أئتمنت ناس و في الأخر أتسرقت

[samsam_91]

ليه بس ياعمرو انت كده بتلبس نفسك حاجة انت معملتهاش هو لو فعلا صح هيبان و لو انت صح هيبان بس ماتسبش الموضوع و تمشي

[LEONCHIP]

الاول كلامى كان كدب وميعرفنيش ومفيش دليل على كلامى وبعدين كلامى بقى صح وتعرفنى وبعدين روحت المول معايا مش واضح اوى انك كداب وكلامك مبالغ لان المحل هاخدك قداموا وقدام اى عضو من المنتدى المحترمين الافاضل ويقول انك فى نفس اليوم بعد ما انا مشيت وسحب الكرت بدون الفاتوره على حس انك اخويا . والكلام ده مش من عندى وعندى الى شغالين فى المحل شهود وروحت برده التوكيل وانت بدون الفاتوره لو انا متفق معاك على الحوار الى بتعملوا ده مش كنت هابقى مديلك الفاتوره ولا هافضل مختفظ بيها حتى زى مانت بتقول بيعت الكرت واديتلى فلوسه وفى الاخر هارمى بلايا عليك اتقى الله حسبى الله ونعم الوكيل وحقى ان شاء الله هايجيلى لو فاركان فلوس الكرت هاتغنيك صدقنى مش صحيح

[amrmovie]

اخر كلام

الكارت بتاعه و انا بعتهوله و اخد فلوسه و انا اخدت عمولتى و الموضوع انتهى على كده بس اللى جد انه كان واخد منى باور و شكله باظ منه و عايز يرجعه و طبعا انا مرضيتش عشان هو اللى بوظه و من غيظه منى عمل الحوار ده عشان يتشفى فيه

بس و الله العظيم انا اللى عارف مكانه و لو ما اتلمش حخليه يشوف اللى عمره ما شافه و حخليه طول عمره يتلفت حواليه

مع الاعتذار للمنتدى بس الواحد و الله مش مستحمل الاهانه دى

ده نهاية الموضوع ولو فيه اى حد فاضى و عايز يتسلى يدخل يكتب بس بدون اى اسائه عشان المفروض اننا فى منتدى محترم

[LEONCHIP]

mmmvv.jpg

[LEONCHIP]

ايه اخر كلامك عندك تانى كل شويه بكلمه وكل شويه براى وفى الاخر هاتقول ايه انا بقولك قدام الجميع تعالى معايا قدام اى عضو محترم من المنتدى وكمبيونيل العالمين هناك هايقولوا انك سحبت الكرت بعد ما انا مشيت بدون فاتوره mmmbp.jpg

[amrmovie]

ليه بس ياعمرو انت كده بتلبس نفسك حاجة انت معملتهاش هو لو فعلا صح هيبان و لو انت صح هيبان بس ماتسبش الموضوع و تمشي

يا سيدى انا مش فاضى للعب العيال ده

انا راجل كبير مش عيل و متجوز و مخلف كمان و مش عايش بس عشان ادخل على النت

و ردا على كلامه انا فعلا طلعت المحل بعدبها سحبت الكارت من غير الفاتوره عشان انت عايز الفاتوره تكون معاك على الاقل كضمان عشان انت خواف و انا ما قولتش عكس كده ده انا كمان بقول انى بعته فعلا بس لحسابك

ايه بقى اللى انا قولته عكس بعضه

[adelmof40]

انا شايف ان كلها امور شخصية بين اثنان كلاهما يعرف الاخر
لذلك اتمني من الادارة وقف الاثنان معا والتحذير من التعامل معهما مستقبلا

[amrmovie]

انا شايف ان كلها امور شخصية بين اثنان كلاهما يعرف الاخر
لذلك اتمني من الادارة وقف الاثنان معا والتحذير من التعامل معهما مستقبلا

ده كل اللى ربنا قدرك عليه

ما هو عشان كده بقول نقفل الموضوع ده عشان كل واحد يدخل يرميله كلمه
و تحذير من التاعمل ايه بس

و الله العظيم انا مش تاجر

[LEONCHIP]

امور شخصيه ده عضو فضى يعنى المفروض من الناس المعروفه فى المنتدى وعلى الاساس ده اخدته على انه ليه خبره اكتر منى ولعب عيال ايه انا بقولك انت سرقتنى مش بقلك ده ادالى حاجه بايظه . وكل شويه براى مش ثابت على كلام علشان هو كذاب وغير امين بالمره ياريت من المشرفين عدم حذف الموضوع الى ان اتوصل لحل او احد الاعضاء المحترمين يدلنى على تليفونه او اى شىء لاسترداد حقى انا مش بتكلم فى 100 جنيه ده كارت تمنه 1300 جنيه ومكملتش فى استعمالوا اسبوع . لاحظوا جميع الاعضاء المحترمين انا ثابت على كلامى وهو بيقول عيل صغير وهو الى كبير كل5 دقايق بكلام وزى ما قلت يجى قدام المحل وهو راح من غير فاتوره يعنى لو انا الى بعتوا كنت هاديلوا فاتوره تعقلوا كده كلامى هاتلاقوا انا مش بكذب ولا هاستفاد حاجه .

[HD-LEGEND]

لا حول ولا قوه الا بالله

amrmovie لماذا ارسلت لي رساله علي الخاص تعرض فيها الكارت للبيع ،
الطبيعي اللي عايز يبيع كارت يعمل موضوع في هذا القسم
ولصاحب المشكله ازاي هما عطوله الكارت من غير فاتوره .. انت المفروض تعمل مشكله معاهم .

[TIMO1]

بعد اذن الجميع انا على علاقه قويه مع العاملين فى كمبيونيل وتوكيل QDS وللاسف كلمتهم منذ ساعات قبل ان يبدا يوسف فى عمل الموضوع وحكولى ان الاخ عمرو راح فعلان مع يوسف وهو اخ صغير عنده 16 سنه على انه اخوه الكبير وبعد مامشيوا جه فى نفس اليوم طلب الكرت منهم لانه هايويدوا التوكيل بمعرفتهم وطبعا علشان هو كان معاه من ساعات قليلهوقال انه اخوه(كلام من على لسانهم مش كلام صاحب الموضوع) ادولوا الكرت واخدوا وراح بيع على qds وعمل مشكله هناك ان الكرت بيسخن وطلب ترجيعه واستبداله وطبعا بدون الفاتوره وطبعا الكرت مكنشى فيه مشكله فلم يستجيبوا لطلبه ده مس كلام يوسف ده كلام واخده من على لسان العاملين هناك فى كمبيونيل الاستاذ عمورحسن/فادى وQDS استاذ احمد رد عليا وحكالى . وتكلمه للموضوع عمرو صديق ليا او كان كلمنى من كم يوم وطلب من على الياهو لو اعرف حد يشترىمن اصحابى كرت 6870 وبعد قليل لقيت عضويه جديده عامله موضوع للكرت للبيع من على عضويه غير عمرو موفى . ده كل الموضوع والله على ما اقول شهيد.(العاملين فى كمبيونيل اخدوا السريال الكرت من الفاتوره وقاموا بنشره على انه سرقه وعلى اتم استعداد بمواجه الاخ عمرو)

[HD-LEGEND]

وكيف بعت الكارت من غير فاتوره !!!!!!!!!!!!!!!!!! بما انك تقول بعت الكارت
يعني لا يوجد اتفاق مسبق بينكم علي ان تبيع الكارت بمفردك
لأن لو صاحب المشكله فوضلك انك تبيع المفروض كان عطالك الفاتوره المتوفره معاه حاليا .

[TIMO1]

لا حول ولا قوه الا بالله

amrmovie لماذا ارسلت لي رساله علي الخاص تعرض فيها الكارت للبيع ،
الطبيعي اللي عايز يبيع كارت يعمل موضوع في هذا القسم
ولصاحب المشكله ازاي هما عطوله الكارت من غير فاتوره .. انت المفروض تعمل مشكله معاهم .

لان صاحب الموضوع اخ صغير عنده 16 سنه وقال انه اخوه الكبير عمرو وكان معاه فى التوكيل وبيتكلم نيابه عنه وانا سالت كمبوينيل فى هذا الموضوع اذاى يسلم الكرت كده لاى حد قالوا ده كان هو الى بيتكلم وقال انه اخوه الكبيرواخده فى نفس اليوم ده طبعا زله تمسك عليهم لاكن الفاعل معروف وزى ما قلت الناس مستعده للمواجه وعمرو هو الى بيتهرب اظن الموضوع منتهى فى الاول انكر المعرفه بصاحب الموضوع ويطالب بالغلق وبعد كده يقول انه بعهولوا وهو صرف الفلوس وكل ده والفاتوره مع صاحب الموضوع كلام جميل جدا

[jacope]

الموضوع من الاخر و مدش يرغى فيه تانى

الواد ده اشترى الكارت و بعد فتره مش عايزه راح قالى تعالى معايا نرجعه روحت معاه راح المحل قاله سيبهولى اسبوع و لما نزلنا قالى انا مش حاينفع اروح الصيانه الصبح روح انت و حاول ترجعه و حايدينى جزء من المبلغ و فعلا روحت على الوكيل عملتلهم هيصه و برضه مارضوش . روحت سوقتهوله عند الناس فى المنتدى و بعتهوله راح اخد الفلوس و ادانى نصيبى و باين الفلوس ضاعت او اتسرقت منه و ابوه حايضربه فراح عامل حوار و كمان عشان كان واخد منى باور و بعد اسبوع بوظه و عايز يرجع فلوسه فقولتله طبعا ما اعرفكش راح قايلى انى حافضحك و عمل الحوار ده

و ده و الله اخر كلام حاقوله و مش حادخل المنتدى ده تانى لو المهزله دى استمرت اكتر من كده

حضرتك صاحب الرسالة دي

موجود كارت سافير 6870 جديد بكل مشتملاته


يعني حضرتك بعتلي وبعت لاكتر من عضو زي ماهو واضح علي كارت بايظ وطلع عليه حوار ومش ذنب اي عضو في المنتدي يبقي نتيجة حركة زبالة زي دي يعني الكارت عليه مشكلة وفي حوار وكمان بايظ وحرارتة عالية ولو حتي سليم انت قولت في المنتدي انو جديد ومستعملش لانك لسه مغيرة من الضمان وانت بعتلي علشان تبيعه وانو جديد بكل مشتملاتة و عملت موضوع في المنتدي ان الكارت جديد واتبدل في الضمان ودلوقتي قولت هنا انو متبدلش وعملت هيصة ومنفعش انا مرعفش انتو بتسفيدو ايه من الحركات الزفت دي وكام تمن الكارت اللي هتنصبو بيه علي شخص انت متعرفش الشخص ده جاب الفلوس ازاي نفسي اعرف انتو بتقبلو علي نفسكو فلوس حرام ازاااااااااي لا حول ولا قوة الا بالله وربنا اراد انكو انتو الاتنين تفضحو نفسكو علي المنتدي فعلا احسن مثل عليكو (مشافوهمش وهما بيسرقو شافوهم وهما بيتقاسمو )

المفروض انت والعضو ده فعلا يتعمل بلوك للIP بتاعكو علشان تكونو عبرة لكل واحد بيفكر ينصب علي الناس ومبيرعيش ربنا في الحاجة اللي بيبعها

[osama shawki]

لاحول ولاقوه الا بالله انا قرأت كل الردود ردود الاخ عمر والاخ صاحب المشكله واعتقد انه طبعا سنه صغير 16 سنه مش كبير يعنى وجدت ان
LEONCHIP اكثر الردود اقناعا ردود الاخ

من ردود الاخ عمرو فياريت الاخ عمرو لو صادق فعلا يحاول يثبت صحه كلامه مش بردوده المبهمه دى