Billion 5400W أو Netgear DGN1000 ايه الافضل؟

**rayfire** · 20-05-2014, 21:21

أرجو الإفادة... الاتنين في نفس السعر تقريبا
وشكرا

**agrama** · 20-05-2014, 23:16

زود شوية وهات Linksys WAG120N أفضل من جميع النواحي سعره في السوق 400 جنيه

ولو نفس الميزانية اللي هيا من 320 ل 350 يبقى ASUS DSL-N10E Wireless-N150 ADSL Modem Router

**rayfire** · 21-05-2014, 03:39

الافضلية في ايه بالظبط لاني سمعت ان WAG120N فيه مشاكل أهمها إنه بيسخن والوايرليس بتاعه ضعيف شوية

**agrama** · 21-05-2014, 08:02

للأسف سمعة WAG120N انضربت بسبب شبيهه موديل WRT120N ده ياباشا اللي كان بيسخن وكان بيهنج ويقطع بسبب عيوب في السوفت وير بتاعه لكن الموديل WAG120N بينزل في السوق إلى الآن وناس كتير بتشكر فيه بالنسبة للواير لس بتاعه مش ضعيف ولاحاجة ده أقوى بمقدار الضعف من الراوترات المذكورة
بيفرق عن الموديلات اللي فوق
1- اتنين أنتنة داخلية أقوى من الأنتنة الواحدة الخارجية لكل راوتر من المذكورين أي أنه سيعطيك إشارة أقوى بمقدار الضعف
2- سرعة نقل بيانات تصل إلى 300 ميجا بت بعكس المذكورين 150 ميجا بت فقط
3- من إنتاج شركة سيسكو وهي أكبر شركة في العالم في الشبكات

**agrama** · 21-05-2014, 08:17

بالنسبة لموضوع السخونة بشكل عام جميع الراوترات بتسخن عادي لأنها فيها معالج ورام ولازم طبعا توفر مكان جيد التهوية او مروحة 120 مل تعمل بفولت 220 وتخليها جمب الراوتر وده لأي راوتر ولأي سويتش
انا عندي الداتا سنتر بتاع شبكة المعلومات الجامعية فيها سويتشات وروترات تمنها ملايين وكل سويتش جواه مراوح والراك نفسه فيه 9 مراوح 120 مل ومع ذلك بيطلع حرارة كبيرة منها فوفرنا عدد 4 تكييف بقوة 5 حصان لجعل الحجرة باردة جدا جدا

**rayfire** · 21-05-2014, 09:45

تمام طيب انا هشتري ال WAG120N ان شاء الله
لكن موضوع الفان ال 12 سم ده ممكن يتعمل ازاي هتتثبت علي ايه وهوصلها كهربا منين؟

**agrama** · 21-05-2014, 10:39

الفانة بتاخد كهرباء 220 فولت هاتلاقيها غالبا ب20 جنيه في باب اللوق بتوصلها سلك كهرباء عادي وممكن تثبتها في ظهر الراوتر بلازق أو إعمل أي افتكاسة بحيث تكون جمب الراوتر وتبرده من فوق او من تحت
وده شكلها

شوف الفكرة دي تنفيذ عضو بالمنتدى

ودي فكرة لاقيتها على جوجل

ودي فكرة تحفة

**rayfire** · 21-05-2014, 10:59

تمام يا باشا هجرب الافتكاسات دي

**agrama** · 21-05-2014, 11:12

تابع موضوعي الجديد في المنتدى
https://arabhardware.net/forum/showthread.php?t=390757

**rayfire** · 23-05-2014, 11:28

لقيت اللينك سيس غالي شوية ده غير ان معظم المحلات قالتلي ان مرتجعاته كتير... وانا واقف في شركة لقيت واحد داخل ومعاه نفس الراوتر وبيقول انه بيفصل كل شوية وبقالو سنة ونص يعني خرج من الضمان فقلقت واشتريت ال netgear
واشتريت الفانة ال 220 بس بتسخن جدا جدا وبتطلع ريحة زي ما يكون الموتور هيتحرق مش عارف دي هتكمل ولا ايه... بس مع اني مثبتهاش وحاطتها قدام الراوتر اي حاجة فارقة جدا في حرارة الراوتر

Sent from my GT-N8000 using Tapatalk

**agrama** · 23-05-2014, 12:55

ممكن يكون في عيب في المروحة غريبة موضوع الريحة دي عامة ممكن ترجعها للمحل وتقوله على المشكلة دي ومبروك عليك الراوتر الجديد

**agrama** · 23-05-2014, 13:00

أنا شرحت طريقة الفانة ال 12 فولت ممكن لو عندك مروحة قديمة تستخدمها بالطريقة دي
https://arabhardware.net/forum/showthread.php?t=390903

**7joker** · 14-07-2015, 04:13

انا جبت راوتر و كان فيه مشكلة و رجعتة و جبت ال ASUS DSL-N10E Wireless-N150 ADSL Modem Router اللى الاستاذ المحترم agrama قال علية و بجد ممتاز
هو مش موجود كتير ف المول و محلات كتير مغلية ف سعره .لقيتة ف محلات ب 390 و 400
المفروض سعرة ميزيدش عن 350 للى عايز يجيبة و انا جبته ب 325
حبيت بس اشكر استاذ agrama ع النصيحة و اشارك تجربتى للافادة

**ahmed601** · 14-07-2015, 12:26

ابعد عن Linksys سئ جدا
انا جبت مره Linskys X3500 كان سعره سعتها 1500 جنية
و الواى فاى الخاص بية كانت المفروض السرعة 750
في التردد 2.4 سرعتة 300 ميجا
و التردد 5 سرعتة 450
كان بكبيرة بيجيب 150 ميجا في الترددين ال 5 جيجا و ال 2.4 جيجا
شركة Linskys بتنزل منتجات اى كلام مصر !
الأفضل الان TP-link و اتاكد قبل ان تشترية من على موقع الشركة اصدار الروتر V 1 او V2 او V3 الخ هات احدث فيرجن على حسب الموديل الية هتختارة