ماذا تعنى كفائه الباور سبلاى Efficiency 80 Plus ؟

[phenomenon]

ماذا تعنى كفائه الباور سبلاى Efficiency 80 Plus Certified وماهى المميزات ؟
الاجابه الصريحه ( ثلاثه مميزات )

كفائه الباور سبلاى ( Efficiency ) عباره عن عمليه نسبه وتناسب وهى ترمز الى كم الوات المستخدم لاجزاء الكومبيوتر ونسبه
الوات الذى يقوم الباور سبلاى بسحبها من سوكيت الحائط فى هذا الوقت . هذه معنه كلمه كفائه الباور سبلاى
يقوم الباور سبلاى بسحب طاقه Input قادمه من سوكيت الحائط لتقديم طاقه Output مطلوبه لاجزاء الكومبيوتر .

مجرد مثال شخصى سريع لتوضيح الامر :
لو انت معاك فى ايديك الشمال زجاجه مياه فارغه تماما ومعاك فى يدك اليمنى كوب مياه ملىء بالمياه
ثم جائت لك فكره لاختبار قدره تركيزك عن طريق سكب منسوب من كوب المياه داخل الزجاجه بنسبه 250m بالضبط .
الكوب عنقه كبير وممتد وهو ملىء بالمياه ( كسوكيت الحائط ملىء بضغط الكهرباء ) اما الزجاجه فهى تمتلك عنق صغير ( الباور سبلاى )
وانت عاوز تختبر كفائه تركيزك فى ملىء زجاجه المياه بنسبه 250m بالضبط بدون ماتسكب اى نسبه مياه على الارض
اذا قدرت تنفذ العمليه دى بدون ان تتسبب فى سكب ولا نقطه مياه على الارض فهذه هى نسبه كفائتك العاليه جدا
اذا انا قدرت انفذ العمليه لكن سكبت جزء من المياه على الارض اذن انا نجحت بالاختبار لكن كفائتى اقل منك قليلا

الامر مماثل تماما للباور سبلاى :
اذا كان الكومبيوتر دلوقتى واضح انه بيستهلك 500W ولكنك اكتشفت ان المؤشر يوضح ان الباور سبلاى يسحب 650W من الحائط
اذن كفائه مزود الطاقه هذه تقدر بنسبه ؟
اقسم 500W على 650W ستجد ان النتيجه هى 0.76 وهكذا تكتشف ان كفائه مزود الطاقه لديك تقدر بنسبه 76%
اقسم 500W على 650W بالضرب فى النسبه المؤيه 100 = ستلاحظ النتيجه ايضا 76%

بمجرد ما انت عرفت ان مزود الطاقه بيسحب 150W ازيد من احتياجك الحقيقى للوات المطلوب ( اهدار كبير فى فواتير الكهرباء )
لو افترضنا ان الكومبيوتر شغال 24/7 طوال السنه وافترضنا ان الكيلو وات سعره 20 قرش داخل مصر ولكن هى مقسمه لعده شرائح
واحنا عرفنا ان باور 500W بيسحب 150W زياده فى 24 ساعه فى 365 يوم طوال السنه يعنى بيسحب 1314KW/H زياده طول السنه
طيب لو كنت بتدفع 20 قرش للكيلو وات يبقى اضرب 1314KW/H فى 20 قرش يبقى انت هتدفع فى السنه زياده عن طاقتك 262 جنيه
طيب عندك كام كومبيوتر شغالين فى البيت او فى المحل او كام سيرفر ؟ تخيل انك تمتلك اربعه مزودات طاقه تعمل طوال العام تحت الضغط
يعنى كده انت بتدفع 1.048 جنيه كهرباء غير مستفاد بيها وطبعا غير نسبه استهلاكك الحقيقى اللى هو 500W طبيعى


طيب تعالى نشوف باور تقييمه 80PLUS بكفائه 80% Efficiency
لو كان الباور سبلاى بيسحب 500W لاجزاء الكومبيوتر وتقييم كفائته 80% حسب المراجعات يبقى بيسحب من سوكيت الحائط 625W
اضرب 500W x 100 يساوى 625W . يبقى كده انت وفرت اكتر فى نسبه الوات الفالته او المهدوره بدون ماتنتفع بيها ودى تعتبر الميزه الاولى
_______80

الميزه الثانيه مش بس انت قدرت توفر فى فواتير الكهرباء ولكن اتاكدت ان مكثفات الباور سبلاى غير ملزومه بتخزين جهد اعلى من الطاقه
عن نسبه تخزينه مع مزود طاقه اقل فى الكفائه من 80% ونتيجه لهذا درجات حراره اقل وبالتاكيد مروحه تعمل ببروفايل اوطى لتشتيت درجه
حراره المكثفات الاقل عن حراره مكثفات تعمل تحت ضغط 650W من الجهد .

الميزه التالته ان دا تقريبا من اهم الدلائل التى تثبت ان نوعيات مكثفات الباور سبلاى جيده ويعتمد عليها ومصادر تصنيعها موثوق فيها بل
واسعارها مرتفعه وكده انت ضمنت تلات مميزات فى باور كفائته Efficiency 80%
الموضوع لا يدل على القوه بقدر مايدل على كفائه الاستهلاك والثقه بامتلاك مكثفات عاليه الجوده ومزود طاقه يعمل تحت درجات حراره افضل .

السؤال هل بالغالب تكون الكفائه 80% بالضبط ؟ ولا يوجد افضل
والاجابه على هذا السؤال : هل تصدق ان باور سبلاى 850W يوفر فى الكهرباء اكثر من باور 550W ؟
ان شاء الله الاجابه هتكون بالسؤال الخاص لتقسيم كفاءات الباور سبلاى حسب التقييمات العالميه ليها وشرح بالضبط لماذا هى ( PLUS )