة كروية ضعيفة



    3. اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض.



    4. فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة



    5. لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات يراعى التجول وانت مستمتع بأكل الجاتوة امامها.



    6. متنساش رأيك فى طبيخها لو عاملة لحمة قول لها حلو اوووى الفراخ دى ولو طبخة بامية جميلة اوى الملوخية دى حطة عليها اية ؟؟ ولو عملة كيكة قول لها انا بحب اشرب شاى مع البسكويت الحلو دة !!



    7. لو طلبت منك تنشر الهدوم قول لها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !



    8. لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية.



    9. لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟



    10. وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى !!



    طبعا يا جماعة دة هزار محدش يبقى غلس اووووووووووى كدة برضة الستات طيبين

  2. #2
    عضو بلاتيني
    تاريخ التسجيل
    Jun 2002
    المشاركات
    8,539
    الدولة: Jordan
    معدل تقييم المستوى
    24
    دنتا واد وحش يا نزووور :D
    Athlon64 X2 4000+ @2.88GHz // Biostar TA690G AM2 // DDR2-800 3GB // Geforce 8600GT // Audigy2 ZS // FSP Forton 400W
    Vista Home SP1

  3. #3
    عضو
    تاريخ التسجيل
    Feb 2004
    المشاركات
    215
    معدل تقييم المستوى
    0


    يا عم دي كده هتطلب الطلاق هيهيهي

المواضيع المتشابهه

  1. الزوجة الصالحة
    بواسطة NaAZoOR في المنتدى الأرشيف
    مشاركات: 7
    آخر مشاركة: 05-04-2011, 10:46
  2. كيف تختار الزوجة..؟
    بواسطة مـحـمـد في المنتدى الأرشيف
    مشاركات: 12
    آخر مشاركة: 05-09-2009, 22:59
  3. نيبالي يجد السعادة أخيرا مع الزوجة رقم 25
    بواسطة ameer_s في المنتدى الأرشيف
    مشاركات: 1
    آخر مشاركة: 14-09-2008, 10:18
  4. مشاركات: 4
    آخر مشاركة: 08-03-2004, 06:59

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •