النتائج 1 إلى 11 من 11

الموضوع: واقسم بالله ما هسكت عن حقى تانى وحقى مش هيضيع تانى ومش هشوفو وهسيبة يضيع

  1. #1
    عضو برونزي الصورة الرمزية زيزوالميزو
    تاريخ التسجيل
    Jul 2009
    المشاركات
    505
    الدولة: Egypt
    معدل تقييم المستوى
    10

    واقسم بالله ما هسكت عن حقى تانى وحقى مش هيضيع تانى ومش هشوفو وهسيبة يضيع



    السلام عليكم ورحمة الله وبركاتة

    بسم الله الرحمن الرحيم

    اتمنى من الادارة الكريمة ترك الموضوع كمساهمه منها لتعديل مايمكن تعديله بالنسبه لحال الانترنت فى مصر


    انا والله العظيم اتخنقت مش اتخنقت عشان لا والله عشانكم انتم ومش انتم وبس لا عشان مصر كلها عشان الظلم الى احنا عايشين فية دة ...

    هنفضل فية لحد امتة هنفضل امتة عايشين فية ومستحملين وفى نفس الوقت ممكن ناخد حقنا بس للاسف مش بنتحرك كل دة لية !!! عشان كل واحد فينا بيقول وانا مالى

    بس انت بتقول وانا مالى غيرك تعبان جدا من النت غيرك مش جايلة حقة وبردو فى نفس الوقت فى غيرنا كتير فى بلاد تانية فى جميع دول العالم العربى والغربى بيجيلهم افضل سرعة وافضل خدمة وافضل خدمة عملا وكل دة بمبلغ صغير جدا كل شهر يكاد يكون منعدم جدا وبسرعات خيالية والله اقل سرعة بتكون 8 ميجا
    احنا البلد الوحيدة الى لسة فيها 256/512
    طب لية كدة لسة نسكت عن حقنا !!!
    انا فى حاجة حاجة حلوة وحاجة وحشها بردة اتعلمتها من البلد دى من بعد الثورة الا وهى ان احنا ممكن نجيب حقنا دى حاجة الحلوة ...
    اما للاسف الحاجة الوحشة الى هية الى حقنا عشان يجيلنا لازم يا نعمل مظاهرات يا وقفة سلمية نطالب بيها بحقنا الشرعى حقنا الى المفروض بتاعا واحنا للاسف الى مفرطين فية وبايدينا كمان
    وابسط مثال ممكن اورهولكم اهو عشان تعرفو ا ان احنا سهل جدااااااا يجى بس للاسف الخطوة الاولى دايما هية الى بتبقة صعبة بس وبعد كدة والله سهل جدا :
    المهم هسيبك مع الصور توريكم :































    شوفتو دة ؟؟؟
    عارفين دة اية ؟
    اغلبكم ممكن يكون عارفة بس اغلبكم اكيد مش عارف اية دة للاسف ..
    دول شباب ورجالة المنصورة..
    فية سنة 2009 ظهر سياسة الاستخدام العادل لشركات الانترنت الارضى
    قام مجموعة من الشباب شايفين اد اية يتعدوا على الصوابع عملو وقفة سلمية زى مانتو شايفين
    بعدها ب4 ساعات تم الغاء سياسة الاستخدام العادل
    انتو متخيلين كلامى ؟؟

    وقفوا فى الشارع ادام شركات الانترنت فى المنصورة وقالوا لا مش عايزين استخدام عادل ودة حقنا ان احنا نقول لا عشان دى بلدنا وبعدها ب4 ساعات الشركة لغتها
    انتو عارفين لو كانوا الشباب دول الى يتعدول على الصوابع مش عملوة كدة انتو عارفين كان زمان النت عامل ازاى دلوقتى ؟؟
    كان زمان النت دلوقتى الخط 512 ب150 جنية على الاقل وكان زمان محدود ب15 جيجا كل شهر تصفح وتحميل يعنى
    تيجى فى نص الشهر تنزل السرعة ل64 على النت الارضى الى المفروض راوتر وسويتش سلوك وفلوس كل شهر وموااااااال كبير اوى ...
    طب الشباب دى اتكلمت وقالت كلمتها وقالت لا للاستخدام العادل ولا للنت المحدود واستجب ليهم ..
    احنا اقل منهم ؟؟
    سيبك من احنا ..
    انت اقل منهم ؟
    زايدين عنك فى حاجة ؟؟
    لا طبعا كلنا شباب كلنا زى بعض
    انا عارف ان دايما الخطوة الاولى بتبقة صعبة والمثل بيقولك : وجع مرة ولا جع كل مرة
    واكبر مثل على كدة :
    الثورة المصرية ثورة 25 يناير كانت صعبة فى الاول محدش يفتكر انها كانت سهلة .
    بس من بعدها نزلوا مرة واتنين وتلاتة ومية كمان وكل مرة بينزلوا ويقولوا طلباتهم بتتحقق عشان بيطلبوها بمطلب شرعى وبوقفات سلمية
    طب احنا لية فى ايدينا حقنا وسهل جدا نجيبة ونسكت ومش نجيبوة ؟
    انت متخيل الى احنا بنشترى هوا بفلوس ؟
    ههههههههههههههههههه دة احنا بيضحك علينا ضحك يا راجل


    قولنا نجيب ثغرات ونفيد بيها الناس ونساعدهم ياخدوا جزء من حقهم وجيبنالكم وكلة ببلاش من غير ما نطلب من حد مليم كل دة والله العظيم بهدف المساعدة وانا احنا شايفين ان دة حقنا وحقكم انتم كمان فقولنا نعمل منتدى مادام عندنا خبرة فى حاجة نحاول نساعد بيها الناس ..
    فإن من علم من العلم شيئاً ثم كتمه عن الناس مع حاجتهم إليه ، فقد ارتكب ذنباً عظيماً لقوله تعالى: (إن الذين يكتمون ما أنزلنا من البينات والهدى من بعد ما بيناه للناس في الكتاب أولئك يلعنهم الله ويلعنهم اللاعنون).[البقرة:159]..صدق الله العظيم





    يا رجالة احنا ساعدنا كتير جدا وكل الى بنطلبة دلوقتى ان احنا هنظم باذن الله تعالى وقفات سلمية جدا ادام شركات النت لمدة ساعة او ساعتين بالكتير اوى هنطلب فيها بحقنا الشرعى حقنا الى المفروض لينا وعلى فكرة انا مكنتش هعمل الموضوع دة لولا والله ان اعضاء كتيــــــــــر جـــــــــــدا طلبت منى كدة ان احنا لازم نعمل وقفة على الشركات دى نحاول نجيب حقنا الى للاسف ضايع مننا

    وكل واحد لة حيرتة يا ينزل يجيب حقة معانا يا يقعد فى بيتة يستنى وباذن الله تعالى احنا رجالة مصر هنجيبهولو بس على فكرة انت الى هتبقة خسران محدش يقول انا يعنى لما انزل هو انا هضيف حاجة اة انت هتضيف كتير جدا
    وعلى فكرة انا معايا باذن الله ناس كتير جدا معايا فى مطلبى دة وهينزلو معايا


    لو الكلام عجب الناس ومستعدين انهم ينضموا معايا هيتعمل جروب على الفيس بوك وهنحدد فية الوقفات باذن الله واماكنها حسب كل بلد وهيبقة معايا ادمن من كل محافظة فى مصر هيمثل المحافظة بتاعتة بس زى مانا قولت الرجالة بس الى هينزلو معايا مش عايز حد تانى

    فدلوقتى عاوز اعرف مين معايا ومين ضدى انى بطلب حقى ؟
    وافتكروا دايما المثل بيقول (وجع لجظة ولا وجع كل لحظة )

    وشكراااااااا


    ياريت كل واحد عندة صفحة ينشر الموضوع
    عاوزين الموضوع يكبر مش يقف عندنا بس انا هبدأ انشرة دلوقتى باذن الله
    ياريت الكل ينشرة ضرورى جدا
    وياريت كل واحد يرد ويقول انا معاك ولا لا عشان نحسب الرجالة بس



    الموضوع للنشر لتجميع أكبر عدد ممكن من الناس

    عشان يبقى صوتنا عالى ونعرف نجيب حقنا


    [CENTER]
    [IMG]http://www.shy22.com/giffile/cml92552.gif[/IMG]


    [IMG]http://i257.photobucket.com/albums/hh211/zizoelmizo/avatar2_1.gif[/IMG]

    [/CENTER]

  2. #2
    ادارى سابق الصورة الرمزية Mr.pOPo
    تاريخ التسجيل
    Apr 2009
    المشاركات
    6,932
    الدولة: Egypt
    معدل تقييم المستوى
    321

    رد: واقسم بالله ما هسكت عن حقى تانى وحقى مش هيضيع تانى ومش هشوفو وهسيبة يضيع

    بص يا معلم، مبدأياً انا معاك.

    الوزير كان قال فى نص شهر 12 السنة اللى فاتت ان فى كابل بحرى جديد اسمه اى نورث تقريبا هيشتغل و انه اول ما شركات الانترنت تظبط حالها فى السنترالات هيقللوا الاسعاار ويرفعوا السرعات زى آخر مره لما كانت سرعة ال 256 اتلغت و كانت الاسعار نزلت اللى هى اسعار دلوقت. و انا كنت سمعت فى أواخر شهر واحد ان الميجا هتبقى هى أقل سرعة و ان سعرها هيبقى 75 جنيه. بس المشكلة ان شركات الانترنت عندها كذا سنترال فى كذا محافظة عليهم ضغط شديد منهم السنترال بتاعى - انا مشترك مع شركة تى إى داتا - فمش هينفع انهم يرفعوا السرعات اساساً و إلا الديسلامات هتنفجر :D

    و صدقنى انا عانيت معاناه ممكن يطول كتابتها ل 3 ساعات كتابة. و باختصار انا كنت مشترك مع الشركة دى 3 سنين لغاية شهر 10 اللى فات، و الله عانيت اقصى معاناه. كنت على ميجا و السرعة عندى زبالة الزبالة بطيئة جدا تصفح و داونلود 90% من أيام الشهر على مدار ال 3 سنين. كنت بتصل بيهم بشكل يومى و والله أكاد كنت بدفع ضعف الاشتراك اللى انا بدفعه للخدمة، على كمية التليفونات اللى كنت بطلبهم فيها. فى شهر 10 اللى فات قررت انى ألغى الخدمة و لغيتها بالفعل و أخدت رقم الالغاء و مش منهم لأنهم طلعوا عينى. اخدته بعد شكوى للجهاز القومى لتنظيم الاتصالات و الجهاز هو اللى جابلى الرقم.

    المهم، بعدها بمدة، ناس أكدتلى كلام الوزير و ان الشركات بالفعل بدأت تزود البادندويدث فى السنترالات اللى عليها ضغط و بدأت تعمل عملية احلال و تجديد فى أجهزتها و الكلام دا طبعا بيخلى الخدمة يخف عليها الضغط و تتحسن بشكل كبير جدا. المهم انا اشتركت تانى مع نفس الشركة فى نفس السنترال طبعا. و الحمد لله انا مشترك على خط 1 ميجا و الخدمة عندى ما شاء الله كويسه مقارنةً بال 3 سنين اللى انا كنت مشترك فيهم معاهم.

    و اللى أكدلى ان بالفعل الشركة بدأت عملية الاحلال و التجديد اللى انا كلمتك عليها ان انا قعدت قرب التلات شهور علشان الخدمة تشتغل عندى تانى بسبب انهم كان بيعملوا عملية احلال و تجديد فى السنترال عندنا - طبعا دا كلاهم ليا -

    و عموماً شوف كدا نظامكم ايه بس ما اوعدكش بحاجة لأنى مشغول جداً اليومين دول.

  3. #3
    عضو الصورة الرمزية adelmof40
    تاريخ التسجيل
    Apr 2006
    المشاركات
    187
    الدولة: Egypt
    معدل تقييم المستوى
    12

    رد: واقسم بالله ما هسكت عن حقى تانى وحقى مش هيضيع تانى ومش هشوفو وهسيبة يضيع

    شوف يا عم زيزو انا معاك قلبا وقالبا ولو تحب نقفل شارع مكرم عبيد اللي فيه الفرع اللي بسدد فيه
    قول امتي ونبتدي بس المشكلة اللي ملاحظها ان السنترالات عندنا بتفكرني بالسبرتايا اللي جدتي كانت بتعمل عليها القهوة
    انا في الشغل عندي مشترك علي سرعه 8 ميجا ( السيدة زينب ) بصراحة مليت من النت بسببها
    مرة المشكلة من السنترال مرة المشكلة من الكبينة مرة المشكلة من حرائق استراليا
    ملللللللللللللللللللللللللل لا قبله ولا بعده

  4. #4
    مشرف سابق الصورة الرمزية أبو قصي
    تاريخ التسجيل
    Feb 2009
    المشاركات
    3,102
    الدولة: Jordan
    معدل تقييم المستوى
    48

    رد: واقسم بالله ما هسكت عن حقى تانى وحقى مش هيضيع تانى ومش هشوفو وهسيبة يضيع

    يا ترى بينفع اطلع معاكم مظاهرة؟؟ :D

  5. #5
    عضوية جديدة
    تاريخ التسجيل
    Jun 2011
    المشاركات
    51
    معدل تقييم المستوى
    0

    رد: واقسم بالله ما هسكت عن حقى تانى وحقى مش هيضيع تانى ومش هشوفو وهسيبة يضيع

    معاااااااااااااااااك يا معلم

  6. #6
    عضو فضي
    تاريخ التسجيل
    Oct 2010
    المشاركات
    591
    الدولة: Egypt
    معدل تقييم المستوى
    9

    رد: واقسم بالله ما هسكت عن حقى تانى وحقى مش هيضيع تانى ومش هشوفو وهسيبة يضيع

    معاك يا معلم
    بس انا قريت الموضوع كلوه وعاوز افهم
    اية الحق اللى هنطالب بيه
    على حد قولك ان سياسة الأستخدام العادل اتلغت
    ولا هما رجعوها :confused:

  7. #7
    عضوية جديدة
    تاريخ التسجيل
    Jun 2011
    المشاركات
    51
    معدل تقييم المستوى
    0

    رد: واقسم بالله ما هسكت عن حقى تانى وحقى مش هيضيع تانى ومش هشوفو وهسيبة يضيع

    يللا بقى اعمل صفحة على الفيس وان هظبطك فى نشرها

  8. #8
    عضو
    تاريخ التسجيل
    Mar 2011
    المشاركات
    185
    الدولة: Egypt
    معدل تقييم المستوى
    7

    رد: واقسم بالله ما هسكت عن حقى تانى وحقى مش هيضيع تانى ومش هشوفو وهسيبة يضيع

    النت فى مصر زباله وكله عار ف كده
    بس يامين يكلم

  9. #9
    عضو
    تاريخ التسجيل
    Oct 2011
    المشاركات
    97
    الدولة: Egypt
    معدل تقييم المستوى
    0

    رد: واقسم بالله ما هسكت عن حقى تانى وحقى مش هيضيع تانى ومش هشوفو وهسيبة يضيع

    أنــــــــــــــــــــــــا معاكوااااااااااااااااااااااااااااااااااا ....... بس ياريت تكون المظاهره بعد الامتحانات :D:D

  10. #10
    عضو فضي
    تاريخ التسجيل
    Nov 2009
    المشاركات
    589
    الدولة: Egypt
    معدل تقييم المستوى
    0

    رد: واقسم بالله ما هسكت عن حقى تانى وحقى مش هيضيع تانى ومش هشوفو وهسيبة يضيع

    اعتقد ان فى صفحة قديم للفيس بوك كانت فى المنتدى لمتطضضرين من تى دتا

  11. #11
    عضو الصورة الرمزية mohamed_sophe
    تاريخ التسجيل
    Sep 2009
    المشاركات
    227
    الدولة: Egypt
    معدل تقييم المستوى
    0

    رد: واقسم بالله ما هسكت عن حقى تانى وحقى مش هيضيع تانى ومش هشوفو وهسيبة يضيع



    انا حصل معايا مشاكل معا شركة تى داتا اولا كنت مشترك على خط 2 ميجا كان شغال زى الفل وفجئه لقيت البنج رفع من 200 ل600 دا من غير مشتغل على النت اما مع التصفح والداون لود بيوصل 1000 المهم اشتكيت قالو كل حاجة تمام العيب من الخط نفسة علية ارضى رحت السنترال وغيرت الخط نفسة وخنقت الراجل بتاع السنترال من كتر الطلبات الى طلبتها منة كل شوية غيرلى السلك الى انا واخد علية خط التليفون قالى والله الخط زى الفل اتصلت بالشركة وعيش بقا كل مرة دا العيب من السنترال نفسة ومرة دا العيب من الشركة فى الوقت الحالى الفكرة انهم كل مرة بيقولو حجة غير الى قبلها فى الاخر قلت لو الخط علية مشاكل اغيرة مش مشكلة تخيلو انتم بقا الوضع لما اجرب 3 خطوط وكل خط اشتركت علية شهر ويطلع النت علية زباااااااااااالة اخر مرة لقيت البنج فى الوقت الطبيعى بقا بيوصل 1000 الغريبة ان فى خطوط شغالة كويس دا معنا ان العيب مش من السنترال وفى الاخر اشتغلتهم اتصلات ورسائل على منتدى الدعم الفنى المهم لقيت البنج عندى بدل مكان 1000 نزل ل500
    قلت غريبة لوحدة كدة اسئل الموزع الى انا بدفعلة الاشتراك يقلى دا عملو شوية تعديلات من كتر الشكاوى الى كانت على السنترال انتم عرفين اية هيا التعديلات الى عملوها انهم خلو الخطو ط كلها متساوية يعنى كلها البنج فيها بقا 500 يعنى طلعت الشركة هيا الى كانت بتستهبل عليا وعلى كل الناس فى الاخر بعد عزاب قررت الانتقال لشركة اخرى ولسه مفروض الخط الجديد هيشتغل كمان 3 ايام ربنا يستر
    ملخص الموضوع ان الشاريكات فى مصر بتستهبل علشان مفيش حد بيتكلم ودا الى مفروض يحصل بعد كدة اى حاجة فيها ظلم نتكلم ونصرخ علشان صوتنا يوصل ويعرفو ان فى مشكلة واننا خلاص مش هنسكت تانى على الظلم الى كنا فية ان شاء الله كلنا معاك يا عمنا
    وفى النهاية بطلب اغنية ست الحبايب يا حبيبة :D

المواضيع المتشابهه

  1. هل ضرب النار رجع من تانى ؟
    بواسطة [Dr.Mohammed [F@H في المنتدى الأرشيف
    مشاركات: 16
    آخر مشاركة: 18-04-2011, 04:14
  2. لغز ثاني قبل ذهابي
    بواسطة I LOVE SA في المنتدى الأرشيف
    مشاركات: 4
    آخر مشاركة: 22-02-2008, 14:14
  3. الشاشات الـ(LCD) تاني
    بواسطة أحمد م. أبوزيد في المنتدى الأرشيف
    مشاركات: 1
    آخر مشاركة: 08-09-2006, 10:05
  4. إضافة قرص صلب ثانى
    بواسطة backo26 في المنتدى الأرشيف
    مشاركات: 3
    آخر مشاركة: 09-02-2003, 21:16
  5. تاني تاني الرايتر تاني
    بواسطة mero في المنتدى الأرشيف
    مشاركات: 7
    آخر مشاركة: 09-01-2003, 21:23

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •