( بسم الله الرحمن الرحيم )
( موضوعى الجديد والاول ليا هو عن طريقة صنع مروحة مكتبية تفيدك وانت قاعد على الكمبيوتر )
الفكرة بصراحة جاتلى وانا ماسك ماتور السيارة اللعبة ده .. فكرت ليه ما اعملش من الماتور ده حاجة مفيدة
قعدت افكر .. لحد ما جتلى فكرة انى اصنع مروحة تبريد بالماتور ده .. والطريقة مش صعبة على فكره الطريقة عايزة دقة بس وان شاء الله تبقى الطريقة دى مفيدة لكل واحد :
...............
( القطع اللازمة لعمل الطريقة )
1. ماتور السيارة اللعبة اللى هو حجمة صغير ده
2. اسطوانتين CD
3. سلك USB ... ( الوصلة اللى بتدخل فى الكمبيوتر والسلك بتاع الوصلة ) .. ( يعنى سلك الماوس ونشيل منه الفأرة ونحتفظ بالسلك فقط )
4. قلم رصاص
5. بلاستر ( لازاق )
( كيفية القيام بالطريقة )
1. قم بتوصيل سلك الـUSB الطرف اللى كان راكب فى الفأرة نشيلة هيطلع منهم سلكين من جوه الاسلاك النحاس دى نقوم بربطهم فى الماتور
2. قم بوضع بلاستر ( لازق ) حول السلك وتأكد من ان السلك موصل بالماتور بمعنى ( نجيب السلك ونلفة على الحتة اللى الماتور بيسحب منها الكهرباء لكى يعمل )
3. بعد الانتهاء من وضع البلاستر .. نقوم بتقطيع الاسطوانة ( 1 ) على ثلاث اجزاء بمعنى ( زى اجنحة المروحة اللى بتبقا عندنا )
4. نقوم بثقب الثلاث اجزاء اللى قطعناهم من الاسطوانة يعنى نثقبهم فى الاطراف
5. نقوم بوضع الثلاث قطع اللتى ثقبناهم فى رأس الماتور ونسبتهم كويس
5. نقوم بوضع الماتور حول القلم الرصاص ونثبته كويس بالبلاستر
6. نثبت الاسطوانة ( 2 ) فى رجلين القلم الرصاص بحيث تخلى القلم ثابت على الطربيزة ( علشان ما تخليش القلم يقع او يميل )
7. نشغل الكمبيوتر ونقوم بوضع سلك الـUSB فى الكمبيوتر
هتلاقى الماتور اشتغل وبدأت الاجنحة تشتغل وتجيبلك هواء يساعدك فى تخفيف الحرارة شوية وانت وقاعد على الكمبيوتر .. ( يعنى تقعد على الكمبيوتر وانت مستمتع بالهواء )
على فكرة انا جربت الطريقة ونجحة معايا والهواء بتاعها حلو وقوى
( فى الختام انا عارف انو فيه ناس مش هتسدق الطريقة بس جرب وشوف وأن شاء الله هتنفع معاك زى ما نفعت معايا )
رد مع اقتباس
ضوابط المشاركة
المفضلات