مشكلة البنج Ping في فودافون ADSL

[iLinux85]

انا من المنصورة وصلت نت من فودافون . سرعة النت عندي 8Mbps وكويسه جداً download ليل ونهار

مشكلتي بقي في ping

انا ال ping عندي من الساعة 3 او 4 الفجر لحد 12 او 1 الظهر بتبقي كويسة جداً علي 60

بعد الوقت ده من 2 الظهر لحد 2 بالليل ال ping علي 400

كلمتهم بيقولو مشكلة دي في الكابينه اللى انت موصل فيها ودي مشكلة المصرية للاتصالات وان المشكلة بتاخد وقت لحد ما تتصلح

انا معرفش الكلام ده صح ولا لآ , حد من المنصورة موصل vodafone عنده المشكلة دي ؟ طيب الناس اللى موصله مع شركات تانية ping عندهم يببقي كام

انا اقدر اعمل ايه هل اقدر اقدم شكوي او اي حاجه بخصوص الموضوع ده ولا ارضي بالامر الواقع

[banasonic]

اعتقد اخى مشكله عامه خاصه ب فودافون حسب ما قرات انا لا اعرف هذه الشركه ولم اتعامل معها نهائيا ولكن قمت بالبحث عنها خلال الايام السابقه لاجد لك الحل ووجدت انها مشكله عامه ولا اعرف ايضا سببها
ملحوظه اخى عمر ماكبينه التليفون هتاثر على البنج ولكن هتاثر على ثبات الخط وسرعتو يعنى هتلاقى البنج موجود بس بيقطع والخط بيفصل والتحميل مش مظبوط لكن عمر ما البنج هيوصل 400 بسبب كبينه التليفون
مشكله ارتفاع البنج بالذات فى فتره الظهيره ده بسبب عدد الناس الموجوده فى الخط (طبعا لخبطيطه كلو على بعضو هيا دى مصر للاسف) وبسبب ده bandwidth بيقل لان عليه ضغط مليون واحد بيدخلو فى نفس الوقت وكلهم بيببعتو الاوامر مع بعض لان مفيش تنظيم وفصل فبتلاقى البنج عالى اما بالليل كل الناس بتقفل فطبيعى الBANDWIDTH هيقى بتاعك والاستجابه REPLY هتبقى فى وقت قليل time by MS وده للاسف فى اغلب الشركات مش فى شركه بس وبتبقى انتا وحظك لو فى ناس كتير معاك هتلاقى بنج وحش مفيش ناس هتلاقى حلو يعنى ممكن تلاقى حد فى الشارع الى بعدك عندو البنج ممتاذ وانتا عندك وحش وانتو الاتنين فودافون بس حظو ان مفيش ناس كتير معاه فى الوقت ده وهكذااااااااااااااااا

[PC Master]

هل المشكلة اتحلت و لا لسة؟
عندي نفس المشكلة بقالها شهرين البنج من 600 لـ 700 و نفس الرد مشكلة في الكابية

[abdalhaliem]

ياعزيزى مشكله ال ping

مشكله على كل شركات النت فى جمهوريه مصر

حدثت لأشخاص عندهم أتصال من tedata

وحدثت أيضاا من Link

وأيضاا Egynet

ولقد حدثت لى شخصياا مشكله مشابهه

وأنا أتصالى tedata وأتصلت بخدمه العملاء

وبعد عده مقاطع موسيقى للأنتظار

شرحتله المشكله وأراد أن يتلاعب بى

أخبرته بأنى أعمل بنفس المجال

ولن يستطيع أن يجاوبنى أجابه من قبيل

(رستر الواتر أو اعمله ريست ألخ ألخ........)

ولمالم يجد فى يده حيله أعطانى القنبله

وقال لى بالحرف نحن لاندعم الألعاب الأون لاين ؟؟؟

وهنا أنفجرت فى وجهه وأفهمته أن أرتفاع البنج

معناه جوده سيئه للأتصال وأيضا خدمه سيئه جداا

وأخبرته بما ذكره لى بأن المكالمه مسجله

وأنا معى أسمه ومسجل بالظبط وقت بدء المحادثه

أستمر معى قرابه النصف ساعه ألى أن حل المشكله

الملخص المفيد بأن شركات النت تستطيع تقليل البنج

مع التأكيد أنه أحياناا قليله توجد عيوب من السلك أو الأسبليتر

أو من الراوتر لكن أعطال الكابينه الخاصه بالأنترنت فالمفروض

شركات النت تقوم بأخطار السنترال بالمشكله وتتعاون معه على حلها

فائق تحياتى

[البعد الخامس]

السلام عليكم ورحمه الله وبركاته

- مشكلة الــ Ping هى بسبب استخدام تقنيه VoIP مثل لعبه Dota 2 كما وضح الاستاذ/ عبد الحليم فى المشاركة السابقة

( موضوع له علاقة بالامن القومى ) لهذا كل الشركات تطبقة .

- لحل المشكلة :-

* الحل الاول وهو الموصى به والافضل

1- استخدام برنامج ZenMateVPN .

2- اعمل حساب على الموقع بإميل حقيقى خاص بك .

3- قم بتفعيل الحساب باستخدام الايميل الذى استخدمته فى عمل الحساب بالخطوة السابقة .

4- ثم حمل البرنامج وثبته على نظام التشغيل الخاص بك .

5- بعد تثبيت البرنامج قم بالاتصال بإختار الدولة ويفضل فى لعبه Dota دولة فرنسا او غيرها على حسب اللى تكون افضل مع فى الPing .

6- قم بتشغيل اللعبه وتجربتها مع تغيير كذا دولة وجربها الى ان تجد الدولة والتى تعطيك Ping مناسب للعبه .

- مميزات البرنامج

- مجانى لمدة 3 شهور بدون حد فى التحميل .

- تقدر تعمل اكونت كل 3 شهور ويحتاج ايميل حقيقى .

- سهل التعامل وخطواته بسيطة .

- مستقر ويعمل لفترات طويه دون مشاكل .


* الحل الثانى

1- فتح الموقع التالى لإستخدام برنامج HideMeVPN .

2- عمل حساب بالموقع وهو مجانى ولكنه ل 2 جيجا فقط تحميل او استخدام .

3- يجب استخدام بريد حقيقة وتفعيل الحساب اذا اراد .

4- تحميل وتثبيت البرنامج .

5- اختيار الدولة وفتح اللعبه وتجربته الـPing بها .

مميزات البرنامج

- حجم صغير .

- سهل التحميل والتثبيت والتشغيل .

- يتم تطوير بشكل سريع ولهذا قد يتسبب فى بعض المشاكل


عيوبه

- انه محدد ب 2 جيجا فقط .

- فى بعض الاحيان تحتاج الى تغيير الدولة مع الوقت .

- قد يقطع الاتصال نادراً ولكن الشركة تحدث من البرنامج وتطوره وتحل المشاكل باستمرار .

تم تجربه هذه الحلول لاكثر من سنه الان

[modamore]

انا مشترك فى شركة لينك والبينج عندى من 10 الى 20 وبالليل 40

[MuhammadA.Rahim]

انا مشترك فى شركة لينك والبينج عندى من 10 الى 20 وبالليل 40

أنا بواجه مشكله كبيره جدا أنى أصدقك.

[MuhammadA.Rahim]

بخصوص السؤال اللى فوق, حد يعرف سنترال الدقى أحسن شركه فيه إيه ؟ وممكن أعرف الأبلود أعلى سرعه أنهى شركه بتقدمه ؟ فودافون و أتصالات قالولى أعلى أبلود 2 ميجا بس نور قالولى مفيش كده كله 1 ميجا و ده محدد من المصريه للأتصالات.
ممكن حد هنده خطوط 8 ميجا أو أعلى يفيدنا ؟ أو حد سنترال الدقى كمان إذا سمحتم.
أخيرا لو يبقى عليه بينج و سبيد تيست يبقى هايل.
https://www.speedtest.net/
https://www.pingtest.net/

شكرا مقدما.

[MuhammadA.Rahim]

بخصوص السؤال اللى فوق, حد يعرف سنترال الدقى أحسن شركه فيه إيه ؟ وممكن أعرف الأبلود أعلى سرعه أنهى شركه بتقدمه ؟ فودافون و أتصالات قالولى أعلى أبلود 2 ميجا بس نور قالولى مفيش كده كله 1 ميجا و ده محدد من المصريه للأتصالات.
ممكن حد هنده خطوط 8 ميجا أو أعلى يفيدنا ؟ أو حد سنترال الدقى كمان إذا سمحتم.
أخيرا لو يبقى عليه بينج و سبيد تيست يبقى هايل.


شكرا مقدما.

[iLinux85]

تحديث للموضوع , انا غيرت من فوادفون لتي داتا , والبنج فيها ثابت عندي علي 80 , بس من الشهر اللى قبل الي فات حصلت نفس المشكلة بتاعت فودافون كلمتهم وكده وتابعو معايا وبعدها اتحلت , بعدها بشهر المشكلة حصلت معايا حالياً . هستني النهارده اشوف النت هيتظبط ولا لآ لو متظبطتش هكلمهم تاني

[iLinux85]

النت عندي من بعد الساعة 9:30 الصبح لحد تاني يوم 6:30 الصبح بيبقي بالشكل ده



ال ping علي 280 حاجه زي الزفت يعني , المهم اتصلت بيهم نص ساعة علي التليفون لحد ما حولت مشكلتي للاعطال تشوفها يوم الحد الجاي ,

انا ليا اصحاب ساكنين في محافظات تانية وعندهم نفس المشكله , بعد ما اتصلت بيهم ب نص ساعة لقيت البنج بقي بالشكل ده



وعند اصحابي كمان البنج اتظبط .... كده يبقي مش مشكلة سنترال دي مشكلة isp هما عاملين bandwidth throttling علي الخط خانقين الخط عشان منشتغلتش عليه كويس

[memoragaa]

هوا سؤال بس يا جماعة الخير طالما النت تمام وزى الفل ليه ماسكين فى ا لبنج ليه كويس او وحش المهم النت تمام والداونلود تمام

[iLinux85]

هوا سؤال بس يا جماعة الخير طالما النت تمام وزى الفل ليه ماسكين فى ا لبنج ليه كويس او وحش المهم النت تمام والداونلود تمام

ما هو النت مش عبارة عن نت تمام و داونلود تمام

انا بتكلم علي شيء اسمة QOS اللى هو بمعني Quality of Service

ببساطة مشكلة البنج تعتبر زي مشكلة الداونلود بالظبط بمعني انت لما تلاقي البنج بيقطع او عالي . ده بيأثر في التصفح بشكل كبير اولاً , هتلاقي المواقع بتفتح بصعوبه , اه الداونلود عندك تمام بس التصفح فيه مشكلة

اي حاجه بتحاول تتفرج عليها live stream زي twitch.tv هتلاقيه بيقطع كل 3 ثواني

انا عندي خط 16 ميجا لما بعمل دانولود بيحمل علي 16 ميجا كامله , بس لما بتفرج علي stream في twitch بيقطع , ازاي خط 16 ميجا ومش عارف اتفرج علي live stream ؟

ولما البنج مبيقطعش او مبيعلاش وده بيحصل في التوقيت ما بين 5 - 10 صباحاً بلاقي كل حاجه شغاله ميه ميه , فعلاً خط 16 ميجا بجد , مفيش تقطيع في اي حاجه بتفرج عليها مفيش تصفح بطيء

لما يبقي عندك البنج مظبوط كل الامور دي بتتعدل وده جزء من Quality of Service . وللأسف معظم اللى بتكلم معاهم في الدعم الفني في TEdata نفس التفكير , انت عندك النت شغال والداونلود شغال يبقي مفيش مشكلة

لآ فيه مشكلة ومشكلة كبيرة كمان

انا عندي البنج بيقطع جامد جداً ومستني بعد العيد لو المشكلة متحلتش من نفسها هكلمهم تاني