رد مع اقتباسمنين اشتري اللوحة gigabyte z170n gaming 5
أرسلت من SM-J500H بإستخدام تاباتلك
اسأل عن كروت الشاشة المدمجة مع البروسيسور ,, هل هى موجودة على الجيل الرابع (( الهازويل )) ؟؟
و لو موجودة و انا مش عايز استخدمها لأنى هاشترى كارت شاشة خارجى ,,, اعمل ايه بعد ما اركب البروسيسور ؟
و بعدين كده هايبقى عندى 3 انواع من الكروت على الحهاز !!
- الاول هو الموجود على البروسيسور
- الثانى موجود على البورد ,,,(( ايه هى البوردات المناسبة للجيل الرابع و التى مدمج عليها كارت شاشة ؟؟))
- الثالث هو الخارجى !
انا عايز اجيب بروسيسور i5 4690 or i5 4590
و عايز اتاكد هل موجود عليههم كارت ام لا ,,, طبعا انا مش عايز كروت مدمجة لأنى هااعتمد على الخارجى ,, ثم اللى على البورد لو حصل حاجة للخارجى
و ايه الفارق بين الكارت المدمدج على البوردة و الموجود على البروسيسور ؟؟ ,,, ايهما افضل ؟؟
هل البورد p81 موجود عليها كارت مدمج ؟؟ ,,, و لو لأ .. طيب ليه هى اغلى من ال h81 ( انا اعرف ان ال h81 عليها كارت ,, صح )) ؟؟
سؤال اخير , انا سمعت ان البوردات الحالية مش بيجى معاها كارت شاشة مدمج ,, طيب ايه مخارج التوصيلات الموجودة عليها ؟؟ ,,, هل علشان الكارت الموجود على البروسيسور ,؟؟ ,,, و هل ده معناه ان دى بقت مجرد مخارج للكارت الموجود على البروسيسور ؟؟ مش البورد؟؟
.
.
معلش انا طولت عليكم بس حقيقى محتاج انى افهم ... و شكرا
منين اشتري اللوحة gigabyte z170n gaming 5
أرسلت من SM-J500H بإستخدام تاباتلك
الكارت الموجود على الجيل الرابع اللى حضرتك هتشتريه HD4600 والكارت يعادل ati hd6670 ddr3 من وجهه نظرى واللى اعرفه عن مازر بورد الجيل الجديد يا فيها مخارج صوره زى hd .vga.dvi والاعتماد بيكون على المعالج الرسومى المدمج مع البريسسور او من غير مخارج اصلا وبكده مش هتستفاد بالكارت المدمج وهتحتاج كارت خارجى علشان تشتغل بيه زى حالاتى :D
بالنسبة للنقطة الاولى ... كارت الشاشة اللي انت هتوصله بالشاشة وتعرفه هو داه الي هيشتغل وطالما انك ركبت كارت خارجي في أغلب الاوقات بيتلغي الكارت المدمج سواء كان على البوردا او مع البروسيسور...
واتعقد ان أغلب البورد دلوقت مافيهاش كارت داخلى او يعني (بتعتمد على الموجود في البروسيسور ) ان لم يذكر غير ذلك من موقع الشركة .. وكلام حضرتك سليم ان المنافذ بتبقى لمخارج كارت شاشة البروسيسور
والمعالجين المذكورين فيهما كارت شاشة ... وطالما هتعتمد على كارت خارجي فلا تقلق فسيتم تعطيل الكارت المدمج
بالنسبة للشريحة p81 هي سعرها أعلى لانها أعلى من الشريحة h81 في القدرة على تشغيل منافذ ساتا وا usb وكمان pci xpress 3.0 او يعني الشريحة أفضل من h81 وبالطبع السعر أعلى
وبس مش بتيجي بكارت مدمج خااالص ... يعني لالالازم كارت شاشة خارجي معاها ( وحتى لو البروسيسور فيه كارت مدمج)
دي معلوماتي واتمنى ان تكون مفيدة
هى الناس ردت على كل شىء ودا مجرد اضافه وتاكيد مش اكتر
سأل عن كروت الشاشة المدمجة مع البروسيسور ,, هل هى موجودة على الجيل الرابع (( الهازويل )) ؟؟
ايوه موجوده فى جميع معالجات الجيل الرابع جميعها I3 + I5 + I7 + Pentium والاستثناء الوحيد معالجات Extreme EP
معالج الجرافيك مدمج فى اى بروسيسور باسم HD4600 والفرق فى سرعه نواته
و لو موجودة و انا مش عايز استخدمها لأنى هاشترى كارت شاشة خارجى ,,, اعمل ايه بعد ما اركب البروسيسور ؟
هتركب اللوحه الام وتوازن فتحات المسامير بتاعتها فى الكيسه وتوازن معاها الباك بانل
الباك بانل فيها جميع مخارج البورده الخلفيه عشان الماوس والكيبورد وبما فيها كمان مخارج العرض
مخارج العرض دى هى اللى بتبدا فى تنشيط معالج انتل الجرافيكى المدمج لو وصلت كابل الشاشه فيه
هتركب البروسيسور عادى والمشتت والمروحه بتوعه وتتاكد من توصيل كليبسات المروحه للجهه الخلفيه من البورده
هتركب كابل مروحه البروسيسور فى مخرج CPU Fan بيبقى عباره عن 4 دبابيس نحاسيه بجانب البروسيسور علطول ومطبوع على البورده اعلاه CPU Fan
هتركب راماتك
هتركب كارت الشاشه بتاعك فى سوكيت PCIe X16 ولو الكارت ليه شباكين من ضهره اقطم شباكين من ضهر الكيسه بردو عشان منافذ الكارت تعدى خارج ضهر الكيس
هتوصل كابل الشاشه فى احد مخارج كارت الشاشه المناسبه والمتوافقخ مع كابل الشاشه بتاعتك ( اتاكد منه قبل الشراء عشان لو هتحتاج ادابتر تحويل )
لو حبيبت تعتمد على كارت انتل الجرافيكى المدمج فى البروسيسور اى وقت هتفك كابل الشاشه من كارت الشاشه وتركبه فى مخارج العرض
الموجوده فى الباك بانل سواء كانت HDMI or VGA على حسب اللوحه
و بعدين كده هايبقى عندى 3 انواع من الكروت على الحهاز !!
لا هما حالتين فقط لا غير ولا يمكن لهم العمل سويا حتى الان
كارت انتل المدمج او كارت شاشه خارجى وواحد فيهم بس اللى بيكون نشيط
فى استثناءات لكن مالهاش داعى دلوقتى
- الاول هو الموجود على البروسيسور
مظبوط كده واسمه Integrated GPU اختصار وحده المعالجه الجرافيكيه المدمجه
- الثانى موجود على البورد ,,,(( ايه هى البوردات المناسبة للجيل الرابع و التى مدمج عليها كارت شاشة ؟؟))
لا مفيش خالص - كل الحكايه انت مفروض تتاكد فقط عل هذه البورده تمتلك مخارج عرض عشان تقدر تستنفع بمعالج انتل المدمج
لو حبيت تعتمد عليه اى وقت ام - يعنى مخارج العرض فى الباك بانل باللوحه الام مجرد وسيط لتنشيط معالج جرافيك انتل المدمج
- الثالث هو الخارجى !
( التانى ) هو الخارجى مفيش تالت - مفيش على اللوحه الام
انا عايز اجيب بروسيسور i5 4690 or i5 4590
و عايز اتاكد هل موجود عليههم كارت ام لا ,,,
موجود على جميع المعالجات المركزيه من انتل حاليا الموجهه لاجهزه الديسك توب ايوه
معالجات شركه AMD اللى بتيجى باسم APUs نفس الشىء ايضا
اما معالجات AMD اللى بتيجى باسم FX هى الوحيده الغير مدمجه بمعالجات جرافيك حاليا
وعشان كده اللوحات الام المخصصه لمعالجات FX سوكيت +AM3 هى اللى عليها كارت جرافيك فعلا عشان تعوض عن عدم وجوده فى البروسيسور
طبعا انا مش عايز كروت مدمجة لأنى هااعتمد على الخارجى ,, ثم اللى على البورد لو حصل حاجة للخارجى
مش شرط تعتمد عليه هو موجود بس احتياطيا لو حبيت تغير كارت الشاشه وتنتظر فتره على شراء كارت خارجى جديد
ولازم تتاكد ان اللوحه الام فيها مخارج display سواء VGA or HDMI or DVI
هل البورد p81 موجود عليها كارت مدمج ؟؟ ,,, و لو لأ .. طيب ليه هى اغلى من ال h81 ( انا اعرف ان ال h81 عليها كارت ,, صح )) ؟؟
ال H81 فيها فعلا مخارج عرض عشان تستفاد بكارت انتل المدمج لو حبيت تعتمد عليه اى وقت
موضوع الاسعار عندنا متفاوت لان الشركات كتيره واسعارها متفاوته
ممكن لوحه P81 بتقدم منافذ اضافيه PCIe X1 or PCI Legacy عشان كروت الدش واللان والصوت الخارجيه وعددها اكبر
ممكن فيها منافذ اكتر للمراوح - اى شىء يجوز سبب فى ارتفاع سعرها نسبيا لكن على ما اتذكر مش فيها مخارج للعرض
سؤال اخير , انا سمعت ان البوردات الحالية مش بيجى معاها كارت شاشة مدمج ,, طيب ايه مخارج التوصيلات الموجودة عليها ؟؟
طيب ما انت سمعت صح اهو امال ايه بقى اللى تلات كروت ؟
اغلب المخارج VGA واسمها D-SUB احيانا او مخرج HDMI والفرق بينهم هو امكانيه تدعيم HDMI لريزيلوشن ابعاد اعلى فقط وممكن الاتنين
لو انت من اى مدينه داخل الجمهوريه اسال عن شارع الكومبيوتر والهاردوير المشهور فى ميدنتك وهتروح تلاقيهاالمشاركة الأصلية كتبت بواسطة art_man3ds
لو شايف انك ممكن مش تلاقيها فى ميدنتك يبقى افتح موقع eg prices صفحه الكومبيوتر وبعدين المازبورد
هتلاقى اللوحه وهتلاقيها موجوده فى شركات كتيره - اضغط على اسم الشركه اللى انت عاوز تشتريها منها
هتحولك على صفحتها خد بياناتها وعنوانها ورقم تليفونها وممكن تخليهم يبتعهوالك شحن عادى بتوصلك تانى او تالت يوم
المفروض انك تاخد مخالفه على التهريج ده بس عزرك انك بتتكلم من تليفون فمفيش داعى
كل الهاردوير واحدث اسعاره هتلاقيه على موقع البيع المصرى ومش ينفع اجيب الرابط لان المنتدى بيحزفه تلقائى
((( طيب ما انت سمعت صح اهو امال ايه بقى اللى تلات كروت ؟ ))) :D:D:D:D:D
,
,
,
الأخ الفاضل ,, الاستاذ ( phenomenon ):ah7::ah7::ah7:
بعد التحية ,,
اسف للإطالة فى الاسئلة و التى ربما تكون معادة احيانا و لكنى للأسف عندى طبع سيىء و هو البحث الدائم عن افضل المعلومات حول الموضوع المراد معرفتة و من كل الوجوه و ذلك لزيادة العلم و المعرفة و ليس فقط بغرض الشراء ( الغرض هو الشراء طبعا و لكن ليس غرض وحيد)
انا احب ان اعرف اكتر عن اى موضوع فى هذا المجال و للأمانة انا وجدت إن هذا المكان هنا هو اكتر مكان عوضنى عن المنتدى المحترم الجبّار ( المرحوم)
DVD 4 ARAB
قسم الهاردوير و الكمبيوتر طبعا
كان هناك افراد محترمين مثلك و مثل كل من يساعد الغير و كنت احب اتشاور معهم فى الكثيرمن الموضوعات و حقيقة استفدت منهم جدا (( كان هناك واحد محدد انا كنت باقدره جدا إسمه ماك (مايكل) و كان مشرف قديم لا اعرف هل موجود هنا ام لا
طبعا اتمنى ان يكون منهم ناس هنا تعمل لتساعد الاخرين و ربنا يحاسب اللى كان السبب فى إغلاق DVD4ARAB
و انا إحترمتك جدا و عجبتنى طريقى ردودك على الناس لذلك انا شكرتك مخصوص عند ردك عليا فى سؤال الفروق بين البوردات
لأنك فكرتنى بالناس بتوع الديفيدى
لك الشكر و التحية انت و كل المحترمين هنا الذين ساعدونى Half_Feet وو xyza
التعديل الأخير تم بواسطة ahmadema ; 13-03-2016 الساعة 22:19
يا جماعة انا عاوز اعرف ازاي اشتري من علي النت خصوصا بعد معرفت ان 10 % بس ضريبة مبيعات علي قطع الحاسب انا كنت هشتري من موقع زي amzon طبعا انا معايا دولارات بس معيش بطاقة شراء من النت ومش عارف اعمل فين واحدة يريت تفيدوني
ضوابط المشاركة
المفضلات